البطاريه بتنام لو في يوم العربيه مدارتش

[saadelden]

الشحن مظبوط واتاكدت منه البارح والبطاريه داخله في سنتين لاتي جايبها قبل الثوره بشويه

بس هل السعر اللي هو 340 دي ممكن يختلف علي خسب حالة البطاريه القديمه ولا سعرها بيكون ثابت ؟
وهل لو فيها ربع ضارب ممكن تتصلح ولا خلاص علي كده؟

البطاريه بياخدها مش اقل من 50 جنيه و فيه بياخدها باكتر من كدا او حسب نوعها
انا بدلت البطاريه اداني خصم 50 جنيه

معرفش الصراحه اسعار البطاريات دلوقتي بس من فتره قريبه كانت في حدود من 320 ل 450 حسب النوع

[shaddadfalcon1]

شكلها فعلا بطاريه ونص وتلاته اربع

نزلت ادور عشان اروح شغلي وكالعاد تن تتن وفضلت ازق فيها لوحدها لما حسيت ان ضهري اتمزق قمت ناده بتاع السوبر ماركت وبعد ماكنت بتدور من زقه بسيط مرضيتش تدور خالص وفي الأخر ركنتها لما البشوات الصناعيه يفتحو

مش عارف صناعية ايه دي اللي بتفتح بعد 11 الصبح

[shaddadfalcon1]

رحت وجبت ال AC Delco من عند عنان اللي في شارع زاكر حسين بس حاسس انها غاليه

هو خد القديمه ودفعت 380 مع ان الكهربائي قبل مااروح قالي انا لسه جايب واحده لاوبترا من يومين ب 360 بس بيقولي ان الأسعار بتختلف من يوم للتاني
الراجل كان عايز 400 ونزلت 20 جنيه بالعافيه بس قولت مش مهم عشان اخلص واروح شغلي

[Land_Cruiser]

رحت وجبت ال ac delco من عند عنان اللي في شارع زاكر حسين بس حاسس انها غاليه

هو خد القديمه ودفعت 380 مع ان الكهربائي قبل مااروح قالي انا لسه جايب واحده لاوبترا من يومين ب 360 بس بيقولي ان الأسعار بتختلف من يوم للتاني
الراجل كان عايز 400 ونزلت 20 جنيه بالعافيه بس قولت مش مهم عشان اخلص واروح شغلي

الف مبروك يا فندم و الفرق بسيط. جرب بقى العربيه و قولنا ايه الاخبار

[shaddadfalcon1]

الحمد لله كل تمام وعجبني اللمبه الخضرا اللي بتوري الشحن

بس المشكله دلوقتي في ضهري اللي مش عارف اعمل منه حاجه :))

[mansour77]

يا ريت تقلى ايه الاخبار عندى نفس مشكلتك تمام

[mansour77]

بس ازا ى اعرف ان فى حاجه ملمسه
انا ملاحظ حاجه
لما بدى اشاره يمين لمض الاشاره بتنور الغماز فى الجنب و الاكصدام و ورا و صوت التكات بيبقى عادى بس لما بدوس اشاره شمال صوت التكات بيبقى اسرع كتير ممكن تكون دى حاجه ملمسه فعلا

[shaddadfalcon1]

يا ريت تقلى ايه الاخبار عندى نفس مشكلتك تمام

الحمد لله كله تمام والعربيه بتدور من اول تكه والبطاريه ماشاء الله جميله

بس ازا ى اعرف ان فى حاجه ملمسه
انا ملاحظ حاجه
لما بدى اشاره يمين لمض الاشاره بتنور الغماز فى الجنب و الاكصدام و ورا و صوت التكات بيبقى عادى بس لما بدوس اشاره شمال صوت التكات بيبقى اسرع كتير ممكن تكون دى حاجه ملمسه فعلا

كده انت عندك لمبه محروقه في الجنب الشمال
شغل اشاره شمال وانزل بص واتاكد ان كل الأشارات شغاله في الجنب الشمال

[mansour77]

الحمد لله كله تمام والعربيه بتدور من اول تكه والبطاريه ماشاء الله جميله



كده انت عندك لمبه محروقه في الجنب الشمال
شغل اشاره شمال وانزل بص واتاكد ان كل الأشارات شغاله في الجنب الشمال

هتأكد ان شاء الله
بس بصراحه انا فاكر ان كلهم كانو شغالين
لو كلهم شغالين ممكن يكون ده سبب تفضيه الشحن ان فى سلكتين ملمسين

[shaddadfalcon1]

اي كهربائي ممكن يشوفلك موضوع التلميس ده وان شاء الله خير

[_hema]

السلام عليكم

السبت اللي فات جيت ادور العربيه لقيت البطاريه نايمه وكنت مشلغتش العربيه يوم الجمعه زقتها دارت علي طول ورحت لبتاع البطاريات قالي مفيش شحن خالص بس البطاريه كويسه وميتها حلوه وانا كنت لسه مظبطها قبلها بيومين وملعلتش في الكهبراء خالص مفيش غيرسلك السماعات اللي ورا كان مفكوك قمت مركبه وشكرا

المهم رحت الأسكندريه ورجعت وفضلت تمام لحد ماجيت القاهره وسبت العربيه البارح وجيت دولتقي اجيب دكتور لابني وادور مفيش بطاريه

مش عارف ايه اللي ممكن يكون معلق ومخلها بايظه كده

انا مش عارف في ايه في العربيه دي بقالها اسبوع مطلعه عين اهلي وكمان انا دلوقتي راكنها في جراج وموسع لغيري وحاططها في مكان منيل مينفععش حتي تتزق فيه

البطاريه كده ممكن تكون جابت ربع

قبل ماحضرتك تغييرها بواحده جديده روح لواحد بتاع بطاريات يكشف عليها هل محتاجه تتشحن ولا الشحن ملوش لازمه ومحتاجه تتغير

لو محتاجه شحن وتمشى كويس معاك من غير مشاكل اشحنها

ولو فيها ربع ومحتاجه تتغير غيرها بواحده جافه

لك كل الود

[egyptiandiver]

الف مبروك

[Elawany13]

انا رحت جبت كهبرائي ببطاريه ووصل ودروتها ورحتله وقالي المياه اللي فيها وحشه وغيرها وحطها علي الشحن وبص علي كل حاجه مفيش حاجه بايظه ولا لمبه مهيسه ومنوره علي طول

مش عارف بقي هتتظبط ولا لآ
ربنا يستر

الكهربائى لما غير المياه
حط مياه مقطرة ولا ميه نار ؟

[Elawany13]

اهم حاجه يكون شحن الدينامو مظبوط عشان ماتجيبش بطاريه جديده و تنام منك ,اكنك ماعملتش حاجه

لو البطاريه بقالها معاك سنه و نص او اكتر يبقى كدا جابت اخرها
لكن لو اقل من كدا يبقى اكيد فيها عيب او الكهربا عندك فيها عيب
و زي ماقولتلك جرب بالليل نور النور العالي و دور العربيه لو النور ضعف يبقى عيب بطاريه
لكن لو ماضعفش يبقى عيب دينامو

انا مش فاهم قصدك
فى اى ماكينة سواء سيارة أو موتوسيكل
البطارية لما بتكون سليمة لو انت منور النور ولما بشغل النور اكيد بيضعف
أنا كمان عندى المارش مش بيدور لما بكون منور النور
مع ان البطارية سليمة والحمد لله بتدور من تكة

[shaddadfalcon1]

الكهربائى لما غير المياه
حط مياه مقطرة ولا ميه نار ؟

مياة نار