إعـــــــلان

Collapse

.

,
See more
See less

كل ماركب كباس لليارس يبوظ لماذا؟

Collapse
X
 
  • Filter
  • الوقت
  • Show
Clear All
new posts

  • كل ماركب كباس لليارس يبوظ لماذا؟

    ياجماعة كل ماركب كباس للتكييف يبوظ لغاية من كام يوم نصحنى فنى التكيفات بتركيب تكييف كورولا استيراد وفعلاً ركبه للسيارة بعد اجراء بعض التعديلات وركب كتاوت للكباس علشان يفصل وفعلاً اشتغل كويس ولكن بعد اربع ايام التكييف عطل تانى وقالى ان فيه مبينه باظت لازم تتغير وسلك الكتاوت المتركب جديد ساح وطلب منى ترجيع الكباس وشراء واحد جديد تانى بدل منه .
    علماً بان السيارة موديل 2006 وباظ 4 كباسات قبل هذا
    فما الحل هل هو عيب كهرباء ام ماذا؟

  • #2
    انا لسة مصدوم زيك كدة أمبارح
    الكباس الله يرحمه
    و بردو أتقالي اجيب كباس كرولا استيراد يأما نوع جديد كدة سنغافوري عامل 2200 جنيه
    لسة مش عارف هعمل ايه
    بس غيربة أن تويوتا يحصل فيها كدة

    أنا معايا 2007
    [SIGPIC][/SIGPIC]

    Comment


    • #3
      واحد صاحبى كان عندة نفس المشكلة
      وبعد تغيير اكتر من كباس اتضح ان المشكلة فى السربنتينة مسدودة غير السربنتينة والكباس بعدها مابظش حاول تشوف بتاع تكييف محترم

      Comment


      • #4
        أنا أخر حاجة وصلتلها أمبارح
        بعد ما روحت جبت كباس أستيراد
        رفض المركز تركيبه و شرحلي فكرة عمل كباس الياريس و الكرولا و انهم عرضة للتلف بنسبة اكبر من غيرهم
        لان الكباس بيبقى شغال أول ما تدور العربية يعني صيف شتاء شغال طول ما العربية دايرة علشان كدة بيستهلك بسرعة
        الحل تركيب كباس تكييف نزوع دانسون سنغافوري و تعديل في المواسير و قاعدة الكباس و عليه ضمان سنة
        الكباس تمنه 1300 جنيه و التعديل و الشحن و كله يبقى الحوار كله هيتكلف 1900

        بس الموضوع بياخد يوم بحالة
        و السيستم هيتقلب زي العربيات العادية الي هي تدوس على زرار التكييف الكباس يشتغل

        أنتوا ايه رايكوا في الحوار ده

        على فكرة النصيحة دي خدتها من 2 بتوع تكييف
        و كمان أمبارح كان في باسات بتركب الكباس ده عند الراجل
        [SIGPIC][/SIGPIC]

        Comment


        • #5
          أسف الماركة أسمها ساندن مش دانسون
          و اثناء البحث لقيت ليها توكيل في المعادي
          و كاتب على الصفحة بتاعته ان عنده قطع غيار لجميع أنواع الكباس الخاصة بالسيارات
          أنا أن شاء الله أروحله و أشوف ايه النظام و اقولكم
          بس الموضوع ممكن يخلص على الأسبوع الي جاي علشان انا مش فاضي الاسبوع ده خالص
          [SIGPIC][/SIGPIC]

          Comment


          • #6
            هل الفلتر اتغير مع الكباس في كل مرة بتغير فيها الكباس؟

            Comment


            • #7
              غريب أوي موضوع ان الكباس شغال على طول ده .. أمال انت لما بتدوس على زرار التكييف بيحصل ايه بأه؟

              بصراحه مش مصدق الموضوع ده .. ممكن قصده الطنبورة بتاعته بتلف على طول.
              [CENTER][B]القران الكريم بجودة صوت عاليه جدا[/B]
              http://www.nilemotors.net/Nile/230790-a.html[/CENTER]

              Comment


              • #8
                أمبارح روحت لكذا واحد منهم واحد في ناس كتير شكرت فيه بدون ذكر أسماء
                كلامه معجبنيش خالص
                و خصوصاً انه قالي تكلفة في التليفون و لما روحت قبل ما يكشف زود حوالي 300 جنيه
                سيبته و طلعت على شركة في المعادي جابلي الناهية
                قالي سيبك من شغل القواعد و الكلام ده
                انت تجيب الكباس بتاعها و تغير معاه السربنتينة
                روحت لواحد تاني في السيدة تبع واحد زميلي قالي نفس الكلام
                و لازم السربنتينة تتغير معاه و هو بدون ضمان و تمن الكباس بتاعها الياباني على أساس كلامه 2800 جديد بدون ضمان و تغير السربنتينة بـ 700 و مصنعية و شحن 250 يبقى كله 3750
                طبعاً التكلفة ذادت الضعف عن ما كنت متخيل

                في ملاحظة غريبة
                الثلاث محلات الي عديت عليهم كنت بلاقي عندهم عربيات أوكتافيا a5 بتغير الكباس و لما استفسرت قالي اصله نفس نظام الكباس الي عندي

                هو على حد ما فهمت منهم انه مش شغال على طول بالمعنى المفهوم بس نظامه بيختلف عن التكييف بتاع الأفيو مثلاً
                يعني ده ليه كنترول لوحده و حساس هو المسئول عن دخول الهواء الساقع لما تدوس على زرار التكييف و لكن الكمبرويسور بيبقى شغال اول ما تدور و الموضوع ده في معظم العربيات الحديثة علشان ما تحسش بخنقة العربية لما تشغل التكييف ( يعني ما تحسش بأختلاف في السحب و السرعة لما تدوس على الزرار ) و علشان كدة اول ما بتدوس على الزرار بيطلع هواء ساقع على طول مش زي عندي مثلا في الأفيو بتاخد بتاع 30 إلى 40 ثانية علشان تحس بسقوعية الهواء الي خارج

                ده الي انا فهمته من شركة متخصصة في المعادي و ممكن أكون فهمت غلط لاني مش فني قوي
                [SIGPIC][/SIGPIC]

                Comment


                • #9
                  المشكله انه ماحدش فاهم ايه نوع الدوره بتاعت الياريس
                  وواضح كدا طالما الكمبروسر بتحرق او بيبوز ان الدايره فيها عيب تاني هو اللي بيحمل على الكباس ( اخبار الاكبنشن فالف ايه ؟؟)

                  Comment


                  • #10
                    هو تقريبا فى 2 كونترول للكومبروسر بتاع التيوتا ...واحد للكلتش....وواحد بعمل باى باص بين طرفى الكومبروسر العالى والمنخفض وده الى بيشتغل لما الكابينه تحقق درجه التبريد المطلوبه....لكن الكلتش شغال على طول طالما زر ac شغال علشان متحسش بتغير فى سحب العربيه فى فصل و تشغيل الكوبروسر....متابع
                    ربى لك الحمد كما ينبغى لجلال وجهك وعظيم سلطانك

                    Comment


                    • #11
                      وكمان انا شوفت كومبروسر تيوتا لقيت طرفين كهربا خرجين منه ...اما فى الانواع التانيه واحد بس....والله اليابان دول عمامنا الى علمونا الصنعه....هههههههههه...مش عارف هيعموا ايه تانى
                      ربى لك الحمد كما ينبغى لجلال وجهك وعظيم سلطانك

                      Comment


                      • #12
                        المشاركة الأصلية كتبت بواسطة midofarh مشاهدة المشاركة
                        وكمان انا شوفت كومبروسر تيوتا لقيت طرفين كهربا خرجين منه ...اما فى الانواع التانيه واحد بس....والله اليابان دول عمامنا الى علمونا الصنعه....هههههههههه...مش عارف هيعموا ايه تانى
                        ربى لك الحمد كما ينبغى لجلال وجهك وعظيم سلطانك

                        Comment


                        • #13
                          الكنترول بلف ده بيتنظف ونظف الدوره ويشتغل ولا ايه

                          Comment


                          • #14
                            أنا غيرت الكباس امبارح و دي التجربة
                            [SIGPIC][/SIGPIC]

                            Comment


                            • #15
                              انت بتغير فلتر السربنتينه لازم تغيره وتشوف الكهربا اللي واصله للكباس مضبوطه ولا لا

                              Comment

                              Working...
                              X