الغاء السخن سبب فى ضرب وش السلندر؟؟

[midofarh]

لغيت السخن فى عربية واحد صحبى نوبيرا 2 2001 ..بس الخرطوم الى داخل لسربنتينة الميه السخنه قمت ركبت فيه سداده علشان الميه تقف ماتوصلش للسربنتينه الداخليه السخن وبعد بيوم صاحبى سافر بالعربيه حوالى 450 كم جابت منه جوان وش سلندر ؟ هل ممكن يكون بسبب انى كتمت او سديت خرطوم السربنتينه السخنه؟؟؟؟

[svneleven]

أعتقد هما خرطومين داخل و خارج و المفروض توصلهم ببعض مش تسدهم.

[Fo1Fo]

لغيت السخن فى عربية واحد صحبى نوبيرا 2 2001 ..بس الخرطوم الى داخل لسربنتينة الميه السخنه قمت ركبت فيه سداده علشان الميه تقف ماتوصلش للسربنتينه الداخليه السخن وبعد بيوم صاحبى سافر بالعربيه حوالى 450 كم جابت منه جوان وش سلندر ؟ هل ممكن يكون بسبب انى كتمت او سديت خرطوم السربنتينه السخنه؟؟؟؟

طيب والخرطوم اللى خارج من السربنتينه راجع للموتور قفلته برضه ولا لأ ؟؟؟؟؟؟؟؟؟؟؟؟؟؟؟؟؟؟ هو الناس بتوصلهم ببعض زى ما قال الأستاذ (سفن اليفن) انما لو قفلت داخل فقط دون خارج دى مشكله لأن الميه ها ترجع وتخرج بره دائرة التبريد . قفلت الأتنين أعتقد والله أعلم ان مافيش مشكله لأن ده اللى بيعمله صمام النقل (مفتاح التكييف ) بين البارد والساخن ( بيقفل الجزء ده من دائرة التبريد )

[midofarh]

[midofarh]

طيب والخرطوم اللى خارج من السربنتينه راجع للموتور قفلته برضه ولا لأ ؟؟؟؟؟؟؟؟؟؟؟؟؟؟؟؟؟؟ هو الناس بتوصلهم ببعض زى ما قال الأستاذ (سفن اليفن) انما لو قفلت داخل فقط دون خارج دى مشكله لأن الميه ها ترجع وتخرج بره دائرة التبريد . قفلت الأتنين أعتقد والله أعلم ان مافيش مشكله لأن ده اللى بيعمله صمام النقل (مفتاح التكييف ) بين البارد والساخن ( بيقفل الجزء ده من دائرة التبريد )

انا فكيت خرطوم وسديته وركبته مكانه تانى بس هو مقفول من الداخل يعنى كده الميه موجوده جوه سربنتيته السخن بس مش ماشيه ...اعتقد ماتضرش العربيه ..بس فى فكره تانيه جايه فى بالى ممكن تكون ضرورى الميه تمشى علشان ثرموستات الكوعه لما يكون مقفول....عايزين خريطه دوره مياه كامله للدايو

[مصطفى-حسن]

الغاء السخن معناة انك تفك الخرطومين (الداخل والخارج) من سربنتينة السخن وتوصلهم ببعض عشان دورة المية تفضل مستمرة وشغالة

لكن على الوصف اللى انت بتحكية دة انت عملت سدد فى دورة المية

[borio1704]

المفروض إن دايرة الدفاية هي دايرة فرعية من نظام التبريد في العربية، وبالتالي لما بتقفلها ما تأثرش على أداء التبريد في المحرك









وحتى لو أثرت... تأثيرها ضعيف جدا

على فكرة... العربيات اللي فيها محبس على الدفاية ما فيها حاجة تعمل باي باس By-pass والمية بتفضل راكدة في الدفاية وفي خط التدفئة بالكامل.




أنا أتوقع حاجة من اتنين..

إما إن الخرطوم لما اتركب ما كانش راكب كويس.. وبالتالي المية اتسربت.

أو إن فيه عيب في مكان تاني في دايرة التبريد.





...

[lanos2004]

انته سديت دورة التبريد

[nab!l]

متابع

[Astra Lovers]

طبعا هوه السبب

[مصطفى-حسن]

المفروض إن دايرة الدفاية هي دايرة فرعية من نظام التبريد في العربية، وبالتالي لما بتقفلها ما تأثرش على أداء التبريد في المحرك

وحتى لو أثرت... تأثيرها ضعيف جدا

على فكرة... العربيات اللي فيها محبس على الدفاية ما فيها حاجة تعمل باي باس by-pass والمية بتفضل راكدة في الدفاية وفي خط التدفئة بالكامل.




أنا أتوقع حاجة من اتنين..

إما إن الخرطوم لما اتركب ما كانش راكب كويس.. وبالتالي المية اتسربت.

أو إن فيه عيب في مكان تاني في دايرة التبريد.





...

على فكرة حضرتك مخدتش بالك من وصف صاحب المشكلة

.بس الخرطوم الى داخل لسربنتينة الميه السخنه قمت ركبت فيه سداده علشان الميه تقف ماتوصلش للسربنتينه الداخليه السخن سديت خرطوم

الراجل سد الخرطوم
مش وصل الطرفين ببعض

[borio1704]

على فكرة حضرتك مخدتش بالك من وصف صاحب المشكلة




الراجل سد الخرطوم
مش وصل الطرفين ببعض

ما أنا واخد بالي إنه سد الخرطوم... بس انهي خرطوم؟؟؟


لو سد الخرطوم اللي رايح أو جاي من الدفاية.. فالمفروض ما يحصلش حاجة... لإن دايرة الدفاية ماهياش دايرة أساسية... دي دايرة متفرعة من الدايرة الأساسية داخل المحرك... كل الموضوع إن المية لما تلاقي السكة مسدودة هتكمل مسارها عادي




السدد اللي يأثر فعلا هو لما تسد الخرطوم اللي رايح أو جاي من الرادياتير.. وده أشك إنه يكون فكه أساسا وأشك أصلا إنه يكون عرف يسده لإن قطره كبير.


عموما.. أنا دايما بقول إن الحكم من بعيد مش دايما صح.. محتاجين فعلا الدياجرام بتاع دورة التبريد.

ولو إني شبه متأكد إنك لو قفلت السخن بالطريقة دي ما يحصلش حاجة.




حضرتك ممكن تدخل على الموضوع ده لتوضيح الفكرة

http://www.nilemotors.net/Nile/408701-a.html

أو ده:

http://www.nilemotors.net/Nile/328708-a.html




...

[midofarh]

فعلا يا جماعه انا قفلت الخطوم الصغير الى بيوصل ميه للدفايه ...انا ليا وجه نظر تانيه خالص ممكن يكون فى تصميم الدايو لمى فى ثيرموستات الكوعه بيكون مقفول الميه بتمشى فى الدفايه علشان مايكونش فى حمل على طرومبة الميه .....هذه مجرد نظريه او رائى شخصى ربما يحمل الصواب والخطاء ....ممكن اعرف رائى حضراتكم وشاكر مروركم الكريم

[فادى محمد]

فعلا يا جماعه انا قفلت الخطوم الصغير الى بيوصل ميه للدفايه ...انا ليا وجه نظر تانيه خالص ممكن يكون فى تصميم الدايو لمى فى ثيرموستات الكوعه بيكون مقفول الميه بتمشى فى الدفايه علشان مايكونش فى حمل على طرومبة الميه .....هذه مجرد نظريه او رائى شخصى ربما يحمل الصواب والخطاء ....ممكن اعرف رائى حضراتكم وشاكر مروركم الكريم

اعتقد ان الدايو مافيهاش محبس حراري للسخن زي معظم الاوروبي ( تكنولوجيا جي ام)
ترموستات الكوع مالهاش اي تاثير علي خط عمل الدفايه . هي بتحافظ علي درجه حراره الميه في الموتور ولما تزيد عن المسموح بتفتح تبرد عن طريق الرادياتير ( الدوره تستمر وتمشي)
طرمبه الميه مش بتعاني من احمال لانها بتشتغل ميكانيكيا مش كهرباء . حركتها من سير الكاتينه
يعني مصاحبه الموتور في كل حركاته..

[مصطفى-حسن]

ما أنا واخد بالي إنه سد الخرطوم... بس انهي خرطوم؟؟؟


لو سد الخرطوم اللي رايح أو جاي من الدفاية.. فالمفروض ما يحصلش حاجة... لإن دايرة الدفاية ماهياش دايرة أساسية... دي دايرة متفرعة من الدايرة الأساسية داخل المحرك... كل الموضوع إن المية لما تلاقي السكة مسدودة هتكمل مسارها عادي




السدد اللي يأثر فعلا هو لما تسد الخرطوم اللي رايح أو جاي من الرادياتير.. وده أشك إنه يكون فكه أساسا وأشك أصلا إنه يكون عرف يسده لإن قطره كبير.


عموما.. أنا دايما بقول إن الحكم من بعيد مش دايما صح.. محتاجين فعلا الدياجرام بتاع دورة التبريد.

ولو إني شبه متأكد إنك لو قفلت السخن بالطريقة دي ما يحصلش حاجة.




حضرتك ممكن تدخل على الموضوع ده لتوضيح الفكرة

http://www.nilemotors.net/Nile/408701-a.html

أو ده:

http://www.nilemotors.net/Nile/328708-a.html

...

طيب
واحدة واحدة
انا هوصف على عربيتى (لانوس 2002) لانى مفككها بايدى حتة حتة ولان النوبيرا قريبة جدا منها

عشان نلغى السخن بناخد من الطرف اللى على وش السلندر اللى هوة رقم 1 ندخلة علطول على الطرف اللى طالع من الشجرة بتاعة المية اللى هوة رقم 2


دة فى حالة لو هو لاغى المية من بوابة السخن

لكن لو المية بتاعة بوابة السخن موجودة هيبقى فية مشترك تحت البوابة هناخد منة وصلة مباشرة على الطرف اللى طالع من الشجرة رقم 2

او نلغى السخن بالطريقة البسيطة اللى انا حاطط صورة ليها فى المشاركة اللى فى الصفحة الاولى

فلو هو لغى السخن عن طريق انة يعمل سدد زى ما هو عمل فمعنى كدة ان المية اللى على وش السلندر (مخرج رقم 1 فى الصورة) هتفضل تغلى جامد جدا ومش هتتحرك من مكانها فمن هنا جوان الوش ممكن يضرب

او لو ممكن صاحب الموضوع يصور لنا المكان اللى هوة عمل فية السدد
ــــــــــــــــــــــــــــــــــــــــــــــــــ ـ

بس على فكرة انا اول مرة اخد بالى من مواضيعك لما انت حطيت الرابط بتاع السر فى تفوق تكييف السيارات اليابانى

دخلت على مواضيعك كلها وبسم الله ما شاء الله عليك
شغلك جميل وسلس ومواضيعك معمولة بعناية واهتمام وبتوصل المعلومة ببساطة للشخص العادى

اى نعم هما كلهم 11 موضوع بس من الاخر