إعـــــــلان

Collapse

.

,
See more
See less

كل ما يمكن عمله لتحسين أداء التكييف

Collapse
X
 
  • Filter
  • الوقت
  • Show
Clear All
new posts

  • كل ما يمكن عمله لتحسين أداء التكييف

    كل ما يمكن عمله لتحسين أداء التكييف ( سواء الفكترا أو غيرها)
    أولا إلغاء وصلة السخن
    وصلة السخن هي عبارة عن شبكة مواسير تعترض هواء التكييف بجانب التلاجة تحت التابلوه وهي متصلة بدورة تبريد السيارة أي أن الماء الساخن يدخل إلى تحت التابلوه ويخرج مرة أخرى ليعود إلى الرادياتير ومن هنا يتم تسخين الهواء
    ولكي لا يتم التسخين طوال الوقت هناك امرين قام بهما صانعو السيارات
    1- التحكم بمسار الهواء لكي يمر على شبكة المواسير الخاصة بالسخن من عدمه او عمل ذلك بنسب مختلفة ويتحكم بها قائد السيارة عن طريق بكرة الحرارة في مجموعة التكييف
    ولكن يعيب هذا الأمر أنه حتى مع عدم مرور الهواء على الشبكة الخاصة بالتسخين يقوم الإشعاع الحراري (الصهد) بتسخين صالون السيارة ---- تحس بأن الحرارة تأتيك من صدر السيارة
    2- قام بعض صانعي السيارات بعمل صمام غلق لمدخل المياه إلى الشبكة بحيث يمنع دوران المياه بالشبكة وهذا يكون فعالا لفترة وجيزة
    أما مع تشغيل المحرك لفترة تسخن المياه الموجودة بالشبكة لأنها لازالت متصلة بمياه تبريد المحرك وتعود مشكلة سخونية صالون السيارة
    -------------------
    فالحل هو إلغاء وصلة السخن --- فنحن لسنا من البلاد الباردة وحتي في عز الشتاء يكفي إغلاق السيارة لدقيقتين لتشعر بالدفء
    ------
    كيفية إلغاء وصلة السخن
    أفضل الطرق لإلغاء وصلة السخن هي أن تنظر إلى صاج السيارة من ناحية حوض الموتور ---- ستجد خرطومين متجاورين سمك الواحد منها 1/2 بوصة او 3/4 بوصة
    تتبع هذين الخرطومين ستجد ان كل منهما يتصل بالمحرك أو بجزء من دورة التبريد ---- قم بفك الخرطومين تماما
    الآن لديك الخرطومين الواصلين إلى صاج السيارة ----ستقوم بسدهما بوضع طبة بلاستيك في كل منهما ( اشتري الطبتين من عند أي محل لبيع الأدوات الصحية ب 2 جنيه )
    أما بالنسبة لمكان الخرطومين فيتم توصيل خرطوم بينهما وربطه جيدا بالأفيز وذلك للحفاظ على اكتمال دورة تبريد المحرك
    --------------------------
    يمكن لأصحاب السيارات اليباني والكوري الذين يوجد لديهم صمام لغلق دورة السخن إلغاء الدورة عن طريق نزع فيشة الصمام ولكن سيظل الماء الساخن موجودا في الشبكة وتظل المشكلة كما هي
    ++++++++++++++++++++++++++++++++++++++++++++++++
    ثانيا :عزل مسار الفريون المضغوط عن الحرارة
    نظرا لوجود كباس التكييف ( الكومبريسور) على جسم المحرك وقربه من الشكمان ( في بعض السيارات يمر بجوار الفرن) فهذا يؤثر على الفريون الساقع الخارج من الكومبريسور ويرفع حرارته مما يقلل من كفائة التبريد
    ( في السيارات الآسيوية يتم خروج مواسير التكييف إلى جانب الحوض بعيدا عن الشكمان والموتور)
    ---------------
    الحل عزل مسار الفريون البارد حراريا
    افصل أحد قطبي البطارية ثم قم بلف طبقة من الوف الحراري فوقها طبقة من ورق الألومونيوم على ماسورة البارد ( هي الماسورة الواصلة من الكومبريسور مباشرة إلى صاج صدر السيارة دون المرور بالسربنتينة ---- وهي الماسورة المكتوب على صمام الشحن المتصل بها l ويمكن قطع الشك باليقين عند تشغيل التكييف تجدها باردة)
    سنقوم بلفها بالصوف الحراري وفوقه ورق ألومونيوم ثم الربط بأفيز بلاستيك ولكن يجب رفع أحد قطبي البطارية أولا لحين الانتها ثم نعيد التوصيل بعد الفراغ من العزل وذلك لأن ورق الألومونيوم موصل للكهرباء وممن ان يحدث قفلة إذا ما لا مس أحد نقاط الكهرباء في الدينامو مثلا
    ++++++++++++++++++++++++++
    ثالثا : إحكام مسار الهواء في سربنتينة التكييف
    وظيفة التكييف هي نقل الحارة من داخل السيارة ( تلاجة التكييف) إلى خارجها ( سربنتينة التكييف)
    وللعلم فكل كباسات المكيف لها نفس الضغط ( مالم يكن الكباس متهالكا أو به عطل ما ) وهذا الضغط إنما يعني أن الفرق بين درجة حرارة السربنتينة ودرجة حرارة التلاجة هو مقدار ثابت
    أي أنه كلما ارتفعت درجة حرارة السربنتينة كلما ارتفعت أيضا درجة حرارة التلاجة وكان التكييف ضعيفا
    وكلما قلت درجة حرارة السربنتينة كلما قلت درجة حرارة الثلاجة وكان التكييف قويا ------- لذلك تلاحظ أنه بعد تنظيف السربنتينة نجد تحسنا ملحوظا في أداء التكييف
    ونظرا لأن تنظيف السربنتينة أمر يعلم الكل أهميته ( أبسط طرق التنظيف هي أن تشغل التكييف ثم تقوم برش محلول صابون أو منقوع مسحوق غسيل على السربنتينة من الأمام ثم تغلق التكييف وتنتظر 10 دقائي لتذوب الأتربة والأوساخ ثم تغسل السربنتينة بتسليط خرطوم الماء عليها)
    يبقى لنا أن نعلم أن تبريد السربنتينة يتم عن طريق مرور الهواء بها وإذا كان التنظيف يزيل الأتربة التي تعيق مرور الهواء فناك أمر لا يقل أهمية وهو إحكام مرور الهواء في السربنتينة
    بمعني التأكد من سلامة مروحة التبريد التي تسحب الهواء من السربنتينة وأيضا سلامة الجسم الدائر حولها وإحكام تركيبه مع الرادياتير وأيضا لو وجد مسافة بين الرادياتير وجسم السربنتينة فيجب سد الفراغ بينهما بالفلين من أطراف السربنتينة وذلك لكي لا يمر الهواء إلا من خلال السربنتينة فتبرد
    وأخيرا يجب التأكد من أن المروحة المقابلة للسربنتينة تعمل دائما مع التكييف بدون توقف ( لا داي لتوصيل المروحة الأخرى معها فهي لن تفيد التكييف بشئ حيث أن الهواء يمر بالسربنتينة قبل الرادياتير)
    بعد كل ما سبق لا يبقى لك إلا تركيب سنسور حرارة وتوصيله على التكييف لتريح نفسك من تشغيله وفصله كل دقيقتين لشدة تبريده
    أرجو ان أكون قدمت شيئا مفيدا
    أسالكم الدعاء لابنتي رقية بالشفاء
    [marq="2;right;3;alternate"]إن بقسم الأوبل ما لا يصفه كلام / إن لي فيه آمال وتطلعات وأحلام
    فلقلبي هنا ما ليس لأحد غيري / فلا ألام ما توجهت إليه بسيري
    يكفي ان فيه طناني وأحمد فهمي / وفادي الكريم اكرم به من شهم
    تراهم يقدمون العون والنصح / يساندون ذو الكلالة حتى يصح
    فلا يضيرني إن كنت بين الأحبة / نقتسم معا الود صافيا والمحبة [/marq]

  • #2
    روعة
    ربنا يشفيلك بنتك رقية
    بس ياريت شرح لموضوع سنسور الحرارة لفصل التكييف

    Comment


    • #3

      هو حضرتك جربت تركب عربية ياباني أو كوري فيها محبس وحسيت بالصهد طالع من العربية؟؟؟


      مش فاهم بصراحة


      يا فندم محبس السخن لما بيتحط بيمنع انتقال المية السخنة تماما لداخل السربنتينة.. ولو حصل انتقال للحرارة بيبقى في مسافة صغيرة جدا لا تتجاوز سنتيمترات قليلة.


      ياريت قبل ما نقول حاجة للناس نفكر في حقيقة كلامنا فعلا علشان يكون له مصداقية

      هل فكرت مثلا في سخان البيت لما تقفل حنفية السخن وتفتح البارد إيه اللي بيحصل؟؟؟؟
      أكيد بتنزل ميه دافية شوية في الأول وبعدين بتسقع وكإن السخن مش موجود..

      يا فندم... الخصائص الفيزيائية لا تتغير.. واللي بيحصل في البيت هو نفسه اللي بيحصل في العربيات..


      بصراحة... إلغاء السخن بالكامل أعتبره استسهال وعجز عن التفكير في حلول ذكية... لإنك ممكن تستفيد من وجود السخن في أي وقت


      هل تتخل حضرتك أني عايش في السعودية.. والحرارة حاليا قاربت على الأربعين .. وبلجأ في سيارتي لضبط حرارة التكييف لشدة برودته في المساء!!!

      يعني لسه بحتاج إلى وصلة السخن أحيانا.


      أنا عملت موضوع عن ميزة العربيات الياباني في التكييف.. (http://www.nilemotors.net/Nile/408701-a.html) وقلت إنها جاية أساسا بسبب وجود المحبس.. بس كنت بقول للي عايز يعدل عربيته.. يركب محبس يدوي.. مش يلغي السخن




      بالنسبة لعزل المواسير الباردة... فالعزل أبسط من كده بكتير.... مجرد خرطوم من الإسفنج المضغوط يفي بالغرض.. زي اللي بيبقى على "جادون" العجلة... أو حتى ممكن خراطيم كاوتش.

      على فكرة... لا يوجد ما يستدعي فصل قطب البطارية... فالتوصيلات كلها المفترض تكون معزولة... إلا إذا كنت بتعزل جنب البطارية نفسها.



      أما بالنسبة لتنظيف سربنتينة المكثف "Condenser".. فيجب مراعاة عدم استخدام مياه الضغط العالي.. عشان الضغط العالي بيسبب اعوجاج في ريش السربنتينة.. وده هيمنع مرور الهواء.. وبالتالي هيسبب ضعف التبريد.


      أخيرا... الثرموستات وعن تجربة في سيارتي السابقة (تويوتا كريسيدا)... شيء لا يمكن تركيبه إلا في ثلاجة المنزل... لأن العربية بتتعرض لظروف مختلفة ومتغيرة من برودة وحرارة شديدة وشمس وظل... ولا يمكن تكون كل هذه الظروف لها نفس الضبط..

      وفي يوم حر.. هتضطر تشيل الثرموستات زي ما عملت أنا قبل كده.



      ...
      [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
      [I]مَثَلٌ صينِيّ[/I][/QUOTE]

      [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
      [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
      [/SIZE][/FONT]
      أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
      [SIGPIC][/SIGPIC]

      Comment


      • #4
        المشاركة الأصلية كتبت بواسطة borio1704 مشاهدة المشاركة

        هو حضرتك جربت تركب عربية ياباني أو كوري فيها محبس وحسيت بالصهد طالع من العربية؟؟؟
        أيوة حصلت في سوزوكي سوفت

        مش فاهم بصراحة
        دي مشكلتك مش مشكلتي

        يا فندم محبس السخن لما بيتحط بيمنع انتقال المية السخنة تماما لداخل السربنتينة.. ولو حصل انتقال للحرارة بيبقى في مسافة صغيرة جدا لا تتجاوز سنتيمترات قليلة.
        مين قال هذا ؟؟؟؟؟
        المحبس بيمنع سريان المياه لكنه مش بيعزلها وعلى الأقل الماسورة التانية لسه واصلة بدورة تبريد الموتور ومعظم الموائع موصل جيد للحرارة


        ياريت قبل ما نقول حاجة للناس نفكر في حقيقة كلامنا فعلا علشان يكون له مصداقية
        أفتكر فيه أسلوب للحوار افضل من ذلك
        هل فكرت مثلا في سخان البيت لما تقفل حنفية السخن وتفتح البارد إيه اللي بيحصل؟؟؟؟
        أكيد بتنزل ميه دافية شوية في الأول وبعدين بتسقع وكإن السخن مش موجود..
        هذا حجة عليك
        وجود المياه الدافئة في ماسورة الساقع برغم عدم اتصالها بماسورة السخن لكنهم جنب بعض
        فما بالك بالمياه اللي في نفس الماسورة


        يا فندم... الخصائص الفيزيائية لا تتغير.. واللي بيحصل في البيت هو نفسه اللي بيحصل في العربيات..
        أنا معاك اقفل المحبس ووصل مياه باردة علشان تبقى نفس الحالة

        بصراحة... إلغاء السخن بالكامل أعتبره استسهال وعجز عن التفكير في حلول ذكية... لإنك ممكن تستفيد من وجود السخن في أي وقت
        وأنا بالنسبالي عربيتي فيه محبسين بالكهرباء أنا اللي عاملهم بنفسي

        هل تتخل حضرتك أني عايش في السعودية.. والحرارة حاليا قاربت على الأربعين .. وبلجأ في سيارتي لضبط حرارة التكييف لشدة برودته في المساء!!!

        يعني لسه بحتاج إلى وصلة السخن أحيانا.
        اللي أقدر أتخيله إن العربيات بالمواصفات الخليجي غير العربيات اللي بتنزل مصر اللي أنا عامل الموضوع لأهلها

        أنا عملت موضوع عن ميزة العربيات الياباني في التكييف.. (http://www.nilemotors.net/nile/408701-a.html) وقلت إنها جاية أساسا بسبب وجود المحبس.. بس كنت بقول للي عايز يعدل عربيته.. يركب محبس يدوي.. مش يلغي السخن
        للأسف أنا مش موافق حضرتك
        الفكترا بي (عربية الماني ) فيها محبس مياه وتكييفها سئ لكن لما بتغير كباسها بكباس النوبيرا ( عربية كوري) التكييف بيبقا ساقع جدا




        بالنسبة لعزل المواسير الباردة... فالعزل أبسط من كده بكتير.... مجرد خرطوم من الإسفنج المضغوط يفي بالغرض.. زي اللي بيبقى على "جادون" العجلة... أو حتى ممكن خراطيم كاوتش.
        فكرتك غير منطقية لسببين:
        أولا : الاسفنج هيتحرق من حرارة الفرن
        لان العربيات اللي غير اليباني والكوري المواسير بتاع التكييف بتمشي رأسي بين الفرن والدينامو وده بيخلي الفريون يسخن جدا
        ثانيا : انت بتفترض إن الماسورة حرة وأنا هلبسا الخرطوم ولا الاسفنج --- الماسورة راكبة ومالهاش طرف حر

        على فكرة... لا يوجد ما يستدعي فصل قطب البطارية... فالتوصيلات كلها المفترض تكون معزولة... إلا إذا كنت بتعزل جنب البطارية نفسها.
        دا بقى لأن سعاتك معملتش شغل كهربا عند صنايعي في مصر


        أما بالنسبة لتنظيف سربنتينة المكثف "condenser".. فيجب مراعاة عدم استخدام مياه الضغط العالي.. عشان الضغط العالي بيسبب اعوجاج في ريش السربنتينة.. وده هيمنع مرور الهواء.. وبالتالي هيسبب ضعف التبريد.
        أنا أساسا ما جبتش سيرة خرطوم الضغط العالي
        الموضوع كان موجه لصديق لبيان ما يمكنه فعله بيده


        أخيرا... الثرموستات وعن تجربة في سيارتي السابقة (تويوتا كريسيدا)... شيء لا يمكن تركيبه إلا في ثلاجة المنزل... لأن العربية بتتعرض لظروف مختلفة ومتغيرة من برودة وحرارة شديدة وشمس وظل... ولا يمكن تكون كل هذه الظروف لها نفس الضبط..
        إنت كده بتعمم تجربتك علينا
        انا عندي ترموستات حاطه جنب فرامل اليد بيفصل التكييف ويشغله تبعا لدرجة حرارة بحددها أنا من مفتاح ضبط موجود
        ولو كده نسالك إحنا
        طب ليه بقى كل العربيات اليباني والكور فيها الترموستات وبنفس الفكرة اللي بتخليك تحدد درجة الحرارة

        وفي يوم حر.. هتضطر تشيل الثرموستات زي ما عملت أنا قبل كده.

        دا لإنه كان بايظ عندك او متركب غلط

        ...
        شكرا لسعة صدرك وعلى اتاحة الفرصة للبيان
        [marq="2;right;3;alternate"]إن بقسم الأوبل ما لا يصفه كلام / إن لي فيه آمال وتطلعات وأحلام
        فلقلبي هنا ما ليس لأحد غيري / فلا ألام ما توجهت إليه بسيري
        يكفي ان فيه طناني وأحمد فهمي / وفادي الكريم اكرم به من شهم
        تراهم يقدمون العون والنصح / يساندون ذو الكلالة حتى يصح
        فلا يضيرني إن كنت بين الأحبة / نقتسم معا الود صافيا والمحبة [/marq]

        Comment


        • #5
          الوف الحرارى الاقيه عند مين؟
          شكرا ل تعبك
          كن مطمئن جدا جدا ولا تفكر فى الامر كثيرا بل دع الامر لمن بيدة الامر

          r_gamal1 سابقا

          Comment


          • #6
            المشاركة الأصلية كتبت بواسطة r_gamal1 مشاهدة المشاركة
            الوف الحرارى الاقيه عند مين؟
            شكرا ل تعبك
            الصوف الحراري هو المستخدم في تبطين البوتوجاز والميكرو ويف
            هتلاقه عند أي تاجر قطع غيار أدوات منزلية
            أكيد تعرف واحد من اللي بيتاجروا في قطع غيار الغسالات والتلاجات والكلام ده
            هوا بيبقى عنده الصوف الحراري
            ورق الألومونيوم بتجيبه من أي سوبر ماركت
            [marq="2;right;3;alternate"]إن بقسم الأوبل ما لا يصفه كلام / إن لي فيه آمال وتطلعات وأحلام
            فلقلبي هنا ما ليس لأحد غيري / فلا ألام ما توجهت إليه بسيري
            يكفي ان فيه طناني وأحمد فهمي / وفادي الكريم اكرم به من شهم
            تراهم يقدمون العون والنصح / يساندون ذو الكلالة حتى يصح
            فلا يضيرني إن كنت بين الأحبة / نقتسم معا الود صافيا والمحبة [/marq]

            Comment


            • #7
              موضوع تحفة
              وليا عتاب عليك يا بشمهندس احمد البرعى ليه بتفترض اللى قدامك جاهل او بيفتى بالطريقة دى
              الاختلاف في الرأي لا يفسد للود قضية
              كدة كدة اللى عنده قناعة بيبقى شايف ان هى اللى صح وغيرها غلط والا مكنتش بقت قناعته الشخصية ، بس على الاقل تسمع الاول رأي المخالف ليك ممكن عنده حجه او معلومة مش واصلة عندك وتلاقى نفسك اقتنعت بكلامه بدون عناء اضافى واللى كان قناعة بالنسبة لك فجأة يبقى اعتقاد قديم


              الخصائص الفيزيائية لا تتغير ولكن نظرتنا وفهمنا ليها هو اللى بيتغير وده سبب تطور العلم وعدم بقاءه على حال من قديم الازل وحتى اللحظة
              العلم ده تجريبى وليس سماوى لا يقبل التغيير

              "وما اوتيتم من العلم الا قليلا"

              تحياتى للجميع

              Comment


              • #8
                المنتدى يا جماعة لنقل التجارب ما بين الأعضاء مش فرض عضلات او معلومات يعنى اشوف اى موضوع ادخل ازيط على صاحبة وبصراحة الراجل مغلطش فى اى حاجة انا مركب محبسين تكيف دينسو يبانى فى عربيتى الانشيا علشان العربية كانت بتسرب هواء سخن فى الكابينة

                Comment


                • #9
                  اخى الحبيب انا بصراحة معجب جدا من معلوماتك ولكنى اصدقك القول بانى ع غير استطاعة من تنفيذه فما الحل اذن خاصة فى فصل السخن ..وجزاك الله خيرا

                  Comment


                  • #10
                    معذرة اخى لى سؤال ... من خلال مناقشتكم حول تنظيف التكيف قلتم بعدم تعرضه للضغط العالى ...فهل هذا معناه انى عند تنظيف العربية عند المشحمة لو استخدم خرطوم المياه سوف يؤثر ع التكيف ؟ وجزاكم الله كل خير

                    Comment


                    • #11
                      بارك الله فيك .. كلام جميل وشكرا على نقل التجربه
                      [CENTER][COLOR=#0000cd][FONT=trebuchet ms][SIZE=4][B][I]Dra[/I][/B][/SIZE][/FONT][/COLOR][COLOR=#ff0000][FONT=trebuchet ms][SIZE=4][B][I]g[/I][/B][/SIZE][/FONT][/COLOR][COLOR=#0000cd][FONT=trebuchet ms][SIZE=4][B][I]on78[/I][/B][/SIZE][/FONT][/COLOR][/CENTER]

                      Comment

                      Working...
                      X