Tweet
التكييف كان شغال كويس جدا من يومين فجأه هوا بس ومفيش صوت للكمبروسر خالص ولا العربيه بتعلى ولا أى حاجه بأختصار الكمبروسر مش واصله كهربا روحت للكهربائى راجع الفيوزات كله تمام وصل الكمبروسر خارجى أشتغل طيب فين المشكله قاللى ثيرموستات التكييف حد يعرف مكان ثيرموستات التكييف دى فين وتمنها كام وهل بتتغير بدون ما نفضى الفريون ؟ مع العلم أن العربيه بومه 2004
-
-
نوع العربية؟
مش كل عربية فيها ثرموستات
ياترى هل شاف ضغط الفريون ؟ ممكن نقص فريون وممكن زياده وممكن نوع الفريون مضروب او تعبان وممكن الفريون اتبخر او (تاكل) بسبب عدم التفريغ المناسب وبسبب عدم تغيير فلتر الفريون (متشبع رطوبه ما بيأديش المطلوب منه فبيبخر الفريون من الخراطيم او من اي تسريب بسيط جدا جدا جدا )
ممكن زرار التكييف يعمل نفس المشكلة
وممكن الثرموستات لو موجوده (عندك كليمت كونترول او دوال مود في زراير التكييف???) ولو ثرموستات ممكن يبقى حساسات الحراره وممكن حساس الضغط او ساعة الضغط معلق او عامل قفله او بايز او فيشه مهزوزه ( سواء مروحه اوفيشة الكلاتش او حساس البرشر)
اكشف كهربا الاول( قبلها ركب جيدجات مانفولد الضغط او عدادات او انابير الشحن زي ما بيسموها وصل كهربا الكومبروسر دايركت شف قراءات الضغوط عالى وواطي ماتكتفيش بقراءة الخط الواطي او المنخفض الازرق قبل وبعد التشغيل وقلي عليها وبشكل عام ممكن احتمالات العطل زياده شحنة او نقص او عطل كهربا او حساس برشر ) واتاكد من حساس الضغط والثرموستات بعدين اشحن للتجربة والاختبار اشتغل معاك؟؟... بعد كدا لازم تفرغ ساعة على الاقل بعد تغيير فلتر الفريون بواحد جديد واشحن الكمية كاملة من اول وجديد
وطلب من كل زوار المنتدى والاعضاء عند ذكر مشكلة او عطل ممكن نذكر نوع العربية والموديل لو سمحتوا
كل عام وانتم بخير -
معالى الباشا انا ذكرت نوع العربيه بومه 2004 سؤالى لحضرتك هل لو الفريون ناقص الكمبروسر مايشتغلش ؟ وهل فيشة المروحه ليها علاقه بأن الكمبروسر ما يشتغلش ؟؟ فين مكان حساس الضغط والثيرموستات فى اللانسر ؟؟؟فين مكان فلتر الفريون ؟؟؟؟ شكرا جزيلا على الردالمشاركة الأصلية كتبت بواسطة mbx4e مشاهدة المشاركةComment
-
انا اسف جدا لحضرتك جدا بس بجد في ناس كتير مابتذكر نوع العربية ودا خطأ مني والعتب على النظر يافندم اعذرني لتعجلي في القرأة وحضرتك عارف المواقع لما تفتح على الموبايل شكلها بيبقى متغير وتقعد الصفحة تطلع وتنزل مع الكتابه وتحميل النتالمشاركة الأصلية كتبت بواسطة hhhhhm مشاهدة المشاركة
بما ان عندك بومه 2004
والعربية دي من العربيات اللي سيستم التكييف بتاعها حلو وبسيط ومش مقرف في الصيانة بالنسبة لعربيات وموديلات تانية وحاجتها متوفره ومعمره حتى لو كانت سعرها عالي حبتين وتستاهل انك تصرف عليها وتستثمر فيها وتحافظ على قيمتها ربنا يحفظها ليك يارب او حتى لما تبيعها ربنا يبارك لك في الاحسن منها
عشان نظام التكييف في عصرنا الحالى بجد ضروره مش ترفيه ولا اوبشن لو حصل فيه عطل واخدت فترة طويلة تتجاوز تقريبا ٤شهور مثلا و ماعالجتش العطل وجيت تصلحه بيكلف اكتر وبيستلزم تغيرات كتير ومابيرجعش بنفس الكفاءه لو حبيت تلم المواضيع وماتصرفش ربنا يكون في عونا جميعا
مبدأيا البومة حتى لو فيها ثرموستات (ماعنديش علم بالنقطة دي تحديدا عشان اكون صادق وذمتي بريئه قدام ربنا ومع الناس اللي بتقرأ الكلام )اذا كان موجود في البومه فامش هايبقى من النوع المعقد ويكون بسيط
ولو هايبقى موجود غالبا هو شغال عندك ومافهوش مشاكل بأذن الله
اجابتي عل اسألتك بالترتيب :
١- نعم . الفريون لو ناقص في الدوره الكباس لايعمل لان الكلاتش بيبقى مفصول اجباري حتى لو اشتغل معاك لما اخد كهربا مباشرة ودي حاجه تطمن ان الموضوع بعيد عن الكباس ودا بيكون من خلال دايرة حماية كهربائية عن طريق حساس البرشر او ساعة الضغط او ساعة ضغط الفريون او سوتش البرشر او الضغط ودا بيختلف في انواعه فيه منه حساس ٢ في واحد ضغط واطي وعالي وظيفته انه يفصل دايره كهربا عن موبينة او كويل الكلاتش (اللي وظيفته انه يشغل الكباس من خلال تعشيقه مع عمود ادارة او كرنك الكباس )لانه مغناطيس بيشتغل بالكهربا النوع التاني بيبقى في حساس عالي منفصل عن حساس الضغط المنخفض يعني حساسين بدل واحد والقصة دي موجوده في كل العربيات سواء حساس او اتنين وممكن دايره يبقى فيها حساسات حراره ةتفصل الدايره كهربا برده لو الدايره معقده حبتين بس الكلام دا مش عند حضرتك بأذن الله.
٢- سؤالك عن فيشة المروحه مش واضح هل حضرتك تقصد المروحه ولا الفيشه وايه مشكلة الفيشه؟
المهم موضوع المراوح بيأثر على الكباس ومايخلهوش يشتغل لو خلل او عطل في المراوح(هنا ممكن يبقى المروحه مابتشتغلش او بتشتغل بس ضعيفة او شغالة على سرعة قليلة لان بيبقى فيه مراوح على سرعات ودي بتسبب مشاكل في التكيف زي الكباس يبوظ بعد فترة او السربنتينه الخارجيه تتخرم بسبب الضغط الزياده وعدمالتبريد دا غير مشاكل حرارة الموتور) او التوصيلات للمراوح او التقسيمه او الفيشة مهزوزه او حتى مفصوله ومش راكبه كل دا يمنع الكباس من انه يشتغل
3-بالنسبة للثرموستات فانا ماعنديش علم زي ماوضحتلك قبل كدا
بالنسبة لحساس الضغط بيبقى موجود على المواسير او راكب في فلتر مجفف الفريون اللي هو الرسيفر دراير على حسب كل موديل حضرتك هاتتبع الخراطيم والمواسير في حوض العربيه بتاعة المكيف طبعا هاتلاقي شيء راكب عليها وليه مكان وواصله فيشه هو دا وعلى حسب كل موديل عربية وسيستم تكيف فيه كام حساس وراكب فين
4- فلتر الفريون او المجفف او الرسيفر دراير عندك في حوض الموتور على شمالك ورا الكشاف الامامي اليمين افتح الكبوت وتتبع مواسير وخراطيم المكيف هاتلاقى شئ معدني المونيم لونها فضي او مدهون اسود اسطواني شبه علبة كانز البيبسي بس طبعا حجم مختلف يعني اعرض اكبر اقصر اطول وداخله مواسير وطالع منه مواسير هو دا
نصيحتي لك ركب جيدج الضغوط او عدادات الضغط او ساعة القياس العالي والمنخفض واقرا الضغوط قبل تشغيل الكباس وبعده ووضح لي هي كام؟
من المميزات الجميلة عندك في البومه ورا الرسيفر دراير هتلاقي ماسورة المونيا وفيها انتفاخ او تحس ان في محبس او علبة مربعة راكبه فيها دي عدسة بيان تقدر تشوف منها الفريون اللي موجود وتقدرتساعدك في تحديد العيب لو فيه مشاكل عند الشحن المفروض انك تشوف فيها الفريون سائل صافي من غير اي فقاقيع او رغاوي لأني الرغاوي دي دليل على وجود رطوبه لعدم التفريغ الجيد او وجود تسريب او فقاقيع قليله دليل على نقص شحنة الفريون ودي وسيلة مساعدة مع عدادات قياس الضغوط اللي هي اساس الشغل وفيصل الكلام
عشان كدا حضرتك محتاج تقيس الضغوط لتحديد العيب دايره كهربا ولا دايرة مكانيكا الفريون
وآسف للاطالة عليكمComment
-
يا معالى الباشا ما أتحرمش من سعادتك أبدا و من المعلومات القيمه جدا الموجوده بالمشاركه وأن شاء الله أجيب القراءات اللى حضرتك طلبتها وأرد على سعادتك ومتشكر جدا جدا لتانى مرهComment
-
معلش تطفل علي موضوعك لو فيه صوت مياه بتترج و انا بخد ملف الصوت بييجي من عند الكويل .. العربية رينو كليو ٢٠٠٤ و الفايظ مش مسدود و بينقط مياه عادي يبقي ايه سبب تجمع المياه واللي بتسرب و تغرق الدواسة اللي جمب السواق[SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]Comment
-
عزل الكويل والسدد الداخلي بشكل جزئي بيقلل صرف المياه ويحبسها ومن اقرب مكان المياه تنزل دا لو المياه محبوسه تغرق لكن غير كدا ماتعملش كداالمشاركة الأصلية كتبت بواسطة windofchange مشاهدة المشاركة
الاحتمال التاني تسريب من سربنتينه الدفايه اللي بتتوصل مع دايرة مياه العربيه الغيها واشفط او فضي منها المياه او غيرها لو انت محتاج التكييف السخن واعمل موضوع المحبس اللي بيمنع مرور المياه وفضيها في الصيف وشغلها في الشتا بسComment
-
شوف الموضوع مغطي كل التفاصيلComment
-
-
الحمد لله المشكله أتحلت من خلال صديق عمل وصله لحساس الفريون فالكمبروسر أشتغل
وأطمنا أن الكمبروسر تمام
وبعدين فتح بلف الفريون مالقاش فريون موجود
وده كان السبب أن الكمبروسر ما بيشتغلش
النهارده الحمد لله أشتريت علبتين فريون
وصاحبى شحن التكييف
وكله تمام حتى الأن
لغاية لما أتأكد أن مفيش مشكله تانيه لأن الفريون كان تمام قبل المشكله بيومين معنى كده أنه أتسرب مره واحده فحاليا متابع لمعرفة سبب تفريغ الفريون مره واحده
شكرا جزيلا للعضو المحترم mbx4e
وشكرا جزيلا لنايل موتورز أكبر محتوى عربى عن السيارات على الأنترنتComment
-
لا شكر على واجب ياكبير
كم جرام فريون اتشحنوا ؟؟؟؟؟؟؟؟
عملت تفريغ ؟؟؟؟؟؟؟
عملت ايه في حساس الضغط؟؟؟؟ ( هو فيه كام طرف او كام سلك ))؟؟
شفت عدسة البيان الفريون عامل جواها ازاي اللي قلت لك عليها اللي في المواسير على شمالك ورا الكشاف؟Comment
-
اخي الكريم ممكن اساعدك بس ساعطيك بعض لامور التوضيحية لتصل الى فكرة صحيحة ان بصراحة لانسر بومة 2004لااعرفها ربما لاسم يختلف ولكن كونها ياباني لا مشكلة لديسوالي لك عندما قمت بتوصيل الكهرباء مباشر الى الكبرسور بدء بلعمل هل اصبح هناك تبريد وعنما تقوم بتشغيل المكيف من الداخل طبيعيا هل مراوح التكيف الخارجية تعمل ام لا ثانية ترموستات السيارة الياباني نوعان نوع زيبيقي ونوع الكتروني يوجدان على علبة التبريد الفريزر تحت التابلو البداية اذا كان تبريد المكيف تمام شغال عند وصله بلكهرباء الى الكبرسور حاول الوصول الى بوبين الكبرسور اي البلاتين او الكتاوت في علبة الفيوزات او تحت التابلو قم بفحص خطوط كهرباء البلاتين وطبعا هذا العمل اخي بحاجة الى مختص بلكهرباء ليحدد اين ابعطل ولكن اريد ان اساعدك وانا جاهز اخبرني بما قمت به واين وصلت لاستطيع المساعدة وشكراComment
-
موضوع الشحن تم بمنتهى البساطه بدون حتى عدادات أو تفريغ هوا أنا أشتريت علبتين فريون رزق الله العلبه 300 جرام سعرها 27 جنيه ومن خلال موضوع هنا على المنتدى عرفت أن البومه بتاخد من 480 ل 520 جرام فريون و140 جرام زيت لو مفيش زيت فى الكمبروسر شحنت الحمد لله فى حدود 500 جرام فريون بطريقه بدائيه ( وصله واحده بدون عداد حتى ) وبعد الشحن فرغنا اشوية هوا من البلف التانى والغريب فى الموضوع أن الحمد لله التكييف أشتغل كويس جدا وبكفاءه عن المرتين اللى شحنتهم قبل كده عند صنايعيه تقريبا الفريون الموجود عند الصنايعيه بيبقى نوع ردىء والحمد لله شغال وتمام بالنهار ممكن على 3 يبقى كويس جدا وبالليل على 2 بيبقى برد ولأول مره التكييف يتظبط كده مع العلم ان أغلب اللى راكبين بومه بيشتكوا من كفاءة التكييفالمشاركة الأصلية كتبت بواسطة mbx4e مشاهدة المشاركةComment
-
شكرا جزيلا على المشاركه الحمد لله المشكله أتحلت وأتضح أن العيب أن مفيش فريون شكرا جزيلا على المشاركهالمشاركة الأصلية كتبت بواسطة goreg مشاهدة المشاركةComment
-
يافندم الصنايعية مابتشحنش اساسا يعني بيحطوا سنه مابتعديش الربع كيلو ولا٤٠٠جم عشان كدا مابيبقاش قوي او تلاجه هو الصح بتاع اللانسر البوما نص كيلو
والبوما تكيفها تلاجه وفشيييخ واللي عنده مشكله فيه ابعهتولي وانا ازبطهالو ونظام كانزات ال300 جرام ميه ميه عشان على مابتفرغ الخراطيم من او الخرطوم من الهوا هتطلع 50جرام فاتزبط الشحنة اكتر الصنايعية بيسموها بيرج اوpurg
ومعناها طرد او استبدال الهوا بالفريون
اكيد انت زبط التفريغ المره دي لان عليه عامل كبييير ولا شحنت على طول ؟؟؟
غير كدا العدادات مهمه في قراية الضغوط دا شي اكيد وبنقدر نحدد منه كفائة النظام وسلامته ولو فيه مشاكل كمان بيساعد في ضبط الشحنة ومعرفة الضغوط
كلامي عن الصنايعي الفاهم او المعلم واللي بيفهم والمهتمين بالمجال
مثلا حالة السدد في السربنتينه او الكوندسر اودراير وفلتر الفريون
حالة ضعف الاكسبنشن او بيبقى معلق مفتوح او مقفول
حالة تانية ضعف بلوف الكباس
و دليل و علامة اكتمال الشحنه تعريق ماسور السحب الماسوره الكبيره او قطرها اكبر من التانيه بس بلفها اصغر او الماسوره البارده او ماسورة الضغط الواطي والتعريق يعني تبقى منديه وعليها نقط وقطرات مياه متكثفه
المشاركة دي فيها اسرار مهنة او الصنايعية بيعتبروها كدا يلى ياعم انشاالله الكل يستفاد
ومبروك على التكييف وعقبال الجميع على الخيرComment
Comment