حل نقصان الزيت

[Strong]

الزيت بدأ ينقص عندي كتير بينقص حوالى نص لتر كل 1000 كيلو

ومش لاقي حد يعرفني السبب الأساسي هل كاويتش صباب ولا شنبر ، هي بتطلع دخان أبيض لما أركنها شوية وأشغل لمدة ثواني وبعد كده بتبطل الدخانة خالص ، ولو رجعت من مشوار كبير بيظهر دخانة بسيطة زرقاء مستمرة وغير ملحوظة للدرجة

المهم
أنا تعبت ومش عايز أصلح لأن الأقوال تضاربت وخايف السحب أو استهلاك البنزين يتأثر لأنه حاليا بسم الله ما شاء الله ممتاز

فمش عارف أسيبه كده لغاية 3000 كيلو ولا ممكن تحصل كارثة
ولا أغير زيت تعاون رخيص على 1500 كيلو مثلا

ولا أعمل ايه

[Strong]

نسيت أقول البوجيهات بتطلع حارقة ومش عليها زيت

[SAMEH_FOUAD]

الزيت بدأ ينقص عندي كتير بينقص حوالى نص لتر كل 1000 كيلو

ومش لاقي حد يعرفني السبب الأساسي هل كاويتش صباب ولا شنبر ، هي بتطلع دخان أبيض لما أركنها شوية وأشغل لمدة ثواني وبعد كده بتبطل الدخانة خالص ، ولو رجعت من مشوار كبير بيظهر دخانة بسيطة زرقاء مستمرة وغير ملحوظة للدرجة

المهم
أنا تعبت ومش عايز أصلح لأن الأقوال تضاربت وخايف السحب أو استهلاك البنزين يتأثر لأنه حاليا بسم الله ما شاء الله ممتاز

فمش عارف أسيبه كده لغاية 3000 كيلو ولا ممكن تحصل كارثة
ولا أغير زيت تعاون رخيص على 1500 كيلو مثلا

ولا أعمل ايه

اولا انها بتطلع دخان ابيض مع الدوارة ولمدة ثوانى وبيروح دة كاوتش صباب
والدخانة الزرقا دية معناها بداية طقم شنبر ولو حطيت زيت تقيل انت كدة مش هتحل المشكلة بالعكس انت كدة هتديها مسكن مع انك بتبوظ باقى مكونات الماتور بس بالبطىء
وموضوع ان البوجيهات بتحرق كويس مش شرط ان يجى عليها زيت وخصوصا انت عندك لسة الماتور بيبدأ يخف يعنى مش هيأثر عليها
فنصيحتى الحقة من دلوقتى وحافظ على ماتورك

[Strong]

اولا انها بتطلع دخان ابيض مع الدوارة ولمدة ثوانى وبيروح دة كاوتش صباب
والدخانة الزرقا دية معناها بداية طقم شنبر ولو حطيت زيت تقيل انت كدة مش هتحل المشكلة بالعكس انت كدة هتديها مسكن مع انك بتبوظ باقى مكونات الماتور بس بالبطىء
وموضوع ان البوجيهات بتحرق كويس مش شرط ان يجى عليها زيت وخصوصا انت عندك لسة الماتور بيبدأ يخف يعنى مش هيأثر عليها
فنصيحتى الحقة من دلوقتى وحافظ على ماتورك

ألف شكر لردك السريع

بس كنت عايز أسأل تغيير الشنبر وكاويتش الصباب هيخرط حاجة وهيكلف في حدود كام وهل هيأثر بالسلب على السحب أو البنزين مستقبلا ؟

[SAMEH_FOUAD]

شوف ياباشا حضرتك كل ماتعجل فى موضوع عمل طقم شنبر يبقى كدة انت بتحافظ على الماتور وبترجعة لافضل حالة ممكنة والتكلفة بتقل وبيرجع كبسة كمان لدرجة عالية يعنى ممكن يوصل معاك من 85% الى 90% وطبعا فى حالة حضرتك دية ان شاء الله مافيش اى خرط ولا حاجة انت لسة فى اول الدخنة الزرقاء
بس اهم حاجة تجيب الشنابر الاصلية ,والميكانيكى يعملة صح وتغير معاة طلمبة زيت اهم حاجة ويعملك رودية للصمامات ,وطبعا الجوانات والحاجات دية وتغير كاوتش الصمامات ,وسير الكاتينة بالبلية بتاعتة ,وتنظف طلمبة المياة ولو عايزة تغيير غيرها
وان شاء الله مش هاتتكلف اكتر من الف جنية
ومش هتبقى غير طقم شنبر بإذن الله وبالتوفيق بإذن الله

[zocor742]

semsem kane كلام مظبوط 100*100 جبت خلاصة الموضوع.
معنديش غير كلمة عايز اكررها
كل ما اسرعت فى تغيير طقم الشنبر وعمل اللازم كل ما كان افضل
لأن ممكن الشنابر تبهدل البلوك ويعمل تعتيب وساعتها هتدخل فى عمرة كاملة وخراطة مش مضمونة يا هتجيب نص مكنة تحت استاندر ببلوك نظيف وبردو ممكن يبقى محتاج شنبر يبقى نلحق الدنيا فى اولها عشان لو الموضوع وسع لاقدر الله بدل ما هتدفع 1000مثلا هتدخل فى 3000 مستريح.

[Strong]

ألف شكر ليكم جميعا وأنا فعلا هانفذ كلامكم بس في استفسارين صغيرين

1- هو هيطلع المتور بره العربية ولا لا ؟
2- هياخد الموضوع كام ساعة ؟

[SAMEH_FOUAD]

طبعا هيخرج الماتور برة العربية
الموضوع دة هايخادلة 3 ايام بالكتير اوى ,يعنى حضرتك توديلة العربية مثلا يوم الخميس الصبح بدرى وتكون متفق معاة هايفك الماتور وهاياخد معاة حوالى نص يوم وبعد كدة هاتجيب الحاجات المطلوبة
وتجيبهالة وهيشتغل فيها لمدة يوم او يوم نص ويسلمهالك وهترجعلة بعد ماتعمل 500 كيلو يكون كل حاجة طبعت مع بعضيها عشان يظبطلك التاكيهات وان شاء الله تبقى كل حاجة تمام وترجع زى الاول

[yaserbasha2000]

الحقيقة كلام ولا احلى

[samirayad]

معنديش غير كلمة عايز اكررها
كل ما اسرعت فى تغيير طقم الشنبر وعمل اللازم كل ما كان افضل
لأن ممكن الشنابر تبهدل البلوك ويعمل تعتيب وساعتها هتدخل فى عمرة كاملة وخراطة مش مضمونة يا هتجيب نص مكنة تحت استاندر ببلوك نظيف وبردو ممكن يبقى محتاج شنبر يبقى نلحق الدنيا فى اولها عشان لو الموضوع وسع لاقدر الله بدل ما هتدفع 1000مثلا هتدخل فى 3000 مستريح.

كلامك عظيم ياسامح

[SAMEH_FOUAD]

الحقيقة كلام ولا احلى

ياباشا ربنا يخليك

[walidabdelaziz]

+111111111

[m000dy]

طقم شنبر ومالهاش حل تانى
ممكن تحطلها زيت شنبر عشان يمد معاك شويه فى مدة عمله بس كده انت بتقتله ببطء وبتخلص عليه
طقم الشنبر انا عملته فى يوم واحد بس
ومش محتاج تطلع مكنه بره ( انا عملتها فى توكيل اوبل بتاع واحد صاحب اخويا وكان رافعها على كوريك هيدروليك
ومش هاتقدر تقف على التكاليف بالظبط الا لما تفتح وتشوف هى محتاجه ايه ممكن ماتحتاجش غير طقم الشنبر بس فيبقى مش هاتجيب غيره هو والجوانات طبعا عشان دى ماينفعش تتركب تانى وكلها بتيجى فى كيس واحد ورخيصه لن تتعدى ال 100 جنيه
طقم الشنبر الله اعلم بكام بتاع الدايو
حط فى جيبك فلوس بزياده وان احتاجت يبقى مفيش مشكله وان ماحتاجتش يبقى وفرت وخير وبركه بس المهم ماتسكتش عشان كده كده هاتسحبهم منك بوجيهات وزيت كل شويه ده غير القرف فريح نفسك وانجز فى تصليحها

[zocor742]

كلامك عظيم ياسامح

تلميذك ياهندسة ....... وكلامك بردو
ما انت عارف جى المنتدى ابيض والواحد بدأ يفهم حاجات كتيييير
بفضل ربنا وفضل حضرتك وسيادة المستشار وكل الاعضاء اللى مش بيبخلوا على حد بمعلومة
امضاء تلميذك

[samirayad]

الله يخليك

وحقيقى الواحد سعيد بهذا التقدم الفنى الملحوظ للأعضاء