حل نقصان الزيت

[khaled_sabry]

طبعا هيخرج الماتور برة العربية
الموضوع دة هايخادلة 3 ايام بالكتير اوى ,يعنى حضرتك توديلة العربية مثلا يوم الخميس الصبح بدرى وتكون متفق معاة هايفك الماتور وهاياخد معاة حوالى نص يوم وبعد كدة هاتجيب الحاجات المطلوبة
وتجيبهالة وهيشتغل فيها لمدة يوم او يوم نص ويسلمهالك وهترجعلة بعد ماتعمل 500 كيلو يكون كل حاجة طبعت مع بعضيها عشان يظبطلك التاكيهات وان شاء الله تبقى كل حاجة تمام وترجع زى الاول

ازاى حيرجعهالك بعد ماتعمل 500 كيلو .... 500 كيلو دى توديك من القاهره لقنا ... ازاى بجد حيلبن المسافه دى كلها ؟؟؟؟

[khaled_sabry]

طقم شنبر ومالهاش حل تانى
ممكن تحطلها زيت شنبر عشان يمد معاك شويه فى مدة عمله بس كده انت بتقتله ببطء وبتخلص عليه
طقم الشنبر انا عملته فى يوم واحد بس
ومش محتاج تطلع مكنه بره ( انا عملتها فى توكيل اوبل بتاع واحد صاحب اخويا وكان رافعها على كوريك هيدروليك
ومش هاتقدر تقف على التكاليف بالظبط الا لما تفتح وتشوف هى محتاجه ايه ممكن ماتحتاجش غير طقم الشنبر بس فيبقى مش هاتجيب غيره هو والجوانات طبعا عشان دى ماينفعش تتركب تانى وكلها بتيجى فى كيس واحد ورخيصه لن تتعدى ال 100 جنيه
طقم الشنبر الله اعلم بكام بتاع الدايو
حط فى جيبك فلوس بزياده وان احتاجت يبقى مفيش مشكله وان ماحتاجتش يبقى وفرت وخير وبركه بس المهم ماتسكتش عشان كده كده هاتسحبهم منك بوجيهات وزيت كل شويه ده غير القرف فريح نفسك وانجز فى تصليحها

فين التوكيل ده ... وهل بيعمل لأى عربيه تانيه و لا لازم اوبل و بس ؟؟؟

[mahmoudysf]

طبعا هيخرج الماتور برة العربية
الموضوع دة هايخادلة 3 ايام بالكتير اوى ,يعنى حضرتك توديلة العربية مثلا يوم الخميس الصبح بدرى وتكون متفق معاة هايفك الماتور وهاياخد معاة حوالى نص يوم وبعد كدة هاتجيب الحاجات المطلوبة
وتجيبهالة وهيشتغل فيها لمدة يوم او يوم نص ويسلمهالك وهترجعلة بعد ماتعمل 500 كيلو يكون كل حاجة طبعت مع بعضيها عشان يظبطلك التاكيهات وان شاء الله تبقى كل حاجة تمام وترجع زى الاول

اللانوس ما فيهاش ضبط تاكيهات

[Strong]

لف شكر ليكم جميعا لكن عندي استفسار بسيط

الميكانيكي قاللي انه هيغير كاويتش الصباب - طقم شنبر - البساتم

وهتتكلف الــف جنيه وهتحتاج 3 أيام

1- ما رأيكم في الحاجات اللي هتتغير والسعر والمدة؟
2- أنا مش هاقدر أعملها غير بعد شهر علشان مشغوول معنديش 3 أيام متواصلين فاضي فيهم ، هل في خطورة لو استمريت كده مؤقتا لمدة شهر؟

[SAMEH_FOUAD]

ازاى حيرجعهالك بعد ماتعمل 500 كيلو .... 500 كيلو دى توديك من القاهره لقنا .:c_laugh[1]:.. ازاى بجد حيلبن المسافه دى كلها ؟؟؟؟

والله انا مش عارف حضرتك بتهزر ولا بتتكلم جد بس اكيد قصدى يعنى انة يعمل 500 كيلو اكيد يعنى مش مرة واحدة ويجى يظبطلة الدنيا وانا بكلمة عموما لانى مخدش بالى من نوع العربية