ما اسباب السخونة , الفيورا بتسخن

[maka]

عندى الفيورا بقالها فترة لو مشيت مشوار طويل بتسخن والزيت كان قديم شوية فرحت غيرت لها زيت و للاسف عملت المشوار ده فى وقت متاخر و ملقتش غير مشحمة فاتحة و معندوش غير التعاون فحطيته وخلاص بعدها ب 3 ايام رجعت العربية تسخن تانى

علما بان :

1- مستوى المياه بيكون طبيعى وهى سخنة - مش ناقص -

2- المروحة بتكون شغالة و هى سخنة

3- الراديتير مفيهوش نفخ

4- اكس المروحة فيه عوجة بسيطة بس ده من زمان


بافكر اسيخ الرادياتير واغسل دورة التبريد , ولا تنصحونى بحاجة تانية ؟؟؟؟

[SAMEH_FOUAD]

يعنى من كلامك ان مؤشر الحرارة عندك بيرتفع
يبقى دة لائما المروحة مش قوية ومش عارفة تبرد الماتور
او الردياتير مسدود وعايز يتنظف طالما مافيش اى نقص مياة عندك
وعلى فكرة اى حاجة فى مروحة العربية يبقى لازم تغيرها والحق الموضوع دة بسرعة عشان مايكبرش

[Abdm]

هو طبيعى أن العربية 127 تسخن لكن لغاية النصف فقط عند ال 90 وبعد كدة المروحة تشتغل علشان تبرد وأنت لازم أولا تقولنا هل المروحة بتشتغل لما درجة الحرارة توصل ل 90 أو النصف ولا بتشتغل متأخر شوية يعنى بعد النصف لو بتشتغل متأخر شوية يبقى عيب ترموستات عايز يتغير بحيث يكون أخرة 80 لآن اللى أخرة 80 بيشتغل عند ال 90 أو أقل شوية هو على الرغم من أنة جديد لكن مش بيكون مظبوط على الملى
والله المستعان

[Ahmed Galal]

غير المروحة و سلك الردياتير و ان شاء الله تبقا كويسة

[romeo_6887]

نضف الريدياتير
و تأكد ان مفيهوش اي تسريب
المرواح شغاله اه
بس ممكن تكون ضعيفه
و اتأكد ان الثرموستات سليم

[Maged_Samy]

1-اضبط التاكيهات .
2-قوى سلك الارضى بتاع المروحة .
3- غير نوع زيت الموتور.
4- اضبط الكهرباء جيداً من الاسبراتير مع ضبط خلوص فتحة الابلاتين.

[د-محمود اسامة]

1 اتاكد من قوة المروحة ضعيفة
2 الريداتير عايز يتنظف لان فيه صدي
3 زيت المتور عايز يتغير
4 الترموستات مش مظبوط
5 ترومبة الماية بايظة

[sab3aawy]

سيخ الردياتير واطمن على نضافته وخد رأى بتاع الردياتيرات فى حالته وحط مياه خضراء تحتوى على 40الى 50% ايثيلين جلايكول
لو مجابش نتيجة اضبط التاكيهات
ولو مجابتش نتيجة غير الثرموستات بثرموستات واطى
ولو جابش نتيجة غير المروحة
ولو مجابتش نتيجة غير الردياتير

[maka]

شكرا لكل الاعضاء الافاضل اللى شرفونى بالرد والمعلومات

هو طبيعى أن العربية 127 تسخن لكن لغاية النصف فقط عند ال 90 وبعد كدة المروحة تشتغل علشان تبرد وأنت لازم أولا تقولنا هل المروحة بتشتغل لما درجة الحرارة توصل ل 90 أو النصف ولا بتشتغل متأخر شوية يعنى بعد النصف لو بتشتغل متأخر شوية يبقى عيب ترموستات عايز يتغير بحيث يكون أخرة 80 لآن اللى أخرة 80 بيشتغل عند ال 90 أو أقل شوية هو على الرغم من أنة جديد لكن مش بيكون مظبوط على الملى
والله المستعان

هو الطبيعى بتاعها انه بتبقى ثابتة عند ال 90 فعلا و المروحة بتشتغل من عند ال 70ّّّ ~ 80 تقريبا

سيخ الردياتير واطمن على نضافته وخد رأى بتاع الردياتيرات فى حالته وحط مياه خضراء تحتوى على 40الى 50% ايثيلين جلايكول
لو مجابش نتيجة اضبط التاكيهات
ولو مجابتش نتيجة غير الثرموستات بثرموستات واطى
ولو جابش نتيجة غير المروحة
ولو مجابتش نتيجة غير الردياتير

شكرا باشمهندس سبعاوى , و باذن الله دى الخطوات اللى همشى عليها

بس تقريبا مفيش ثرموستات اوطى من اللى عندى

_____________________________________

و ياريت لو حد يقولى سعر المروحة جديدة بكام و استيراد بكام ؟؟؟

[ayman2]

طبعا كا اللى اتقال صح ولازم تعمله علشان سلامه الموتور وعزمه وقوة السحب لكن كل هذا لن يمنع السخونه والحل الوحيد اللى انا عملته من 4 سنين وقضيت على السخونه نهائى وهو تركيب رادياتيرمقاس أكبر وهتلاقى عندك السياره مجهزه بفتحتين فى الصدر فتحه مثبت فيها الرادياتير الأصلى واخرى بعدها ودى للرادياتير الأكبر (مقاس 128 ) واشترى سربنتينه اردنى أو البستان أو ماشابه وفصل واحد وحط ماء اخضر الأسبانى أو ماء أحمر وانسى السخونه تانى ولو عاوز اى مساعده ابعتلى

[Abdm]

طبعا كل المعلومات اللى الآخوة قالوها دية 100 100 لحل مشاكل السخونة نهائيا بس اللى أنا أعرفة من خبرتى مع الفيورا عند الميكانيكية أنها الطبيعى بتاعها هو ما بين 80 و ال 90 ودة بيكون فى أغلب الآحوال والمروحة بتشتغل لما الحرارة بتعدى ال 90 لكن ما توصلش ل 110 تقوم الحرارة تنزل شوية لغاية تحت ال 90 بشرطة وهكذا بأستمرار دة المعدل الطبيعى ما تكونش قلقان القلق يكون لما توصل ل 100 أو 110 وتثبت وما تنزلش فى الحالة دية يبقى فية مشكلة لكن طالما المروحة بتشتغل عند 100 أو 110 وترجع لتحت 90 يبقى ما فيش مشاكل
والله المستعان

[mohamed9999]

طبعا كل المعلومات اللى الآخوة قالوها دية 100 100 لحل مشاكل السخونة نهائيا بس اللى أنا أعرفة من خبرتى مع الفيورا عند الميكانيكية أنها الطبيعى بتاعها هو ما بين 80 و ال 90 ودة بيكون فى أغلب الآحوال والمروحة بتشتغل لما الحرارة بتعدى ال 90 لكن ما توصلش ل 110 تقوم الحرارة تنزل شوية لغاية تحت ال 90 بشرطة وهكذا بأستمرار دة المعدل الطبيعى ما تكونش قلقان القلق يكون لما توصل ل 100 أو 110 وتثبت وما تنزلش فى الحالة دية يبقى فية مشكلة لكن طالما المروحة بتشتغل عند 100 أو 110 وترجع لتحت 90 يبقى ما فيش مشاكل
والله المستعان

طيب لو الكلام دا بيحصل فى فيات 128 علما بان الريداتير جديد من 10ايام 3ماسوره نحاس و الترموستات 88-79 جديد متركبه مع الريداتير و الحاراه عندى بتعدى النص بشرطتين و بعدين المروحه تشتغل لغايه ما توصل المؤشر للنص هل دا العادى ولا ايه ؟؟؟؟؟؟؟؟؟؟وكمان عندى بعد كل مشوار يعنى ما يعديش 20-30كم الفى الميه نقصه فى القربه وبنود حوالى كوب ميه هل دا الطبيعى علما بانى جديد فى المسائله

[maka]

طبعا كل المعلومات اللى الآخوة قالوها دية 100 100 لحل مشاكل السخونة نهائيا بس اللى أنا أعرفة من خبرتى مع الفيورا عند الميكانيكية أنها الطبيعى بتاعها هو ما بين 80 و ال 90 ودة بيكون فى أغلب الآحوال والمروحة بتشتغل لما الحرارة بتعدى ال 90 لكن ما توصلش ل 110 تقوم الحرارة تنزل شوية لغاية تحت ال 90 بشرطة وهكذا بأستمرار دة المعدل الطبيعى ما تكونش قلقان القلق يكون لما توصل ل 100 أو 110 وتثبت وما تنزلش فى الحالة دية يبقى فية مشكلة لكن طالما المروحة بتشتغل عند 100 أو 110 وترجع لتحت 90 يبقى ما فيش مشاكل
والله المستعان

ما هى فعلا بتوصل ل 110 و مبتنزلش بالعكس بتزيد

و دى حاجة جديدة عليها لانها زمان مكنتش كده

[ayman2]

حاول قراءه الموضوع كله مره اخرى

[mohamed9999]

حاول قراءه الموضوع كله مره اخرى

??????????????