استشاره مغلبانى

[m.aligamal]

عربيتى كريستاله فيها مشكله مش قادر اوصل فيها لحل
الحمد لله العربيه تمام مفيش فيها اى حاجه
لاحظت من يومين او تلاته بعد ظبط كمبروسر التكيف ان العربيه تجميعه السرعه بتاعتها مش كويسه يعنى النقل بقارب ال4 فى الار بى ام وطبعا صوت المكنه عالى وفى سخونه مع ملاحظه ان التكيف طبعا مش شغال العربيه مغيرلها زيت و كاشف على زيت الفتيس تمام برضه وفلتر البنزين كمان وفلتر الهوا تمام وكنت بلاحظ فى اوقات ان العربيه بتنتش على الغيارات القليله فى السرعات الهاديه بس مش علطول
مش عارف سبب تقل الار بى ام ونقلات الفتيس و تجميعه ممكن يكون بسبب بنزين 80 بس انا علطول بستخدمه ومكنش بيحصل معايا حاجه
ولا الكربراتير مش نضيف
وكمان العربيه بتغيب فى الدوراه ولازم اسندها بسنه بنزين والا هتبطل
مستنى الردود

[SAMEH_FOUAD]

طيب انت الاول اكشف على البوجيهات ,ونظف الكربراتير كويس

[mr_sameh]

هي مانيوال ولا اتوماتيك

[samirayad]

وكمان العربيه بتغيب فى الدوراه ولازم اسندها بسنه بنزين والا هتبطل

هى العربيه كربوراتير عادى
ولا هاف أنجكشن ..............؟

[samirayad]

هي مانيوال ولا اتوماتيك

أوتوماتيك

[gebreel]

لو مانيوال ممكن يكون طقم دبرياج

[aymanmaly]

الى انت بتحكية دة
فلتر هواء محتاج نفخ او تغير
بوجيهات محتاجة تغير
الكشف على زيت الفتيس
تنظيف دورة البنزين

[hemalotfy]

اكشف على البوجيهات

[elewey]

مادام بتنتش على الاول و التانى يبقى بنسبه كبيرة بوجيهات بس نصيحة ابعد عن البنزين 80 دة حيوسخلك الكاربتير

[M.Zaher]

سلك الكيك داون

[m.aligamal]

شكرا لحضراتك على الرد و تشريفكم الموضوع بس اوضح العربيه اوتوماتك و العربيه كربراتير 1300 مش فاهم يعنى ايه هاف انجكشن حاجه اخيره بس ياريت افهمها انا لما بدور العربيه بحس بدربكه و اتكى على دواسه البنزين احس انها مكتومه و الاربى ام يعلى و يوطى ولو مكملتش سند العربيه بالبنزين تبطل

[m.aligamal]

سلك الكيك داون

يعنى ايه السلك ده ممكن توضحلى

[samirayad]

طيب انت الاول اكشف على البوجيهات ,ونظف الكربراتير كويس

أبدأ بهذا الكلام الطيب

وممكن تسلك بيك السلانسيه بشعره سلك
بدل حل الكربوراتير الأول
وتجرب تدرج النقل بالفتيس

والنتشه دى غالبا

يابوجيهات .........يا أسلاك بوجيهات

[m.aligamal]

شكرا باشمهندس انا واحد صاحبى بص عالعربيه و قلى انها متلته المشكله انى لما باخد العربيه عند الميكانيكى بتكون سخنت و مفيش فيها حاجه المشكله مش بتبان الى و العربيه بارده ياريت يا بشمهندس برضه توضحلى لو اغير البوجيهات اجيب شمعه و لا شمعتين و نوع ايه انا حاليا بستخدم ngk اتنين شمعه وصاحبى بيقلى واحد شمعه افضل و بيوفر البنزين
بالنسبه لسلوك البويجهات انا مغيرها فعلا و كانت العربيه بتضرب مدافع و لما غيرت السلوك بقت تمام و اختفت المدافع
وحاجه تانيه انا لما بشيل فلتر الهوا واشد وير البنزين بحس ان العربيه سوتها اكثر نعومه وطبعا العربيه بتنعر و صوتها بيعلى عشان مفيش فلتر

[m.aligamal]

برضه عايز اعرف سلك الكيك دون