ارجوكم بسرعة انا لايص

[mah_almasry]

من ساعتين طالع الدائري وفجأة لقيت نفسي ادوس بنزين مفيش حاجة والعربية بطلت . ومش رضيت تشتغل تاني . نزلتها بصعوبة من المطلع في الزحمة وربنا ستر الحمد لله . رحت جبت ميكانيكي قعد يلعب وفي الاخر قالي اسبراتير مش موزع كهرباء . ارجوكم هل ده صح وهل يحصل فجأة كده وانا ماشي بيها . هي العربية لانسر موديل 90 . ارجوكم ايه احتمالات العطل والاسبراتير ده ممكن يتكلف كام . افيدوني ارجوكم العربية مركونة وانا جديد ومش عارف حاجة .

[Ahmed Galal]

طب معلش شوية معلومات تانية العربية اخبار الصيانات بتاعتها ايه يعنى اخر مرة غيرتلها فلاتر و بوجيهات امتا؟

[E30power]

متاااابع ...........لانى عند واحد اعرفة نفس المشكلة ومش عارف الحل ....

[mah_almasry]

انا اشتريت العربية من شهرين تقريبا ومعملتش فيها اي حاجة . ولا غيرت فلاتر ولا بوجيهات ولا اي حاجة

[Ahmed Galal]

انا اشتريت العربية من شهرين تقريبا ومعملتش فيها اي حاجة . ولا غيرت فلاتر ولا بوجيهات ولا اي حاجة

يبقا تعمل للعربية صيانة كاملة كالتالى: 1-غير زيت موتور و فلتر 2-غير فلتر الهواء و البنزين 3-غير طقم بوجيهات 4-غير طقم سيور و سير الكاتينة 5-اظبط تاكيهات 6-غير زيت فتيس و نظف دورة التبريد و غير الميه

[m_mekkawy]

يبقا تعمل للعربية صيانة كاملة كالتالى: 1-غير زيت موتور و فلتر 2-غير فلتر الهواء و البنزين 3-غير طقم بوجيهات 4-غير طقم سيور و سير الكاتينة 5-اظبط تاكيهات 6-غير زيت فتيس و نظف دورة التبريد و غير الميه

معلم
واهم حاجه فلتر البنزين وخليه يشوف فحمة الأسبراتير

[mah_almasry]

يبقا تعمل للعربية صيانة كاملة كالتالى: 1-غير زيت موتور و فلتر 2-غير فلتر الهواء و البنزين 3-غير طقم بوجيهات 4-غير طقم سيور و سير الكاتينة 5-اظبط تاكيهات 6-غير زيت فتيس و نظف دورة التبريد و غير الميه

طب حضرتك الحاجات دي ممكن تتكلف كام بالتقريب علشان مش يتضحك عليا . وغير كده اشغل العربية ازاي دلوقتي

[mah_almasry]

ارجوكم ساعدوني

فين يا اخواني الردود . ارجوكم ساعدوني انا مش عارف اعمل ايه ؟

[sab3aawy]

بداية هل العربية دارت تانى وللا انت عملت فيها ايه؟

لو مكانتش دارت فاول حاجة بتتعمل هى اختبار الكهرباء والبنزين،اولا يتم الكشف على البوجيهات بالنظر وملاحظةحالتها ، لو سليمة بنكمل اختبار الكهرباء : بيكون ببساطة انك بتفك سلك بوجيه وتقربه من جسم الموتور وتدى سنة مارش وتشوف بيطلع شرارة وللا لأ، لو بيطلع شرارة يبقى الكهرباء سليمة ، لو مش بيطلع شرارة بنجرب نفس التجربة لكن بين البوبينة وجسم المحرك من خلال سلك البوبينة الرئيسى علشان نحكم على حالة الاسبراتير، لو طلع شرارة من البوبينة ومطلعش من السبراتير يبقى الاسبراتير فيه مشكلة، لو مطلعلش شرارة يبقى المشكلة اما فى البوبينة او فى منظومة التقطيع(ابلاتين وكوندنسر او المشط الالكترونى) او الضفيرة، بنبدأ الأول بختبار الضفيرة ويتضمن توصيل سلك موجب من من البطارية الى موجب البوبينة، وتأكد من ان سلك سالب البوبينة واصل بالأبلاتين او دائرة التقطيع الالكترونية بشكل جيد ومحاولة تدوير السيارة، لو دارت يبقى المشكلة من الضفيرة، لو مدارتش يبقى امامنا اختبار البوبينة ودائرة التقطيع، يمكن ذلك عن طريق احضا لمبة 12 فولت وتوصيلها بين موجب وسالب البوبينة على التوازى ومحاولة تدوير السيارة، لو لوحظ ان اللمبة بتنور وتطفى بشكل سريع اثناء تدوير المارش يبقى دايرة التقطيع سليمة اما لو لوحظ انها منورة على طول يبقى دايرة التقطيع فيها مشكلة ولو لوحظ انها مطفية على طول يبقى ممكن تكون المشكلة فى دائرة التقطيع او الضفيرة، بالنسبة لدائرة التقطيع لو هى الكترونية فلا يوجد اختبار لها سوى الاستبدال، لو هى ابلاتين وكوندنسر، الأبلاتين بيبان لو ملدع بالعين اما الكوندنسر فلا يختبر سوى بالاستبدال، اما لو لوظ ان اللمبة بتنور وتطفى مع المارش بشكل طجبيعى يبقى العيب ينحصر فى البوبينة وتختبر بالاستبدال

بالنسبة لاختبار البنزين يتم فك الخرطوم الواصل من طلمبة البنزين الى الكاربراتير ومحاولة تدوير السيارة وملاحظة هل يتدفق بنزين من الخرطوم ام لا، لو مافيش بنزين يتم مراجعة حالة طلمبة البنزين وفلتر البنزين والخراطيم، لو فيه بنزين يتم اعاداة الخرطوم الى مكانه ومحاولة تدوير السيارة مع رش كمية بنزين من فتحة الكاربراتير بحقنة، لو العربية لقطت للحظات يبقى فيه مشكلة فى الكاربراتير قد تكون عوامة معلقة او بيك مسدود، لو اختبار الكهرباء والبنزين موصولناش لنتيجة يبقى لازم مراجعة المحرك عند متخصص للبحث فى المشاكل الأكبر مثل سير الكاتينة وعامود الكامة والصبابات.......الخ

اما لو كانت العربية دارت خلاص يبقى تعمل الصيانات اللى الزملاء اقترحوها

[samirayad]

أتأكد برضه أن سير الكاتينه محصلوش حاجه

وبرضه قيس البطاريه يمكن تكون فضيت بسبب أن الدينامو مبيشحنش
وعطل فجأه

وأتأكد برضه أن البنزين مخلصش منك بدون متاخد بالك

[samirayad]

وبرضه قيس البطاريه يمكن تكون فضيت بسبب أن الدينامو مبيشحنش
وعطل فجأه

حستبعد الجزئيه دى من كلامى

لأنها مش وارده حاليا
طالما الميكانيكى كان بيختبر توزيع كهرباء من الأسبراتير

يعنى فيه كهرباء فعلا فى البطاريه
وكده النقطه دى حاليا مش دقيقه للحاله دى

[SAMEH_FOUAD]

طيب حضرتك حاول تشرح اكتر حالة العربية دلوقتى اثناء محاولة التدوير بعد حدوث المشكلة عشان نعرف اية اللى شغال واية اللى قاطع

[m.aligamal]

ممكن تكون موبينه قطعت حصلت معايا العربيه مدورش ابدا

[mah_almasry]

بشكرك جدااا استاذ سبعاوي والمهندس سمير وكل الاخوة
بس اخوكم جديد ومعرفش افحص الاقتراحات دي لوحدي . رحت للميكانيكي والكهربائي وقالولي الاسبراتير قاطع كهرباء ولازم يتغير . ودوخت عليه النهاردة معرفتش اجيبه من شارع العشرين علي حد وصفهم . وفي الاخر قالولى روح الوكالة . هروح بكرة الوكالة ادعولي اعرف الاقي زيه . العربية مش ناطقة خالص . يا رب الاقيه بسعر معقول انا سمعت انه هيعدي 250 جنيه . ربنا يسترها

[mah_almasry]

طيب حضرتك حاول تشرح اكتر حالة العربية دلوقتى اثناء محاولة التدوير بعد حدوث المشكلة عشان نعرف اية اللى شغال واية اللى قاطع

هي حاليا بدور اسمع تكتكة ومش بتدور . قعدوا يكشفوا ويدوروا وفي الاخر قالولي الاسبراتير قاطع كهرباء . وطلبوا اشتري غيره وانا مش لاقيه . علي فكرة العربية لانسر موديل 90 . جزاكم الله كل خير يا اهل الخير