ارجوكم بسرعة انا لايص

[aymanmaly]

علشان ميتعملش عليك شغل اول حاجة تبص عليها الفيوز العمومى للكهرباء ممكن يكون ضرب ودة عيب منتشر و دائما اسهل الحلول هى الابعد عند المتخصصين
و اذا طلع سليم يبقى اتجة اتجاة تانى من الى قالوة لك الاخوة
وحاول تنزل التوفيقية وسط المدينة او شارع بيروت مصر الجديدة ان شاء الله هتلاقى كل الى انت عايزة وابقى طمنا

[SAMEH_FOUAD]

هي حاليا بدور اسمع تكتكة ومش بتدور . قعدوا يكشفوا ويدوروا وفي الاخر قالولي الاسبراتير قاطع كهرباء . وطلبوا اشتري غيره وانا مش لاقيه . علي فكرة العربية لانسر موديل 90 . جزاكم الله كل خير يا اهل الخير

لأ يبقى قبل ماتعمل اى حاجة هات السلك اللى بيتوصل للاسبراتير وشوف فية كهرباء ولا لأ لو لقيت فية كهرباء يبقى كدة ممكن يكون من موزع الكهرباء .لو مالقيتش يبقى اكشف على الفيوزات كويس ممكن يكون ضارب ,او تجيب كهربائى شاطر لائما قبل ماتجيب اى حاجة تكشف على الاسبراتير اللى معاك

[Ahmed Galal]

انا مش عارف اسعار قطع غيار اللانسر بس ما تنزل دمشق او الحرفيين يمكن تلاقيه ان شاء الله

[m.aligamal]

نفس الى حصل معايا بالفعل و طلعت البوبينه قطعت اشتريت بوبينه جديده تايوانى و الحمد لله العربيه داخله على 6 شهور من بعدها و تمام التمام حاول حضرتك لو بوبينه اشتريها جديده او تشترى اسبراتير استيراد برضه بس انا فى عربيتى البوبينه لواحدها 210 و الاسبراتير مستعمل 800 جنيه عشان كده ركبت بوبينه و خلاص

[mah_almasry]

انا للاسف لقيت الاسبراتير استيراد ب 850 جنيه وواحد قالي هيغير البوبينة ب 450 جنيه . بس صراحة انا لسه تايه ومش عارف اعمل ايه ؟ انا بجد بشكر كل الأخوة اللي واقفين جانبي . ربنا يكرمكم ويزيدكم خير

[samirayad]

شوف ميكانيكى كويس يا أخى
يحددلك المطلوب بالضبط

بوبينا ولا أسبراتير ولا مشط ألكترونى

علشان متصرفش كتير على الفاضى

[m.aligamal]

يباشا البوبينه التيوانى او الصينى الى بتلاقى قلبها ابيض شفاف مش اسود بتعمل حوالى 200 جنيه هاتها و ان شاء الله تشتغل معاك
على فكره فى موبينه ب110 مش هتكمل اسبوع وتلقيها سوده طالما الاسبراتير سليم

[mah_almasry]

انا غيرت البوبينة واشتغلت

انا لقيت واحد يغيرلي البوبينة واشتغلت بس جبتها ب 450 للاسف وهي بوبينة سودة كده . ربنا يسترها مش يحصل مشاكل تاني

[mahmoud_e2007]

الواحد والله العظيم قرف

انا لقيت واحد يغيرلي البوبينة واشتغلت بس جبتها ب 450 للاسف وهي بوبينة سودة كده . ربنا يسترها مش يحصل مشاكل تاني

باشا تقريبا عربيتك اوتوماتيك 1500 زي بتاعتي علشان الظاهر ان كل الانسر ال 90 كدة انا كمان عندي مشكلة زي بتاعتك كدة وجبت مشط اسبراتير وباظ تاني في حاجة بتضرب الاسبراتير عندي ومش عارف اعمل اية واروح فين ممكن تقولي انت عملت اية واية الاخبار عندك .محمود 0166647526 mahmoud_e2003@hotmail.com

والله الواحد قرف . احنا بنجيب عربة علشان نستريح ولا نتعب