دوست فرامل مرة واحدة .. العربية قطعت النطق !!

[amrelsaqqa]

لا مش الكاتينة لأنها قايلة ان العربية بتدور عادى بس مش بتمشى

انا كنت هقول كبالن بس هى بتقول ان العربية بتطلع اصوات وهى على p او الـ n

يبقى كدة فتيس فعلا

بس خير ان شاء الله ما تقلقيش

[samirayad]

لا مش الكاتينة لأنها قايلة ان العربية بتدور عادى بس مش بتمشى

انا كنت هقول كبالن بس هى بتقول ان العربية بتطلع اصوات وهى على p او الـ n

يبقى كدة فتيس فعلا

[د.محمود صلاح]

في الخليج مش محترفين تصليح للأسف ... تبديل على طول

[Miss_Pharma]

فعلا هو ده اللي حصل ..
الجير فرط
اللي فهمته انه بيتكون من جزئين . جزء حصل فيه مشكلة وجزء سليم
بس مينفعش يتغير الجزء اللي باظ بس
فهيتغير كله

الحمد لله على كل حال ..

[samirayad]

اللى حصل معاكى فعلا فرط وفشكله فى مجموعة التروس الكوكبيه

المسئوله عن تنظيم عمليات النقل والفرمله فى الجير

وكل ده بسبب ضعف ضغط الزيت للأسف

لأن الزيت مقدرش يشغل ال brake bad كويس داخل الجير بالقوه الازمه ويكلبشها فى الوقت ده

ومن هنا حصلت الفشكله

الضغط الشديد والمفاجىء للفرامل ومع عدم مقدرة ضغط الزيت على أيقاف الغلاف بتاع المجموعه الكوكبيه للتروس من

خلال قفل فجائى لحذاء فرملة المجموعه الكوكبيه

مع وجود حركه سابقه ومن هنا حدث التداخل بين حاجه عاوزه تقف وحاجه متحركه

وفرطت تروس المجموعه الكوكبيه ( داخل الجير )

وكل حاجه تتعمل وممكن تتغير مجموعة التروس الكوكبيه على نفس الجير

بس للأسف

مش حتلاقى الدقه دى عندنا فى مصر
وممكن متلاقيش قطع الغيار الازمه للبديل التالف

وده أنا متأكد منه فعلا

وهو ندرة توافر قطع الغيار الازمه لصيانة الجير الأوتو

دا غير أن لوفرض ولقيتى قطع غيار

ممكن متلاقيش المهاره الكافيه لصيانة الجير
ولو روحتى توكيل سيارتك

حيكلفوكى كتير أوى أوى

ودى فرصتهم للأسف

والصح حاليا

التنقيب والتدوير جيدا عن جير أستيراد مطابق تماما لجير سيارتك البيجو 206

ممكن تدورى فى الحرفيين بالقاهره
أو فى بنك الأسكان ببور سعيد

____________________

وأنا ممكن أسألك فى بور سعيد عن ثمن الجير الأستيرادالكامل لو أردتى

[Miss_Pharma]

شكرا جدا على الاهتمام يا بشمهندس سمير .. استفدت كتير من شرحك .. واكبر استفادة ان الميكانيكي اللي وديتله العربية فااااااشل ومش هتعامل معاه تاني .. لاني كنت بشتكي من كذا حاجة واولهم الجير والنقلات وديتهاله يظبطها وساب الزيت زي مهو ( الكلام ده من حوالي اسبوعين ) ورجعتلي زي موديتها بعد صرف اكتر من 2000 جنيه ومفيش اي تحسن ..
على فكرة انا مش في مصر ..
الكلام ده كله في الكويت بس الميكانيكي مصري ..
المهم انه خلاص هيركبلها جير جديد وسعر الجير بالتركيب هيكلف حوالي ما يعادل 3400 مصري

الحمد لله .. قضى اخف من قضى
وشكرا لكل من اهتم ..

[samirayad]

المهم انه خلاص هيركبلها جير جديد وسعر الجير بالتركيب هيكلف حوالي ما يعادل 3400 مصري

كويس كده والحمد لله

وقدر الله وماشاء فعل

وأهو درس حتستفيدى منه قدام

طلعتي مش اصيلة يا جيجي

على فكره جيجى أنظلمت فى الكلمتين دول

والعيب فى جهل الميكانيكى

اللى قال الفتيس على الشعره

ومرضاش أو لم يوصى بتغيير زيت وفلتر الفتيس

[SkyBird]

قدر الله وما شاء فعل
وتشخيص الشباب وخصوصا سمير بك عياد كان في محله كالعاده

اني كنت بشتكي من كذا حاجة واولهم الجير والنقلات

ايه اللي اشتكيتي منه قبل ما تحصل المشكلة ؟

[SkyBird]

اللى حصل معاكى فعلا فرط وفشكله فى مجموعة التروس الكوكبيه

المسئوله عن تنظيم عمليات النقل والفرمله فى الجير

وكل ده بسبب ضعف ضغط الزيت للأسف

لأن الزيت مقدرش يشغل ال brake bad كويس داخل الجير بالقوه الازمه ويكلبشها فى الوقت ده

ومن هنا حصلت الفشكله

الضغط الشديد والمفاجىء للفرامل ومع عدم مقدرة ضغط الزيت على أيقاف الغلاف بتاع المجموعه الكوكبيه للتروس من

خلال قفل فجائى لحذاء فرملة المجموعه الكوكبيه

مع وجود حركه سابقه ومن هنا حدث التداخل بين حاجه عاوزه تقف وحاجه متحركه

وفرطت تروس المجموعه الكوكبيه ( داخل الجير )

وكل حاجه تتعمل وممكن تتغير مجموعة التروس الكوكبيه على نفس الجير

ممتاز يا باشمهندس
بالنسبة لل brake bad هو يشتغل مع الدوس على الفرملة بالقدم ولا ميكانيزم منفصل ؟
وهل التروس الكوكبية تتفصل على وضع المور N
وده يخليني اسأل عن الافضل اثناء الفرملة ان العربية تكون على D ولا ننقل على N قبل الفرملة المتوقعة ؟

[Miss_Pharma]

قدر الله وما شاء فعل
وتشخيص الشباب وخصوصا سمير بك عياد كان في محله كالعاده



ايه اللي اشتكيتي منه قبل ما تحصل المشكلة ؟

من زمان وموضوع النقلات عندي فيه مشكلة .. بدوس بنزين والار بي ام بيعلى وصوت الموتور يعلى وفين على بال ما العربية تفتكر تنقل ..
وبعد كده بقيت احس بنخعة في العربية لما بهدي يعني لما بتنقل من جير اعلى للي اقل منه
ومكانتش بتدور معايا من اول مرة .. كانت بتعذبني عشان تدور لدرجة اني كنت بحس اني بحرق في العربية عشان تدور ..
بس اللي خلاني بقى وديتها ان الفرامل كانت بتصفر ( مشكلة في تيل الفرامل )

غير تيل الفرامل والبوجيهات وفلتر البنزين وزيت الموتور

وموضوع التدوير اتظبط وصفارة الفرامل راحت ..
انما طبعا بالنسبة للنقلات والنخعة اللي في العربية زي مهما لغاية بقى ما حصل اللي حصل ..

الحمد لله .. وشكرا على مساعدتكم ..

[samirayad]

بالنسبة لل brake bad هو يشتغل مع الدوس على الفرملة بالقدم ولا ميكانيزم منفصل ؟

خللى بالك

الفتيس الأوتو وعمل المجموعه الكوكبيه قصه كبيره فعلا

ومعقده شويه فى توزيع النقلات

وأنا بأحاول معاها فعلا

وبأتمنى أعمل لها موضوع منفصل فى التعليمى
بس يكون واضح ومبسط
ويفهمه كل زميل

وللأسف لسه حاسس أنى مش مقتنع بفهمى الكامل لتدرج النقلات

علشان كده ...........لسه لم أقدم على هذه الخطوه قبل التمكن الكامل

عموما

لما أنت بتفرمل العربيه بتسيب البنزين
يعنى بتقفل البوابه بتاعة المكنه

هنا بأه وحدة تحكم الفتيس بتعرف أن الحمل صفر تقريبا اللى على المكنه
لأن العربيه ماشيه بالقصور الذاتى فى no time من تركك لدواسة البنزين وأستعمالك المفاجىء للفرامل

وعلى الفور بيتم أخذ القرار فى فتح سولونويد ال brake bad

الموجود داخل الفتيس على الفلف بودى وبيروح الزيت لكلاتش ال BRAKE BAD
علشان يمسك المجموعه كلها ويمورها بمعنى قريب

لكى لاتحدث تلفيات داخل الفتيس

وهو ده اللى حصل مع الأخت

عدم مسكان ال BRAKE BAD الجيد ( بسبب عيب الزيت أو نقصان ضغطه )

عمل تداخل بين قوتين ( قوة حركه على أساس المجموعه لسه دايره )
وقوة ال BRAKE BAD اللى معرفتشى تقمط على المجموعه كويس وتمورها

ومن هنا فرطت المجموعه ( مثلما حدث )

وهل التروس الكوكبية تتفصل على وضع المور N

طبيعى ميكونش فيه أى نقل حركه بين التروس الشمسيه والتروس الكوكبيه ( المجموعه )

لأن كل الكلاتشات مش رايحلها زيت مضغوط من ال PRESSURE LINE الخارج من طلمبة الزيت فى وضع ال n

وده يخليني اسأل عن الافضل اثناء الفرملة ان العربية تكون على D ولا ننقل على N قبل الفرملة المتوقعة ؟

أعتقد فى حالة الفرمله الفجائيه والغير متوقعه

مع فصل دواسة البنزين
لو حطينا السيلكتور على الوضع N حيكون أأمن للفتيس

[samirayad]

من زمان وموضوع النقلات عندي فيه مشكلة .. بدوس بنزين والار بي ام بيعلى وصوت الموتور يعلى وفين على بال ما العربية تفتكر تنقل ..
وبعد كده بقيت احس بنخعة في العربية لما بهدي يعني لما بتنقل من جير اعلى للي اقل منه

عيب زيت وفلتر للأسف

وده بيصدق على كل توقعاتى

[م.محمد علاء]

لأن الزيت مقدرش يشغل ال brake bad كويس داخل الجير بالقوه الازمه ويكلبشها فى الوقت ده


الضغط الشديد والمفاجىء للفرامل ومع عدم مقدرة ضغط الزيت على أيقاف الغلاف بتاع المجموعه الكوكبيه للتروس من

خلال قفل فجائى لحذاء فرملة المجموعه الكوكبيه

هو يبشمهندس...الفرامل بتبقى مربوطه بصندوق التروس؟؟؟؟؟
الكلام ده فى المانيوال والأوتو ماتيك؟؟؟؟؟ولا الأوتوامتيك بس؟
و الكوكبيه دى Helical gears?
و ايه علاقه زيت الفتيس و الفرامل؟؟؟؟
للأسف الواحد لم يدرس منظمه الجير الا فقد فى مادة التصميم..و أقصى حاجه خدناها كتطبيق كانت الكرونه..

[SkyBird]

شكرا يا باشمهندس سمير على ردودك الطيبة التي لا تترك سؤال بدون توضيح

وللاخت Miss_Pharma موضوعك مهم جدا
اولا ليكي وبعدين لينا احنا اصحاب الفتيس الاوتو وهو ضرورة ان الواحد يكشف بنفسه على زيت الجير ويغير الزيت والفلتر في مواعيده

[samirayad]

هو يبشمهندس...الفرامل بتبقى مربوطه بصندوق التروس؟؟؟؟؟

الكلام ده فى المانيوال والأوتو ماتيك؟؟؟؟؟ولا الأوتوامتيك بس؟
و الكوكبيه دى Helical gears?
و ايه علاقه زيت الفتيس و الفرامل؟؟؟؟

للأسف الواحد لم يدرس منظمه الجير الا فقد فى مادة التصميم..و أقصى حاجه خدناها كتطبيق كانت الكرونه..

أنا زيك مدرستهاش ولا ده تخصصى

أنا تخصصى فى شغل ال MARINE

ديزل وطلمبات وضواغط وغيره ( كتخصص ميكانيكا باور )

والموضوع قصته معقده فعلا

وفيه فرمله داخليه ( من جوه الفتيس ) بتعمل من خلال كلاتش هيدروليكى

للتحكم فى أى مرحله هى اللى حتطلع سرعه





حذوة الفرامل دى هى اللى ممسكتش كويس على المجموعه عند الأخت ومرحش زيت مضغوط صح للبستم اللى على اليمين علشان يمسك المجموعه وقت الفرمله الفجائيه اللى هى فرملتها

وشوف القصه دى كمان




ودى المجموعه على الطبيعه بتروسها المسلوبه HELICAL GEARS