دوست فرامل مرة واحدة .. العربية قطعت النطق !!

[م.محمد علاء]

تسلم....يا هندسه...
الرساله وصلت؟؟؟

[fadod]

[QUOTE=samirayad;3872630327]

الفتيس الأوتو وعمل المجموعه الكوكبيه قصه كبيره فعلا
وبأتمنى أعمل لها موضوع منفصل فى التعليمى
بس يكون واضح ومبسط
ويفهمه كل زميل

وللأسف لسه حاسس أنى مش مقتنع بفهمى الكامل لتدرج النقلات

علشان كده ...........لسه لم أقدم على هذه الخطوه قبل التمكن الكامل





تحياتي لشخص حضرتك ، عجبتني أوي الجمله ديه.ياما فيه ناس كتير ماتعرفش وبتفتي وخلاص ،عايزة تظهر في الصورة وخلاص .


والموضوع فعلاً مش سهل فهمه وماينفعش يتشرح نظري ، عايز يكون قدامك gear مفتوح وشغال إن امكن . بانتظار شرح حضرتك عند تمكنك من فهمه تماماً

[samirayad]

والموضوع فعلاً مش سهل فهمه وماينفعش يتشرح نظري ، عايز يكون قدامك gear مفتوح وشغال إن امكن

أحييك على دقة ملاحظتك

ففيه أشياء ممكن تبقى فاهمها ومتعرفش توصل المعلومه بمجرد كلام نظرى مكتوب على وريقات

ولازم من تواجد الشىء المراد أيضاحه عمليا بينك وبين من تريد أيصال المعلومه اليه

وده اللى بيتعمل فعلا فى الحصص العملى فى كليات القمه زى الهندسه والطب

[SkyBird]

دورت عن automatic gearbox على اليو تيوب ولقيت عليه شوية فيديوهات شكلها مفيد
لسه مشفتهاش

YouTube - How automatic car transmissions work , part 1

YouTube - How automatic transmissions work, part 2

[SkyBird]

واضح ان تركيب الجير معقد جدا
مش عارف ايه الدماغ اللي صممه

[samirayad]

واضح ان تركيب الجير معقد جدا

فعلا

مش عارف ايه الدماغ اللي صممه

البركه مش فى الدماغ اللى صممته فقط

البركه فى الناس اللى بتحتضن الأدمغه دى

وطالما فيه أحتضان للأدمغه
الأدمغه حتفرز حاجات كتير

___________________

مش أحنا
محتضنين دماغ شعبولا وأبو الليف وخلافه

وسايبين العلماء يتشعبطوا فى الترماى

شىء طبيعى العلماء حيبقوا ماسكين فى الترماى وخايفيين لا يتزحقلوا بين الرصيف وشريط الترماى

وبالتالى حتبقى دماغهم مشغوله بالشعبطه فى الترماى

[m.aligamal]

ممكن استفسر ازاى جيجى بتنخع عشان مش قادر امسك نفسى من الضحك
بجد يعنى ايه تنخع
وشكرا يا باشمهندس سمير على شرحك وربنا يكون فى عون الاخت من غباء الميكانكيه الى عاملين نفسهم دكاتره

[m_mekkawy]

سواق التاكسى كلامه مظبوط

[Miss_Pharma]

ممكن استفسر ازاى جيجى بتنخع عشان مش قادر امسك نفسى من الضحك
بجد يعنى ايه تنخع
وشكرا يا باشمهندس سمير على شرحك وربنا يكون فى عون الاخت من غباء الميكانكيه الى عاملين نفسهم دكاتره

هههههههههههه والله ضحكتني جدا ..
هي صحيح مش لايقة انها تبقى جيجي وتنخع ..

يعني بتترج .. بتتنفض .. تترعش .. لا هي مش رعشة بمعنى رعشة .. هي رجة كده .. نخعة يعني

الى حد ما بيكون زي احساسك لما متكونش مسخن العربية كويس والعربية تقطع منك وانت ماشي ..

[m.aligamal]

لا هي مش رعشة بمعنى رعشة .. هي رجة كده .. نخعة يعني وصلت كده نورتى المحكمه

[m.aligamal]

على فكره انا طول عمرى اقول رجرجه او تنتش لكن انا متعود ان نخع ده فشر فقلت ان النخع مثلا بالكويتى يبقى تنتيش او حاجه زى كده اصلى متعود من والدى يقول برضه مفردات كلام غريبه شويتين و اقعد اضحك عليها
عامه حصل خير ولونى الكلمه دى هتعلق جدا معايا

طيب معلش بقا استشاره طالما حضرتك فى الكويت انا والدى فى الكويت حاليا و انا عايزه ينزلى عربيه من هناك بنظام المالك الاول ممكن حضرتك تقوليلى تقريبا التيوتا كرولا موديل السنه طبعا 1600 تعمل كام وعايزها كامله هاى لاين اصل الحقيقه الوالد ملوش فى العربيات خالص