السرفو

[kingmony]

يا جماعه انا عندى سياره 127 ومافيهاش سرفو هل تنصحونى بتركيب سيرفو ولا لاء لأن فيه ناس بتقلى لو ركبت السرفو و العربيه بطلت منك فى الطريق وانتا ماشى مش هتلاقى فرامل ودى طبعا مشكله
وفيه واحد فى الوكاله قالى السرفو عنده استيراد ب 200 جنيه بالمستر هل ده سعر كويس ولا بيشتغلنى

[samirayad]

لأن فيه ناس بتقلى لو ركبت السرفو و العربيه بطلت منك فى الطريق وانتا ماشى مش هتلاقى فرامل ودى طبعا مشكله

ده كلام مش مظبوط

فالسيرفو ماهو الا مساعد أو مؤازر أو معاون لقدم سائق السياره

فى تخفيف الجهد المبذول من قبل قائد السياره بضغطه على دواسة الفرامل أثناء أستعمال الفرامل

__________________________

وسورى فى التشبيه

زى مايكون عندك شنطه تقيله

ممكن تشيلها لوحدك ....بس حتحس بمجهود شويه

وممكن تخللى واحد يساعدك فى شيل الشنطه

ووجود معاون أو مؤازر ليك فى شيل الشنطه
بالطبع حيحسسك بالراحه وعدم المجهود فى شيل الشنطه

هو ده التشبيه القريب لدور السيرفو فى دورة الفرامل

وعلى رأى المثل


( القفه أم ودنين يشيلوها أتنين )......بس لو ودن أنقطعت ....حتتشال القفه برضه ...بس حتتعب اللى حيشيلها لوحده شويه

_______________________

يلاحظ أن اللى حيساعدك فى شيل الشنطه
هو ده السيرفو

____________________

نفترض ملقيناش اللى يساعد ( السيرفو )

حتتشال الشنطه برضه ولا الحاجه للى مش عاوز يساعد ( يعنى الفرامل حتشتغل عادى زى زمان لو أتلغى دور السيرفو فجأه )

[SAMEH_FOUAD]

معلش ياستاذ سمير انا لية عندك تعليق على نقطة
دلوقتى طبعا احنا متفقين ان السيرفو مهم جدا فى العربية ولازم طبعا يركبوا وكمان هو نظام مساعد للفرامل ولازم يكون عندة مكان فى الماتور يركب فية ماسورة الهواء بتاعة السيرفو لانة طبعا بيشتغل عن طريق الماتور
يبقى كدة لو وهو ماشى والسيارة بطلت فجاءة اول دوستين او تلاثة بالظبط هيلاقى فرامل عادى وبعد كدة البدال هيحجر معاة جامد جدا ومهما يدوس بقوة السيارة مش هتفرمل لان المصدر بتاعة اتقطع وهو ضغط الهواء

[samirayad]

ولازم طبعا يركبو

مش لازم يركبوا ولا حاجه
دى دورة الفرامل عنده من غير سيرفو أسأسا
وتصميم العربيه كده

________________________

يعنى مفيهاش سيرفو

وأنا علقت على أتجاه تانى خالص

نفترض عمل التعديل وركبه

يبقى رجله حترتاح على الدواسه فقط

أما لو حصل معاه موقف والعربيه بطلت لأى سبب وهو ماشى بيها

يبقى دو السيرفو أتلغى ( زى ما أنت بتقول لأنه مرتبط بهواء المكنه )

يبقى أيه اللى حيحجر الدواسه ويخللى الفرامل أى كلام فى الوقت ده

ماهى كانت شغاله أصلا بدون سيرفو

[ainshouka]

بس فعلا لو انا ضغطت على دواسة الفرامل والعربية مش دايرة بتحجر منى لدرجة انها حصلت على منزل والعربية بترجع لورا وكانت مبطلة اطريت اشد الهاند عشان الدواسة كانت محجرة تماما ومش بتوقف العربية نهائى

[samirayad]

بس فعلا لو انا ضغطت على دواسة الفرامل والعربية مش دايرة بتحجر منى لدرجة انها حصلت على منزل والعربية بترجع لورا وكانت مبطلة اطريت اشد الهاند عشان الدواسة كانت محجرة تماما ومش بتوقف العربية نهائى

يا جماعه انا عندى سياره 127 ومافيهاش سرفو

[ainshouka]

:h_angry[1]:

[kingmony]

طيب يا جماعه انا كده مش فاهم يعنى اركب السرفو ولا لاء انتوا كده حيرتونى اكتر ما انا محتار بلاقى فرامل لو العربيه بطلت ولا لاء

[samirayad]

طيب يا جماعه انا كده مش فاهم يعنى اركب السرفو ولا لاء انتوا كده حيرتونى اكتر ما انا محتار بلاقى فرامل لو العربيه بطلت ولا لاء

طيب وأنت أيه اللى محيرك

ومتفكر صح فى الموضوع المكتوب

وعتندك مثلا عربيتى أو أى عربيه فيها سيرفو

لما المكنه بتبطل فجأه من صاحبها وهو ماشى على سرعه

هل مش حيلاقى قرامل

لا طبعا

الفرامل موجوده وبنت حلال أوى

[kingmony]

طيب وأنت أيه اللى محيرك

ومتفكر صح فى الموضوع المكتوب

وعتندك مثلا عربيتى أو أى عربيه فيها سيرفو

لما المكنه بتبطل فجأه من صاحبها وهو ماشى على سرعه

هل مش حيلاقى قرامل

لا طبعا

الفرامل موجوده وبنت حلال أوى

شكرا ليك يا باش مهندس والله انا مقتع بكلامك جدا لكن الحيرنى رأى كلام بعض الاراء التى تقول ان الفرامل بتحجر سواء فى الكتابه فى هذا الموضوع او بره لكن ان شاء الله هعملو لكن ممكن بس سؤال صغير انا عارف انى تعبتك معايا لكن ده من عشمى فيك وفى اعضاء المنتدى هل السرفو لازم اجيب معاه مستر ولا لاء لان كل ما اسأل على سعر سرفو يقولولى بالمستر ولا من غيره

[SAMEH_FOUAD]

مهندس سمير حضرتك كدة جرب عربية يكون فيها سيرفو وامشى بيها وبطل العربية ودوس فرامل هتلاقى العربية بتفرمل فى اول تلات دوسات وبعد كدة خلاص الفرامل مافيهاش هتلاقى البدال نشف معاك اوى ,اصلى احنا جربناها فى عربية بيجو 504 وكنا هنخبط بسببها
لكن الحمد لله دارت
بالنسبة للعربية طبعا السيرفو مهم جدا فى العربية ولازم يركبة هايحس بفرق كبير اوى فى الفرامل
ومش مشكلة هية نازلة باية من المصنع بس طالما فية امكانية تعديل للاحسن يبقى خلاص تتعمل

[SAMEH_FOUAD]

شكرا ليك يا باش مهندس والله انا مقتع بكلامك جدا لكن الحيرنى رأى كلام بعض الاراء التى تقول ان الفرامل بتحجر سواء فى الكتابه فى هذا الموضوع او بره لكن ان شاء الله هعملو لكن ممكن بس سؤال صغير انا عارف انى تعبتك معايا لكن ده من عشمى فيك وفى اعضاء المنتدى هل السرفو لازم اجيب معاه مستر ولا لاء لان كل ما اسأل على سعر سرفو يقولولى بالمستر ولا من غيره

طبعا لازم تغير الماستر عشان فرق المقاسات فى طول صباع الماستر نفسة اللى هايدخل فى السيرفو
وبعدين انت هاتجيب ماستر فرامل بالسيرفو بتاع ال128 هيبقى احسن متهيالى

[samirayad]

مهندس سمير حضرتك كدة جرب عربية يكون فيها سيرفو وامشى بيها وبطل العربية ودوس فرامل هتلاقى العربية بتفرمل فى اول تلات دوسات وبعد كدة خلاص الفرامل مافيهاش هتلاقى البدال نشف معاك اوى

على رأى محمد رشدى فى أدهم الشرقاوى


أجيب منين ناس .....لمعنات الكلام يتلوه


_________________________


ما عربية الراجل معانا أهه من غير سيرفو أساسا

وبتفرمل زى القشطه

ولا عمرها قالت أنا مش متفرمله ولا لما المكنه تبطل منه
حتروح قايلاله
سامحنى ياصاحبى أنا مش مفرمله معاك

يبقى أصدق تجربتك مع البيجو

وأسيب التصميم اللى قدامى

دا كده أنا بأكذب أبله نظيره

وهى بتقول

القطنه مبتكدبش

[م.محمد علاء]

بشمهندس سمير..استاذى..اخبار حضرتك ايه..
انا كان ليا واحد صاحبى...معاه بيجو 504...
وكان ماشى وحياخد يوتيرن..
العربيه بطلت منه..
و كانت فيه عربيه قدامه حتاخد اليوتيرن بردو...
داس فرامل بعد العربيه مبطلت...
مفيش...
هوووووب...لبث على رأى أحمد آدم..
يوميها قالى ..أصل السيرفو بتاع البيجو ..كهرباء؟؟؟
و من يوميها عرفت ان السيرفو...لو العربيه بطلت...فيه مشكله...
رغم ان فى 128 احنا عندنا جراج تحت البيت...
كل مره لما باجى من أخر الشارع...بدوس بنزين و أقوم مبطل العربيه لحد متقف عند باب الجراج..
مفيش مشكله من ان السيرفو بقى والكلام ده...
يوميها قالى ..اصله مش كهربا؟؟؟
ما التفسير العلمى لذلك الهراء؟؟؟

[samirayad]

ما التفسير العلمى لذلك الهراء؟؟؟

حقيقى مش عارف

أول مره أسمع عن سيرفو شغال بالكهرباء

بس أعتقد أنها صعبه شويه

وإلا السواق ممكن يتكهرب من رجليه
لو كان السيرفو بيشتغل بالكهرباء