الصيانة قبل السفر

[ahmadhussein]

يا جماعة انا كنت عايز اعرف ايه هى الصيانات بالظبط التى يجب عملها قبل السفر ؟؟؟ واكشف على ايه بالظبط علشان لقدر الله العربية ماتتعطلش فجأة فى الطريق ودى بتكون ارخم حاجه وموقف صعب جدا ... وخصوصا لو معاك الاسرة .

ثانيا فى ناس بتقول لازم برده تكشف على الموبينة والحاجات اللى بتعطل العربية فاجأة وتخليها ماتمشيش !!!! طيب هل الموبينة دى مالهاش اعراض انها ممكن تعطل زى التعتيل مثلا ولا ايه؟؟؟
ولو كلامهم صح يتكشف عليها صح ازاى ؟؟؟

ومتشكر جدا مقدما لكم جميعا ....

[m_mekkawy]

عربيتك نوعها ايه

[thedeveloper87]

متابع. والكشف ده لجميع أنواع السيارات وليس لنوع معين.

[Ahmed Galal]

قبل ما تسافر هاتراجع على الكوتش و الاستبن و تاخد معاك حبل لقطر العربية لو احتجته و طبعا الكوريك
مراجعة مياه البطارية و الكشف عليها لو لزم عند بتوع البطاريات و بالمرة خرج الدينامو
و تراجع على مياه الردياتير و مستواها و سوائل الدبرياج و الفرامل او الفتيس الاتوماتك
لو عربيتك بدبرياج سلك خلى واحد معاك احتياطى
طبعا تكون حالة الفلاتر كويسة من بنزين و زيت و هوا و يكون الزيت فاضل فيه مسافة كويسة قبل الغيار يعنى ما تسافرش و انت على وشك تغييير الزيت تغيره الاول
تخلى معاك طقم فيوزات و طقم كهربا لو عربيتك بابلاتين و كوندينسر و طقم سيور و كوريك و ازازة ميه فاضية و قمع
تربط عفشة و تشيك على تثبيت الشكمان و يا سلام لو ربطته من اماكن التعليق الكوتش بافيزات احتياطى و تشيك على اى تسريبات اسفل العربية
و البوبينة لو فيها مشاكل هاتبان من الدوارة و هاتتعبك و بالصيانة الدورية مش هاتدخل نفسك فى مشاكلها انا عندى اسبراتير الكترونى فمش عارف عنها معلومات كتير لكن فيه اخوة فى المنتدى كانوا بيقولوا ليها اختبارات ممكن يفيدونا و يعيدوها تانى

و قبل كل ده توكل على الله و سمى الله و دعاء السفر و تروح و تيجى بالسلامة

[m_mekkawy]

متابع. والكشف ده لجميع أنواع السيارات وليس لنوع معين.

الكشف ليس عام
بسال ع النوع عشان اشوف الماكينه حقن ولا عاديه تاكيهاتها ضغط زيت ولا عاديه حالتها عامه جديده ولا قديمه

[ahmadhussein]

عربيتك نوعها ايه

عربيتى قديمة شوية هى ريجاتا 85

[ahmadhussein]

قبل ما تسافر هاتراجع على الكوتش و الاستبن و تاخد معاك حبل لقطر العربية لو احتجته و طبعا الكوريك
مراجعة مياه البطارية و الكشف عليها لو لزم عند بتوع البطاريات و بالمرة خرج الدينامو
و تراجع على مياه الردياتير و مستواها و سوائل الدبرياج و الفرامل او الفتيس الاتوماتك
لو عربيتك بدبرياج سلك خلى واحد معاك احتياطى
طبعا تكون حالة الفلاتر كويسة من بنزين و زيت و هوا و يكون الزيت فاضل فيه مسافة كويسة قبل الغيار يعنى ما تسافرش و انت على وشك تغييير الزيت تغيره الاول
تخلى معاك طقم فيوزات و طقم كهربا لو عربيتك بابلاتين و كوندينسر و طقم سيور و كوريك و ازازة ميه فاضية و قمع
تربط عفشة و تشيك على تثبيت الشكمان و يا سلام لو ربطته من اماكن التعليق الكوتش بافيزات احتياطى و تشيك على اى تسريبات اسفل العربية
و البوبينة لو فيها مشاكل هاتبان من الدوارة و هاتتعبك و بالصيانة الدورية مش هاتدخل نفسك فى مشاكلها انا عندى اسبراتير الكترونى فمش عارف عنها معلومات كتير لكن فيه اخوة فى المنتدى كانوا بيقولوا ليها اختبارات ممكن يفيدونا و يعيدوها تانى

و قبل كل ده توكل على الله و سمى الله و دعاء السفر و تروح و تيجى بالسلامة

متشكر جدا على الافادة الجامدة دى يابــااااااااشا
بس كنت عايز اعرف ازازة الميه الفاضية دى ليه؟؟؟
وهو لو لقدر الله حصل حاجه للابلاتين والكوندنسر هغيرهم ازاى وانا مااعرفش اغيرهم لانى اعرف ان الاسبراتير ليه وضع معين لازم يكون فيه وغير كده انا بصراحه ماغيرتهمش قبل كده لوحدى ولا رايك اغير طقم الكهرباء كله قبل مااسافر وخلاص ؟؟؟

وسؤال كمان بعد اذنك هو سلك الدبرياج ده انا ماغيرتهوش من ساعة ماجبت العربية من سنة هل اكشف عليه ولا ايه؟؟؟بس هو مافيش مشاكل فى السحب ولا حاجه

[ahmadhussein]

متشكر لكل الاخوة الاعزاء اللى متابعين معانا

[heshamzaky]

متشكر جدا على الافادة الجامدة دى يابــااااااااشا
بس كنت عايز اعرف ازازة الميه الفاضية دى ليه؟؟؟
وهو لو لقدر الله حصل حاجه للابلاتين والكوندنسر هغيرهم ازاى وانا مااعرفش اغيرهم لانى اعرف ان الاسبراتير ليه وضع معين لازم يكون فيه وغير كده انا بصراحه ماغيرتهمش قبل كده لوحدى ولا رايك اغير طقم الكهرباء كله قبل مااسافر وخلاص ؟؟؟

وسؤال كمان بعد اذنك هو سلك الدبرياج ده انا ماغيرتهوش من ساعة ماجبت العربية من سنة هل اكشف عليه ولا ايه؟؟؟بس هو مافيش مشاكل فى السحب ولا حاجه

بص يا باشا الزميل الى كتبلك الرد من الواضح انة سواق ماهر ومتمرس كلامة كلة صح 100 فى المية هو يحاول ان يأمنك يعنى لو سعادتك فى مكان بعيد ممكن بسهولة لو معاك الابلاتين والكوندبسر اى سواق على الطريق يكون عندة الخبرة الميكانيكية لتغيرهم لو هما معاك الفزورة الاخرى حتعمل اية بزجاجة فاضية ليها استعمالين لو البنزين قطع وعاوز بنزين او مياة وممكن ايضا قطع الزجاجة وتخليها قمع لوضع بنزين او زيت وبعدين الراجل بيأمنك لان لو اتزنقت على الطريق قطعة الغيار الى معاك تساوى ذهبا والله مرة شفت سواق وقف لعربية ملاكى كان عاوز يبيع لة الابلاتين الزبالة المستعمل الى فى شنطة العربية عندة مرمى ب 50 جنية اسغلال موقف او تسيب العربية وتنط اوتو ستوب لمكان مجهول معرضا من فى سيارتك للجلوس لوحدهم وانت شخصيا لما يمكن ان يحدث ما لا يحمد عقباة فهمت قصدى

[ahmadhussein]

بص يا باشا الزميل الى كتبلك الرد من الواضح انة سواق ماهر ومتمرس كلامة كلة صح 100 فى المية هو يحاول ان يأمنك يعنى لو سعادتك فى مكان بعيد ممكن بسهولة لو معاك الابلاتين والكوندبسر اى سواق على الطريق يكون عندة الخبرة الميكانيكية لتغيرهم لو هما معاك الفزورة الاخرى حتعمل اية بزجاجة فاضية ليها استعمالين لو البنزين قطع وعاوز بنزين او مياة وممكن ايضا قطع الزجاجة وتخليها قمع لوضع بنزين او زيت وبعدين الراجل بيأمنك لان لو اتزنقت على الطريق قطعة الغيار الى معاك تساوى ذهبا والله مرة شفت سواق وقف لعربية ملاكى كان عاوز يبيع لة الابلاتين الزبالة المستعمل الى فى شنطة العربية عندة مرمى ب 50 جنية اسغلال موقف او تسيب العربية وتنط اوتو ستوب لمكان مجهول معرضا من فى سيارتك للجلوس لوحدهم وانت شخصيا لما يمكن ان يحدث ما لا يحمد عقباة فهمت قصدى

أفادكم الله بجد كما افادتونى متشكر جدا يا جماعه ويا استاذ هشام على توضيح الامور ليا ..... ومعلش كنت عايز اعرف لما اروح للميكانيكى قبل السفر اقوله يعمل صيانة على حاجه معينة تانية بخلاف ماذكر من كشف على الزيوت والفلاتر وخلافه ؟؟؟؟ ولا ده كده يبقى كل حاجه؟

[heshamzaky]

أفادكم الله بجد كما افادتونى متشكر جدا يا جماعه ويا استاذ هشام على توضيح الامور ليا ..... ومعلش كنت عايز اعرف لما اروح للميكانيكى قبل السفر اقوله يعمل صيانة على حاجه معينة تانية بخلاف ماذكر من كشف على الزيوت والفلاتر وخلافه ؟؟؟؟ ولا ده كده يبقى كل حاجه؟

العفو يا باشا ...... لما تروح للميكانيكى عادى لو تعرفة علشان ميعملش عليك شغل ويقول زبون سقع بقى ناخد كام جنية منة لو تعرفة قول لو تمم على كل حاجة علشان انا مسافر بأذن الله بدل ما اكلمك واخليك تحصلنى على الطريق الصحراوى بذلك انت تراعى الحالة النفسية لة وتعطية ثقة بنفسة وبالتالى سيقدم لك افضل ما عندة حضرتك فهمت قصدى طبعا وتأكد من سير الدينامو و الرادياتير وعلى فكرة الريجاتا ما شاء الله عربية جميلة جدا لا تقلل من شأنها وما تزودش عن السرعة القانونية مش نعمل حساب كل حاجة وندور على الرخصة بعد كدة مع العلم اننى من هواة السرعة بس باب النجار مخلع ورحلة سعيدة بأذن الله

[Ahmed Galal]

معلش اتاخرت فى الرد لكن الاستاذ هشام جزاه الله خير قام بالواجب و سلك الدرياج غيره احسن بدام معاك من اول ما جبت العربية و ما تعرفش تاريخه السابق و يستحسن بردك يكون معاك شوية مفكات عادة و صليبة و طقم مفاتيح بلدى و ناحية و ناحية و يعنى لو هاتزود فى الحرص يبقا بيبة فك بوجيهات و ان شاء الله تروح و تيجى بالسلامة و الميكانيكى هايراجعلك على العربية بس يستحسن بقا تتعلم انت الحاجات الرئيسية فى عربيتك و المراجعة عليها بنفسك و الريجاتا من اسهل ما يكون عربية بسيطة و سالكة و ربنا يباركلك فيها

[heshamzaky]

معلش اتاخرت فى الرد لكن الاستاذ هشام جزاه الله خير قام بالواجب و سلك الدرياج غيره احسن بدام معاك من اول ما جبت العربية و ما تعرفش تاريخه السابق و يستحسن بردك يكون معاك شوية مفكات عادة و صليبة و طقم مفاتيح بلدى و ناحية و ناحية و يعنى لو هاتزود فى الحرص يبقا بيبة فك بوجيهات و ان شاء الله تروح و تيجى بالسلامة و الميكانيكى هايراجعلك على العربية بس يستحسن بقا تتعلم انت الحاجات الرئيسية فى عربيتك و المراجعة عليها بنفسك و الريجاتا من اسهل ما يكون عربية بسيطة و سالكة و ربنا يباركلك فيها

أشكرك على ذوقك يا باشا من الواضح انك انسان حريص وعلى رأى المثل بعض الشك من محاسن الفطن انا عامل كدة صندق صغير فى شنطة العربية بة معظم ما يمكن ان احتاجة بدل سؤال اللئيم ويوجع لى قلبى وبالمرة نقول لل الزميل اوعى تنسى تخلى معك شنير عجل قديم ممكن ينفع فى الطوارء كمان شريط شيكرتون للكهرباء

[m_mekkawy]

كلام احمد جلال مظبوط

[khaled_sabry]

عربيتى قديمة شوية هى ريجاتا 85

ههههههههههههههههههه
ولا قديمه و لا حاجه
انا معايا تيوتا كرولا 1978
وانا مقيم فى القاهره و بسافر بيها اسيوط - اسكندريه - راس البر - الشرقيه (و لو انى مش بعتبرها سفر اصلا للشرقيه )
بس هو اهم حاجه من حيث الترتيب من وجهه نظرى المتواضعه
1- الاستبن
2- ابلاتين و كوندنسر ( لأن الابلاتين بيلدع و اعرف انه عمل الحركه دى فى عربيات كتييييير فى الطريق .. منها عربيه مرسيدس كان فيها عمى و جدتى على طريق القاهره اسيوط الصحراوى)
3- بوجيهات و مفتاح بوجيهات ليه
4- باقيه الحجات اللى زملاء قالولك عليها

على فكره انا شايل فى العربيه طقم مفاتيح بلدى احتياطى للطوارئ