الصيانة قبل السفر

[ahmadhussein]

معلش اتاخرت فى الرد لكن الاستاذ هشام جزاه الله خير قام بالواجب و سلك الدرياج غيره احسن بدام معاك من اول ما جبت العربية و ما تعرفش تاريخه السابق و يستحسن بردك يكون معاك شوية مفكات عادة و صليبة و طقم مفاتيح بلدى و ناحية و ناحية و يعنى لو هاتزود فى الحرص يبقا بيبة فك بوجيهات و ان شاء الله تروح و تيجى بالسلامة و الميكانيكى هايراجعلك على العربية بس يستحسن بقا تتعلم انت الحاجات الرئيسية فى عربيتك و المراجعة عليها بنفسك و الريجاتا من اسهل ما يكون عربية بسيطة و سالكة و ربنا يباركلك فيها

أنا مش عارف اشكركم ازاى يا جماعة على ذوقكم وردودكم الجميله اللى تشجع دى وربنا يوقف لكم اللى يفيدكم دايما ويساعدكم فى حياتكم كلها مش فى مجال السيارات بس ... ألف الف شكر

[ahmadhussein]

ههههههههههههههههههه
ولا قديمه و لا حاجه
انا معايا تيوتا كرولا 1978
وانا مقيم فى القاهره و بسافر بيها اسيوط - اسكندريه - راس البر - الشرقيه (و لو انى مش بعتبرها سفر اصلا للشرقيه )
بس هو اهم حاجه من حيث الترتيب من وجهه نظرى المتواضعه
1- الاستبن
2- ابلاتين و كوندنسر ( لأن الابلاتين بيلدع و اعرف انه عمل الحركه دى فى عربيات كتييييير فى الطريق .. منها عربيه مرسيدس كان فيها عمى و جدتى على طريق القاهره اسيوط الصحراوى)
3- بوجيهات و مفتاح بوجيهات ليه
4- باقيه الحجات اللى زملاء قالولك عليها

على فكره انا شايل فى العربيه طقم مفاتيح بلدى احتياطى للطوارئ

كلك ذوق والله يا استاذ خالد فتحت نفسى مع انى كنت خايف منها اوى لانى بصراحة اول مرة اسافر وهيبقى معايا اسرتى اشكرك يا فندم

[ahmadhussein]

أشكرك بشده يا استاذ هشام بجد افادتنى ...جعلك الله عونا لعباده انت وجميع الزملاء الاعزاء بالمنتدى الجميل ده

[ahmadhussein]

طيب طقم المفاتيح ده بيتجاب كله على بعضة يعنى اروح اقوله عايز طقم مفاتيح ناحية وناحية ولا هقوله على مقاساتهم وبرده لو تدلونى مين بيبعهم يعنى بتوع قطع الغيار بيبقى عندهم الطقم ده هو و البيبه بتاعت البوجيهات ؟؟؟ وهل البيبه ليها مقاس معين ولا كلها مقاس واحد ؟؟واسعارهم هتكون فى حدود كام ؟؟
وبرده سلك الدبرياج ده هل هيحتاج شغلانة من الميكانيكى زى الديسك والاسطوانه ولا تركيبة سهل علشان بس مايعملش عليا شغل .

[khaled_sabry]

طيب طقم المفاتيح ده بيتجاب كله على بعضة يعنى اروح اقوله عايز طقم مفاتيح ناحية وناحية ولا هقوله على مقاساتهم وبرده لو تدلونى مين بيبعهم يعنى بتوع قطع الغيار بيبقى عندهم الطقم ده هو و البيبه بتاعت البوجيهات ؟؟؟ وهل البيبه ليها مقاس معين ولا كلها مقاس واحد ؟؟واسعارهم هتكون فى حدود كام ؟؟
وبرده سلك الدبرياج ده هل هيحتاج شغلانة من الميكانيكى زى الديسك والاسطوانه ولا تركيبة سهل علشان بس مايعملش عليا شغل .

بس موضوع المفاتيح دى كان مفيد بالنسبالى لأنى من النوع اللى بحب اربط و افك الحجات بايدي من ايام ماكان عندى عجله و انا صغير (لما كان عندى 13 سنه قلبت العجله العاديه بتاعتى و ركبتلها تروس عجله سباق ) فموضوع الميكانيكا ده عندى مزاج من زمان و كنت دايما اقف مع والدى و انا صغير عند الميكانيكي و كان املى اطلع ميكانيكي ...بس طلعت مهندس فى الاخر معلشى بقى
فلو انتا مالكشى خبره فى الفك و التركيب يبقى بلاش احسن لحسن تبوظ حاجه من غير قصد

بس خليك فى المفكات العاده و الصليبه من احجام صغيره و كبيره
بيبة فك بوجيهات = مفتاح فك البوجيهات ده بتشتريه من عند اى حد بتاع اكسسوار و هى ليها مقاسين يتهيألى على العموم انتا قوله بتاعت الملاكى ( بصراحه مش فاكر مقاسها ) و انتا جرب المقاس و انتا عنده على اى بوجيه او على بوجيه متركب عندك فى الموتور (شوفه مظبوط و لا مالبسى ) وهو سعره 8 جنيه بالظبط

[hobaz]

قبل ما تسافر هاتراجع على الكوتش و الاستبن و تاخد معاك حبل لقطر العربية لو احتجته و طبعا الكوريك
مراجعة مياه البطارية و الكشف عليها لو لزم عند بتوع البطاريات و بالمرة خرج الدينامو
و تراجع على مياه الردياتير و مستواها و سوائل الدبرياج و الفرامل او الفتيس الاتوماتك
لو عربيتك بدبرياج سلك خلى واحد معاك احتياطى
طبعا تكون حالة الفلاتر كويسة من بنزين و زيت و هوا و يكون الزيت فاضل فيه مسافة كويسة قبل الغيار يعنى ما تسافرش و انت على وشك تغييير الزيت تغيره الاول
تخلى معاك طقم فيوزات و طقم كهربا لو عربيتك بابلاتين و كوندينسر و طقم سيور و كوريك و ازازة ميه فاضية و قمع
تربط عفشة و تشيك على تثبيت الشكمان و يا سلام لو ربطته من اماكن التعليق الكوتش بافيزات احتياطى و تشيك على اى تسريبات اسفل العربية
و البوبينة لو فيها مشاكل هاتبان من الدوارة و هاتتعبك و بالصيانة الدورية مش هاتدخل نفسك فى مشاكلها انا عندى اسبراتير الكترونى فمش عارف عنها معلومات كتير لكن فيه اخوة فى المنتدى كانوا بيقولوا ليها اختبارات ممكن يفيدونا و يعيدوها تانى

و قبل كل ده توكل على الله و سمى الله و دعاء السفر و تروح و تيجى بالسلامة

تمام كده يا أحمد باشا وفعلا انت جبت كل حاجة ماشاء الله عليك مش لاقي حاجة اقولها....

[heshamzaky]

طيب طقم المفاتيح ده بيتجاب كله على بعضة يعنى اروح اقوله عايز طقم مفاتيح ناحية وناحية ولا هقوله على مقاساتهم وبرده لو تدلونى مين بيبعهم يعنى بتوع قطع الغيار بيبقى عندهم الطقم ده هو و البيبه بتاعت البوجيهات ؟؟؟ وهل البيبه ليها مقاس معين ولا كلها مقاس واحد ؟؟واسعارهم هتكون فى حدود كام ؟؟
وبرده سلك الدبرياج ده هل هيحتاج شغلانة من الميكانيكى زى الديسك والاسطوانه ولا تركيبة سهل علشان بس مايعملش عليا شغل .

العفو يا باشا وشكرا لذوقك بالنسبة للعدة بلاش طقم كامل اكثر الشغل على المقاسات الاتية مقاس 8 و 10 و 13 والمفناح البلدى يعكيك حرية اسرع فى الربط المفتاح المشرشر عاوز حاجة يكون حواليها مكان فاضى شوية علشان تعرف تفك وتربط واخر حاجة البيبة ودى علشان الصواميل المدفوسة شوية والبيبة جميلة فى استخدامها جدا محكومة فى ايدك وتطول الصواميل الى فى مكان مزنوق اوى بالنسبة لتركيب سلك الدبرياج هايف جدا بالنيبة للميكانيكى

[heshamzaky]

لو نزلت التوفيقية العدة مرمية على الارض كل الاشكال والاصتاف وطبعا كلة صينى اوعى تفكر تجيب عدة ألمانى غالية و ليس لك استخدام تقيل علشان تفكر تجيبها بس هى تحفة الاسعار المفتاح البلدى او المشرشر الطقم ممكن 10 جنية بس مقاسات صغيرة البيبة العادية من 5 الى 7 جنية كحد اقصى مفتاح البوجيهات مش عارف بكام بس رخيص مش واو يعنى