ياريت تفكروا معايا

[SAMEH_FOUAD]

دلوقتى صاحبى معاة لانسر 2005 والعربية اتركنت انهاردة على الظهر كدة

المهم جية يدور لقا العربية بدور على سلانسية واطى جدا وفاضلها سنة وتبطل ,يزود بنزين الاربى ام بيتحرك بالعافية ,هو كان عندة صوت بيطلع من طلمبة البنزين تقريبا الترس بتاعها خشن ,فبيعمل صوت والصوت دة اختفى نهائى والطلمبة هادية جدا وطبعا العربية فى جراج والدنيا هدوء جدا فسامعين كل حاجة كويس
روحت قايلة طيب عايزين نشوف ضغط الطلمبة كويس ولا لأ روحت شايل فيشة الطلمبة الغريبة بقى ان العربية مابطلتش والاغرب ان اول لما شيلت فيشة الطلمبة الاربى ام ارتفع والعربية اتظبطت وقعدت على الوضع دة كدة شغالة بدون فيشة الطلمبة ماتتوصل حوالى خمس دقايق وبعد دة طفت ,روحت موصل فيشة الطلمبة وادور بردة دايرة على سلانسية واطى جدا ,روحت شايل فيشة الطلمبة الاقى الاربى ام ارتفع وظبط روحت دايس بنزين العربية بطلت فورا قولتلة يبقى شوية البنزين اللى الفلتر هما اللى كانوا مدورينها وضغط الطلمبة ضعيف لان صوتها ابتدى يظهر تانى بعد مالعربية فضلت دايرة اكتر من ربع ساعة على وضع السلانسية
ولما اجى ازود بنزين جامد الاربى ام وهو بيرجع ويجى عند مثلا عدد لفات 2 تروح العربية مطلعة فرقعة هواء اسود ,لحد ماتظبطت بعديها بربع ساعة

قولتلة انت مغير فلتر البنزين امتى قالى مغيرة بقالى شهر جايبة الاصلى من التوكيل

ونظفتلة فلتر الهواء وخليتة نظيف جدا لانة بردة لسة مغيرة

انا شاكك فى الطلمبة دية بس اللى مستغربلة اشمعنا لما بنشيل فيشة الطلمبة العربية بتظبط ؟

[ahmad5997]

انا شايف ان الطلمبة هي السبب لأن في حال تركيبها المشكلة بتظهر ولما بتشلها المشكلة بتتح ودة يرجع لأم الطرف الاخر اللي هو هيركب في الطلمبة بقي مفتوح
بمعني اوضح الطلمبة ضغطت شوية بنزين في الفلتر صغيرين جدا بدأ الموتور يشتغل بيهم بس الكمية اللي الطلمبة بتطلعهم مش علي قدر الاحتياج انما لما بتشيل الطلمبة بيبقي الطرف مفتوح ف الموتور بيسحب البنزين اللي في الفلتر براحتة بدون كتمة ضعف الطلمبة
مش عارف انا عرف اوصل اللي انا فاهمه ولا لا
اسف علي الاطالة وتقبل مروري

[SAMEH_FOUAD]

انا شايف ان الطلمبة هي السبب لأن في حال تركيبها المشكلة بتظهر ولما بتشلها المشكلة بتتح ودة يرجع لأم الطرف الاخر اللي هو هيركب في الطلمبة بقي مفتوح
بمعني اوضح الطلمبة ضغطت شوية بنزين في الفلتر صغيرين جدا بدأ الموتور يشتغل بيهم بس الكمية اللي الطلمبة بتطلعهم مش علي قدر الاحتياج انما لما بتشيل الطلمبة بيبقي الطرف مفتوح ف الموتور بيسحب البنزين اللي في الفلتر براحتة بدون كتمة ضعف الطلمبة
مش عارف انا عرف اوصل اللي انا فاهمه ولا لا
اسف علي الاطالة وتقبل مروري

شكرا جدا لردك ياباشا

وانا قولتلة انها طلمبة ,بس اللى محيرنى ان الطلمبة تشتغل العربية ترعش والاربى ام توطى ,الفيشة بتاعتها تتشال الاربى ام يظبط
هو دة اللى جننى ,فقولت طيب حتى لو الطلمبة بتضخ بنزبن ضعيف جدا ,طيب ماكدة كدة الماتور شغال بحبة بنزين صغيرين فى الفلتر لية بقى مايبقاش منتظم ؟؟؟؟ ويبقى بس التقل لما تيجى تتحرك بالعربية او تجرى بيها

دة بردة اللى مجننى

دة غير انها بتخلى العربية تتكتم منة الصبح كتمة منيلة وبتقعد كتير قوى لحد ماتظبط فى السحب بس بردة بيقولى مش سحبها حاسس ان فية حاجة كاتماها
قولتلة ياعم غيرها قالى انا لسة جايبها من شهرين تقريبا حاجة زى كدة

عايز ناس تفكر معانا اكتر
احنا دلوقتى اتنين موافقين على انها طلمبة

[estemalek]

سمسم باشا
فك الخرطوم اللى واصل من الطرمبة للفلتر و جرب تدور العربية لقيت ضغط البنزين ضعيف تبقى الطرمبة ضعيفة او الوصلة دى مسدودة
لو لقيت الضغط كويس فك بعد الفلتر و جرب تدور العربية لقيت الضغط ضعيف يبقى القلتر مسدود و لو كويس يبقى فى حاجة فى الانجكشن
و يا ريت تبص على خرطوم الراحع و بالتوفيق

[samirayad]

فقولت طيب حتى لو الطلمبة بتضخ بنزبن ضعيف جدا ,طيب ماكدة كدة الماتور شغال بحبة بنزين صغيرين فى الفلتر لية بقى مايبقاش منتظم ؟؟؟؟ ويبقى بس التقل لما تيجى تتحرك بالعربية او تجرى بيها

دة بردة اللى مجننى

نفس أحساسك

وشاكك أن المشكله مش فى الطلمبه

وطبعا المكنه بأربع رشاشات على مسطرة بنزين ..........؟

[SAMEH_FOUAD]

نفس أحساسك

وشاكك أن المشكله مش فى الطلمبه

وطبعا المكنه بأربع رشاشات على مسطرة بنزين ..........؟

اة ياباشا المكنة على اربع رشاشات على مسطرة

انا بردة روحت شايل كل فيشة رشاش لقيت العربية بتبرجل ,ونفس البرجلة فى كل رشاش يعنى كدة انا اطمنت على الرشاشات

انا بقى عملتلة حاجة حلوة اوى فكيتلة حساس الmap ونظفتة والعربية ظبطت بعديها وبقت شغالة كويس وشيلتلة كابل البطارية عشان لو فية اى errors الكنترول كان مسجلة يتشال ,ونبدأ صفحة جديدة من جديد

وروحنا مونا العربية العربية قبل ما تتمون كان فيها حوالى 5 لتر تقريبا اللمبة كانت منورة وكان السحب حلو ,اول لما مونا حطينا عشرين لتر لقى العربية تقلت فى السحب شوية فكدة حاسس ان فية حاجة غلط فى دورة البنزين

[samirayad]

فيه على آخر مسطرة البنزين اللى راكب عليها الرشاشات

بلف بينظم ضغط البنزين
بيشتغل بخرطوم فاكيوم ( هواء تخلخل ) من آخرالمجمع بتاع الهواء

أتأكد أن الخرطوم ده راكب كويس على البلف ومجمع الهواء

ولو كان راكب من الجنبين ( من عند البلف ومجمع الهواء )

أفصله من عند البلف

لقيت فيه بنزين ....يبقى البلف بايظ

يعنى حتجرب حاجتين

1- الأطمئنان على أن الخرطوم راكب ...........أول مرحله أختبار

2- لو راكب يبقى حتشوف فيه بنزين ولا لا.........تانى مرحلة أختبار

____________________________

على فكره الكلام ده كتنظيم هندسى
هو اللى موجود فى النوبيرا عندى

وأعتقد حتلاقى عندك زيه أو حاجه شبيهه لتنظيم ضغط البنزين فى المسطره

[SAMEH_FOUAD]

فيه على آخر مسطرة البنزين اللى راكب عليها الرشاشات

بلف بينظم ضغط البنزين
بيشتغل بخرطوم فاكيوم ( هواء تخلخل ) من آخرالمجمع بتاع الهواء

أتأكد أن الخرطوم ده راكب كويس على البلف ومجمع الهواء

ولو كان راكب من الجنبين ( من عند البلف ومجمع الهواء )

أفصله من عند البلف

لقيت فيه بنزين ....يبقى البلف بايظ

يعنى حتجرب حاجتين

1- الأطمئنان على أن الخرطوم راكب ...........أول مرحله أختبار

2- لو راكب يبقى حتشوف فيه بنزين ولا لا.........تانى مرحلة أختبار

____________________________

على فكره الكلام ده كتنظيم هندسى
هو اللى موجود فى النوبيرا عندى

وأعتقد حتلاقى عندك زيه أو حاجه شبيهه لتنظيم ضغط البنزين فى المسطره

من قبل ماتقول ياباشا عملت كدة تلميذك
مالقيتش اى بنزين هية دلوقتى منتظمة احنا جربناها على الساعة 8 كدة كانت تمام ومافيش مشاكل اما اشوف بقى هايقولى اية واى جديد هاوافيكوا بالاخبار

[SAMEH_FOUAD]

السيارة لما بتدور بعد فترة كبيرة اوى اول لما تيجى تدورها تدور عادى على طول ومافيش ثانية تروح مبطلة ,وبعد كدة تدورها تانى تلاقيها اشتغلت كويس ,انا كدة بدأت اشك فى ان الطلمبة ضعيفة فعلا ومش بتوصل بنزين للعربية كويس

[SkyBird]

هيما لانسر اكيد عنده التفسير والحل
ياريت يدخل

[hobaz]

متابع باهتمام........

[atchiano]

أقلق حاجة باءة سهلة أوي حيطلع في وسخا جامدة أو صدى فالبنزين إلي حطه من ال محطة و دة وارد سواء موبيل أو تعاون ..ساعات تكون ال خزانات مصدية .......حتجيب من موبيل <fuel flow cleaner و حتحته مع تفوليت تنك و يارات يكون 95 و سبها دايرة على سلانسيه 10 دقايق و بعد كدة احراء جامد على ال مكانة و مشوار حلو مع الأرس على النألات....و isa حتروح مبسوط ال بات ..عن تجربه..................

[SAMEH_FOUAD]

انا عملت تجربة امبارح ولقيت الطلمبة شغالة كويس جدا

روحت على طول قولت يبقى الخنقة دية مالهاش غير حل واحد وهو حساس الماب اللى على البوابة وفعلا طلع العيب منة

لانة طبعا مش بيخلى العربية تدخل كمية الهواء الصحيحية اللى بيبقى الماتور محتاجها عشان يظبط خليط الهواء والبنزين مع بعض لاتمام عملية الاحتراق الكامل والماتور بارد
واستنتاجى بردة اننا لما كنا بنشيل فيشة الطلمبة ونلاقى العربية ظبطت فدة عشان بقت كمية الوقود الى داخلة قلت جدا وبقت تقريبا قد كمية الهواء اللى داخلة بدون عمل حساس الماب بكفاءة عشان كان كدة الاربى ام بيظبط
واول لما نيجى نركبها تانى الاربى ام يوطى عشان بقت كمية الوقود زيادة على كمية الهواء اللى موجودة فبيحصل نوع من الخنقة لان البنزين دة مش بيتحرق
هو دة استنتاجى لان فعلا العربية بعد مابتسخن كويس سحبها وكل حاجة مظبوطة

[د.محمود صلاح]

هو الحساس ده يمكن تغييره وسعره رخيص ؟

[kemoelord]

الحقيقه مجهود رائع يا سمسم باشا وان شاء الله المشكله كده تكون اتحلت بس يا ريت فعلا تعرفنا سعر الحساس بكام ؟ وهل وظيفه الحساس ده انه يتحكم في كمية الهواء التي يحتاجها المحرك لعمل الخليط الهواء مع الوقود لاتمام عمليه الاحتراق الداخلي فقط هل دي وظيفته ؟ وهل له وظائف اخرى ؟