البوجيهات.. لونها فحمة .. حد يفيدني

[gazzar91]

معلش ياباشا

ده فك رموز بوجيهات NGK

وأعمل كليك على الصوره لتكبيرها

لأن أنا مش عارف أخش مواقع رفع صور

ورافعهالك من صندوق الرد السريع

لأن النت ضعيف جدا عندى

وشغال على الفاكس موديوم

لأن وصلة ال LAN

فيها مشكله من أكتر من أسبوعين تقريبا

ألف شكر يا هندسة....
وربنا يعينك على النت اللي على المودم ده
ربنا يجعله في ميزان حسناتك.. أنا أخدت الصورة شيلتها عندي جمب إخواتها علشان دخت على حاجة أفهم بيها أبعاد البوجيه ومالقيتش... دخلت في الخزنة خلاص
في رعاية الله...

[thedeveloper87]

أنا آسف لمداخلتي دي. هل تنظيف الكاربيراتير بالسبراي بيوسخ البوجيهات؟؟؟؟ وهل لو وسخها يتطلب تنظيفها ولا تغييرها؟؟

[samirayad]

الكتالوج ده لل2010 وانا عربيتي 2007

هى عربية حضرتك حقن ألكترونى
ولا كربوراتير

من كلامك عن الكربوراتير

فعربيتك كربوراتير

والكتالوج ده بتاع عربيه حقن ألكترونى

وبالتالى ملناش دعوه بيها بأه

ولا بنوع بوجيهاتها

[samirayad]

بالنسبه للبوجيهات

هيا ngk bp6ey

والنوع ده فعلا اللى مناسب معاك حاليا

لأنك مش حقن ألكترونى

وأنا منظف كربوراتيرات قبل كده

وعمر تنظيف الكربوراتير ( بطريقة عمى السيد )

متوسخ البوجيهات

إلا أذا

كنت منظف بطريقة عمى وائل أو تامر

هنا بأه ممكن تتوسخ البوجيهات

ووارد فعلا التلويث للبوجيهات

مع أستخدام طريقة عمى وائل أو تامر فى التنظيف للكربوراتيرات

[samirayad]

هوا انا قبل اما افك القدام نظفت الكربيراتير بسبراي التنظيف وطبعا البوجيهات القديمه طلعت مهببة اسود

ووارد فعلا التلويث للبوجيهات

مع أستخدام طريقة عمى وائل أو تامر فى التنظيف للكربوراتيرات

أدى وائل وتامر

واللى بيجى من وراهم

[dr.hazem]

والنوع ده فعلا اللى مناسب معاك حاليا

لأنك مش حقن ألكترونى

وأنا منظف كربوراتيرات قبل كده

وعمر تنظيف الكربوراتير ( بطريقة عمى السيد )

متوسخ البوجيهات

إلا أذا

كنت منظف بطريقة عمى وائل أو تامر

هنا بأه ممكن تتوسخ البوجيهات

ووارد فعلا التلويث للبوجيهات

مع أستخدام طريقة عمى وائل أو تامر فى التنظيف للكربوراتيرات

طيب ده كلام جميل جدا

بالنسبه بقا لطرق تنظيف الكربيراتير
اللي خخلاني انضفه ان زي مقلت لحضرتك ان للاسف مسمار العمه اللي بيمسك العمه في الكاربيراتير كان مكسور وبالتالي كأن الكاربيراتير كان فاتح عالشارع
فكان لازم انضفه
والحمد لله امبارح تمت عملية ربطه بمسمار جديده

وانا نضفته زي ماشرح احد الاخوان هنا قبل كده في اللنك ده

http://www.nilemotors.net/Nile/99022-a.html

وانا عملت زي مهوا قال بالظبط وعملت الكلام ده قبل اما اغير البوجيهات

وانا كنت كاشف عليها قبل ما اشتغل عشان اشوف ايه الاخبار

ولما طلعتها بعد التنضيف لقيتها مهببه خالص
فقلت يبقى التنظيف عمل كده

بعد اما ركبت الجديده كشفت عليها بعد يومين كان لونهم ممتاز جدا ويادوبك عليهم آثار بيضا خفيفه

وبعد اما ركبتهم رشيت شوية سبراي قبل اما اربط الكربيراتير امبارح

وبعدها العربية سلكت جامد ولله الحمد بفارق مهول بجد الحمد لله

فكيت بعد التنضيف التاني ده البوجيهات لقيتها مهببه بعد ما كانت ممتازه
فتأكدت تماما ان ده من المنظف
فطلعتهم ونظفتهم ورجعتهم تاني وهكشف عليهم بكره ان شاء الله ولا بعده


هل الطريقه اللي انا عملتها في التنضيف مش كويسه؟
لان قريبي هيجيلي بكره انضفله الكربيراتير بنفس الطريقه


تحياتي يابشمهندس سمير

[dr.hazem]

ههههههههههههههه

طيب حصل خير


الحمد لله على كل حال

جزاك الله عني وعن القارئين ألف ألف خير يارب ويباركلك في وقتك ومجهودك يارب

آمين


بس كده احنا لينا عندك حاجه


عايزين شرح لطريقة تنظيف الكربيراتير على طريقة عمي السيد

هههههههههههههه
وجزاك الله ألف خير
وزي مقالو
لا تعطني سمكة ولكن علمني الصيد


تحياتي

اخوك حازم

[mido_1311]

السلام عليكم انا مش خبره اوي بس اللي اعرفه بعد تنظيف الكاربيراتير تمشي بالعربيه 500 كيلو تقريبا بعد كده تغير البوجيهيات علشان يكون الكاربيراتير اتخلص من كل الوساخه وتقدر تركب البوجيهات الجديده علي نضافه

اي خدمه

[samirayad]

هل الطريقه اللي انا عملتها في التنضيف مش كويسه؟
لان قريبي هيجيلي بكره انضفله الكربيراتير بنفس الطريقه

شوف يا أخ : حازم

طريقة عم : تامر أو هيثم

أنا مش معترض عليها ولا حاجه

دى طريقه علميه فعلا

بس عيبها أنها عامله زى الوجبات السريعه

بس أحنا ممكن نقول لعم : هيثم أيه

كان من الواجب عليك ( الكلام طبعا لعم : هيثم أو وائل )

أنك تقولنا بعد ماترشوا المنظف جوه الكربوراتير

شيلوا الأربع بوجيهات من مكانهم على المكنه

بحيث الفتحات بتبقى مفتوحه على البحرى كمتنفس للمكنه

أزاى

1- بعد رش المزيل

حنشيل البوجيهات وتكون بطاريتنا كويسه تمام

2- نعمل كذا لفه للمكنه بالمارش

المكنه مش حتقوم طبعا

بس حتنطر كل الوساخه خارج المكنه من خلال فتحات البوجيهات

طبعا بعد القصه دى ممكن تحتاج شوية نظافه لحوض المكنه

مع ضرورة البعد عن مكان البوجيهات لعدم تلوث ملابسنا بمخلفات

الكربوراتير الخارجه من فتحات البوجيهات

_________________________

بكده البوجيهات حتتركب تانى ولن تتلوث بمخلفات الكربوراتير الناتجه

من المذيبات للوساخه الموجوده بأسبراى التنظيف

[samirayad]

عايزين شرح لطريقة تنظيف الكربيراتير على طريقة عمي السيد

طريقة عمى السيد

دى حكايه وروايه

وفيها تفوير لوش الكربوراتير

وحطلع الكربوراتير بره المكنه وتتعامل معاه كأجزاء متفصصه

وألقاء نظره عن قرب لغرفة العوامه وتنظيفها من الرواسب وخلافه

والكشف على البيكات

ونقع لكل المكونات المتفصصه جوه مزيب من المذيبات

شغل على نظيف فعلا

وعلشان نعرفها صح

لازم ناخد درس عملى على الطبيعه من خلال عمى : السيد

[tamer_a7]

دا علي اساس ان المنتدي هنا ما فيهوش حد اسمه لا تامر ولا وائل ولا هيثم (باعتبار ان الاسماء دي شتيمه عند حضرتك )
انا اسف لو خرجت من الموضوع بس انا هنا لاهانه شخصيه حابب اشوف المشرفين هيجيبو حقي ازاي

[samirayad]

انا اسف لو خرجت من الموضوع بس انا هنا لاهانه شخصيه حابب اشوف المشرفين هيجيبو حقي ازاي

متصلى على النبى ياعم تامر

هو فيه حد داسلك على طرف

[tamer_a7]

طريقة عمى السيد

دى حكايه وروايه

وفيها تفوير لوش الكربوراتير

وحطلع الكربوراتير بره المكنه وتتعامل معاه كأجزاء متفصصه

وألقاء نظره عن قرب لغرفة العوامه وتنظيفها من الرواسب وخلافه

والكشف على البيكات

ونقع لكل المكونات المتفصصه جوه مزيب من المذيبات

شغل على نظيف فعلا

وعلشان نعرفها صح

لازم ناخد درس عملى على الطبيعه من خلال عمى : السيد

للعلم بقي انا ما كنتش قريت المشارك دي ولسه قريها
دا افضل اسلوب علشان تبوظ بيه الكاربيراتير اللي بيتفك كده عمره ما بيرجع تاني واللي اكاد اجزم انه من خبرتي في اكتر من موقف كان التصرف اللي حضرتك بتقول عليه هو بدايه الخراب للكاربيراتير وعمره ما رجع تاني وبدء ياخد هوا
ونغير بيكات وهلما جر وفي النهايه كاربيراتير جديد
يبقي طريقه هيثم تامر طلعت اجدع

[samirayad]

للعلم بقي انا ما كنتش قريت المشارك دي ولسه قريها
دا افضل اسلوب علشان تبوظ بيه الكاربيراتير اللي بيتفك كده عمره ما بيرجع تاني واللي اكاد اجزم انه من خبرتي في اكتر من موقف كان التصرف اللي حضرتك بتقول عليه هو بدايه الخراب للكاربيراتير وعمره ما رجع تاني وبدء ياخد هوا
ونغير بيكات وهلما جر وفي النهايه كاربيراتير جديد

يبقي طريقه هيثم تامر طلعت اجدع

بيقولوا فى المثل

مين يشهد للعروسه

[dr.hazem]

ههههههههههههه
اخ تامر مفيش شتيمه ولا غلط ولا اي حاجه

عمنا البشمهندس سمير بيعلمنا مش اكتر

اما بقا يا باش مهندس فانتا بدعت وابدعت
جزاك الله كل الخير من اعمق اعماق قلبي
انا فعلا بتعلم من حضرتك حاجات كتير وربنا يباركلنا في حضرتك
على فكره انا نزلت شيكت عالبوجيهات من شويه والحمد لله رجع اللون للابيض وكله تمام الحمد لله

طريقة عمي السيد فهمت قصدك بس عمليا بالنسبالي صعبة لسبب انها فعلا محتاجه عم السيد وكانت الفكره في السبراي السرعه لان الوقت ولله الحمد عالقد

اما عن طريقة السبراي (بلاش تامير وهيثم) خليها ياسيدي طريقة حازم ههههههههههههههه
الطريقه دي بعد تعديلاتك الجوهريه تبقى ميه الميه ان شاء الله وجزاك الله عنا كل خير

وربنا يباركل في علمك ووقتك

تقبل احر تحياتي


حازم