البوجيهات.. لونها فحمة .. حد يفيدني

[dr.hazem]

للعلم بقي انا ما كنتش قريت المشارك دي ولسه قريها
دا افضل اسلوب علشان تبوظ بيه الكاربيراتير اللي بيتفك كده عمره ما بيرجع تاني واللي اكاد اجزم انه من خبرتي في اكتر من موقف كان التصرف اللي حضرتك بتقول عليه هو بدايه الخراب للكاربيراتير وعمره ما رجع تاني وبدء ياخد هوا
ونغير بيكات وهلما جر وفي النهايه كاربيراتير جديد
يبقي طريقه هيثم تامر طلعت اجدع

ياعزيزي
كلامك مش مظبوط

لان في كل العالم بيقولك انتا بتعمل طريقة السبراي
ولو حسيت ان مشكلتك متحلتش لازم تفك وتنضف حته حته

كون ان اللي فك معندوش الخبره الكافيه فده ملناش علاقه بيه
والذنب مش عاللي يفك ويركب غلط
الذنب عاللي يغلط ويروح لحد مش خبره...


ورجاءا الموضوع الحمد لله اتحل بمساعدة البشمهندس سمير واعتقد ان مفيش داعي للخروج عن اطار الموضوع


تحياتي

[samirayad]

اما عن طريقة السبراي (بلاش تامير وهيثم) خليها ياسيدي طريقة حازم ههههههههههههههه

ولا تزعلوا نفسكم خااااااااااااااااااااااااالص

خلوها طريقة

شعبان عبد الرحيم

أهو كان مكوجى ( على ما أسمع )

وواخد على طريقة البخ ببقه ( زى الأسبراى )

كده معقول برضه

[samirayad]

كون ان اللي فك معندوش الخبره الكافيه فده ملناش علاقه بيه
والذنب مش عاللي يفك ويركب غلط
الذنب عاللي يغلط ويروح لحد مش خبره...

على فكره أنا أشك

أن اللى ممكن يعمل كده

ويعجن بطريقة سمك لبن تمر هندى

ممكن نسميه

عم السيد أبدأ

____________________

علشان كده أنا قولت

مينفعش نشتغل بطريقة عم السيد

ألا أما نشوفه على الطبيعه وهو شغال بأيديه

اللى تتلف فى حرير

شغل عربى أصيل فعلا

عامل بالظبط زى شغل النحت والأرابيسك اليدوى والحاجات الأصيله

[samirayad]

اما بقا يا باش مهندس فانتا بدعت وابدعت
جزاك الله كل الخير من اعمق اعماق قلبي
انا فعلا بتعلم من حضرتك حاجات كتير وربنا يباركلنا في حضرتك

على فكره

أنت رجل محترم

يا أخ : حازم

وأمنياتى لك بدوام السعاده وراحة البال

على فكره انا نزلت شيكت عالبوجيهات من شويه والحمد لله رجع اللون للابيض وكله تمام الحمد لله

الحمد لله

كده أثر البخات ( بتاعة عم : شعبان ) راح وأنقضى

وأبشر

فلن يحدث تلوث للبوجيهات ثانيا

لفتره طويله جدا إن شاء الله

[dr.hazem]

على فكره

أنت رجل محترم

يا أخ : حازم

وأمنياتى لك بدوام السعاده وراحة البال



الحمد لله

كده أثر البخات ( بتاعة عم : شعبان ) راح وأنقضى

وأبشر

فلن يحدث تلوث للبوجيهات ثانيا

لفتره طويله جدا إن شاء الله

احرجتني بذوقك يا بشمهندس
كل الاعضاء هنا تشهدلك والحقيقه ربنا يباركلك بترد علينا كلنا

والحمد لله ان العمليه تمت على خير وان شاء الله نتعلم منك في مواقف اخرى

بالتوفيق ان شاء الله


تحياتي

[محمد فريد]

ايه الحلاوة دى يا بشمهندس سمير
انا فعلا كنت شغال بطريقة شعبان وكانت البوجيهات لسه جديدة وكانت النتيجة فعلا هايلة
بس العربية 128 بقالها فترة مش عاجبنى سحبها مبقتش ناعمة زى الأول وتقريبا كده البوجيهات اتردمت هباب
انا هفك بكره ان شاء الله بعد الشغل واجيب ازازة اسبراى وارشها قصدى ابخها وافك البوجيهات زى محضرتك قولت وانفظها هى كمان بالمنظف واركبها تانى وان شاء الله ربنا هيكرمنى فى المشوار ده

الف الف شكر على التعليم اللى ببلاش ده كتر خيرك وجزاك الله كل خير ووفقك لما تحبه وترضاه

[mahmoud5777]

على فكره أنا أشك

أن اللى ممكن يعمل كده

ويعجن بطريقة سمك لبن تمر هندى

ممكن نسميه

عم السيد أبدأ

____________________

علشان كده أنا قولت

مينفعش نشتغل بطريقة عم السيد

ألا أما نشوفه على الطبيعه وهو شغال بأيديه

اللى تتلف فى حرير

شغل عربى أصيل فعلا

عامل بالظبط زى شغل النحت والأرابيسك اليدوى والحاجات الأصيله

فعلا يا باش مهندس سمير انا باستخدم طريقة "النحت" هاهاها يعنى بفك الكاربراتير خالص من العربية واغطى مكانه وبعدين فى البت اروح مفصصة حتة حتة وأطلع ابرة العوامة وبك السلانسية وفونية الهواء وبك السرعة والنافورة واروح ناقعهم فى تنر أما باقى الكاربراتير باروح غاسلة بتنر وفرشة سنان قديمة وكمان شعراية سلك كهربا علشان الفتحات الرفيعة وبعدين يجف القاه رجع جديد اروح مركب تانى والجوانات اللى بين الوش والكاربراتير بدهنها فازلين خفيف جدا كنوع من الطرطيب او ببل صوباعى زيت موتور وادهن الجوان من برة بس يعنى الاطار واروح مركب كل حاجة مكانها واركب فى العربية وبنسبة 95 % لو ملعبتش فى مسمار الهواء العربية هادور من تانى مرة بس علشان تكون حضرت بنزين لان الكربوراتير بيبقى فاضى اما لو حطيط اد غطى زجاجة بنزين فى الكربوراتير هادور على طول اما لو لعبت فى مسمار الهواء هايبقى محتاج ضبط تانى وده موش صعب الطريقة مشروحة قبل كدة بس هاتحتاج واحد صاحبك يدورلك وانت تظبط وبعدين اداء العربية بيبقى تحفة وعاوز تعرف ايه اللى بيدخل جوة المكنة نتيجة التنظيف بالطرق الاخرى بص على اللى طالع نتيجة الغسيل
ولا ايه رأيك يا باش مهندس سمير

[thedeveloper87]

ممكن الواحد يغامر ويفك الكاربيراتير بنفسه؟ ولا محتاجة متخصص؟

[thedeveloper87]

ومعلش سؤال بس؟ ينفع أطلع البوجيهات وأنظفها بنفس الإسبراي ولا غلط؟

[samirayad]

ولا ايه رأيك يا باش مهندس سمير

الله ينور عليك

وأكيد أنت شوفت عم السيد

وهو بينظفلك الكربوراتير قبل كده

[samirayad]

ممكن الواحد يغامر ويفك الكاربيراتير بنفسه؟ ولا محتاجة متخصص؟

محتاج زياره لعم السيد الأول برضه

علشان تحضر حصه عملى على الطبيعه

ومعلش سؤال بس؟ ينفع أطلع البوجيهات وأنظفها بنفس الإسبراي ولا غلط؟

لا أعتقد وجود أى غلط من أستخدام المنظفات للرواسب الكربونيه على البوجيهات

ولكننة أحيانا بأقوم بأستعمال صنفره ناعمه خفيفه لتفوير الرواسب من على البوجيهات

وبيلى ذلك شطف خفيف بشوية بنزين بقطعة شاشه أو قماشه مثلا

ثم التجفيف أو التنشيف وضبط الثغره أو مراجعتها ثم التركيب

طبعا ده مش على طول

ولكن تقريبا فى الفتره النصف عمريه من عمل البوجيهات

طالما دورة الأشعال والبنزين تعملان بصوره جيده

نقول كل 10 آلاف تقريبا

على أساس أنا بأغير البوجيهات كل 20 ألف

[thedeveloper87]

جزاك الله خيرا يا باشمهندس

[essam2222]

السلام عليكم ورحمة الله وبركاته
بعد ازن حضرتك ممكن مشورة من حضرتك مهمة اوى يا بشمهندس سمير؟
انا جبت عربية سايبا برايد الايرانى وعامل بيها 15 الف ونص عملت الصيانة بتاعة ال 15 غيرت زيت موتور وفلتر زيت وفلتر هوا وفاتر بنزين ونضف الانجيكشن المهم بعديها بيوم او بيومين لاقيت ان سحب العربية مش قوى يعنى مثلا انا بجيب التالت اخره عندى على 45 بالسرعة مش بالار بى ام والار بى ام بيكون عند 2 او 2 ونص المهم بلاقى لما بوصل على السرعة دى بلاقى ان موتور العربية عندى صوته عالى كانى جايب التالت دا على 60 او 80 والسحب مش قوى روحت عنده تانى وقولتلوه على الموضوع دا قالى حنضف الانجيكشن وحنضف البوجيهات وعمل كدا بالفعل بس ملاقيتش فى فرق اوى احنا كنا شاكين انه يكون طقم دبرياج بس الحمد لله مطلعش حاجة فى الطقم وقالى ان الطقم كويس وانا اصلا سوقتى على ادى مش بحرق على العربية ورجلية خفيفة مش تقيلة فممكن بعد اذن حضرتك تقولى اية السبب فى دا؟ مع العلم انه قالى ان المرة الجاية تغير بوجيهات وانا قولتلوه ان البوجيهات لسة اوريجنال وانا لما بدور العربية الصبح بدور كويس جدا فكنت عايز من حضرتك السبب فى الموضوع دا وشكرا جدا لحضرتك

[A.Saad]

ابو احمد
ممكن سؤال
المفروض انضف البوجيهات كل اد ايد لو العربية انجكشن

[samirayad]

السلام عليكم ورحمة الله وبركاته
بعد ازن حضرتك ممكن مشورة من حضرتك مهمة اوى يا بشمهندس سمير؟
انا جبت عربية سايبا برايد الايرانى وعامل بيها 15 الف ونص عملت الصيانة بتاعة ال 15 غيرت زيت موتور وفلتر زيت وفلتر هوا وفاتر بنزين ونضف الانجيكشن المهم بعديها بيوم او بيومين لاقيت ان سحب العربية مش قوى يعنى مثلا انا بجيب التالت اخره عندى على 45 بالسرعة مش بالار بى ام والار بى ام بيكون عند 2 او 2 ونص المهم بلاقى لما بوصل على السرعة دى بلاقى ان موتور العربية عندى صوته عالى كانى جايب التالت دا على 60 او 80 والسحب مش قوى روحت عنده تانى وقولتلوه على الموضوع دا قالى حنضف الانجيكشن وحنضف البوجيهات وعمل كدا بالفعل بس ملاقيتش فى فرق اوى احنا كنا شاكين انه يكون طقم دبرياج بس الحمد لله مطلعش حاجة فى الطقم وقالى ان الطقم كويس وانا اصلا سوقتى على ادى مش بحرق على العربية ورجلية خفيفة مش تقيلة فممكن بعد اذن حضرتك تقولى اية السبب فى دا؟ مع العلم انه قالى ان المرة الجاية تغير بوجيهات وانا قولتلوه ان البوجيهات لسة اوريجنال وانا لما بدور العربية الصبح بدور كويس جدا فكنت عايز من حضرتك السبب فى الموضوع دا وشكرا جدا لحضرتك

السؤال الآن

يعنى داخل تعمل صيانه عاديه بالعربيه

لقيت سحب العربيه حصل فيه مشكله

بأه أوحش من قبل الصيانه .....؟