العربية عرضت مني بطريقة مش طبيعية

[pro_samir]

تعامل مع التيل الخلفى وغيره بنوع نظيف وظبط رجلاشه

وجرب العربيه تانى ( فى مكان فاضى )

لو لفت معاك تانى وعرضت

يبقى حتحتاج تغير ماستر الفرامل الرئيسى

كما وضح الأستاذ : أحمد

فى مشاركته السابقه

نورت الموضوع يا هندسة :)

زي ما قلت انا كل فترة كنت بجرب الفرامل ومكانش في حاجة بس امبارح جربت امسك فرامل للأخر علي سرعة عالية ولاقيت ان في حدفة شمال خفيفة فا احتمال كبير تكون دي اللي خلت العربية تعرض مني

وأكيد هغير التيل في اقرب فرصة ان شاء الله لأني مش مرتاح نفسيا علي الأقل وانا عارف انة مش تمام

وهقولكم برضو ان شاء الله علي التجربة بعد تغييرة

بس انا حاسس ان الحدفة دي زوايا مش تيل خلفي لأنها كانت موجودة قبل تغيير الكاوتش من فترة واختفت مع تغييرة وبعدين رجعت تاني دلوقتي مع صرخة في العجل الأمامي مع الفرملة الجامدة ، هجرب برضو اشوف الزوايا ربنا ييسر بس والاقي فرصة قريب

[sameh127]

السولار اللى بيقع من العربيات النقل و المشاريع بينزل على الأسفلت و بيمتصه الأسفلت و يبدأ السولار بإذابة السطح العلوي للأسفلت و طرد المحتوى الزيتي الموجود في الأسفلت و لاتلاحظه بالعين المجردة لأنه بيمتص بواسطة سطح الأسفلت و الزيت المتحرر بيكون مخلوط مع السولار المختبئ داخل سطح الأسفلت و بين جزيئاته و لو حضرتك تكرمت و ركنت العربية و نزلت منها و رحت مكان ما عومت منك العربية و بسيط من على بعد متر واحد حتلاقى الأسفلت ناشف ،ولو وقفت فوقه وضغطت عليه بقدمك و حكيت الأرض بحزائك حتلاقى الأسفلت بدأ يطرد زيت خفيف من سطحه و بدأت قدمك تنزلق و الحمد لله انك لم تصاب بأذى و لم تصيب احد بأضرار و اوصيك بربط حزام الأمان (ضرورة قصوى) لأنه بيكتفك في الكرسي صح و بيخليك تتحكم فى العربية حتى و هى بتتزحلق بالأربعة عجلات .
انا سبق لى هذا الأمر من قبلك و ربنا سترها معايا و كنت رابط حزام الأمان و حماني بنسبة 95% و حتى لو انقلبت العربية فحزام الأمان حيحميك جامد و حيكتفك فى الكرسي و حيحمي كتفك و رقبتك و حيمنع رأسك من الإصطدام بسقف العربية اثناء الإنقلاب و حيمسك جسمك من الإنزلاق و الضغط على رقبتك و رأسك اثناء الإنقلاب (منعا لكسر الفقرات العنقية و منعا للإرتجاج المخي)
لأني انقلبت بعربية قبل كده فى حادثة اخرى و كنت رابط الحزام و العربية انقلبت كذا مرة (مش قلبة واحدة بس بسبب السرعة و الأرض الزلقة) واوصيك بالمشي فى حدود السرعة المقررة بل اقل منها كمان.
وامنع نفسك تماما من اخذ أى غرز و إلتزم بحارة مرورية لك طول الطريق و محافظا على سرعة ثابتة فيها و لو حتزود سرعتك عن ذلك فإتجه للحارة ذات السرعة الأعلى و إعرف انك لما بتعمل حادثة ممكن تصيب غيرك وهو مالهوش زنب فى اللى حصل (زي ما انت مالكش زنب فى اللى زحلقلك العربية)
واترك مسافة امان بينك و بين اى عربية او موتوسيكل امامك و تتراوح مسافة الأمان بينك و بين اللى امامك داخل البلد حوالى طول مسافة عربيتك (فى حدود السرعة 60كم/س) و المسافة تزيد على الطرق السريعة بضعف القيمة على سرعة 100كم/س و كلما زادت سرعتك عن 100كم/س بقيمة 10 كم/س تبدا بزيادة مسافة الأمان بقيمة طول عربيتك مرة اخرى كمان
يعني كل ما تزود سرعتك عن 100كم/س بقيمة 10كم/س تبدا بمباعدة مسافة عربيتك عن العربية اللى امامك بقيمة طول عربيتك و تضاعف المباعدة عند زيادة السرعة.(ايقاف العربية لايعتمد فقط على فراملك لوحدها بل يعتمد على عناصر كثيرة جدا جدا )

((إمشي بشويش علشان توصل بسرعة)) دي كلمتى من الأخر لكل سائق.
والسلام عليكم

[د.محمود صلاح]

في الغالب بقعة زيت كما تفضل الأعضاء

[mahmoud5777]

السولار اللى بيقع من العربيات النقل و المشاريع بينزل على الأسفلت و بيمتصه الأسفلت و يبدأ السولار بإذابة السطح العلوي للأسفلت و طرد المحتوى الزيتي الموجود في الأسفلت و لاتلاحظه بالعين المجردة لأنه بيمتص بواسطة سطح الأسفلت و الزيت المتحرر بيكون مخلوط مع السولار المختبئ داخل سطح الأسفلت و بين جزيئاته و لو حضرتك تكرمت و ركنت العربية و نزلت منها و رحت مكان ما عومت منك العربية و بسيط من على بعد متر واحد حتلاقى الأسفلت ناشف ،ولو وقفت فوقه وضغطت عليه بقدمك و حكيت الأرض بحزائك حتلاقى الأسفلت بدأ يطرد زيت خفيف من سطحه و بدأت قدمك تنزلق و الحمد لله انك لم تصاب بأذى و لم تصيب احد بأضرار و اوصيك بربط حزام الأمان (ضرورة قصوى) لأنه بيكتفك في الكرسي صح و بيخليك تتحكم فى العربية حتى و هى بتتزحلق بالأربعة عجلات .
انا سبق لى هذا الأمر من قبلك و ربنا سترها معايا و كنت رابط حزام الأمان و حماني بنسبة 95% و حتى لو انقلبت العربية فحزام الأمان حيحميك جامد و حيكتفك فى الكرسي و حيحمي كتفك و رقبتك و حيمنع رأسك من الإصطدام بسقف العربية اثناء الإنقلاب و حيمسك جسمك من الإنزلاق و الضغط على رقبتك و رأسك اثناء الإنقلاب (منعا لكسر الفقرات العنقية و منعا للإرتجاج المخي)
لأني انقلبت بعربية قبل كده فى حادثة اخرى و كنت رابط الحزام و العربية انقلبت كذا مرة (مش قلبة واحدة بس بسبب السرعة و الأرض الزلقة) واوصيك بالمشي فى حدود السرعة المقررة بل اقل منها كمان.
وامنع نفسك تماما من اخذ أى غرز و إلتزم بحارة مرورية لك طول الطريق و محافظا على سرعة ثابتة فيها و لو حتزود سرعتك عن ذلك فإتجه للحارة ذات السرعة الأعلى و إعرف انك لما بتعمل حادثة ممكن تصيب غيرك وهو مالهوش زنب فى اللى حصل (زي ما انت مالكش زنب فى اللى زحلقلك العربية)
واترك مسافة امان بينك و بين اى عربية او موتوسيكل امامك و تتراوح مسافة الأمان بينك و بين اللى امامك داخل البلد حوالى طول مسافة عربيتك (فى حدود السرعة 60كم/س) و المسافة تزيد على الطرق السريعة بضعف القيمة على سرعة 100كم/س و كلما زادت سرعتك عن 100كم/س بقيمة 10 كم/س تبدا بزيادة مسافة الأمان بقيمة طول عربيتك مرة اخرى كمان
يعني كل ما تزود سرعتك عن 100كم/س بقيمة 10كم/س تبدا بمباعدة مسافة عربيتك عن العربية اللى امامك بقيمة طول عربيتك و تضاعف المباعدة عند زيادة السرعة.(ايقاف العربية لايعتمد فقط على فراملك لوحدها بل يعتمد على عناصر كثيرة جدا جدا )

((إمشي بشويش علشان توصل بسرعة)) دي كلمتى من الأخر لكل سائق.
والسلام عليكم

كلام صح 100 % اللي يمشى على مهله يحصل دم مثل فلاحى وانا موش شايف لزمة للسرعة يعنى ايه يعنى نص ساعة بدرى وامشى على 60 ده طبعا جوا البلد اما بره البلد يفضل انى ماعديش ال80 إلا لو كنت بخطى عربية وفى الغالب موش بخطى ممكن اكمل الطريق كله وراه ده طبعا بعد ما شفت حادثة ابطالها تريللا + 2 ربع نقل + 2 نص نقل + صاحب البطوله المطلقه ميكروباس وانا كنت هاتهرس فى النص علشان الميكروباس اتفلحص وراح مخطى وخبط فى الجزيرة اللي فالنص وفردتين من عندو ضربو والدنيا بقت بيضا من البودرة ومحدش شايف حاجة وموش سامعين إلا الفرامل وبنقول يا رب استر وبعد مالدنيا وقفت والبودرة راحت الناس اللى فى الميكروباس نزلو على الارض وهاتك ياعياط
وربنا يستر علينا جميعا