احترس من تغيير الكارونة

[nice_bird]

كلام منطقي 100 ال 100 وانا كان معايا ال 131 وكنت باخد منها اداء ملوش حل وكنت غيرتلها الكارونة قبل كدا كان فيها كارونة متولفة مش عارف بتاعت ايه بس لما ركبت الاصلية العربية بقت صاروخ و اتظبطت معايا كان العربية كانت متكتفة واتفتحت بجد فؤق كبير بين الكارونة الاصلية والي مش اصلية

[HOSAMSAMSOON]

احنا م مختلفين نهائيا، انا فى آخر نقطة قلت الأمر مهم لمن يريد ان يحصل على سيارة 131 ويحولها الى سيارة سباق ، وده مش هتهمه المصاريف، هو دماغه كدة، يكرب عربية على كرورنا وعنده استعداد يصرف عليها، وبالتالى الموضوع الأصلى هام جد بالنسبة له لأنه يهمه الأداء عن الفلوس، لكن انا تعليقى كان موجه للزبون الآخر الذى يشترى 131 لأنه مش قادر على تمن لانوس مثلا، فهذا هو الزبون الذى يبحث عن داء آمن فى حدود السراعت الآمنة دون كثير من الانفاق، ولولا اختلاف الأذواق لبارت السلع
تقبل تحياتى

[frame="9 10"]بل تقبل سياداتكم عظيم تحياتى و احترامى و تقديرى الشخصى لسيادتكم
وليس الاختلاف فى الرائى يفسد فى الود اى قضية
ولاكن من الواضح انة يوجد اختلاف فى فكر التعامل مع 131
سيادتكم تعتبر السيارة عبارة عن موديل قديم غير متوفر القطع الغيار و يجب التعامل معاة على اساس التعديل كما لوكانت سيارة 1100
وانا انظر لها على اساس انجح انتاج لفيات فى نهاية السبعينات الى منتصف الثمانينات و يجب على المستخدم او المالك الطبيعى و العادى المحافظة على اتباع قطع الغيار الاصلية رغم ارتفاع ثمنها و ندرة البعض منها ولاكن فى مقابل الحصول على الاداء المثالى
ولم اتطرق فى حديثى عن تحويل 131 الى سيارة سباق للشد و الجرى
انا كل الموضوع المذكور عالية ينبع من فكرة الحصول على احسن اداء و الفرق فى حالة التغيير و فى حالة التعديل
كما هوة مذكور فى تعليق احد السادة الاعضاء و عن تجربة شخصية لية عن الفرق بين التعديل و الاصلى فى الكارونة
واسمح لى ان اضيف
131 الابرث نادرة جدا جدا فى مصر وهى فعلا سيارة سباق
YouTube - Tribute to 131 Abarth
YouTube - Ex Walter Rohrl Fiat 131 Abarth
طبعا واضح امكانيات السيارة
احنا بنتكلم عن سيارة موديل وانتاج الثمانينات فى الفديوهات السابقة
ومش دى العربية الى انا بتكلم عليها فى الموضوع
انا بتكلم عن عربية عادية من انتاج متوفر و غير معدلة بحزر الناس فى الحلول البديلة الى ممكن تقلل من كفائتها فى مقابل فرق مادى لا يزيد عن 1500 جنية
بوضح ان المبلغ الى ممكن توفرة حتدفعة تانى بس بالتقسيط طول مالعربية معدلة و غير اصلية وقد استفض فى شرح طرق اعادة دفع اضعاف المبلغ
ولاكن فى حالة انى وصلت المعلومة و السادة الاعضاء استوعبم محتواها و بالرغم من ذلك اختار الحل الارخص اكون انا برائت زمتى امام الله منة و اكون وصلت الامانة
على الاقل لما يغير و يعدل الكارونة يكون فاهم النتيجة و ميدخلش علية افلام الميكانيكية
والله الموفق
ارجو ان تتقبل ردى على سيادتكم بصدر رحب
واكرر عظيم احترامى و تقديرى لسيادتكم
[/frame]

[sab3aawy]

فكرتك وصلت تماما وصدقنى متفهمها ومقدرها ، ونحن غير مختلفين على عبقرية ال 131 كأحد المنتجات المتميزة لفيات على مدى تاريخ فيات كله حتى ولو حملت عيبا او اثنين من العيوب التى اشتهرت بها فيات عموما فى تلك الفترة ، لكن عامل الزمن لا يمكن اغفاله ، كمثال على هذا فإن احد اقاربى اقتنع اخيرا وبعد ان عذبنى ببيع سيارته طرارز مرسيدس 200 (لاحظ اننا هنا بنتكلم عن مرسيدس وليس فيات) موديل 1984 وشراء سيارة حديثة من ماركة عادية(نيسان صنى) ومستعملة لمدة سنتين وليست جديدة ، برغم ان سيارته المرسيدس كانت بحالة ممتازة بالمقارنة بأى سيارة من طرازها وموديلها، لكنه شعر تماما بالفرق الشاسع الذى يفرضه الزمن على الآلة عندما جرب ركوب سيارة عمرها قليل، بالتأكيد انا لما بتكلم عن ال 131 لا يمكن بأى حال اشبهها بال 1100، هذا غير منطقى فال131 سيارة ترك الزمن اثره عليها، اما ال 1100 فهى شئ ينتمى للمتحف ووجودها فى الشارع اصلا مسألة عبثية جدا ، وانا لى اسبابى لاحترام ال 131 لأنى لما ركبت مستنسختها الشاهين كانت من اكثر السيارات اللى خدمتنى وتحملتنى وعاشت معايا، فما بال السيارة الأصلية، لكن برضه اللى اتعلمته ان الزمن أقوى مننا جميعا ولو حاولنا نعمل راسنا براس الزمن يبقى احنا اللى خسرانين، سواء فيما يتعلق بالقدم او التقادم، يعنى انا لما ادور على عربية بتشتغل بقالها عشرات السنين واحاول انى احصل منها على ما يمكن ان احصل منه على اختها اللى علىالزيرو(لو فرضنا انها لا تزال تنتج الى اليوم مثلا) فيسكون هذا نوع مما كانت تطلق عليه المرحومة والدتى(بنحرت فى بحر) اى نضيع الوقت والمال دون تحقيق الهدف الذى نحلم به، هذا فيما يتعلق بالفدم،لأن مهما انا غيرت من اجزاء فى الماكينة(الماكينة هنا اقصد بها السيارة ككل وليس المحرك فقط) فأن ما تبقى من الماكينة الأصلية قد شاخ واصابه ما يصيب المعادن من تآكل وصدأ وزحف وكلال، اما فيما يتعلق بالتقادم فإنه لو حصلنا على سيارة لم تستعمل تنتمى الى تكنولوجيا 40 سنة مضت وحاولنا الحصول منها على اداء سيارات اليوم فهذا بدوره مسألة غير منطقية، محركات 40 سنة مضت كانت تعطى 85 حصان لل 1500 سى سى بشق الأنفس بالمقارنة ب 110 حصان على الأقل اليوم بدون شاحن تربينى، منحنيات عزم محركات ذلك الزمن الجميل كان محدبا جدا بالمقارنة بمنحنيات عزم شبه افقية لمحركات اليومين دول، التطور الرهيب فى تصميم شاسيهات السيارات والاعتماد على حسابات نقط انهيار آمنة جعل حوادث الأمس التى كانت نسبة الوفاه فيها عالية جدا حوادث قد تتحطم فيها مقدمة السيارة الآن لكن السائق يخرج بلا خدش فى نسبة عالية جدا من الحوادث ، التجارب الطويلة فى حسابات نسبة قواعد العجلات والتطوير المستمر فى نظم التعليق جعلت ثبات السيارت فى السرعات العالية مسألة مختلفة تماما عن سلفاتها من الاجيال السابقة ، عزل الصوت والتقدم فيه جعل السيارات من الفئات المتوسطة حاليا اهدأ من السيارات ذات الماركات الفاخرة من اجيال سابقة ، حتى العمر الافتراضى للمحركات تتفوق فيه- وبمراحل- المحركات المتوسطة الحالية عن المحركات الفاخرة من اجيال سابقة، ما اقصده انه مع كل الاحترام لسيارات الأجيال السابقة لا داعى لأن نتوقع منها اكثر مما يمكن ان تعطيه مهملين عامل الزمن، سواء فيما يتعلق بالاستهلاك او تقدم التكنولوجيا، وبالتالى لو بصينا على شريحة من يملكون ثمن سيارة لانوس او نوبيرا مثلا وبدلا منها يقومون بشراء 131 والانفاق عليها حتى تصل لحالة مقاربة من حالة الفابريقة ستجد انها شريحة محدودة جدا من هواه الأعمال الميكانيكية، لكن الغالبية الساحقة ممن لديهم هذا المبلغ يوجهونه لشراء لانوس او نوبيرا للحصول على مميزات جيل احدث بقدر اقل من وجع الدماغ، اما الغالبية ممن يشترون ال 131 او ال504 مثلا فهم من تقابل هذة الأجيال ميزانيتهم وهم فى غالبيتهم يبحثون عن اداء مقبول بتكاليف معقولة وليس عن اداء امثل بتكاليف مزعجة او قطع غيار يصعب العثور عليها، وبالتالى حين تكون الحقائق واضحة امام هؤلاء هى انه فى مسألة مثل مسألة تعديل الكورونا فنه صحيح ان الكورونا المعدلة ذات التكاليف الغير جمة لن تعطيهم اداء مثل الأداء الأصلى، لكنها فى نفس الوقت ستعطيهم 85% من الأداء الأصلى مع عمر افتراضى طويل ولن تتسبب فىانفجار السيارة او انقلابها مثلا فان هذه المعلومة ستكون مفيدة لهم بقدر استفادة هواه الاداء المثالى بمعلومة انه لا كورونا تعادل الكورونا الأصلية للسيارة فى ادائها

هذا هو رأييى دون حجر على رأيك ومع كامل احترامى لوجاهة وجهة نظرك ورؤيتك، وتقبل تحياتى

[HOSAMSAMSOON]

شكرا استاز سبعاوى

فكرتك وصلت تماما وصدقنى متفهمها ومقدرها ، ونحن غير مختلفين على عبقرية ال 131 كأحد المنتجات المتميزة لفيات على مدى تاريخ فيات كله حتى ولو حملت عيبا او اثنين من العيوب التى اشتهرت بها فيات عموما فى تلك الفترة ، لكن عامل الزمن لا يمكن اغفاله ، كمثال على هذا فإن احد اقاربى اقتنع اخيرا وبعد ان عذبنى ببيع سيارته طرارز مرسيدس 200 (لاحظ اننا هنا بنتكلم عن مرسيدس وليس فيات) موديل 1984 وشراء سيارة حديثة من ماركة عادية(نيسان صنى) ومستعملة لمدة سنتين وليست جديدة ، برغم ان سيارته المرسيدس كانت بحالة ممتازة بالمقارنة بأى سيارة من طرازها وموديلها، لكنه شعر تماما بالفرق الشاسع الذى يفرضه الزمن على الآلة عندما جرب ركوب سيارة عمرها قليل، بالتأكيد انا لما بتكلم عن ال 131 لا يمكن بأى حال اشبهها بال 1100، هذا غير منطقى فال131 سيارة ترك الزمن اثره عليها، اما ال 1100 فهى شئ ينتمى للمتحف ووجودها فى الشارع اصلا مسألة عبثية جدا ، وانا لى اسبابى لاحترام ال 131 لأنى لما ركبت مستنسختها الشاهين كانت من اكثر السيارات اللى خدمتنى وتحملتنى وعاشت معايا، فما بال السيارة الأصلية، لكن برضه اللى اتعلمته ان الزمن أقوى مننا جميعا ولو حاولنا نعمل راسنا براس الزمن يبقى احنا اللى خسرانين، سواء فيما يتعلق بالقدم او التقادم، يعنى انا لما ادور على عربية بتشتغل بقالها عشرات السنين واحاول انى احصل منها على ما يمكن ان احصل منه على اختها اللى علىالزيرو(لو فرضنا انها لا تزال تنتج الى اليوم مثلا) فيسكون هذا نوع مما كانت تطلق عليه المرحومة والدتى(بنحرت فى بحر) اى نضيع الوقت والمال دون تحقيق الهدف الذى نحلم به، هذا فيما يتعلق بالفدم،لأن مهما انا غيرت من اجزاء فى الماكينة(الماكينة هنا اقصد بها السيارة ككل وليس المحرك فقط) فأن ما تبقى من الماكينة الأصلية قد شاخ واصابه ما يصيب المعادن من تآكل وصدأ وزحف وكلال، اما فيما يتعلق بالتقادم فإنه لو حصلنا على سيارة لم تستعمل تنتمى الى تكنولوجيا 40 سنة مضت وحاولنا الحصول منها على اداء سيارات اليوم فهذا بدوره مسألة غير منطقية، محركات 40 سنة مضت كانت تعطى 85 حصان لل 1500 سى سى بشق الأنفس بالمقارنة ب 110 حصان على الأقل اليوم بدون شاحن تربينى، منحنيات عزم محركات ذلك الزمن الجميل كان محدبا جدا بالمقارنة بمنحنيات عزم شبه افقية لمحركات اليومين دول، التطور الرهيب فى تصميم شاسيهات السيارات والاعتماد على حسابات نقط انهيار آمنة جعل حوادث الأمس التى كانت نسبة الوفاه فيها عالية جدا حوادث قد تتحطم فيها مقدمة السيارة الآن لكن السائق يخرج بلا خدش فى نسبة عالية جدا من الحوادث ، التجارب الطويلة فى حسابات نسبة قواعد العجلات والتطوير المستمر فى نظم التعليق جعلت ثبات السيارت فى السرعات العالية مسألة مختلفة تماما عن سلفاتها من الاجيال السابقة ، عزل الصوت والتقدم فيه جعل السيارات من الفئات المتوسطة حاليا اهدأ من السيارات ذات الماركات الفاخرة من اجيال سابقة ، حتى العمر الافتراضى للمحركات تتفوق فيه- وبمراحل- المحركات المتوسطة الحالية عن المحركات الفاخرة من اجيال سابقة، ما اقصده انه مع كل الاحترام لسيارات الأجيال السابقة لا داعى لأن نتوقع منها اكثر مما يمكن ان تعطيه مهملين عامل الزمن، سواء فيما يتعلق بالاستهلاك او تقدم التكنولوجيا، وبالتالى لو بصينا على شريحة من يملكون ثمن سيارة لانوس او نوبيرا مثلا وبدلا منها يقومون بشراء 131 والانفاق عليها حتى تصل لحالة مقاربة من حالة الفابريقة ستجد انها شريحة محدودة جدا من هواه الأعمال الميكانيكية، لكن الغالبية الساحقة ممن لديهم هذا المبلغ يوجهونه لشراء لانوس او نوبيرا للحصول على مميزات جيل احدث بقدر اقل من وجع الدماغ، اما الغالبية ممن يشترون ال 131 او ال504 مثلا فهم من تقابل هذة الأجيال ميزانيتهم وهم فى غالبيتهم يبحثون عن اداء مقبول بتكاليف معقولة وليس عن اداء امثل بتكاليف مزعجة او قطع غيار يصعب العثور عليها، وبالتالى حين تكون الحقائق واضحة امام هؤلاء هى انه فى مسألة مثل مسألة تعديل الكورونا فنه صحيح ان الكورونا المعدلة ذات التكاليف الغير جمة لن تعطيهم اداء مثل الأداء الأصلى، لكنها فى نفس الوقت ستعطيهم 85% من الأداء الأصلى مع عمر افتراضى طويل ولن تتسبب فىانفجار السيارة او انقلابها مثلا فان هذه المعلومة ستكون مفيدة لهم بقدر استفادة هواه الاداء المثالى بمعلومة انه لا كورونا تعادل الكورونا الأصلية للسيارة فى ادائها

هذا هو رأييى دون حجر على رأيك ومع كامل احترامى لوجاهة وجهة نظرك ورؤيتك، وتقبل تحياتى

استاز سبعاوى
ان كل تعليقات سيادتكم جديرة بان تدرس لكمية المعلومات الدسمة الموجودة بين حروفها و كلماتها
و اتفق مع سيادتكم فى مضمون التعليق
حيث انى املك حاليا متسبيشى جالنت 1998فى السعودية و اشعر بالفرق بينها و بين131 موديل 1983 التى كنت املكها فى مصر من حيث الرفاهية و العزم و التكنولوجيا مع الوضع فى الاعتبار ان السيارة تجهيز ريس لاكن اتفق مع سيادتكم ان اظهار الفرق و المميزات و العيوب فى تغيير الكارونة هية امانة نلتزم بها سويا اتجاة السادة الاعضاء لاظهار و ايضاح كافة المعلومات التى من الله بها علينا للسادة الاعضاء و التى اكيد عدد منهم فى حاجة الى معرفتها حتى و لو كان للمقارنة فى قرار شراء سيارة 131 او لانوس او غيرها
وليس بموضوعى السابق ذكرة اهاجم السيارات الحديثة
بل ابلغ امانة قد يحتاج اليها احد السادة الاعضاء و بتعليق سيادتكم المحترف قد اظهرت وجهه نظر و معلومات اخرى
اتمنى من الله عز و جل تقبل صالح اعمالنا فى ميزان حسناتنا
شكر لتعليقات سيادتكم التى اثرت الموضوع
و تقبل عظيم شكرى و تقديرى و احترامى لسيادتكم

[shabraawy]

سؤال؟؟؟

هي مش الكورونا عباره عن مجموعة من التروس لية مينفعش تتصلح؟؟؟ انا معايا 132 و لسة النهاردة و انا ماشى بدات اسمع الونة بتاعتها رحت للميكانيكي اكشف علي الزيت لقيتة ناقص و كان في اولسيهات ضاربة وزودت الزيت و لكن الونة زي ماهيا خفيفة هل ده معناه ان كدة خلاص هتشيع ولا لسه قدامها فتره ولا ممكن ترجع تاني؟؟؟ ارجو الأفادة

[HOSAMSAMSOON]

هي مش الكورونا عباره عن مجموعة من التروس لية مينفعش تتصلح؟؟؟ انا معايا 132 و لسة النهاردة و انا ماشى بدات اسمع الونة بتاعتها رحت للميكانيكي اكشف علي الزيت لقيتة ناقص و كان في اولسيهات ضاربة وزودت الزيت و لكن الونة زي ماهيا خفيفة هل ده معناه ان كدة خلاص هتشيع ولا لسه قدامها فتره ولا ممكن ترجع تاني؟؟؟ ارجو الأفادة

[frame="9 10"]
فى البداية احب اشرح الوضع الحالى لكارونة سيادتكم
الكارونة عبارة عن ترس دائرى كبير بة سنون من الجانب و ليس من الطرف
متصل بية زراع او اكس حديد بة سنون من الجانب لنقل الحركة من عمود الكردان((يوجد اكثر من موضوع لشرح ميكانيكا الكارونة بالصور و الشرح))
و المجموعة دى مع رمان بلى و حجات تانية فى حوض من الزيت
لما الزيت بينقص بيحصل تاكل بسبب الاحتكاك بين الاجزاء السابق زكرها
بعد كدة يبتدى يبان الصوت و بيزيد مع زيادة التاكل او الاحتكاك
وللاسف حتى بعد مانتا رجعت صلحت اماكن الترشيح و زودت الزيت بردة الضرر خلاص تم
و كل الى ممكن يحصل دلوقت ان بعد الاصلاح احتمال كبير الصوت ميرحش بس الاكيد انة مش حيقل او يروح
الفترة المتبقية من عمر الكرونة متوقفة على احتمالك للصوت
بمعنى انة ممكن الكارونة تشتغل بس بيكون صوتها صعب جدا جدا
انتا دلوقت ممكن تحاول تحط مانع الصوت للكارونة و حتلاقية فى محلات محطات البنزين زى شل و خلافة
لو نجح معاك فى انة يقلل الصوت او ينهية يكون خير
لو منفعش انصحك تعيد قرائة الموضوع و تستوعبة و من تعليقات الاستاز سبعاوى و تعليقاتى الحكم ليك تختار الحل اية المناسب ليك
تحياتى و فى انتظار اختيارك و متابعين الحالة معاك [/frame]

[shabraawy]

شكرا علي التوضيح استاد حسام...................... انا جربت مانع الصوت للكارونة ولا يوجد تغيير المهم انا حاليا قررت شراء اخرى ولكن عندي استفسار بسيط هل من الممكن ان استخدم كارونه (volumex) مع العلم ان العربية 132 2000cc هي مش فيات و لكن سيات الماني وما الفرق بينها وبين الكورونا ال(lock) لان في ميكانيكي في الحرفيين قاللي انها تركب ولكن مع بعض التعديلاتز وايهما افضل؟؟؟؟؟؟؟؟؟؟

[HOSAMSAMSOON]

شكرا علي التوضيح استاد حسام...................... انا جربت مانع الصوت للكارونة ولا يوجد تغيير المهم انا حاليا قررت شراء اخرى ولكن عندي استفسار بسيط هل من الممكن ان استخدم كارونه (volumex) مع العلم ان العربية 132 2000cc هي مش فيات و لكن سيات الماني وما الفرق بينها وبين الكورونا ال(lock) لان في ميكانيكي في الحرفيين قاللي انها تركب ولكن مع بعض التعديلاتز وايهما افضل؟؟؟؟؟؟؟؟؟؟

[frame="9 10"]لا شكر على واجب
بس للاسف انا معترض على موضوع التعديل بكل انواعة ولا ارشحة
اكيد استاذ سبعاوى عندة خبرة و اراء تفيدك اكتر منى
ممكن تراسلة على الخاص لو مردش عليك داخل الموضوع
تقبل تحياتى و بالتوفيق[/frame]

[yousef1978]

السلام عليكم ورحمة الله وبركاته

معلش يا جماعة لو كان سؤالي خارج الموضوع

هل في مصر الأفضل السيارات الدفع الأمامي ولا الخلفي ؟؟ ولماذا ؟

تقبلوا تحياتي

[HOSAMSAMSOON]

السلام عليكم ورحمة الله وبركاته

معلش يا جماعة لو كان سؤالي خارج الموضوع

هل في مصر الأفضل السيارات الدفع الأمامي ولا الخلفي ؟؟ ولماذا ؟

تقبلوا تحياتي

[frame="9 10"]الموضوع كبير و يطول شرحة
بس خلى بالك ان حتى الان مرسيدس على سبيل المثال و ليس الحصر لازالت تستعمل الكارونة فى بعض موديلاتها الحديثة
على وعد بالرد فى اقرب فرصة بعون الله
و يستاهل موضوع منفصل مخصص لية لعموم الافادة
بعون الله اعمل الموضوع و ارسل ليك اللنك
[/frame]

[yousef1978]

جزاك الله خير على إهتمامك وردك السريع

أنا مش عاوز مناقشة الموضوع بصورة عالمية
انا محتاج اعرف الأصلح في مصر فقط نظرا لإختلاف طبيعة الشوارع في مصر عن أي دولة في العالم

منتظرك بكل إهتمام

وتقبل حياتي

[HOSAMSAMSOON]

جزاك الله خير على إهتمامك وردك السريع

أنا مش عاوز مناقشة الموضوع بصورة عالمية
انا محتاج اعرف الأصلح في مصر فقط نظرا لإختلاف طبيعة الشوارع في مصر عن أي دولة في العالم

منتظرك بكل إهتمام

وتقبل حياتي

[frame="9 10"]
لا شكر على واجب
بس ممكن الخص ليك الموضوع ببساطة لانى تعاملت مع 131 و التويوتا نصف نقل و الاسوزو نصف نقل و كلهم كارونة و تعاملت مع اليارس و المتسوبيشى الجالنت و هم كبالم و الكلام دة فى مصر و فى السعودية
بس الخلاصة من جهة نظرى تتلخص فى التالى
1-امكانياتك و دخلك يتحمل تجيب عربية كبالم محترمة و غالية بموتور على الاقل 1600 مش اقل ((مع عظيم احترامى لليلارس ...عربية تعبانة )) و تتحمل تبعيات مصاريف الكبالم و اسلوب القيادة المختلف عن الكارونة ... اكيد الاحسن الكبالم فى السحب و البنزين و الرفاهية و النعومة
2-دخلك فى حدود المتوسط و محتاج عربية ممكن برفاهية اقل بس بمصاريف اقل و عملية و جبل تتحمل الشوارع و المطبات و اسلوب قيادة اكثر حدة من اسلوب قيادة الكبالم بس برفاهية اقل الى حد ما و استهلاك بنزين اعلى بالمقارنة بالكبالم و طبعا سحب اقل من الكبالم ....يعنى الكارونة
يعنى الملخص دخلك هوة الحكم فى الموضوع
ولو على شوارع مصر
اقل واجب عربية همر ههههههههههههه
اتمنى اكون افدت سيادتكم و تحت امرك فى اى استفسار
[/frame]

[yousef1978]

أقل واجب عربية همر ههههههههههههه:


حضرتك مش أفدتني فقط

لا حضرتك جبت المفيد

أنا شغال في الإمارات وبأجهز نفسي للعودة لأرض الوطن بعد ما لمينا الزبالة اللي كانت مموتانا ومكرهانا عيشتنا

والحمد لله ممكن أشتري عربية غالية لكن أنا مش عاوزأصرف تحويشة سنوات الغربة في عربية وأضطر أرجع تاني أضيع ما تبقى من عمري وشبابي خارج مصر

وعلشان كده عايز عربية رخيييييييييصة جدا
وصيانتها هاااااااااااااادية خالص وممكن أي ميكانيكي يصلحهالي ولو مفيش ميكانيكي هأضطر أروج لعجلاتي وخلاص
وطبعا تكون واسعة لأني متعود على السيارات الواسعة هنا
ومصارييف الترخيص والذي منه معقولة - يعني الموتور 2000 سي سي فما تحت
وطبعا تكون بتمشي ببنزين ثمانين وسبعين كمان لو أمكن ولو بتمشي غاز او جاز أو مية يبقى مفيش مانع - وطبعا الإستهلاك مش مشكلة قوي لأن سعر الوقود هيكون معقول
أهم شرط طبعا إنها تتحمل المطباااااااااااااات الصناعية والطبيعية وبين بين ومش كل يومين أبات عند العفشجي وهو بيربطلي العفشة علشان ما تفلتش مني
أنا بصراحة - طبعا هتقول ده شحات وعينه فارغة - باحب السيارات ذات مركز الثقل المنخفضة - يعني ممكن تكون عالية في طبعها لكن الإطارات بتاعتها داخله جوه جسم العربية بقدر الإمكان - يعني مش زي الدفع الرباعي او العربيات اللي أصلا منخفضة ولابعين في تعليق الإطارات بحيث تترفع - لأنه كل ما كان مركز الثقل - مركز الثقل وليس السيارة - منخفض كل ما كانت أكثر ثباتا وإتزانا

لو حضرتك فاكر القصة بتاعة الراجل النحوي - ولا مؤاخذة راح يشتري حمار - فقال للبائع :
اريد حماراً لا بالصغير المحتقر ولا بالكبير المشتهر ،إن أقللت علفه صبر ، وإن أكثرت علفه شكر ، لا يدخل تحت البواري ولا يزاحم بي السواري ، إذا خلا في الطريق تدفق ، وإذا أكثر الزحام ترفق
فقال له البائع : دعني إذا مسخ الله القاضي حماراً بعته لك.

أنا الصراحة بأفكر في البويك سكاي لارك أو الفولفو أول التمانينات وكنت فكرت قبل كده في البي إم الكبيرة فئة الخمسمائة والسبعمائة القديمة لكن خفت من قطع الغيار - ولو ما قدرتش في الآخر هأضطر أشتري 132 - 1600 أو التمبرا استيشن وأمري إلى الله

طولت على حضرتك - لكن شاكر لك إهتمامك - ولو عندك نصيحة فأنت اهل كرم وغحنا نستحق هههههه

سلام عليكم ورحمة الله وبركاته

[HOSAMSAMSOON]

أقل واجب عربية همر ههههههههههههه:


حضرتك مش أفدتني فقط

لا حضرتك جبت المفيد

أنا شغال في الإمارات وبأجهز نفسي للعودة لأرض الوطن بعد ما لمينا الزبالة اللي كانت مموتانا ومكرهانا عيشتنا

والحمد لله ممكن أشتري عربية غالية لكن أنا مش عاوزأصرف تحويشة سنوات الغربة في عربية وأضطر أرجع تاني أضيع ما تبقى من عمري وشبابي خارج مصر

وعلشان كده عايز عربية رخيييييييييصة جدا
وصيانتها هاااااااااااااادية خالص وممكن أي ميكانيكي يصلحهالي ولو مفيش ميكانيكي هأضطر أروج لعجلاتي وخلاص
وطبعا تكون واسعة لأني متعود على السيارات الواسعة هنا
ومصارييف الترخيص والذي منه معقولة - يعني الموتور 2000 سي سي فما تحت
وطبعا تكون بتمشي ببنزين ثمانين وسبعين كمان لو أمكن ولو بتمشي غاز او جاز أو مية يبقى مفيش مانع - وطبعا الإستهلاك مش مشكلة قوي لأن سعر الوقود هيكون معقول
أهم شرط طبعا إنها تتحمل المطباااااااااااااات الصناعية والطبيعية وبين بين ومش كل يومين أبات عند العفشجي وهو بيربطلي العفشة علشان ما تفلتش مني
أنا بصراحة - طبعا هتقول ده شحات وعينه فارغة - باحب السيارات ذات مركز الثقل المنخفضة - يعني ممكن تكون عالية في طبعها لكن الإطارات بتاعتها داخله جوه جسم العربية بقدر الإمكان - يعني مش زي الدفع الرباعي او العربيات اللي أصلا منخفضة ولابعين في تعليق الإطارات بحيث تترفع - لأنه كل ما كان مركز الثقل - مركز الثقل وليس السيارة - منخفض كل ما كانت أكثر ثباتا وإتزانا

لو حضرتك فاكر القصة بتاعة الراجل النحوي - ولا مؤاخذة راح يشتري حمار - فقال للبائع :
اريد حماراً لا بالصغير المحتقر ولا بالكبير المشتهر ،إن أقللت علفه صبر ، وإن أكثرت علفه شكر ، لا يدخل تحت البواري ولا يزاحم بي السواري ، إذا خلا في الطريق تدفق ، وإذا أكثر الزحام ترفق
فقال له البائع : دعني إذا مسخ الله القاضي حماراً بعته لك.

أنا الصراحة بأفكر في البويك سكاي لارك أو الفولفو أول التمانينات وكنت فكرت قبل كده في البي إم الكبيرة فئة الخمسمائة والسبعمائة القديمة لكن خفت من قطع الغيار - ولو ما قدرتش في الآخر هأضطر أشتري 132 - 1600 أو التمبرا استيشن وأمري إلى الله

طولت على حضرتك - لكن شاكر لك إهتمامك - ولو عندك نصيحة فأنت اهل كرم وغحنا نستحق هههههه

سلام عليكم ورحمة الله وبركاته

[frame="9 10"]الحال من بعضة
انا متغرب فى السعودية
بس على حسب وصفك شكلك بتتكلم فى العربيات المستعملة
و دة شرائة صعب و محتاج صيانة بعد كدة
يعنى ممكن نتكلم فى فيات 131 &132
او نتكلم فى مرسيدس انتاج قبل 1985 يعنى التمساحة
و ابعد عن العربيات الجديدة الصينى و ممكن تتاكد من قسم الصينى
ربنا يوفقنا جميعا و يهون الغربة علينا[/frame]

[rahmanboud]

كلام هندسي ومدروس 100 فى 100

مشكور على الإفاده