'طلمبة البزين ، اى نوع ممكن يركب فى اى عربيه؟

[مدحت منيب]

لما اروح التوكيل املا عينى من الاصلى .. لو تمنها فى المتاح ع البركه..

لو استهبال .. يبقى عرفت شكل الاصلى و ما يميزه ، عشان يبقى عندى

مرجعيه اعرف بيها الاصلى من التقليد
شكرا شافت.. و ها خد معايا فى ورقه رقم البارت نمبر اللى بيشو طلعهولنا من ع النت

[Xpert]

الرقم مش علي ضمانتي .. استني احسن لحد ما استاذ محمد ممدوح يجيبهولك برضه و اتاكد الاول .. او روح و هم هايبقوا عارفين ;)

[fakoussa]

للاسف من العيوب الشائعة و المستديمة فى سيارات دايوو طلمبة البنزين بتتغير كل سنة تقريبا و سعرها حوالى 500 جنيه و بتبوظ من غير اى سبب . بصراحة حاجة غربية و ثقيلة فى نفس الوقت و ممكن تعملها معاك فى اى وقت و اى مكان . و بتغير الطلمبة و معاها عوامة البنزين و فلتر داخلى كل ده مع الطلمبة الجديدة . انا سمعت انه ممكن تغير الموتور بس بتاعها . انا جربت موضوع تغيير الموتور بتاع الطلمبة دا فى بيجو 206 و ماشتغلش كويس و اضطرينا نشترى طلمبة جديدة ب1250 جنيه . حاجة عظيمة .
مالها الطلمبة الكهربة اليابانى بتاعت زمان .

[MMamdouh]

طلمبة الدايو walbro مش bosch

MMamdouh

[MMamdouh]

للاسف من العيوب الشائعة و المستديمة فى سيارات دايوو طلمبة البنزين بتتغير كل سنة تقريبا و سعرها حوالى 500 جنيه و بتبوظ من غير اى سبب . بصراحة حاجة غربية و ثقيلة فى نفس الوقت و ممكن تعملها معاك فى اى وقت و اى مكان . و بتغير الطلمبة و معاها عوامة البنزين و فلتر داخلى كل ده مع الطلمبة الجديدة . انا سمعت انه ممكن تغير الموتور بس بتاعها . انا جربت موضوع تغيير الموتور بتاع الطلمبة دا فى بيجو 206 و ماشتغلش كويس و اضطرينا نشترى طلمبة جديدة ب1250 جنيه . حاجة عظيمة .
مالها الطلمبة الكهربة اليابانى بتاعت زمان .

اول مرة اسمع قصة طلمبة كل سنة دى... انا معايا عربيتين لانوس واحدة منهم بقالها 10 سنين و التانية 7 و غيرت طلمبة واحدة كانت فى الضمان تبع مشاكل الطلمبات اللى كانت فى اوائل دفعة 99

تقريبا الناس اللى بتغير طلمبة كل سنة كانت بتشترى الطلمبات دى:



MMamdouh

[مدحت منيب]

هع هع هع .. و الله ارخص و معمره تمام ..

انا لقيها فى التوكيل مش وال برو .. لقيتها GM

' طالبين 800 جنيه .. ما اشتريتش .. و ما نابنى الا المشوار السخن لابو رواش .. و رحت و انا راجع نازل

محل ابو الحسن فى شارع وقوف الجيزه بين السرا يات طالب 550 فى واحده صينى مكتوب عليها Boch

ما اشتريتهاش .. روحت و انا مش عارف اعمل ايه ، و ما شى مكسوف و محبط انى راجل

عديم الطلمبه .. و هو اخر لقب كنت ارحّب بالصا قه بى .. فى اخر ايا مى

[Xpert]

هعهعهعهع Boch هعهعهع
حلوه دي .. حتي بوش بقي المضروب بتاعه بوخ هههههه

[مدحت منيب]

النهارده فكينا القديمه و غسلناها بزيت اتوماتيك و ركبناها من غير توصيل ، طردنا الزيت .. و ركبناها تانى ، و لسه بتصفرررر

هى بس كنت عاوز اشوف حضرتها شكلها ايه دى اللى مالهوش مثال

و لقيتها طويله و فرعه و بيضه و مش ملزوق عليها اى اسم و لا جنسيه

مجرد رقم غامض مختلف كمان عن اللى بيشو عطاهونى

انا هاخليها بأه حتى اخر العمر..ايه يعنى بتصّفر.. ما انا كمان باصفر ساعات

[hfarouk]

اشتر الطلمبة الاصلى من التوكيل وركبها برد احذى قطع الغيار معظمها مضروب بره

[مدحت منيب]

دلوقت بقى لها يومين فى بيتها .. بطلت تصفر لوحدها كده

و بتدينى البنزين اللى انا عاوزه من سكات

و القديمه تحلى

بالقراءه الدقيقه فى كتالوج السياره اتضح ان مفتاح العربيه الاصلى

به كود ترميز ، و هو ما يطلق عليه بلغة الاجانب " ايموبلايزر "

و وظيفته اعطاء اشاره كهربائيه لطلمبة البنزين لتشتغل ،

فتدور المحرك و تنطلق. و عندما يكون المفتاح مش اصلى

تمتنع الطلمبه عن ضخ الوقود وتفشل محاولات سرقتها .

لسبب ما الاولاد عملوا مفتا ح على الاصلى من ورايا

و كانوا معرفش ازاى بيطلعوا بيها و كل حاجه ..

و لكن الظاهر هذا سبب نوع من الارتباك لموتور الطلمبه

نظرا للتشابه الجينى بينى و بينهم مما سبب رفع عقيرتها بالصفير( يبدو انه كان تحذير فقط )ر الذى كاد يودى بطردها من الخدمه ، ظلما

و لولا حكمتى و طول بالى ..لحل مكانها طلمبه حقيره اصغر سنا .. و اقل حنكه

فا عتبروا يا سريعى التغيير

[مدحت منيب]

اسف يا جماعه .. رجعت الطلمبه للصفير و كل اللى يركب يقوللى


انت عاوز لك طلمبة بنزين .(.و ده مش كويس للبرستيج بتاعى )

فيه كهربائى قاللى احنا ممكن نجيب الموتور الروتارى اللى جوا الاسطوانه

البلاستيك جديد بحوالى 270 + فلتر جديد ب 30

و نركب نفس الاسطوانه و العوامه و نلم الدور..قاللى هو اللى بيبوظ فيها الموتور فقط

اذا عملنا كده ونفعت هاقولكم

[Xpert]

يا عم مدحت هاتلك طلمبه بنزين و اشتري دماغك ... بلاش مصاريف و وجع دماغ علي الفاضي ... اشتري طلمبه البنزين جديده و امرك لله ;)

[مدحت منيب]

شوفوا اخر الاخبار : اشتريت موتور المانى فقط ب 200 جنيه جديد نوفى

الكهربائى فك الطلمبه و شال القديم و حط الجديد مكانه و ركب الفيش

و العوامه و الفلتر القديم بعد غسله .. و سقّط الطلمبه فى التانك

و دّور يابيه .. ما فيش مشاكل ..بعد ذلك اشتريت رشاشات هونداى اكسنت

و تنفع الانترا ( يعنى بتوع مواتير 1600 ) .. ما فيش مشاكل

سبتها دايره اشى تلات ساعات ع الواقف .. ثم تست درايف .. كله جميل

النهارده بقى لها تلات ايام شغل ، الحمد لله كله تمام ، الفلوس اللى وفرتها فى شراء طلمبه ( حوالى 650 جنيه ) زودت عليها 150 و جبت بيهم

رشاشات جديده ..ايه رايكو بقى؟

خلاص موضوع طلمبة البنزين

[Hossam_Hassan]

بعد اذن حضرتك يا أ/ مدحت تقولنا جبت موتور الطلمبة منين

[مدحت منيب]

سؤال اساتذه يا استاذ حسام .. فعلا الحاج سيد دور لى عليه يومين عند

جميع اصدقاؤه بتوع قطع الغيار لحد ما جابهولى الله يكرمه

و الحاج سيد الصياد هو اصلا ميكانيكى قديم خطير و كان فى البحرين صاحب جراج كبير و هو

صاحب محل " الصياد " الذى يقع فى 22 ش احمد الزيات اللى فيه مرور الجيزه .. المحل بتاعه

على الشمال بعد ما تخش الشارع ب 100 متر وهو سوبر جنتل مان و عارف اصول كل شىء

و يبيع كل ما هو دايو و اسكودا