مياه التبريد هاااااااااااااام جدا

[eldeplomasy]

عندي الشاهين 2006 في موجة الحر الى عدت دي ربنا ما يعودها تاني وانا مشغل المكيف والمراوح شغاله على اعلى سرعة وصلت حرارة المحرك الى 100 درجة ومكانتش بتقل فلما رحت لبتاع الردياتير النهرده قالي الميه الخضراء تبريدها تعبان فقالي غيرها بالميه الزرقاء قالي دي اعلى تبريد وافضل من الميه الخضراء والكلام ده ناس كتير اكدوهولي جدا فانا مش عارف اغير الميه الخضراء بميه زرقاء ولا لأ مع العلم ان الميه اللى كانت نازله مع العربية زرقاء ووقتها عمر الحرارة في ظرف من الظروف حتى لما كنت اشد بالعربية ما كانت الحرارة بتعدي 90 مهما عملت غير كده فهي اقل من ال90 بشوية فقلت اسال اهل الخبرة قبل ما اغير

ياريت الرد بسرعه جدا لان الحر بصراحه يخنق وخايف على الموتور من الحرارة دي وآسف للتطويل وشكرا جزيلا

[Xpert]

اسلم حل : اقراء اللي علي العلبه قبل ما تحط .. لازم تعرف انت بتحط ايه .. العمليه مش بالشبه كده ... ;)
و انت بتشتري .. امسك الجركن الاخضر و الجركن الازرق و قارن بينهم ;)

[eldeplomasy]

مش فاهم يعنى المفروض احط ايه علشان لما ارى اللى على العبة ابقى فاهم احطه ولا لأ

هي الميه اللى كانت فيها كانت زرقاء

وانا غيرتها نقصت وغيرتها بخضراء ومن ساعتها وانا حاسس ان العربية مش مضبوطة على ما اتذكر كده

اعمل ايه؟؟؟

[Xpert]

ماهه انت هاتفهم لما تمسك الجركن و تقارن بين ده و ده .. مميزاته و عيوبه و درجه التبريد و الكلام ده ..
سوري .. انا من النوع اللي باحط مياه حنفيه ... و مياه الترعه كمان :d:d

[eldeplomasy]

هههههههههههههههههه علشان كده مش فارقه معاك ده او ده

والله احترت اعمل فيها ايه؟؟؟

[Xpert]

مانا باقولك يا عم اقراء اللي علي الجركن .. الحمد لله بنعرف نقراء و نكتب :d:d:d
يأما تعالي احطلك مياه حنفيه ببلاش من عندي :d

[eldeplomasy]

بس المهم تبقى ساقعه علشان التبريد بتاعها

هههههههههههههههههه

مفيش على الجركن حاجه اسمها درجة التبريد

اهه في ايدي مفيهوش حاجه زي كده

هو بس مكتوبدرجة التركيز بس

[Xpert]

مكتوب عليه ايه طيب ؟ اكتب كده اللي مكتوب عليه ؟

[pcegypt]

مش فاهم يعنى المفروض احط ايه علشان لما ارى اللى على العبة ابقى فاهم احطه ولا لأ

هي الميه اللى كانت فيها كانت زرقاء

وانا غيرتها نقصت وغيرتها بخضراء ومن ساعتها وانا حاسس ان العربية مش مضبوطة على ما اتذكر كده

اعمل ايه؟؟؟

زي ما قال بيشو المسالة مش الوان على قد ماهي المكونات ، كل اللي عليك انك تقرا اللي على الجركن وتختار المياة من مصدر موثوق مش اي مياة ملونة والسلام ، انا عموما باستعمل مياه موبيل وهتلاقي منها نوعين ازرق مخضر و احمر زهري ، الاول بيكون افضل للمواتير الزهر والرادياتيرات النحاس ، اما التاني افضل للمواتير والرادياتيرات الالومنيوم ، وماتصدقش لو قالولك في المحطة ان الاتنين واحد لانك لو قريت المكونات بعناية على كل جركن هتلاقي فيه اختلاف في المكونات ، واوعى تحط من ده على ده.

تحياتي

[eldeplomasy]

مممممممممممممممممممممم

وبتجيب الجركن بكام وفيه كام لتر وهو موجود في اي محطة موبيل؟؟؟

والتبريد بتاع الميه عندك عامل ايه كويس ولا لأ؟؟؟

انا الميه الخضراء اللى جبتها من محل قطع غيار وسعودي الراجل شكرلي فيها

وشكرا جزيلا

[eldeplomasy]

متكوب على الجركن concentration 40%

مصنع في السعودية

هو ده اللى حاطه

اغيره بقى ولا كويس

[شاهين - بنز]

هو الجركن 4 لتر بحوالي 33 جنيه و فيه زيه بالزبط بس مصر مش موبيل بحوالي 22 جنيه ده للأزرق
اما الأحمر موبيل كان ب 45

[eldeplomasy]

طيب انا عربيتي شاهين يعنى احط الازرق ولا الاحمر ومنين؟؟؟

وميرسى جدا لتعبك معايا

[eldeplomasy]

وهو في فرق بين الموبيل والمصري

وتركيزه كام؟؟؟

[Xpert]

متكوب على الجركن concentration 40%

كونسنتريشن 40% مياه لفت ... :D 40% من اييه يا بوب :D لف الجركن ! :D