مياه التبريد هاااااااااااااام جدا

[eldeplomasy]

هو ده اللى مكتبو بالضبط مفيش اي كلام تاني

قلي على كلام معين ادور عليه

[hfarouk]

العربية مش مظبوطة يا باشا لانها لومظبوطة متسخنش حتى لو بمية الحنفية وحتى لو انت مشغل التكيف فى عز الحر كمان وعموما لو عايز تشتر سائل تبريد اشترى اللى موجود فى محطات شل ده فى ناس كتير يتشكر فيه بس اتاكد من نظافة الرادياتير اول وكل المواسير سلكة ولا لأ لان ده هو سبب السخونة بنسبة 100 %

[eldeplomasy]

شفت تاني مفيش حاجه مكتوبة غير ضد الصدا وضد حاجه تاني اللى هي scaling

وبس

[eldeplomasy]

انا سلكت الردياتير مرتين وبقى تمام

بس معرفش بقى الخراطيم ممكن تبقى مسدودة ازاي

وانا اعرف ازاي انها مسدودة

لان لما بروح لبتاع الردياتير بيبص على الردياتير بس مش على الخراطيم

[aboalm]

سؤال بسيط ليه غيرت نوع المياه فى الردياتير اصلا ؟
كل ردياتير له لون مياه مخصوص لانك بتلاقى مياه خضراء و زرقاء و حمراء لو الموضوع بنسبة التبريد كان كله اشترى لون واحد . بمنتهى البساطه فضى المياه الخضراء و ارجع تانى حط مياه زرقاء زى ماكنت فى العربيه وقت ما أستلمتها طالما دى توصيات المصنع

[eldeplomasy]

فضتها كانت الخراطيم بتنقط والميه قلت جدا فجيت اشترى ميه زرقاء علشان ازودها ملقتش غير الاخضر وقتها فجيت احطها قالولي مينفعش غير اللى فيها فغيرته

والشركة مش بتوصي بلون معين بس انا شايف ان العربية مكانتش كده وهي جديده ومش عارف اعمل ايه؟؟؟

[فادى]

بص هو مياه التبريد أكتر حاجة بتتغش و ديه سمعتها كتير يعنى احتمال كبير تكون المياه مغشوشة لكن معتقدش انو ده سبب السخونة, لو مغشوشة ممكن تأثر على ثرموستات الكوع فيسخن العربية.
بس لازم نقول حاجة مهمة جدا عداد الأمبير مش وسيلة قراءة دقيقة للحرارة لأنه فيه مساحة من الخطأ, و فى عربيات عديدة و منها الشاهين لما تشغل الأنوار الأمبير بيعلى بفارق صغير, و عشان كده فى الشاهين مادمت انت تحت النقطة الى بين ال90 و ال130, و العداد المفروض يوصل قبلها بشوية و طبيعى انو هو يعدى ال90 لأن حرارتها المثالية 92-95, و المروحة بتشتغل عند 92 تكون الحرارة وصلت ل95 و بعدين تبرد لحد 90, و هكذا, و 95 ديه بتبقى تحت النقطة الى قلتلك عليها بشوية و ده الى قالوهولى فى التوكيل انو الحرارة مادامت تحت النقطة يبقى العربية مفيهاش حاجة لما توصل للنقطة اياها لازم تكشف على دورة التبريد.
بس مادامت دورة التبريد قادرة انها ترجع السيارة الى حرارتها الطبيعية مرة أخرى يبقى كله تمام. و طبيعى انو المياه تنقص من عندك كل فترة لأن دورة المياه عندك دورة مفتوحة (غطا الرادياتير بسوستة).

[eldeplomasy]

فعلا الكلام ده صح بس انا امبارح كنت ماشي في القصر العيني وانتوا طبعا عارفين القصر العيني لما يقف فيها ساعات وكنت مشغل المكيف فكانت المراوح كلها شغاله وعلى اعلى سرعة لان المروحة عندي سرعتين فكانت على اعلى سرعه والحرارة لقتها عدت ال 90 ووصلت تحت النقطه اللى حضرتك بتقول عليها يعنى وصلت لدرجة حرارة 100 لان النقطه اللى بتقولي عليها 110 لانها في المنتصف بين ال90 و 130 يعنى منتصفهم 110 هي كانت وصلت ل100 مع العلم ان المراوح كانت شغاله سريع جدا والحرارة بتزيد ولما عدت ال90 موتور المكيف فصل وبطل تبريد لحد ما درجة الحرارة قلت عن ال90 بدأ يبرد تاني وده معناه ان المكيف متصل بحرارة الردياتير وده غلط المفروض كل حاجه لوحديها فمش عارف هل الميه السبب ولا في حاجه في الردياتير مع العلم اني سلكته مرتين واضبط ومازال مضبوط مع غير المكيف حتى في عز الحر الحرارة توصل لل92 تشتغل المروحة لحد ما تنزلها عن ال90 لكن مع المكيف المراوح بتفضل شغاله والحرارة تزيد عن 90 وبتوصل لو وقفت كتير جدا لل100

ايه الحل اغير الميه واجرب ولا ايه؟؟؟

مع العلم ان في ناس قالولي غير مروحة المكيف دي ضعيفه لو ركبت واحده اشد هتعمل شغل

فبماذا تنصحوني؟؟؟

[فادى]

المكيف مش متصل بحرارة الرادياتير ده حاجة و ده حاجة.
و طبيعى انو حرارة السيارة ترتفع قليلا مع تشغيل المكيف, صحيح انو مراوح المكيف بتبرد المحرك قليلا لكن المكيف بيحمل على الموتور و بيخلى حرارته تعلى, و تحت النقطة (110) مش بالضرورة 100 ممكن تكون 95, لأن زى ما قولتلك أمبير الحرارة مش وسيلة دقيقة لقياس الحرارة زى الترمومتر, عشان كده متقدرش تقول درجة الحرارة 100 أو غير ذلك, لحد 95 انت فى أمان, و بعدين انت كنت واقف بليل و لا الصبح, يعنى كنت مشغل النور و لا لأ؟ لو مشغل النور طبيعى الأمبير بيتأثر و بيعلى بدرجة قليلة.
و عموما اتأكد من الزيت ناقص و لا لأ حالته كويسه و لا فقد لزوجته, و اتأكد من مروحة الرادياتير و حالتها و الثرموستات بتاعها و مقاومة المروحة لأن مقاومة المروحة ممكن تكون فيها مشكلة بتأخر تشغيل المروحة.
عموما لو السيارة على الطرق السريعة مش بتسخن اذن المشكلة غالبا فى المروحة (ثرموستات المروحة, المقاومة, موتور المروحة).

[pcegypt]

كونسنتريشن 40% مياه لفت ... :D 40% من اييه يا بوب :D لف الجركن ! :D

بالضبط زي ما قالك ، وعن تجربة المياة الوحيدة اللي لقيت المكونات واضحة عليها بشكل تقريبي هي مياه موبيل ، اما عن السعر دلوقتي الإتنين سعرهم تقريبا واحد حوالي 41 جنيه للجركن 4 لتر تركيز 33% ، ده تركيز الإثيلين جليكول و مضادات الصدأ (سليكات وبورات وإضافات أخري في المياه الزرقاء - و احماض عضوية معادلة في صورة املاح في المياه الحمراء) اما عن المناسب لسيارتك فلازم تعرف موتورك زهر ولا الومنيوم والرادياتير الومنيوم ولا حاجة تانية.

تحياتي

[Dr_Smart]

هو مين اللي بيكشف عالمروحة والثرموستات وكده ؟

ميكانيكي ولا كهربائي ولا ايه ؟

[فادى]

"هو مين اللي بيكشف عالمروحة والثرموستات وكده ؟

ميكانيكي ولا كهربائي ولا ايه ؟"

هو المفروض الكلام ده شغل كهربائى بس مش شرط الميكانيكى ممكن يعرف سبب العطل و لو انو انا من كلام الزميل دبلوماسى مش حاسس انو السيارة فيها عطل.

[eldeplomasy]

ده بمجرد اني اتحرك بالعربية من الزحمه حرارة العربية بتنزل

اللى مخليني حاسس انها فيها مشكلة انها وهي جديده مكنتش كده كنت اشغل المكيف ومراوح الردياتير تشتغل فالحرارة تقل على طول اما دولقتي لأ مبيحصلش حاجه من دي

المراوح تشتغل والحرارة تفضل تزيد وتزيد وتزيد لحد ما بتوصل 100 وده في عز الحر ظهرا اما بالليل فمراوح الردياتير يادوب بتشتغل تبرد الردياتير وتطفي تاني والمكيف كفائته عالية جدا

لكن بالنهار حرارة الموتور تزيد والمراوح شغاله والمكيف تبريده ضعيف

اغير الميه ولا اغير مروحة المكيف؟؟؟

مع العلم ان مروحة المكيف صغيره ويادوب بتعمل تيار هوا ضعيف جدا لكن مروحة الردياتير ما شاء الله بتعمل تيار هوا شديد جدا ففي ناس نصحوني اغير مروحة المكيف وليست الردياتير علشان تعمل تيار اشد ووقتها هتتضبط العربية

بماذا تنصحوني؟؟؟

[Xpert]

بالضبط زي ما قالك ، وعن تجربة المياة الوحيدة اللي لقيت المكونات واضحة عليها بشكل تقريبي هي مياه موبيل ، اما عن السعر دلوقتي الإتنين سعرهم تقريبا واحد حوالي 41 جنيه للجركن 4 لتر تركيز 33% ، ده تركيز الإثيلين جليكول و مضادات الصدأ (سليكات وبورات وإضافات أخري في المياه الزرقاء - و احماض عضوية معادلة في صورة املاح في المياه الحمراء) اما عن المناسب لسيارتك فلازم تعرف موتورك زهر ولا الومنيوم والرادياتير الومنيوم ولا حاجة تانية.

تحياتي

الشاهين البلوك زهر ردياتير نحاس ;)

[pcegypt]

الشاهين البلوك زهر ردياتير نحاس ;)

كده يبقى مياه موبيل الزرقاء هي الانسب.

تحياتي