ينفع الموتور يبقى خفيف وطقم الشمبر سليم

[MMamdouh]

معنى كده ان جوان وش السلندر ممكن يقلل السحب لو تعبان
بس لو الجوان بايظ أكيد الموتور هيعمل طحينه أو المكنه هتنفخ مياه الردياتير من الشكمان صح الكلام ده ؟

جوان وش السلندر بيعزل حاجات كتير بالتالى مظاهر التلف مختلفة عن بعضها و بتعتمد على مكان التلف

لو التلف فى منطفة بين مجرى مية و مجرى زيت حتلاقى الزيت عمل طحينة زى ما قولت

لو التلف بين مجرى مية و بستم من البساتم حتلاقى البوجية بتاع البستم دة مصدى و قربة المية بتبقلل و ريحتها عادم

لو مطقة التلف بين بستمين حيحصل موضوع ضعف الضغط اللى شرحتة قبل كدة

بالنسبه للشمبر
هل أعلى شمبر (أقرب شمبر لغرفة الأحتراق ) مبيوصلوش زيت غير لما الشمبرين اللى تحته يضعفوا ؟ ازاى ؟

الشمبر التحتانى شغلتة منع كميات الزيت الزائدة من الوصول الى الشنابر العلوية... الشنابر العلوية شغلتها احكام غرفة الحريق

الشنابر العلوية دى بتعتمد على ضغط غرفة الاشعال فى احكام الغرفة بالتالى احكامها بالنسبة للزيت مش حيبقى دقيق فى اشواط السحب و العادم و عشان كدة بنحتاج شمبر تالت للتحكم فى كمية الزيت اللى بتوصل لشمبرين الضغط

لو شنابر الضغط تاكلت الكبس حيهرب الى الكارتيرة و حتلاقى خرطوم الفايظ بيطلع بخار كتير نتيجة كبس البساتم بس دة مش حيسبب حريق زيت طالما شمبر الزيت سليم

لو حصل العكس العربية حتحرق زيت بس سحبها حيبقى كويس لان كبس المكنة مضبوط

طبعا لو التلاتة باظوا حتبقى خرابة

MMamdouh

[michohat]

طالما نتكلم عن اعراض تهريب كبس يبقى لازم نعمل اختبار كبس عشان نعرف هل فعلا فية تهريب ولا لا

الكاختبار ببساطة هو اختبار الضغط اللى بتولدة البساتم اثناء شوط الضغط... بيتم بعد اجراء الاختبار مقارنة قيم الضغوط المسجلة و مقارنة قرائات كل بستم بالاخرين... عادتا بيعتبر المحرك بحالة جيدة لو الفرق بين اعلى ضغط و اقل ضغط مسجل لم يتعدى 20%... و فى الغالب بيكون الضغط الطبيعى فى حدود 160PSI

طبعا لو لقيت بستم ضغطة واقع جدا حيكون محل شك... عشانم تفرق اذا كان دة عيب شمبر ولا صبابات حتحط شويتين زيت محرك من فتحة البوجية بتاعت البستم دة و تجرب الاختبار تانى... لو النتيجة اتحسنت بشكل ملحوظ و قربت جدا من باقى البساتم تبقى دى مشكلة شمبر... لو مفرقتش او الفرق مش جوهرى تبقى مشكلة صباب

لو لقيت بستمين جنب بعض الضغط فيهم قليل ممكن دة يكون دليل على تلف جوان وش السلندر

MMamdouh

كنت عملت اختبار كبس موتور من سنتين ودي النتيجه بتاعته
قوه الماتور 68%
Cyl number RPM DROP
51 1 *
71 3
49 4 *
58 2


رقم السلندر اللى جنبه نجمه دى اللى الفنى علم لي عليهم


وده رابط للموضوع اللى كنت عامله

http://www.nilemotors.net/Nile/91907-a.html

وحاله الماتور زي ما هي من سنتين
( بياكل لتر زيت بالكتير صيفاً مع كل تغييرة زيت اسو كل 1000 او 1200 كيلو و تراجع نقص الزيت فى الشتاء
و استهلاك البنزين داخل البلد معدله معقول ومعرفتش احسبه انما فى السفر الاستهلاك لتر بنزين بيعمل 10 او 11 كيلو بسرعه 90
و فيه دخان ابيض بيسموه نفخ طالع من خرطوم الفايظ ولما بوصله بعمه الكاربراتير بيتكثف داخلها الزيت
و مفيش دخان من الشكمان
و فيه صوت للتاكيهات قولت للميكانيكي اضبط التاكيهات قال لي احسن لك سيبها كده علشان المكنه خفيفه
و كان فى الاول فيه بوجيه بيعرق زيت دلوقتي معدش فيه تعريق)
كنت ناوي الاسبوع اللى فات اني ابدء فيها شغل ماتور بس الاوضاع خلتني استني شوية و ان شاء الله ناوي ابدء فيها الاسبوع اللى جاي فعاوز نصائح اخلي بالي من ايه والميكانيكي اول ما يفك يبدأ بايه علشان يعرف يحصر الاعطاب و مش يغير حاجه مش محتاجه انها تتغير

[MMamdouh]

معلش سؤال تانى
يعنى ايه روديه أو ايه اللى بيتعمل فى وش السلندر بالظبط فى عمل الروديه ؟

الرودية هى عملية تطابق وجة الصباب على قاعدتة و دة بيتم عن طريق وضع مادة معينة على وجة الصباب و تدويرة يمين و شمال عدة مرات باستخدام اداة زى اللى فى الصورة



الهدف من العملية دى هو احكام غلق الصباب تماما و منع اى تسريب

MMamdouh

[MMamdouh]

كنت عملت اختبار كبس موتور من سنتين ودي النتيجه بتاعته
قوه الماتور 68%
Cyl number RPM DROP
51 1 *
71 3
49 4 *
58 2


رقم السلندر اللى جنبه نجمه دى اللى الفنى علم لي عليهم


وده رابط للموضوع اللى كنت عامله

http://www.nilemotors.net/Nile/91907-a.html

وحاله الماتور زي ما هي من سنتين
( بياكل لتر زيت بالكتير صيفاً مع كل تغييرة زيت اسو كل 1000 او 1200 كيلو و تراجع نقص الزيت فى الشتاء
و استهلاك البنزين داخل البلد معدله معقول ومعرفتش احسبه انما فى السفر الاستهلاك لتر بنزين بيعمل 10 او 11 كيلو بسرعه 90
و فيه دخان ابيض بيسموه نفخ طالع من خرطوم الفايظ ولما بوصله بعمه الكاربراتير بيتكثف داخلها الزيت
و مفيش دخان من الشكمان
و فيه صوت للتاكيهات قولت للميكانيكي اضبط التاكيهات قال لي احسن لك سيبها كده علشان المكنه خفيفه
و كان فى الاول فيه بوجيه بيعرق زيت دلوقتي معدش فيه تعريق)
كنت ناوي الاسبوع اللى فات اني ابدء فيها شغل ماتور بس الاوضاع خلتني استني شوية و ان شاء الله ناوي ابدء فيها الاسبوع اللى جاي فعاوز نصائح اخلي بالي من ايه والميكانيكي اول ما يفك يبدأ بايه علشان يعرف يحصر الاعطاب و مش يغير حاجه مش محتاجه انها تتغير

بص اولا انا مش بقتنع بالاختبار بالطريقة دى لانة مدخل متغيرات كتير جدا مع بعض... يعنى لو بوجية فى سلندر معين وحش او سلك البوجية بتاعة وحش او الرشاش اللى قصاد البستم دة مسدود حيفرق فى نتيجة الاختبار

بس من اللى انا شايفة ان فيه عندك تفاوت كبير بين القرايات بالتالى فيه حاجة مش صح... هل عى من الكبس او غيرة الله اعلم.... دى مش حتبان الا لو انت متاكد 100
% ان بوجيهاتك و سلوكها و رشاشاتك سلام و ان مفيش اى رواسب فى مشترك السحب

MMamdouh

[michohat]

طب حضرتك تقدر تقول لي اعمل فين اختبار كبس موتور يكون عن طريق البوجيهات و ميكونش بالطريقة اللى عملتها ده فى محطه كالتكس عباس العقاد

[MMamdouh]

مش عارف بصراحة مين عندة المكبس بتاع الاختبار دة للاسف

MMamdouh

[ahmed_h_g]

الف شكر يا هندسه منكم نستفيد
ينفع أسأل تانى ولا خلاص كده وقتى أنتهى ؟

[MMamdouh]

اسال براحتك :)

MMamdouh

[ahmed_h_g]

بالنسبه لطقم الشمبر
ليه الميكانيكية الخبراء بينصحوا بتغيير الموتور بدل عمل عمره أو حتى نصف عمره
سألت ميكانيكى السؤال ده بس مفهمتش منه حاجه
قاللى العربيه بعد تغيير الشمبر بتبقى ممتاذه وبتعرق وتمام التمام
بعد حوالى من 3 ل6 شهور يبتدى الموتور يخف أو العزم بيضعف
والسبب ان طقم الشمبر وهو جديد بيبقى عامل زى السكينه وبيفضل ياكل فى مجرى البستم فبيجرحه وبياكل الكربون اللى كان عليه
المهم أنا مفهمتش منه حاجه وعايز سبب علمى

[فتح الباب]

هات طقم شمبر اوريجينال اصلى يعنى وركبه وانساه على الاقل سنتين ده اذا جبت الشمبر الاصلى وسيبك من كلام الميكانيكى ده عايز يعمل خبير وكلما زادت الصيانات كلما زاد اجره انما هيركبلك شمبر بس مش هيعرف ياخد منك حاجه زى الناس لكن لو لقيت قطر الشميز من الداخل اكبر من الطرفين اعرف ان الشمبر مش هاينفع ودى تعرفها لما البستم بشمبره طبعا يطلع من مكانه . مكانه ده بقى الشميز لاحظ بقى الجزء اعلى الشميز اللى ما بيوصلوش الشمبر ده اساس الشميز طبعا مقارنه بالمكان اللى بيوصله الشمبر هتلاقى ان ده اوسع من ده شويه ولو كده يبقى ماينفعش شمبر اما لو الفرق شبه واحد يبقى عادى ينفع الشمبر

[MMamdouh]

بالنسبه لطقم الشمبر
ليه الميكانيكية الخبراء بينصحوا بتغيير الموتور بدل عمل عمره أو حتى نصف عمره
سألت ميكانيكى السؤال ده بس مفهمتش منه حاجه
قاللى العربيه بعد تغيير الشمبر بتبقى ممتاذه وبتعرق وتمام التمام
بعد حوالى من 3 ل6 شهور يبتدى الموتور يخف أو العزم بيضعف
والسبب ان طقم الشمبر وهو جديد بيبقى عامل زى السكينه وبيفضل ياكل فى مجرى البستم فبيجرحه وبياكل الكربون اللى كان عليه
المهم أنا مفهمتش منه حاجه وعايز سبب علمى

طيبب و الموتور جديد ليه دة مبيحصلش؟؟؟... كلام غير منطقى

عملية تغيير الشمبر بتفشل لو الشميز نفسة متاكل و قطرة مش متسق... فى الحالة دى بيحصل تهريب للكبس و الموضوع بيفشل

معنى كدة ان قبل تركيب الشنبر لازم يتقاس الشميز و التاكد ان نسبة عدم الدقة فى مقاساتة مقبولة قبل التركيب... طبعا محدش بيعمل كدة هنا و بالتالى ممكن الشمبر يفشل

MMamdouh

[ahmed_h_g]

يعنى ممكن الاقى الشميز مقاساته مقاسات المصنع وأغير طقم الشمبر فقط ولا لازم أوسع الشميز وأركب شمبر عالمقاس الجديد
لو وسعت الشميز يبقى ضريت الموتور يعنى الكبس هيبقى تمام بس المكبس وزنه تقيل يعنى العربية مش هتجيب أقصى سرعه ليها وسرعة كل غيار هتقل عن الطبيعى مش كده ؟
معلش يا هندسه أستحملنى

[ahmed_h_g]

سؤال عالسريع
هل البستم الرفيع وطول مسافة حركة البستم تدى سرعه كبيرة مع عزم ضعيف أو تسارع بطئ مع مدى كبير لكل غيار
يعنى اللانسر مثلا" الغيار التانى ليها بيجيب 80 والجيب شيروكى الغيار التانى بيجيب 40
يبقى التفاوت ده من حجم البستم ولا من طول مسافة الشوط ؟

[MMamdouh]

يعنى ممكن الاقى الشميز مقاساته مقاسات المصنع وأغير طقم الشمبر فقط ولا لازم أوسع الشميز وأركب شمبر عالمقاس الجديد
لو وسعت الشميز يبقى ضريت الموتور يعنى الكبس هيبقى تمام بس المكبس وزنه تقيل يعنى العربية مش هتجيب أقصى سرعه ليها وسرعة كل غيار هتقل عن الطبيعى مش كده ؟
معلش يا هندسه أستحملنى

لو الشميز مقاساتة تمام يبقى تجيب شمبر فقط

لو وسعت الشميز لازم تركب بساتم اكبر بالتالى دة ملوش اى لزمة طالما الشميز مقاساتة مضبوطة... الا اذا كنت عايز تزود قدرة المحرك و تزود سعتة اللترية و هنا حتخرط الشميز و توسعة و تركب بساتم اكبر (بشمبر جديد طبعا) و دة حيرفع قدرة المحرك

MMamdouh

[MMamdouh]

سؤال عالسريع
هل البستم الرفيع وطول مسافة حركة البستم تدى سرعه كبيرة مع عزم ضعيف أو تسارع بطئ مع مدى كبير لكل غيار
يعنى اللانسر مثلا" الغيار التانى ليها بيجيب 80 والجيب شيروكى الغيار التانى بيجيب 40
يبقى التفاوت ده من حجم البستم ولا من طول مسافة الشوط ؟

اللى بتتكلم فيه دة نسب فتيس و ملوش اى علاقة بتصميم المحرك

MMamdouh