رجه في الموتور وانا ع الاول

[moha_qadey]

بسم الله الرحمان الرحيم
يا جماعه انا معايا عربيه تويوتا ياريس موديل 2007
العربيه حسيت فيها مؤخرا ان لما بكون واقف وابدا اتحرك بطئ ع الاول بحس بزلزال في الموتور سرعان ما بينتهي لما بزود بنزين يعني لازم الطلعه الاولى تكون بسرعه وساعات كمان الكلام ده بيحصل حتى لو بتحرك بسرعه بالعربيه من السكون
لدرجه اني ساعات باتحرك بالغيار التاني من السكون لتلافى المشكله دي وطبعا للعلم باقى السرعات من التاني لحد الخامس العربيه بتبقى زي الفل
ارجو توضيح السبب مع العلم ان العربيه انجكشن .

[mohmdomar]

لو العربية مانيوال يبقي الديسك بتاع الدبرياج عندك بايظ وماينفعش تغيره لواحده لازم تغير طقم الدبربياج علي بعضه اللي هو ديسك واسطوانة وبلية

[moha_qadey]

هيه مانيوال بس ليه باقى السرعات مفيش فيها مشكله والمشكله دي بتحصل من ايه انا استخدامي خفيف

[beshomilan]

نفس المشكلة حضرتك عندى وزى ماقال الاستاذ moha_qadey المشكلة فطقم الدبرياج

[hemalotfy]

لو العربية مانيوال يبقي الديسك بتاع الدبرياج عندك بايظ وماينفعش تغيره لواحده لازم تغير طقم الدبربياج علي بعضه اللي هو ديسك واسطوانة وبلية

+11111111111111

[aYaBooY]

نتمني انها تكون ديسك بس يا جماعة هيا لو ديسك مش المفروض يحصل الهزة مع كل الغيارات

[icehearted girl]

نفس المشكلة عندي وسببها الديسك بس المشكلة بدأت لما غيرت طقم الدبرياج كله من خمس شهور ومن ساعتها بحس اني سايقة كراكة ونا طالعة ع الاول

[JUVENTUS]

زي ما قال الاخوة اعتفد ان العيب من طقم الدبرياج

[wahba87]

انا عندى نفس المشكلة

هو فى مشكلة لو الواحد اجل تغيير طقم الدبرياج شوية؟

[JUVENTUS]

انا عندى نفس المشكلة

هو فى مشكلة لو الواحد اجل تغيير طقم الدبرياج شوية؟

لو سحب العربية كويس مفيش مشكلة
انما لو حسيت ان سحبها قل يبقا لازم تغيره فورا لانها هتيجي في وقت و هتقف خالص

[smsm_nabawy]

ديسك الدبرياج !!! و لما تيجي تغيره .. أنصحك بالالماني ده و أقولك تعرف منين أنه حيفيدك

من عدد السوست الي فيه

بمعنى أن بيبقى في ديسك فيه 4 سوست عادي "أو أياً كان عددهم" !! و في ديسك بيكون فيه 8 ... ازاي ؟؟؟ أقولك أنا .. بيكون 4 سوست عادي و تحتيهم سوست تانية بقطر أقل ...

أهو شايف السوست دي ... دي بيكون تحتها سوست كمان .. بتساعد اوي على مص الرجة

أن شاء الله سليمة ... و أرجوا أني أكون عرفت أساعدك !!!

[smsm_nabawy]

انا عندى نفس المشكلة

هو فى مشكلة لو الواحد اجل تغيير طقم الدبرياج شوية؟

لا مفيش بأستثناء أن السحب حيضعف معاك أول بأول ... لحد ميفيص خاالص

بس لو أتأخرت اوي .. حتيلاقي نفسك في يوم بتدوس دبرياج و تيجي تنقل .. تلاقي الفتيس محجر ...

و أنت و حظك كنت معشق على الكام بقا !! :)

[aYaBooY]

انا عندى نفس المشكلة

هو فى مشكلة لو الواحد اجل تغيير طقم الدبرياج شوية؟

الموتور هايتعب علشان كدة محتاج قوة اكبر من الموتور علشان تحرك العربية

[smsm_nabawy]

الموتور هايتعب علشان كدة محتاج قوة اكبر من الموتور علشان تحرك العربية

تعتقد انه حيأثر على الموتور !!

يعني مثلاً العزم الزيادة الي الموتور حيطلعه علشان يعوض الفقد بسبب الديسك الي أتآكل ... ممكن يتعب الموتور بصورة ملحوظة !!

أنا الي أعرفه أن التسارع بيقل بسبب حدوث فقد في العزم الي خارج من الفلام للجير بوكس ... بسبب تآكل الديسك

فبالتالي معظم الي بيعانوا من العيب ده في الدبرياج ... بيحسوا أن موتورهم بيتعب .. لأنهم بيدوسوا بنزين و مفيش تسارع .. و صوته بيعلى ... على التسارع مع أنه مش متوقع منه أنه يعلى كده على التسارع القليل ده !!! ... عشان يوصل للتسارع المعين .. في حين أنه مش بيتعب ولا حاجة ... و لكنه بيبذل شغل أكتر .. و بيطلع عزم أكتر ... عشان يوصل للتسارع المعين ...
بمعنى .. ان السكوت على حاجة زي كده .. مش حيجيب أجل موتور مثلاً ... ولا حيخليه يفوت أو يجيب تاكيهات !! مش كده برده

تقبل مروري و مناقشتي .. والتي الغرض منها الأستفادة من خبرتك يا أخي في الله .. مع فائق أحترامي لصاحب الموضوع ... و لكن .. لما الواحد بيلاقي الناس المحترمة الي عندها معلومات قيمة زي العضو ayabooy و غيره من الخوة الأعضاء .. بيكون عايو يشبع فضولة بس !!

[mrastra]

السلام عليكم ورحمة الله وبركاتة
مع كل الاحترام للاعضاء انا مختلف معاكم فى النقطة دى احنا اتفقنا ان المشكلة فى الاسطوانة وانا من راى انها لا يوجد اى تاثير على المحرك سوا فى زيداة عزم المحرك فى النقلة الاولانية فقط يعنى من السكون عن طريق زيادة الدوس على البنزين .....يا جماعة فى فرق ان السوست بتاعة اسطوانة الدبرياج باظت او ضعفت وان خامة الاسطوانة تاكلت السوست بتعمل عيب الرجة فى بداية التحرك ولا يوجد اى مشاكل على الموتور اما لو ان خامة الاسطوانة تاكلت او نعمت او بلطت بلغة الميكانيكية دة اللى غلط على الموتور