رجه في الموتور وانا ع الاول

[smsm_nabawy]

السلام عليكم ورحمة الله وبركاتة
مع كل الاحترام للاعضاء انا مختلف معاكم فى النقطة دى احنا اتفقنا ان المشكلة فى الاسطوانة وانا من راى انها لا يوجد اى تاثير على المحرك سوا فى زيداة عزم المحرك فى النقلة الاولانية فقط يعنى من السكون عن طريق زيادة الدوس على البنزين .....يا جماعة فى فرق ان السوست بتاعة اسطوانة الدبرياج باظت او ضعفت وان خامة الاسطوانة تاكلت السوست بتعمل عيب الرجة فى بداية التحرك ولا يوجد اى مشاكل على الموتور اما لو ان خامة الاسطوانة تاكلت او نعمت او بلطت بلغة الميكانيكية دة اللى غلط على الموتور

أنا فاهم أول جزء من كلام حضرتك .. و مؤيده و ده الي شرحته لصاحب الموضوع

ان الرجة في الطلعة عامةً .. بسبب السوست الي في الديسك

لكن الي مش مستوعبه هو بوظان الموتور بسبب ديسك دبرياج ....

الي أعرفه ،، تآكل ديسك الدبرياج .. مش بيخلي العزم يتنقل كاملاً ... و بالتالي مش بستفيد بكل العزم الطالع من الموتور ... و بيقل التسارع عندي ... لكن مش معنى كده ان المموتور حيبوظ ... يعني مثلاً .. الموتور ممكن يفوت من ديسك دبرياج .. او يبوظ من كده ؟؟

ده التساؤل بتاعي بس :)

شكراً أخي الكريم على ردك ... و ممكن بعد أذنك .. و بعد أذن صاحب الموضوع بالتأكيد .. تفهمنا بس .. أيه الي يخلي تآكل ديسك الدبرياج غلط على الموتور و فيه ضرر عليه...

و شكراً لك مرة أخرى

[mrastra]

السلام عليكم اخى الكريم smsm_nabawy
احب اشكرك فى بداية الموضوع على اسلوبك الرقيق والذى ينم عن اخلاق عالية
تعالى نتفق الاول ان اسطوانة الدبرياج اللى مصنوعة من التيل اسمها اسطوانة والدسك مصنوع من الحديد اسمة دسك
لو حضرتك اخدت بالك انا ما قلتش تأكل ديسك الدبرياج ولكن قلت تاكل خامة الاسطوانة اللى مصنوعة من التيل بيشبة تيل الفرامل
دة لو اتاكل او بلط ما بينقلش كل عدد لفات الموتور الى الفتيس وبيحصل مفاقيد فى الحتة دى فبالتالى تسمع صوت الموتور عالى وما فيش سحب ولا استجابة وبتبان اوى فى المطالع والكبارى
السلام عليكم

[smsm_nabawy]

السلام عليكم اخى الكريم smsm_nabawy
احب اشكرك فى بداية الموضوع على اسلوبك الرقيق والذى ينم عن اخلاق عالية
تعالى نتفق الاول ان اسطوانة الدبرياج اللى مصنوعة من التيل اسمها اسطوانة والدسك مصنوع من الحديد اسمة دسك
لو حضرتك اخدت بالك انا ما قلتش تأكل ديسك الدبرياج ولكن قلت تاكل خامة الاسطوانة اللى مصنوعة من التيل بيشبة تيل الفرامل
دة لو اتاكل او بلط ما بينقلش كل عدد لفات الموتور الى الفتيس وبيحصل مفاقيد فى الحتة دى فبالتالى تسمع صوت الموتور عالى وما فيش سحب ولا استجابة وبتبان اوى فى المطالع والكبارى
السلام عليكم

و عليكم السلام .. و ألف شكر ليك ...

أنا قصدي فعلاً الأسطوانة .. مش الديسك !!! الي هي بتكون محطوطة على الفلام بالظبط و بتلف معاه و بتلفف معاها الأكس بتاع الجير بوكس


و أنا فعلاً فاهم كده ... و عارف ... و لكن مش فاهم رأي الأخوة الأعضاء في أن كده ممكن يبوظ الموتور !!!

هو بيفوت عزم .. لكنه مش بيبوظ موتور :)

[icehearted girl]

هو ايه اللي جاب القلعة جنب البحر

ايه الكلام الكبير دااااااااااااااااااااااااااا أنا مش فهمة حاجة خالص مش كتر خيري اني عارفة ان في حاجة اسمها اسطوانة وديسك وبلية

ومحدش رد عليا..الرجة دي بدأت معايا من آخر مرة غيرت فيها اسطوانة وديسك من خمس شهور تقريبا

[saadelden]

هو ايه اللي جاب القلعة جنب البحر

ايه الكلام الكبير دااااااااااااااااااااااااااا أنا مش فهمة حاجة خالص مش كتر خيري اني عارفة ان في حاجة اسمها اسطوانة وديسك وبلية

ومحدش رد عليا..الرجة دي بدأت معايا من آخر مرة غيرت فيها اسطوانة وديسك من خمس شهور تقريبا

يبقى الدسك مش مظبوط
او فصل الدبرياج عايز يعلي شويه

[aYaBooY]

هو ايه اللي جاب القلعة جنب البحر

ايه الكلام الكبير دااااااااااااااااااااااااااا أنا مش فهمة حاجة خالص مش كتر خيري اني عارفة ان في حاجة اسمها اسطوانة وديسك وبلية

ومحدش رد عليا..الرجة دي بدأت معايا من آخر مرة غيرت فيها اسطوانة وديسك من خمس شهور تقريبا

ممكن عيب تركيب او عيب فلام او عيب خامة اسطوانة

[smsm_nabawy]

هو ايه اللي جاب القلعة جنب البحر

ايه الكلام الكبير دااااااااااااااااااااااااااا أنا مش فهمة حاجة خالص مش كتر خيري اني عارفة ان في حاجة اسمها اسطوانة وديسك وبلية

ومحدش رد عليا..الرجة دي بدأت معايا من آخر مرة غيرت فيها اسطوانة وديسك من خمس شهور تقريبا

لا بصراحة كتر خيرك

و متأسف جداً أن المناقشة أخدت مسار زي كده .. بس والله من فضولي مش أكتر .. الواحد مابيصدق يلاقي ناس ما شاء الله فاهمة كويس في الحاجات دي علشان يتناقش معاها و يفهم منها أكتر و يستفيد ...

أما لمشكلتِك ببساطة أنك لما غيرتي الديسك و الأسطوانة غيرتهم بنوعية رديئة .. ..و أخصص كلامي للأسطوانة !!!


أنا كنت كتبت في مشاركة هنا في الموضوع قبل كده .. سبب الرجة أيه .. هو السوست الي في الأسطوانة دي

لما بيزيد عددها و خامتها بتنضف .. بتساعد أوي في مص الرجة الي في الأول ... و معنى أن الرجة دي موجودة .. أن النوعية الجديدة الي حضرتك جايباها ... عدد السوست فيها قليل ... أو خامته وحشة !!!

أرجو من الله أن أكون أفادتك .. و ربنا يكون وفقني في رأي ده .. و يكون هو المشكلة عشان تعرفي تحليها بسهولة !! و برده شوفي رأي بقية الأعضاء .. هما يفيدوكي معانا ...

[mado_9999]

السلام عكليم

الرعشه دى بتحصل والعربيه سخنه يعنى بعد مشوار مثلا ولا عادى فى ايه وقت والعربيه عامله كام كيلو

[moha_qadey]

في اي وقت والعربيه عامله 80 الف كيلو وسحبها كويس جدا انا مش شايف اي مشكله غير الرجه وانا ع الاول بس غير كده مفيش اي مشكله نهائي عموما انا انشاء الله هوديها التوكيل وربنا يستر والمشكله متكونش كبيره

[alhourriah]

تعتقد انه حيأثر على الموتور !!

يعني مثلاً العزم الزيادة الي الموتور حيطلعه علشان يعوض الفقد بسبب الديسك الي أتآكل ... ممكن يتعب الموتور بصورة ملحوظة !!

أنا الي أعرفه أن التسارع بيقل بسبب حدوث فقد في العزم الي خارج من الفلام للجير بوكس ... بسبب تآكل الديسك

فبالتالي معظم الي بيعانوا من العيب ده في الدبرياج ... بيحسوا أن موتورهم بيتعب .. لأنهم بيدوسوا بنزين و مفيش تسارع .. و صوته بيعلى ... على التسارع مع أنه مش متوقع منه أنه يعلى كده على التسارع القليل ده !!! ... عشان يوصل للتسارع المعين .. في حين أنه مش بيتعب ولا حاجة ... و لكنه بيبذل شغل أكتر .. و بيطلع عزم أكتر ... عشان يوصل للتسارع المعين ...
بمعنى .. ان السكوت على حاجة زي كده .. مش حيجيب أجل موتور مثلاً ... ولا حيخليه يفوت أو يجيب تاكيهات !! مش كده برده

تقبل مروري و مناقشتي .. والتي الغرض منها الأستفادة من خبرتك يا أخي في الله .. مع فائق أحترامي لصاحب الموضوع ... و لكن .. لما الواحد بيلاقي الناس المحترمة الي عندها معلومات قيمة زي العضو ayabooy و غيره من الخوة الأعضاء .. بيكون عايو يشبع فضولة بس !!

كلام جميل وموزون تمام +1111111111111111111111

[prisoner]

اسطوانة الدبرياج

السبب اسطوانة الدبرياج