التطويل على الغيارات

[eldeplomasy]

انا معايا شاهين 1600 سي سي مو2006 وبطول على الغيارات بما فيهم الاول لحد عداد لفات الموتور ما يوصل غالبا ل5000 لفة بس من غير ما اشد بيها يعنى بطول بس بالراحه مش شد

فهل ده خطر على الموتور ولا عادي طالما مش بكبس لها بنزين جامد؟؟؟

وشكرا جزيلا

[TAG_Turbo0]

أكيد غلط انت كده بتهلك الموتور بدرى
دى شاهين مش بي إم
ريح العربية بدام انت مش بتشد انقل على 3 او 3.5 بالكتير أوى

[bassemali]

كلام تاج مضبوط أنقل على 3 أر بي ام عشان تريح العربيه ليه بتضغط على الغيار كده مادام مش بتشد وحتى لو بتشد ماتحرقش على الغيار الأول خالص

[MMamdouh]

طول ما انت مدخلتش على الred zone يبقى مفيش مشكلة

صحيح كدة بتستهلك موتورك اسرع لكن مش مضر يعنى الموتور مش حيفرقع مثلا او يولع او يجرالة حاجة...

كل ما فيها ان لو موتورك المفروض يحتاج عمرة بعد ما بين 200 الى 250 الف كيلو انت موتورك حيحتاجها بعد 200 الف لانة اشتغل كتير... و طبعا مع الحمل دة لازم مواعيد صيانة موتورك تحافظ عليها تمام عشان الموتور يعيش

MMamdouh

[tmz9111]

أكيد غلط انت كده بتهلك الموتور بدرى
دى شاهين مش بي إم
ريح العربية بدام انت مش بتشد انقل على 3 او 3.5 بالكتير أوى

100+++++++++++

[the-hero]

أكيد هيأثر وكمان التأثير هيكون أشد على حسب نوع وكفاءة العربيه

[fahd_628]

هوة غلط بس مش اوى يعنى بس احسن بلاش الا لما تكون محتاج يعنى بتشد او حاجة بس زى ما محمد ممدوح قالك مادام قبل الريد لاين يبقى مفيش مشكلة

[eldeplomasy]

هو فعلا الكلام اللى سمعته ان طالما قبل الرد لاين يبقى عادي ماعدا الغيار الأول بس

وبعدين هو ايه الصيانه للموتور متهيألي انا من ساعة ما جبتها معملتلوش صيانه

هو ايه نوع الصيانه اللى تقصده مع العلم ان بغير الزيت قبل مواعيده يعنى على 3000 او بالكتير 3500 وتاكيهات ضبطها مرة وتغيير بوجيهات بغيرها كل 20000 لو اقل وكذلك فلتر الزيت والهوا ماعدا فلتر البنزين مغيرتهوش لحد دلوقتي ومش عارف لو طولت عليه يحصل حاجه ولا لأ بس

هل في صيانه تاني وانا معرفش ياريت تقولولي

والف الف شكر لكل اللى اهتم ورد

[Nader]

بص اللي انت بتعملة دة اسمة القيادة

الرياضية،، بس انت بتقول مش بتشد

او التسارع بتاعك مش سريع، فيبقى اية

لزومة الكلام دة... كل ما هينوبك انك هتهلك

موتورك بدري.... وقدام شوية هتعاني من

مشاكل في التبريد.

[eldeplomasy]

يعنى احيانا كتير بنسى اغير غير لما اسمع صوته علي جدا واحيانا ببقى بتكلم في الموبايل وبكسل اغير واحيانا ببقى في مطالع كباري ومش برضى انقل غير لما اخلص المطلع واحيانا بنقل كويس قبل ما يوصل ل3 بكون مغير

ومشاكل التبريد دي هتحصل بسبب ايه لان كان عندي مشكلة في التبريد من قريب فياريت تقلي السبب علشان اقدر اخلي بالي منه؟؟؟

وشكرا على الرد

[Nader]

انت لما بتقرص على الموتور لحد 5000 لفة

زي ما بتقول ودي طريقة سواقتك المعتادة فانت

كدة بتحمل على الموتور فالاحتكاك بيزيد فالحرارة

ترتفع. دة انت لسة عربيتك موديل 2006 بعدين

قدام شوية هتلاحظ الموضوع دة اكتر.


انقل على 3500 او 4000 لو سواقتك رياضية

ومن 2500 لـ3500 لفة لو سواقتك هادية.


خلي الـ5000 لفة دول للسباقات احسن :)علشان تحافظ

على موتورك وتطول عمرة.

[eldeplomasy]

طيب على الطرق السريعه ببقى معدي ال160 كيلو/ساعة وعندها عداد لفات الموتور بيبقى عند ال5000 لفة واحيانا بطول عليها ده عادي ولا ايه؟؟؟

[fiatmomo]

طيب هو حضرتك عاوز تستهلك بنزين زيادة لية ؟؟؟ ولية تقصر عمر الموتور ؟؟

خلى القرص على الغيارات وقت الحاجة بس ... يعنى علاشان تتجاوز عربية تانية ... او فى مطلع جامد ..؟

بطريقة القيادة دية استهلاك البنزين تأكد انة حيكون (((( مروع))))

[eldeplomasy]

هو زيادة شوية فعلا بس بعد تغيير البوجيهات بقت كويسه

مش مشكلة زيادة استهلاك البنزين بس المهم هو بيأثر اوي على الموتور ولا بسيط بس؟؟؟

[mazdawy]

يا جماعة ممكن من السادة خبراء القيادة اللى اتكلموا عن القيادة الرياضية يفهمونا معنى هذا المصطلح !