عايز اجيب رادياتير جديد ... هل من نصيحه

[Dr_Smart]

العربية عندي لو وقفت في اشارة وطولت وزحمة وكده بتسخن ... اما اثناء المشي الحمدلله مش بتسخن خالص

الميكانيكي قالي الرادياتير وحش وعايز يتغير

هل فيه نوع معين افضل ممكن اجيبه ؟ ويكون نحاس ولا ايه ؟ وهل ممكن رادياتير عربية جديدة ( زي اللانوس مثلا او غيرها ) يركب عندي ؟

المهم عايز نصيحتكم في الموضوع ده ...

وشكراااا

[SEATLOVER]

النحاس افضل يا دكتور و بيدى نتايج ملموسة وسريعة
وفى كام واحد كويسين اوى فى شارع احمد سعيد و خصوصاً (الزقازيقى) ممكن يكون غالى شوية بس شغلة مظبوط و هايدلك على اية النوع اللى ينفع لعربيتك و يقولك تجيبة منين .

[Dr_Smart]

الف شكر على الرد يا باشا

[eldeplomasy]

طبعا يكون نحاس النحاس هتلاقيه مهما وقفت في الحر ولا بيحصل حاجه وكمان وقت تشغيل مروحة التبريد هيقل هي بس مشكلته في الشتى هتلاقي العربية بتاخد وقت اطول شوية على ما تسخن

ويفضل بقى يكون 3 ماسورة او 3 صف على حسب ما بيقولوا عليه ده بقى لو كانت درجة حرارة الجو 200 ولا هتتأثر العربية هو اغلى شوية بس هيريح معاك جدا جدا جدا

واسأل مجرب

[Dr_Smart]

طبعا يكون نحاس النحاس هتلاقيه مهما وقفت في الحر ولا بيحصل حاجه وكمان وقت تشغيل مروحة التبريد هيقل هي بس مشكلته في الشتى هتلاقي العربية بتاخد وقت اطول شوية على ما تسخن

ويفضل بقى يكون 3 ماسورة او 3 صف على حسب ما بيقولوا عليه ده بقى لو كانت درجة حرارة الجو 200 ولا هتتأثر العربية هو اغلى شوية بس هيريح معاك جدا جدا جدا

واسأل مجرب

شكرا جزيلا على رد حضرتك

طيب انا عندي المروحة شغالة على طول هل في رأيكم أخلي الكهربائي يشغل الثرموستات ولا استنى عالشتاء ولا اخليها شغالة على طول وخلاص ؟

[eldeplomasy]

هو نوع عربية حضرتك ايه؟؟؟

لان في مروحة على وش الموتور دي متقدرش تخيلها بثرموستات وفي مروحة كهرباء هي دي لازم تبقى بثرموستات والا تتحرق لازم تشتغل وتفصل

وبعدين كان حصل معايا في العربية الردياتير اتسد كنت حاطط ميه عاديه فصدى واتسد لقيت الحرارة بتأخر على ما تشتغل وبتشتغل فترة طويله جدا فلما سلكته رجعت زي الاول تمام

فلو الردياتير بتاع حضرتك هو الجديد اللى نازل مع العربية اوعى تغيره سلكه بس والعربية ان شاء الله هتبقى تمام

[Dr_Smart]

عربيتي دايهاتسو 83

المروحة فعلا في وش الموتور وشغاله على طول ... اصل العربية في الشتا بتاخد وقت على ماتسخن

شكرا يا باشا

[SEATLOVER]

الدايهاتسو الشارمنت تبريدها ممتاز يا دكتور .. اظاهر انك هتحتاج بس تغسل دورة التبريد كلها (خراطيم و قربة ووصلات ) و الريداتير يتفك و يتسلك كويس وتتأكد من قوة دفع المياة اللى جاية من الطرمبة و ان المياة بتلف كويس .. بعدين تحط مياة خضراء ..وسيب المروحة شغالة على طول ..مفيش مشكلة إن شاء الله ..وربنا معاك

[Dr_Smart]

الف شكر يا عمرو باشا ربنا يكرمك

[Dr_Smart]

شكرا يا جماعه على مساعدتكم

انا دلوقتي محتار اغير الرادياتير واجيب واحد جديد ولا اجرب اسلك ده واغسل دورة التبريد كويس ( على فكرة انا لسه منظفه في البنزينه من اسبوع وحاطط ميا خضرا ) مش عارف هل ده معناه انه عايز يتغير فعلا ؟ ولا تنظيفة البنزينة غير كافية ولازم يتفك ويتسلك عند واحد بتاع رادياتيرات ؟

طيب اتأكد منين ايه الحل السليم ؟

انا بفكر اريح دماغي واغيره ( اصله الفابريكه يعني عمره 25 سنه وكمان اتخرم مني قبل كده ولحمته )

[eldeplomasy]

لا ريح دماغك واعمل التالي

لو الردياتير هو الفبريقه بتاع العربية سلكه وان شاء الله هيتضبط

اما لو متغير قبل كده يبقى غير بواحد نحاس 3 ماسورة واقفل باب السخونه اودعيلي

[Dr_Smart]

الف شكر يا باشا على سرعة ردك

طيب افرض بتاع الرادياتيرات قالي غيره احسن ... اسمع كلامه ولا هيبقى بيشتغلني عشان يبيع ؟؟؟؟

[eldeplomasy]

لا طبعا متسمعش كلامه بس لو الردياتير مش اصلي يفضل تغيره

[Dr_Smart]

الردياتير اصلي فابريكة ... بس من سنة 83 !!!!!!!!!

اشكرك يا باشا على مساعدتك

[SEATLOVER]

بدام الريداتير بتاع الفابريقة بتاعها متغيروش يا دكتور
و تنضيف البنزينة دة ملوش على فكرة اى لازمة و الفرق بتاعة شبة معدوم ..لما تروح ان شاء الله تنضفة عند بتاع الريداتير ..هاتشوف حاجات غريبة بتطلع منة
ولو قلك غيرة ماتسمعش كلامة ..وكدة يبقى بيشتغلك وملوش فى الشغلة اصلاَ