عايز اجيب رادياتير جديد ... هل من نصيحه

[Dr_Smart]

ربنا يكرمك يا عمرو باشا هروح بكرة ان شاء الله احمد سعيد وربنا يسهل معلش وجعت دماغكو بس موضوع السخونة ده غلس وخطير طبعا خصوصا واحنا داخلين على صيف ساخن :)

بالنسبة للميا الخضرا اجيب بتاعت موبيل ولا فيه بديل افضل ؟

[SEATLOVER]

ربنا يكرمك يا عمرو باشا هروح بكرة ان شاء الله احمد سعيد وربنا يسهل معلش وجعت دماغكو بس موضوع السخونة ده غلس وخطير طبعا خصوصا واحنا داخلين على صيف ساخن :)

بالنسبة للميا الخضرا اجيب بتاعت موبيل ولا فيه بديل افضل ؟

لا ماتجبش حاجة هو هايقولك تجيب اية مناسب و فى محلات هناك جنبة يقولك تجيب اسمها اية و رقم كام .. وقولوة انا عايز انضف نوع .

[Adham]

بص روح الحرفيين عند واحد محترف امين و مضمون و يعرف ربنا مش بتاع اشتغالات اسمة خال البطيء

حوة حايظبطلك الردياتير لو بيسرب او مسدود حايصلحه تمام و لو مش نافع و محتاج تغيير حايقولك و يتصرفلك في غيرة غالبا

و بالنسبة لموضوع المروحه حضرتك ماينفعش انك تخللي المروحه شغالة على طول من غير ترموستات (دة بالنسبة للمروحه الكهرباء اما بالنسبة للمروحه اللي بتشتغل عالموتور دي بتبقى في المواتير اللي بالطول على كردان و دي بتسشتغل بكلاتش بيخليها تشتغل و تفصل و اعتقد ان عربيتك مش من النوع دة و انما موتور عرضي على كبالن مافيهوش مروحه عالطنبورة بتاعه الموتور بكلاتش)

المهم ان المروحه الكهرباء اولا حاتتحرق لو حضرتك مشغلها على طول
موتورها حايضعف و يخللي مش بتلف بسرعه كافية لعمل تيار هواء يبرد السيارة و بعدين حاتتحرق- لازم تشغلها بترومستات لأنها لا تتحمل التشغيل المتواصل

ثانيا ان المروحه الشغالة على طول مش حاتخللي الموتور يوصل لحرارة التشغيل المثلى في الجر البارد او العادي او في طريق مفتوح و بالتالي حاتلاقي العربية بتقطع و بتنتش و بتاكل بنزين و تبطل منك الصبح بعد ماتحتاج وقت لتسخينها
ودة بالضبط اللي بيحصل كمان عند الغاء ثرموستات الكوعه اللي كل ميكانيكية بلدنا الفتكين الفتايين بيلغوة

لازم ثرموستات مروحه و ثرموستات كوعه يبقى شغال

و بالنسبة لتغيير ردياتير السيارة حضرتك ابعد عن الفتاوي و هات ردياتير السيارة الاصلي لأنة بيبقى معمول و محسوب حجمة و كمية المياة جواة على احتياج تبريد موتور السيارة و قوة الطلمبة و لو حد افتى و جابلك ردياتير كبير عن الاصلي و عدد مواسيرة زيادة و غيرة مش شرط انك تلاقي العربية مرتاحه وممكن تلاقيها بتسخن نتيجة ان كمية المياة كتير جوة الردياتي و قوة الطلمبة بتاعه الموتور مش معمول حساب الحجم دة و بالتالي سريان المياة من الردياتير للموتور و كذلك دوران المياة داخل الردياتير اقل من ان يسمح بتبريدة غير انة مش وضع سليم و يعيب العربية لو حبيت تبيعها

هات ردياتير العربية نفسة من حيث الحجم و من حيث الخامة يعني لو الاصلي الومنيوم يبقى هات ردياتير الومنيوم و لو نحاس هات نحاس و بنفس عدد المواسير و الابعاد

و ممكن تجيب سربنتينة درياتير جديدة فقط و تركبها عالعلب الاصلية اللي عندك

فية مصنع اسمة الشيخ في شبرا بيعمل كل انواع السربنتينات النحاس بمختلف ابعادها جديدة و بتتركب عالعلب الاصلية بتاعه الردياتير لو كان سليمة ومش متآكلة

تحياتي و ربنا يوفقك,

[Adham]

اسمة خالد البطيء ودة في الحرفيين جنب جينز الميكانيكي و قبل الشارع اللي فية حربي السروجي بشوية و دة مضمون و امين و يعرف ربنا ومش بتاع مصالح و اشتغالات بتاتاً و انا اعرفة من سنين

[Dr_Smart]

بص روح الحرفيين عند واحد محترف امين و مضمون و يعرف ربنا مش بتاع اشتغالات اسمة خال البطيء

حوة حايظبطلك الردياتير لو بيسرب او مسدود حايصلحه تمام و لو مش نافع و محتاج تغيير حايقولك و يتصرفلك في غيرة غالبا

و بالنسبة لموضوع المروحه حضرتك ماينفعش انك تخللي المروحه شغالة على طول من غير ترموستات (دة بالنسبة للمروحه الكهرباء اما بالنسبة للمروحه اللي بتشتغل عالموتور دي بتبقى في المواتير اللي بالطول على كردان و دي بتسشتغل بكلاتش بيخليها تشتغل و تفصل و اعتقد ان عربيتك مش من النوع دة و انما موتور عرضي على كبالن مافيهوش مروحه عالطنبورة بتاعه الموتور بكلاتش)

المهم ان المروحه الكهرباء اولا حاتتحرق لو حضرتك مشغلها على طول
موتورها حايضعف و يخللي مش بتلف بسرعه كافية لعمل تيار هواء يبرد السيارة و بعدين حاتتحرق- لازم تشغلها بترومستات لأنها لا تتحمل التشغيل المتواصل

ثانيا ان المروحه الشغالة على طول مش حاتخللي الموتور يوصل لحرارة التشغيل المثلى في الجر البارد او العادي او في طريق مفتوح و بالتالي حاتلاقي العربية بتقطع و بتنتش و بتاكل بنزين و تبطل منك الصبح بعد ماتحتاج وقت لتسخينها
ودة بالضبط اللي بيحصل كمان عند الغاء ثرموستات الكوعه اللي كل ميكانيكية بلدنا الفتكين الفتايين بيلغوة

لازم ثرموستات مروحه و ثرموستات كوعه يبقى شغال

و بالنسبة لتغيير ردياتير السيارة حضرتك ابعد عن الفتاوي و هات ردياتير السيارة الاصلي لأنة بيبقى معمول و محسوب حجمة و كمية المياة جواة على احتياج تبريد موتور السيارة و قوة الطلمبة و لو حد افتى و جابلك ردياتير كبير عن الاصلي و عدد مواسيرة زيادة و غيرة مش شرط انك تلاقي العربية مرتاحه وممكن تلاقيها بتسخن نتيجة ان كمية المياة كتير جوة الردياتي و قوة الطلمبة بتاعه الموتور مش معمول حساب الحجم دة و بالتالي سريان المياة من الردياتير للموتور و كذلك دوران المياة داخل الردياتير اقل من ان يسمح بتبريدة غير انة مش وضع سليم و يعيب العربية لو حبيت تبيعها

هات ردياتير العربية نفسة من حيث الحجم و من حيث الخامة يعني لو الاصلي الومنيوم يبقى هات ردياتير الومنيوم و لو نحاس هات نحاس و بنفس عدد المواسير و الابعاد

و ممكن تجيب سربنتينة درياتير جديدة فقط و تركبها عالعلب الاصلية اللي عندك

فية مصنع اسمة الشيخ في شبرا بيعمل كل انواع السربنتينات النحاس بمختلف ابعادها جديدة و بتتركب عالعلب الاصلية بتاعه الردياتير لو كان سليمة ومش متآكلة

تحياتي و ربنا يوفقك,

الف شكر يا باشا ربنا يكرمك ... اسف والله لسه شايف ردك حالا

انا كنت نازل دلوقتي أغير الردياتير فعلا ...

أول حاجه أخذت بنصيحة الاخوه ورحت الزقازيقي في شارع احمد سعيد ونضف الردياتير الاصلي بتاعي تنضيفه محترمه وقالي انه كويس وماتغيروش .

لاحظت بعدها ان مشكلة الحرارة زي ماهي ... سألت الكهربائي والميكانيكي قالولي العربية مافيهاش حاجه اكيد الردياتير عايز يتغير والميكانيكي نصحني فعلا بالردياتير النحاس الالماني .

الحقيقة بعد كلام حضرتك انا مش عارف دلوقتي ايه الحل ؟ عموما هروح لخالد البطيء اللي بتقول عليه واخد رأيه بس يا ريت العنوان بالتفصيل .

بالنسبة لموضوع المروحه انا عندي الماتور بالطول على كردان والمروحه شغاله بكلاتش بس شغاله على طول مابتفصلش وكمان ثرموستات الكوعه مفصول من زمان ... انا مع حضرتك ان ده عيب في الشتا بس ادينا في الصيف وانا دايخ مع الحرارة دي .

بجد عاايز نصيحه يا جماعه ... ده حتى التكيف صلحته ومش قادر اشغله عشان الحرارة معاه بتزيد اكتر ( هي كده كده بتزيد بس معاه بتزيد اكتر )

[SEATLOVER]

مش عارف لية مش حاسس انة من الريداتير يا دكتور ...
طب طرمبة المية قلك عليها اية ..؟ وحطيت مياة خضرا ؟ والمروحة انت شايف سرعتها معقولة ؟
مش عارف ..انا بفكر معاك

[Dr_Smart]

طرمبة المية جديدة
حطيت مية خضرا
تقريبا المروحة سرعتها كويسة
ممكن يكون الكلاتش بتاع المروحة ؟؟؟؟

انا اللي محيرني برضو ان الكهربائي والميكانيكي قالولي الردياتير وان مفيش مشاكل في حاجه تانيه

معلش تاعبك معانا ... وربنا يباركلك

[Dr_Smart]

يا جماعه انا هتجنن خلاص

والله العظيم رحت ل 3 ميكانيكية قالولي مفيش حاجة في العربية ... شوف الردياتير

رحت لاتنين بتوع رادياتير واحد في الهرم والتاني في جسر السويس ( مدوخاني بنت اللذينه )

بتاع الهرم قالي اه شكله بايظ ... وممكن نغير السربنتينة بس بواحدة خليجي 3 ماسورة ( مش الماني )

بتاع جسر السويس قالي الردياتير كويس وده خليجي بتاع العربية وحرام يتغير وساعتها هتبقى في وشي لو غيرته وماحصلش تحسن ... المهم في الاخر قلتله ايه الحل ؟

قالي نغير السربنتينة بواحدة 3 ماسورة خليجي ( مش الماني لأن اللي عندي احسن من الالماني لان العربية مواصفات خليجي اصلا وده نفس الكلام اللي قاله بتاع الهرم )

بتاع الهرم قالي هياخد 400 جنيه وبتاع جسر السويس هياخد 440 جنيه ( وقالي خلي بالك الخليجي انواع وانا هجيبلك احسن حاجه )

بس بصراحه حسيته مستخسر يغير وانه شايف ان اللي راكب كويس على عكس بتاع الهرم اللي اول ماشافه قالي ده عايز يتغير

---------------------------------------

فيه حاجه تانية بس معتقدش انها مؤثرة اوي كده ... انا شايل القميص الفبر اللي بيبقى فوق المروحه لانه اتكسر ... بس بتاع الرادياتير قالي ركبه احسن عشان بيجمع الهوا ... عموما لو لقيته هجيبه بس معتقدش انه مهم اوي

----------------------------------------

اسف يا جماعه اني وجعت دماغكم

[SEATLOVER]

انا مش عارف اقولك اية ..فعلاً حاجة تحير ..بس انا برضو لسة عند رأيى فى ان مفيش داعى تغير الريداتير وان المشكلة مش منة
ممكن احتمال ..ان السخونة جاية من الموتور نفسة (سخونيتة عالية ) يعنى ممكن تشيك على جوان الوش عند ميكانيكى كويس .. وشوف هايقولك اية علية

على فكرة كدة بقت طالبة المعلم فلاينج .. هو اللى ممكن يفيدنا فى الموضوع دة ..يارب يكون سامعنا ...يا معلم فلاينج ...يا معلم فلاينج

[Dr_Smart]

اه والنبي قول للمعلم فلاينج يا رب يفيدنا في الموضوع ده

[FLYINGPEUGEOT]

تلبيتا لنداء الجماهير....شبيك لبيك فلاينج بين ايديك....:D

حبيبى عممور باشا حبيبى احمد باشا

انا ليا كام سؤال ؟؟؟

حضرتك لما يتطلع على طريق مفتوح وبتشد بالعربيه
السخونيه مستمره.....او بتزيد .....= جوان وش سلندر
فى فوران مستمر فى الماء بعد تنضيف دورة الماء وأخد هوا كويس ؟؟؟؟
=جوان وش سلندر
فى اختلاط بين الماء والزيت...الزيت عامل زى الطحينه كالون...ولزوجته خفيفه ؟؟
الماء يحتوى على بقع زيت (مزيت) ؟؟؟

= جوان وش السلندر

اعتقد ان حضرتك ماعندكش اى حاجه من دول ؟؟؟

.................................................. .................

لو بتسخن على البطىء بس...وعلى السرعات الحراره بتنزل....

.يبقى استبعد الجوان نهائىىىىىىىىىىىى

دا بالنسبه لكل ما يخص الجوان
.................................................. ...............

سرعة المروحه زى ماهى ؟ ما ضعفتش ؟؟؟؟
ضغط طلمبة الماء كويس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
.......
لو الاجابه بنعم على السؤالين دول..
.....
يبقى حضرتك تطلع من هنا دلوقتى على اى بتاع ردياتير...وتغير السربانتينه..
.......


الردياتير بتاعك قديييييييييييييم ياباشا...والشكل الخارجى للردياتير مش مقياس
للدلاله على حالته...المشكله ان المواسير الداخليه او مواسير التبريد
coolant tubes



بفعل البخار والسخونه والزمن
بتأكسد...ومابينفعش فيها تنضيف ولا بماء نار حتى.....وحتى لو سلكت شويه بعد التنضيف...كلها كام مره سخونيه...وتقابلك نفس المشكله تانى
لانها بتكون دخلت فى مرحلة مابعد التأكسد=(التآكل)
........

والله اعلم
وطمنا عملت ايه
وياريت حضرتك وعمرو باشا
تشتركوا مع بعض وتجبولى اى سندويتش عا الماشى :D

[Dr_Smart]

تلبيتا لنداء الجماهير....شبيك لبيك فلاينج بين ايديك....:D

حبيبى عممور باشا حبيبى احمد باشا

انا ليا كام سؤال ؟؟؟

حضرتك لما يتطلع على طريق مفتوح وبتشد بالعربيه
السخونيه مستمره.....او بتزيد .....= جوان وش سلندر
فى فوران مستمر فى الماء بعد تنضيف دورة الماء وأخد هوا كويس ؟؟؟؟
=جوان وش سلندر
فى اختلاط بين الماء والزيت...الزيت عامل زى الطحينه كالون...ولزوجته خفيفه ؟؟
الماء يحتوى على بقع زيت (مزيت) ؟؟؟

= جوان وش السلندر

اعتقد ان حضرتك ماعندكش اى حاجه من دول ؟؟؟

.................................................. .................

لو بتسخن على البطىء بس...وعلى السرعات الحراره بتنزل....

.يبقى استبعد الجوان نهائىىىىىىىىىىىى

دا بالنسبه لكل ما يخص الجوان
.................................................. ...............

سرعة المروحه زى ماهى ؟ ما ضعفتش ؟؟؟؟
ضغط طلمبة الماء كويس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
.......
لو الاجابه بنعم على السؤالين دول..
.....
يبقى حضرتك تطلع من هنا دلوقتى على اى بتاع ردياتير...وتغير السربانتينه..
.......


الردياتير بتاعك قديييييييييييييم ياباشا...والشكل الخارجى للردياتير مش مقياس
للدلاله على حالته...المشكله ان المواسير الداخليه او مواسير التبريد
coolant tubes



بفعل البخار والسخونه والزمن
بتأكسد...ومابينفعش فيها تنضيف ولا بماء نار حتى.....وحتى لو سلكت شويه بعد التنضيف...كلها كام مره سخونيه...وتقابلك نفس المشكله تانى
لانها بتكون دخلت فى مرحلة مابعد التأكسد=(التآكل)
........

والله اعلم
وطمنا عملت ايه
وياريت حضرتك وعمرو باشا
تشتركوا مع بعض وتجبولى اى سندويتش عا الماشى :D

الف شكر يا باشا والله ربنا يكرمك

هو ممكن المشكلة دي تبقى من التاكيهات ؟ بس عموما الميكانيكي قالي انها مظبوطة

خلاص ان شاء الله هغير السربنتينة بواحدة خليجي 3 ماسورة وربنا يسهل

[eldeplomasy]

طيب انا عندي في الشاهين 2006 سلكت ردياتير وشلت الثرموستات منها وبرده السخونه زي ما هي بس لما بشغل المكيف والمراوح تشتغل او اجري على طريق سريع الحرارة بتنزل اما بالنسبة للزيت فمخدتش بالي منه كويس ولا خفيف بس غالبا كويس ومتأكدتش من ضغط طلمبة الميه

فازاي اعرف ضغط الطلمبه وهل في دلالات تانيه على وش جيوان وش السلندر وإيه اللى بيبوظ جيوان وش السلندر وهل تصليحه هيتكلف ولا لأ؟؟؟


ياريت يا أستاذ فلاير تجاوب على اسئلتي كامله وليك عندي ساندوتش شاورمة من عندي في فيصل من محل اهل الشام السندوتشات بتعته خطيره جدا جدا جدا

[eldeplomasy]

لو سمحت ياريت حد يقلي التفاصيل بالتفصيل علشان اقدر احكم عليها

[Dr_Smart]

والله انا محتار زي حضرتك مش هعرف افيدك

ان شاء الله الاخوة اللي عندهم خبرة هيجاوبوك