حل مشكلة المواتير

[keko]

السلام عليكم
دلوقتى عايز اتكلم معاكم شوية حول المواتير واقول استنتاجاتى المتواضعة من عربيات شفتها وكلام فى المنتدى ورجاء التصحيح لان خبرتى مش مية مية برضه

بداية
فيات 124 اعرف انها نزلت بمواتير 1300 و 1400 ان العربية دى اصل اللادا 1200 اللى ما تغيرتش لحد 2107 واعرف ان مواتير ال131 تركب على ال 124
فيات 131 تزلت بمواتير 1300 و 1600 وينفع يركب عليها مواتير الشاهين 1400 و 1600 عادة وانجيكشن (من كلام فى المنتدى )
لادا 2107 و نيفا نفس قواعد الموتور اذن مواتير النيفا 1600 و 1700 تنفع فى اللادا
الشاهين فى بعض موديلاتها بتنزل بمواتير التمبرا
فيات 125 نزلت بمواتير 1500 بتاع البولونيز و 1600 2 كامة بتاع ال132
شفت بولونيز راكبلها مواتير 131 بدون تعديل



طيب لو ربطنا الكلام ده كله ببعض وبغض النظر عن المرور لو اتكلمنا من حيث قواعد الموتور وعدم تعديل الحوض هل نفهم من كدا ان :
فيات 124
فيات 125
فيات 131
فيات 132
فيات 1500
بولونيز
لادا من 2101 لحد 2107
لادا نيفا
شاهين
تمبرا
دوجان

ان كل العربيات دى تشترك فى قواعد الموتور وممكن يركب عليها المواتير الاتية
فيات 1300 و 1400 و 1600 واحد كامة بتوع 124 و 131
فيات 1500 و 1600 بتوع بولونيز و 125
فيات 1600 و 2000 اثنين كامة بتوع 132
مواتير التمبرا بانواعها
مواتير لادا 1200 و 1300 و 1500 و 1600
مواتير نيفا 1600 و 1700
مواتير شاهين 1400 و 1600 كاربراتير و انجيكشن

طيب ايه الاستفادة من كدا
عربيات زى ال131 و 132 يعيبها ارتفاع سعر مواتيرها ووصلت 4 و 5 الاف جنيه انما فى الحالة دى ممكن توسيع دائرة المواتير لحاجات ارخص واكثر توافرا
عربيات زى ال 125 و البولونيز مواتيرها مقرفة فى الصيانة و صوتها خشن ممكن الاستفادة بحاجات انعم
العيب القاتل فى اللادا وهو ارتفاع صوت الموتور ممكن حله باستخدام احد مواتير الفيات مع تغييره قبل الفحص كل 3 سنين والاحتفاظ بالموتورين واحد للمشى والتانى للفحص
ممكن الاستفادة بمواتير اعلى فى تاريخ الانتاج
طيب اعتقد عن نفسى ان الانسب لكل العربيات دى من المتاح هو موتور الشاهين بسبب نعومته وسهولة صيانته بالاضافة موتور 1600 وبيطلع 96 حصان قدرة كويسة والكاربراتير يقبل بنزين 80
واعتقد برضه ان اللى عايز يسقط موتور قوى للشاهين ممكن يركب ال2000 بتاع 132بسهولة بيطلع 112 حصان

وممكن واحد معاه تمبرا ومريحاه قوى يسقط موتور لادا 1200 لمدة شهر علشان يعرف قيمة العربية اللى معاه

السبب الاساسي اللى خلانى فكرت كده ان بقالى مده بختار عربية فى حدود معينة وكانت مشكلتى مع ال131 و 132 سعر الموتور وقطع غياره ومع بولونيز صعوبة الصيانة ومع اللادا اللى كانت اولى الاختيارات مع الجميع خصوصا انى من اسكندرية مش فى تقل الدركسيون بل فى صوت الموتور الرزل انما كده بفكر جديا فى شراء لادا وتسقيط موتور شاهين لها وكل 3 سنين افحص بموتور اللادا وخلاص

بس طبعا كلامى كله مش عن تجربة وارجو التصحيح لو انا غلطان فى حاجة وارجو انى اكون افدت

[saadelden]

انا معايا 131 بقالها 6 شهور كدا

المهم الماتور 1600 كامه واحده
بس مشكلته انه شغال بقاله 35 سنه !! ف بيجري و كل حاجه بس ف ال 6 شهور دول الماتور احتاج طقم شمبر دلوقتي

العربيه كويسه و كل حاجه بس الفكره انها ماشيه كتير ( سنين كتير يعني ) ف دا بيقلل عمرها مهما كانت حالتها


انا لو هفكر في عربيه دلوقتي ممكن اجيب 132 ال 2000cc
ماتور مريح و عربيه جرايه و واسعه لكن مشكلتها لو مش مظبوطه هتاكل بنزين كتير جدا

لكن الفكره عامه ان قطع غيار العربيات دي رخيصه جدا و الصنايعيه فاهمينها

معتقدش ان ماتور التمبرا يركب ع 131 و ماشفتوش قبل كدا راكب ف عربيه غيرها

لكن بردو طالما الماتور مامشيش كتير و حالته كويسه و مفيش نقص ف الزيت ولا الميه و لو جاب نتيجه كويسه ف اختبار الكبس يبقى تمام

[keko]

انا معايا 131 بقالها 6 شهور كدا

المهم الماتور 1600 كامه واحده
بس مشكلته انه شغال بقاله 35 سنه !! ف بيجري و كل حاجه بس ف ال 6 شهور دول الماتور احتاج طقم شمبر دلوقتي

العربيه كويسه و كل حاجه بس الفكره انها ماشيه كتير ( سنين كتير يعني ) ف دا بيقلل عمرها مهما كانت حالتها


انا لو هفكر في عربيه دلوقتي ممكن اجيب 132 ال 2000cc
ماتور مريح و عربيه جرايه و واسعه لكن مشكلتها لو مش مظبوطه هتاكل بنزين كتير جدا

لكن الفكره عامه ان قطع غيار العربيات دي رخيصه جدا و الصنايعيه فاهمينها

معتقدش ان ماتور التمبرا يركب ع 131 و ماشفتوش قبل كدا راكب ف عربيه غيرها

لكن بردو طالما الماتور مامشيش كتير و حالته كويسه و مفيش نقص ف الزيت ولا الميه و لو جاب نتيجه كويسه ف اختبار الكبس يبقى تمام

هوا اكيد الموضوع محتاج اراء الخبراء معانا بس انا بحاول اربط بين المواتير ومش شرط يكون حد فكر فيها قبل كده يعنى لما احمد يكون اخويا وفى نفس الوقت ابن خالتك يبقى انا كمان ابن خالتك

وممكن حد يبص على اللينك ده عن الشاهين
Tofaإں إahin - Wikipedia, the free encyclopedia
وبيقول
In the early 80's they were near exact replicas of the Fiat 131 christened Murat 131, whilst in the late 80's they received a major aesthetic revision resulting in a design very reminicient of the Fiat Regata. The Dogan and Sahin sedan models are almost visually identical barring various upper-class trim options on the slightly more luxurious Dogan variant. The Kartal is the station wagon derivation of the design. The Dogan and Sahin were first built using the engine of the FIAT 131 in 1.3L and 1.6L versions. In 1996, both cars received a minor facelift and were provided with a new SOHC engine from the Fiat Tempra (an engine that was first designed for the Fiat 128), with 2 versions, 1.4L with 78 hp (58 kW) at 5500 rpm,and 1.6 L with 96 hp (72 kW) at 5500 rpm. In 2002 they received another minor facelift, and in 2005 they were introduced with single point electronic fuel injection.


هنا بيقولو صريحة ان مواتير ال131 والشاهين والتمبرا نفس القواعد والمواتير لا والمفاجاة كمان 128


الكلام ده لو صح يبقى ال128 و الاونو يضافو لنفس القائمة اللى كلها نفس القواعد مع اختلاف الفتيس ونظام الجر بين امامى وخلفى

[omarr]

مينفعش اركب موتور مش برقم متور الرخصة لان هناك لجان بتبص على رقم الشاسية و الموتور عشان العربيات المسروقة و كدة تعمل مشاكل اركب متور واثبت رقمة فى الرخصة مهوا كدة موجود عندى بدل الفك والتركيب و مشاكل اللجان المرورية

[keko]

مينفعش اركب موتور مش برقم متور الرخصة لان هناك لجان بتبص على رقم الشاسية و الموتور عشان العربيات المسروقة و كدة تعمل مشاكل اركب متور واثبت رقمة فى الرخصة مهوا كدة موجود عندى بدل الفك والتركيب و مشاكل اللجان المرورية

هوا الكلام هنا عن قابلية الموتور للتركيب بالنسبة للقواعد مش بالنسبة للمرور وبعدين يا عالم يمكن يخلوا المرور بعد كده يهتم بالحاجات الصح انا اعرف تاجر استيراد قاللى ان مهندس الفحص كل اللى يخصه انه ما يلاقيش قواعد متغيرة غير كده مش مشكلة ماركة الموتور والله اعلم ممكن كان عايز يزقلى موتور عنده بس المهم فى الموضوع اننا نعمل لستة بتنسق المواتير الموافقة

[tiger45]

موضوع مميز

[Tarek_Swelm]

كريم باشا ازيك , موضوع انك تفك الموتور كل فحص و تركب واحد تاني و تشيل موتور تاني للمشي , اعتقد دة فيلم كبير اوي , الواحد بيبقي عايز يعمل اي شغلانة صغيرة عند الصنايعية و يخلص منهم قبل ما يجننوة و انت عايز تبات عندهم فك و تركيب لكذا موتور و كمان احتمال كبير قوي حاجة تبوظ في مرة من دول
و كمان نوع الموتور يكون من نفس الشركة دي حاجة اساسية و ماعتقدشي حتتغير في المرور

[keko]

موضوع مميز

تشكر

كريم باشا ازيك , موضوع انك تفك الموتور كل فحص و تركب واحد تاني و تشيل موتور تاني للمشي , اعتقد دة فيلم كبير اوي , الواحد بيبقي عايز يعمل اي شغلانة صغيرة عند الصنايعية و يخلص منهم قبل ما يجننوة و انت عايز تبات عندهم فك و تركيب لكذا موتور و كمان احتمال كبير قوي حاجة تبوظ في مرة من دول
و كمان نوع الموتور يكون من نفس الشركة دي حاجة اساسية و ماعتقدشي حتتغير في المرور

طرووووق حبيبى كيفك
اولا موضوع تبديل الموتور كبيره يوم وتكلفته مش كبيرة اقسم 200 جنيه على 36 شهر تديك 7 جنيه
بس الحاجة المهمة مش عايز الموضوع يخرج من افادة الاعضاء الى استفادتى الشخصية انا قلت السبب اللى خلانى ادور واعمل المقارنات دى لتوضيح الصورة انما دلوقتى عايزين نتاكد من الكلام اللى انا قلته صح ولا غلط بالنسبة للقواعد فقط بغض النظر بقى عن المرور او غيره لان الفكرة فى حد ذاتها تتيح عشرات المواتير لعشرات السيارات وكل ما فى الامر ان احدا لم يلتفت لها من قبل مين كان يصدق ان موتور ال 128 يركب فى اللادا بس بعد اللفة الطويلة دى طلع ينفع هههههه

[windofchange]

الله ينور عليك يا كيكو بجد رائع

[Tarek_Swelm]

تشكر

طرووووق حبيبى كيفك
اولا موضوع تبديل الموتور كبيره يوم وتكلفته مش كبيرة اقسم 200 جنيه على 36 شهر تديك 7 جنيه
بس الحاجة المهمة مش عايز الموضوع يخرج من افادة الاعضاء الى استفادتى الشخصية انا قلت السبب اللى خلانى ادور واعمل المقارنات دى لتوضيح الصورة انما دلوقتى عايزين نتاكد من الكلام اللى انا قلته صح ولا غلط بالنسبة للقواعد فقط بغض النظر بقى عن المرور او غيره لان الفكرة فى حد ذاتها تتيح عشرات المواتير لعشرات السيارات وكل ما فى الامر ان احدا لم يلتفت لها من قبل مين كان يصدق ان موتور ال 128 يركب فى اللادا بس بعد اللفة الطويلة دى طلع ينفع هههههه

موتور 128 في لادا
اتقي الله , دي ال128 ماشية بالعافية , عايز تحط موتورها في الادا ,دة الشارع كلة حيزق العربية دي من هنا لبكرة الصبح

[smsm_nabawy]

أولاً.. الأتفاق ان "قواعد الموتور " هي الي شبه بعض !!! لكن مش معنى كده تركيب موتور بالطول في عربية موتورها بالعرض و العكس كذلك

و ذلك مبدأياً لأستبعاد أنه ممكن نحط موتور عربية جر أمامي في عربية دفع خلفي
=============================

ثانياً. مش معنى مثلاً أن لو عندي عربيتين .. الاتنين دفع خلفي و الاتنين ليهم نفس قياسات قواعد الموتور .. أني ممكن أحط موتور اي واحدة منهم في التانية !!!

راعي !!! فرق الهورس باور .. فرق وزن كل عربية عن التانية !!!

فرق النسب التفاضلية و التكاملية في كل جير بوكس من الاتنين و كذلك الدفرينشيال "الكارونة" و هكذا :)

شكراً على الموضوع الرائع.. و تقبل مروري :))

[keko]

أولاً.. الأتفاق ان "قواعد الموتور " هي الي شبه بعض !!! لكن مش معنى كده تركيب موتور بالطول في عربية موتورها بالعرض و العكس كذلك

و ذلك مبدأياً لأستبعاد أنه ممكن نحط موتور عربية جر أمامي في عربية دفع خلفي
=============================

ثانياً. مش معنى مثلاً أن لو عندي عربيتين .. الاتنين دفع خلفي و الاتنين ليهم نفس قياسات قواعد الموتور .. أني ممكن أحط موتور اي واحدة منهم في التانية !!!

راعي !!! فرق الهورس باور .. فرق وزن كل عربية عن التانية !!!

فرق النسب التفاضلية و التكاملية في كل جير بوكس من الاتنين و كذلك الدفرينشيال "الكارونة" و هكذا :)

شكراً على الموضوع الرائع.. و تقبل مروري :))

هوا انا كمان استغربت بس لقيتهم كاتبينها صريحة على الويكى ان موتور الشاهين 1300 القديم واللى بعده كان 1400 بتاع التمبرا وان فرقهم بس كان فى الفتيس واحد بيطلع لكردان والتانى بيطلع لكبالن

http://en.wikipedia.org/wiki/Fiat_Twin_Cam_engine

http://en.wikipedia.org/wiki/Fiat_SOHC

[smsm_nabawy]

هوا انا كمان استغربت بس لقيتهم كاتبينها صريحة على الويكى ان موتور الشاهين 1300 القديم واللى بعده كان 1400 بتاع التمبرا وان فرقهم بس كان فى الفتيس واحد بيطلع لكردان والتانى بيطلع لكبالن

Fiat Twin Cam engine - Wikipedia, the free encyclopedia
http://en.wikipedia.org/wiki/fiat_sohc

والله حسب الي فهمته من كده .. أنه يمكن نظراً لتطابق قواعد الموتور .. و كمان مساحة حوض الماتور .. هما قلبوا الماتور بدل ماهو بالعرض.. وصلوه بالطول .. بكده يبقى ممكن فعلاً .. ماتور بالعرض يتخط بالطول.. بس لسه في مشاكل .. لأن معنى كده أن مش أي موتور بالعرض.. ممكن يتحط بالطول !! و كذلك العكس .. مش أي ماتور بالطول ممكن يتحط بالعرض

بس حتى الان ماشاء الله نتائج مثمرة للموضوع :) :b4_388:"أعني بالموضوع موضوعك .. مش موضوع الماتور الفلاني يتحط فين و هكذا..." :)

[keko]

والله حسب الي فهمته من كده .. أنه يمكن نظراً لتطابق قواعد الموتور .. و كمان مساحة حوض الماتور .. هما قلبوا الماتور بدل ماهو بالعرض.. وصلوه بالطول .. بكده يبقى ممكن فعلاً .. ماتور بالعرض يتخط بالطول.. بس لسه في مشاكل .. لأن معنى كده أن مش أي موتور بالعرض.. ممكن يتحط بالطول !! و كذلك العكس .. مش أي ماتور بالطول ممكن يتحط بالعرض

بس حتى الان ماشاء الله نتائج مثمرة للموضوع :) :b4_388:"أعني بالموضوع موضوعك .. مش موضوع الماتور الفلاني يتحط فين و هكذا..." :)

هوا اكيد يا باشا مش المقصود ان كل المواتير تركب مكان بعض والمقصود مواتير السيارات التى تم ذكرها فقط بس ربنا يسهل لو الموضوع اتظبط صح حيبقى معانا لستة لمواتير اكتر 20 عربية شعبية

[smsm_nabawy]

فعلاً... لو أتظبط ده كده .. حتبقى حليت مشكلة عربيات كتير ناس كتير بتكون عايزة تظبطها !!! و سهل انها تترخص .. لأن معظمهم فيات !! و كذلك معظم المواتير دي فيات بردو :))

فمعنى كده ان زيتنا في دقيقنا ... و المرور ممكن يرخص كده أن شاء الله لحد لو حب يعمل حاجة من دول.. بس عازين نجمع مجهودات اكبر علشان لو كده .. ده ممكن الموضوع ده يبقى مرجع لتسقيط المواتير في العربيات دي :)