حل مشكلة المواتير

[keko]

انا النهاردة بتكلم مع سوق تاكسى على موضوع موتور الشاهين ممكن يركب على 124 او لادا قاللى يااااه قديمة فيه ناس كتير قوى عاملاها ومركبين موتور الشاهين على عربيات لادا وكمان مثبت فى الرخصى قلتله جديدة دى قاللى الاول كان المهم عدم اللعب فى قواعد الموتور وانت بتركب قواعد موتور الشاهين بس مش بتغير مكانها فعادى
واحد سواق تاكسى تانى بتكلم معاه اكدلى برضه ان مواتير الشاهين و ال131 كلها واحد فى القواعد بس الناس بتحب موتور ال 131 اكتر ومش عارف ليه

[saadelden]

اعتقد ماتور ال 131 انعم من ماتور الشاهين
و طبعا فيه منه 2 كامه ف بيدي اداء عن ماتور الشاهين

[Tarek_Swelm]

انا النهاردة بتكلم مع سوق تاكسى على موضوع موتور الشاهين ممكن يركب على 124 او لادا قاللى يااااه قديمة فيه ناس كتير قوى عاملاها ومركبين موتور الشاهين على عربيات لادا وكمان مثبت فى الرخصى قلتله جديدة دى قاللى الاول كان المهم عدم اللعب فى قواعد الموتور وانت بتركب قواعد موتور الشاهين بس مش بتغير مكانها فعادى
واحد سواق تاكسى تانى بتكلم معاه اكدلى برضه ان مواتير الشاهين و ال131 كلها واحد فى القواعد بس الناس بتحب موتور ال 131 اكتر ومش عارف ليه

طيب و الكرونة و فرق الطول بين العربيتين , المفروض ان اللادا اقصر من الشاهين و كدة اعتقد الكرونة لما تبقي اقصر حيبقي تحميل اقل علي الجيربوكس و الموتور و بالتالي اداء اعلي , وجهة نظري و تحتمل الخطاء و الصواب.
طيب يا تري جبت وزن الشاهين ووزن اللادا ؟ بالتوفيق يا باشا

[smsm_nabawy]

اعتقد ماتور ال 131 انعم من ماتور الشاهين
و طبعا فيه منه 2 كامه ف بيدي اداء عن ماتور الشاهين

على حسب .. في عربيات شاهين مواتيرها توفاش .. و في عربيات مواتيرها فيات

أنا عربيتي ماتورها فيات لانشيا 1400 أنجيكشان

مش عايز أقوبك ده ماتور أبن تيييييييت !!!

طلعت بيه من عربية لانسر بومة 1600 أوتوماتيك

في الهادي بيكون لذيذ كده .. و الحرق بتااعه صعب أوي.. فجأة تسمع صوت عجيب كده .. ورغم كده بيكون ناعم اوي في طلعته برده ... ده غير انه ماااشاء الله معايا .. سواء العربية سخنة باردة أي حاجة .. يوم ماطلب منه يشد .. مبيكسفنيش !!

بس للأسف لسه جايب جوان وش سليندر من أسبوعين :((((((((((

[l0new0lf]

لو قواعد الموتور و حلة الفتيس هيه هيه الموتور هيركب من غير اي تعديل بغض النظر عن هو دفع خلفى او جر امامى
و الكرونه هى الحاجه الى بتاخد الحركه من الكردان و توصلها للعجلتين الخلفى
يعنى ملهاش دهوه بفرق الطول بين اللادا و الشاهين
فرق الطول مش هو فرق الطول بين العربيتين
فرق الطول الى المفروض نعمل حسابه هو فرق الطول بين قواعد العجل فى العربيتين

[smsm_nabawy]

فرق الطول الى المفروض نعمل حسابه هو فرق الطول بين قواعد العجل فى العربيتين

ممكن الشرح بالعربي يا أخي في الله لو سمحت :))))

[l0new0lf]

يعنى المسافه بين محور العجل الامامى و الخلفى
يعنى تقيس المسافه من نص العجل الخلفى يمين لنص العجل الامامى يمين فى الشاهين
و نفس الموضوع فى اللادا
و عامة الناس بتسقط الماتور بفتيسه علشان وجع الدماغ
و لو الكارونه هتتغير مفيش مشكله
لان اى تعديل بيتعمل فى الكردان لو كان فيه فرف اطوال
و فيه ناس بتعدل فى حلة الفتيس لو فيها اختلاف و بكده بيغير موتور و حلة فتيس بس ده لو قواعد و ابعاد الموتور واحده

[smsm_nabawy]

الله ينور عليك .. كده أنا فهمت قصدك :) شكراً ليك

[Tarek_Swelm]

لو قواعد الموتور و حلة الفتيس هيه هيه الموتور هيركب من غير اي تعديل بغض النظر عن هو دفع خلفى او جر امامى
و الكرونه هى الحاجه الى بتاخد الحركه من الكردان و توصلها للعجلتين الخلفى
يعنى ملهاش دهوه بفرق الطول بين اللادا و الشاهين
فرق الطول مش هو فرق الطول بين العربيتين
فرق الطول الى المفروض نعمل حسابه هو فرق الطول بين قواعد العجل فى العربيتين

انا كان قصدي فعلا فرق طول الكردان بين الجيربوكس حتي الوصول للكرونة بس كلمة كردان كانت تايهة عن بالي
شكرا علي التوضيح يا باشا

[saadelden]

بردو ناس كتير بتخاف من الانجيكشان مع انه موفر في البنزين
بس عشان الحساسات و الرشاشات شغلانه

كان فيه عربيه 124 عند الميكانيكي صاحبها صارف عليها ما يقرب من 40 الف جنيه بس هو جايبها من ساعه ما نزلت
المهم انا شوفت العربيه لقيتها عربيتي بالظبط بس علي Body 124 !!
مغير الماتور و الفتيس و الكارونه و الفرامل و علبه الدركسيون و الكراسي
ماسابش حاجه تنفع تتغير !!
و بعد ما جاب الماتور بشهرين راح داخل في طقم شمبر !!

قطع غيار ال 131 الاستيراد غاليه لان الطلب عليها كتر اليومين دول
و كذا موديل بيركبو فيه قطع ال 131
ف الفكره ان احنا نبعد عن ال 131 و ندور عن بديل ليها

[aYaBooY]

انا النهاردة بتكلم مع سوق تاكسى على موضوع موتور الشاهين ممكن يركب على 124 او لادا قاللى يااااه قديمة فيه ناس كتير قوى عاملاها ومركبين موتور الشاهين على عربيات لادا وكمان مثبت فى الرخصى قلتله جديدة دى قاللى الاول كان المهم عدم اللعب فى قواعد الموتور وانت بتركب قواعد موتور الشاهين بس مش بتغير مكانها فعادى
واحد سواق تاكسى تانى بتكلم معاه اكدلى برضه ان مواتير الشاهين و ال131 كلها واحد فى القواعد بس الناس بتحب موتور ال 131 اكتر ومش عارف ليه

معظم العربيات الي انت ذكرتها مواتيرها بتنزل على نفس القواعد
الاشهر هو موتور الـ 131 و معظم الي معاهم 125 و 1300 و 124 بيفضلوه عن اي موتور تاني و ده بسبب عقدة الخواجة
اولا موتور الـ 131 هو و 132 متوفرين استيراد نظرا لانتشار السيارات ديه في دول اوروبا لكن المواتير بتاعت الشاهين مش متوفرة علشان ديه عربية محلية ( سواء المواتير الفيات او اللانشيا منها ) يعني صعب تلاقي موتور منها استيراد و ان وجد يبقي غالبا جي من بلد ليها نفس ظروفك و طبعا بيكون طالع عينة
المهم فيه نقطة مهمة عندك انت من اسكندرية و اللادا منتشرة جدا عندك
لو عاوز لادا يبقي تجيب 2107 مش 2105 ليه
اولا الصالون اوسع ثانيا الموتور كاتينة كاوتش و ناعم الدركسيون بتاعها خفيف زي الـ 131
و للعلم الـ 131 تعتبر عربية اسطورة من شركة فيات علشان
نفس الشاسيه اتبنى عليه كل من دوجان و شاهين و اللادا
عندنا في القوانين بتاعت المرور لا يجوز انك تركب موتور فيات في لادا علشان فيه مواتير لادا متوفرة في السوق لكن ممكن تركب موتور 131 على عربية سيات 124 علشان موتور تقريبا مش موجود
عموما لو ناوي على لادا يبقي خليك 2107 و سيبك من موضوع فك و تركيب و الكلام ده
و اعرف انك بتتكلم في موتور 131 اخر موديل منها كان سنة ايه 85 يعني صعب تلاقي موتور استيراد بحالة جيدة و ان وجد هايكون غالي جدا

[keko]

معظم العربيات الي انت ذكرتها مواتيرها بتنزل على نفس القواعد
الاشهر هو موتور الـ 131 و معظم الي معاهم 125 و 1300 و 124 بيفضلوه عن اي موتور تاني و ده بسبب عقدة الخواجة
اولا موتور الـ 131 هو و 132 متوفرين استيراد نظرا لانتشار السيارات ديه في دول اوروبا لكن المواتير بتاعت الشاهين مش متوفرة علشان ديه عربية محلية ( سواء المواتير الفيات او اللانشيا منها ) يعني صعب تلاقي موتور منها استيراد و ان وجد يبقي غالبا جي من بلد ليها نفس ظروفك و طبعا بيكون طالع عينة
هوا موتور الشاهين متاح لانه نفس موتور التمبرا بفرق الفتيس
المهم فيه نقطة مهمة عندك انت من اسكندرية و اللادا منتشرة جدا عندك
لو عاوز لادا يبقي تجيب 2107 مش 2105 ليه
اولا الصالون اوسع ثانيا الموتور كاتينة كاوتش و ناعم الدركسيون بتاعها خفيف زي الـ 131
و للعلم الـ 131 تعتبر عربية اسطورة من شركة فيات علشان
نفس الشاسيه اتبنى عليه كل من دوجان و شاهين و اللادا
الشاسيه صح اتبنى عليه دوجان وشاهين لكن لادا مبنية على 124
عندنا في القوانين بتاعت المرور لا يجوز انك تركب موتور فيات في لادا علشان فيه مواتير لادا متوفرة في السوق لكن ممكن تركب موتور 131 على عربية سيات 124 علشان موتور تقريبا مش موجود
عموما لو ناوي على لادا يبقي خليك 2107 و سيبك من موضوع فك و تركيب و الكلام ده
و اعرف انك بتتكلم في موتور 131 اخر موديل منها كان سنة ايه 85 يعني صعب تلاقي موتور استيراد بحالة جيدة و ان وجد هايكون غالي جدا

[keko]

خلااااااااااااص
تم الوصول لمعلومات مؤكدة انا اتكلمت مع ناس متخصصة وصنايعية وكانت النتيجة كالاتى :
كل مواتير اللادا والنيفا والفيات 124/125/131/132/128/ بولونيز والتمبرا والدوجان والريجاتا والشاهين وكل مواتير اللانشيا والاونو اللى نفس قواعد ال 128 نفس اماكن القواعد بالظبط والفرق بيكون فى الفتيس وممكن تركب مكان بعض بدون اى مشكلة
ارجو اكون افدت

[smsm_nabawy]

+11111111111111111

[keko]

كدا اعتقد اتفتح باب كبير قوى لتسقيط المواتير