استفسار بخصوص الصورة دي

[gaaz]

ممكن حد يقولي ايه ده وايه وظيفته ؟
العربية 128 موديل 2006

[gaaz]

UploadPic.org - Picture Viewer - uploadpic.org

[ahmed_h_g]

دى الركبه
فايدتها أنها شايله العربيه بالكامل عن طريق المساعدين
والمساعدين فايدتها أمتصاص الصدمات قبل وصولها لهيكل السياره عن طريق كبس زيت أو غاز أو غاز وزيت
والسوسته اللى بره المساعد فايدتها أرجاع السياره لوضعها الطبيعى بعد المساعد لما يمتص الصدمه

[ahmed_h_g]

لو تقصد الموتور اللى لونه زهبى ده الموتور اللى بيحرك المساحات

[gaaz]

ههههههههههههههههههههه ايوة هو ابن اللذينة ده دوخني والله انا كنت بحسبه الموبينة
امال ايه الموبينة دي ؟
انا عايز فعلا كورس في العربيات انا فتحت الكبوت واقف قدامة مش فاهم حاجة خالص
شكرا يا احمد بارك الله فيك

[ahmed_h_g]

::: أهـــم مـوضـوعــات القســـم ::: - :: نــايــل مــوتــورز:: - :: NileMotors.net ::

http://www.nilemotors.net/Nile/91787-a.html

[gaaz]

طيب ايه الحاجات دي ؟


Uploaded with ImageShack.us

[ugnali]

بص هو على مااعتقد
رقم 4....دى اسمها العمة تحتيها الكربارتير وجواها فلتر الهوا اللى بيدخل هو للكربارتير
رقم 2......دى هيا مش باينة اوووى بس دى الفيشة او الدويل بتاع اللمبة بتاعت الفانوس
رقم 3......دا الهوا اللى طالع من الماتور
رقم 1......دا تقريبا كده كتاوت
وبرده الله اعلم واكيد الناس اللى موجودة اكيد ليها كلام برده

[romieh]

رقم 1 ده كتاوت النور

رقم 2 مش باينة قوى ياريت تصورها وحدها علشان نعرف

رقم 3 دى عمة الهواء

رقم 4 ده فلتر الهواء

[hondaman]

بص يا معلم زى ما الناس قالت بس احب اضيف
رقم 3 و رقم 4 ( زى نظام الريجاتا يا جدعان )
رقم 3 دى عمة هوا جواها فلتر هوا زيت ( زى بتاع الريجاتا ) فلتر هوا الزيت دة عامل زى اسطوانة مخرمة كتير وفى حوض العمة دة كمية زيت عشان متفتكرش ان العربية بتجيب زيت وبتصب هنا دة عشان تاخد اكبر كمية تراب قبل متروح لرقم 4 واللى هيا عمة الكرباراتير ... الكربارتير يا معلم هو المسؤل عن ادخال الهوا والبنزين ( خليط ) عشان العربية تشتغل طبعا بجانب حجات تانية وجوة العمة دى فلتر تانى بس جاف طبعا من المهم جدا ان الخليط اللى داخل جوة المكنة يكون خالى من التراب او الشوائب عشان دة بيهلك المكنة ويقصر عمرها وحجات كتير كدة ...
وزى مقولت انت عندك نفس نظام الريجاتا
يعنى عندك نظام اشعال اكترونى ( مفيش ابلاتين وكوندنسر دول بيبقو جوة حاجة اسمها اسبراتير عادى ) انت اللى عندك مشط الاكترونى اللى هيا رقم 1 + علبة الاكترونى مش هتلاقيها ( مخفية ) واربع بوجيهات بس وموبينة الاكترونى .... عايز تعرف الحجات دى كلها صور حوض العربية كلة صورة حلوة وعلم زى منتا علمت ونا اشرحلك القصة كلها + تابع الينك اللى موجود فوق ( نظام اشعال السيارة ) + خش على القسم التعليمى ولف كام لفة يا رب تكون أستفدت

[Khaled_Nowaihy]

رقم 1 فى الغالب كتاوت (بلاطة) لتقوية النور
رقم 2 هى الموبينة (تحت قربة المياه مثبتة فى الصدر الأمامى)