128 وشكله في المطالع

[cyborg_ift]

السلام عليكم انهارده وانا طالع المقطم بـ 128 موديل 89 وبنقل من التالت للرابع مع العلم ان السرعه كانت منايبه لنقل الغيار حوالي 60

بعد ما خدت الغيار لقيت زي تفويته في الموتور يعني صوت عالي والموتور مبيسحبش معايا يا ترا ده ايه وحله ايه بالتكلفه

[mohamed9999]

دا يبقى اسطوانة الدبرياج جابت اخرها يفضل انك تركب طقم دبرياااااااج كامل ديسك و اسطوانه و بليه وكمان سلك دبرياااج
الطقم التركى بحوالى 280ج وتركيبه من 50-70ج لان الميكانيكى هينزل الفتيس كله ع الارض ويفك و يركب

[elmkaneeki]

ديسك واسطوانة والتكلفة فى حدود 250-350 جنيه
والله اعلم

[cyborg_ift]

يا جماله يا جماله

طب وده يا ترا يمشي معايا اد ايه لحد ما أغيره وهل يا ترا ليه اضرار تانيه على اي حاجه في العربيه

[swimmer25]

يا جماله يا جماله

طب وده يا ترا يمشي معايا اد ايه لحد ما أغيره وهل يا ترا ليه اضرار تانيه على اي حاجه في العربيه

يمشي معاك علي حسب حالته اللي وصلها دلوقتي ده لو فعلا طقم دبرياج واللي هياكدلك الميكانيكي

هتضطر بقي تحرق علي العربية جامد عشان تاخد من المتور حركة كفاية تمشيك
ممكن فجأة تلاقي نفسك طالع كوبري او حتي ماشي في طريق عادي وتلاقي نفسك ضاغط بنزين للاخر والعربية مش بتمشي
حصلتلي ب 128 علي طريق السويس...الاتجاه ناحية السويس فيه زاوية ميل للاعلي فكانت العربية تجري في الاول وعلي نص الطريق تشحر وتنام
أجي أرجع في الاتجاه المعاكس ألاقيها طيارة...طبعا شوية مزاولات لحد ما رحت لميكانيكي غير طقم دبرياج
طبعا في الحالة دي بتاكل بنزين جامد....جرب تاني وشوف العربية بتعمل معاك ايه علي الكباري

[swimmer25]

يا جماله يا جماله

طب وده يا ترا يمشي معايا اد ايه لحد ما أغيره وهل يا ترا ليه اضرار تانيه على اي حاجه في العربيه

يمشي معاك علي حسب حالته اللي وصلها دلوقتي ده لو فعلا طقم دبرياج واللي هياكدلك الميكانيكي

هتضطر بقي تحرق علي العربية جامد عشان تاخد من المتور حركة كفاية تمشيك
ممكن فجأة تلاقي نفسك طالع كوبري او حتي ماشي في طريق عادي وتلاقي نفسك ضاغط بنزين للاخر والعربية مش بتمشي
حصلتلي ب 128 علي طريق السويس...الاتجاه ناحية السويس فيه زاوية ميل للاعلي فكانت العربية تجري في الاول وعلي نص الطريق تشحر وتنام
أجي أرجع في الاتجاه المعاكس ألاقيها طيارة...طبعا شوية مزاولات لحد ما رحت لميكانيكي غير طقم دبرياج
طبعا في الحالة دي بتاكل بنزين جامد....جرب تاني وشوف العربية بتعمل معاك ايه علي الكباري

[cyborg_ift]

والله هوه الموضوع لسه في بداياته وبيعمل كده على الرابع بس

[aboomar22]

يا جماله يا جماله

طب وده يا ترا يمشي معايا اد ايه لحد ما أغيره وهل يا ترا ليه اضرار تانيه على اي حاجه في العربيه

لو العملية مزنقة حبيتين ممكن حضرتك تملىء اسطوانة الدبرياج بحوالى 30 / 40 جنية هتشغلك شوية حسب استعمالك لو كويس ممكن تبقى سنة مثلا لحد ماتبقى تغير الطقم كله انا كنت بعمل كده مع 127 وكانت مش وحشه

[cyborg_ift]

فكره برضك

[mrastra]

او تجيب دسك واسطوانة وبلية استيراد
فكرة برضة

[elmkaneeki]

او تجيب دسك واسطوانة وبلية استيراد
فكرة برضة

لا بلاش الفكرة دى

[bassem.naguib]

زي ما حضرتك قولت أنك كنت طالع مطلع المقطم .. وده مش مطلع سهل .. وأنك نقلت غيار الرابع على سرعة 60 (وده العادي لو ماشي على طريق مفيهوش منحدرات) .. ورأيي يتلخص في الآتي :
1) كان المفروض تحرق على الغيار شوية (لحد 70 أو 80) وبعد كدة تنقل الرابع علشان العربية تكون مريحة في المطلع .
2) ممكن ميكونش طقم دبرياج .. ممكن تكون الكهربا مش مظبوطة قوي أو الموتور كابسه ضعيف "شوية" .. يفضل في 128 بصفة عامة أن الكهربا تكون زيادة "حاجة بسيطة " علشان السحب يكون كويس وللمواقف اللي زي مطلع المقطم والكباري .
3) منصحكش بموضوع طقم الدبرياج الاستيراد وملئ الأسطوانة .. لأنها كلها حوارات ملهاش لازمة (مع كامل احترامي لأصحاب الرأي اللي قالوها) لأنها عديمة الجدوى ومبتقعدش كتير وبتكون عرضة للتلف سريعاً .. وفي الحالة دي حتضطر تغير لجديد وحتكون خسرت المصنعية مرتين .
وعلى العموم دي بتبقى بدايات أعراض تلف طقم الدبرياج .. ومش معنى كدة أنك لالالالالالالالالاززززززززززم تغيرها في الحال .. هي ممكن تقعد شوية لحد القدر اللي تحس أنها ممكن تقل بأصلها معاك وفي الحالة دي تغيرها في أقرب فرصة .

[mrastra]

يا اخى اقسملك بالله جبت دسك واسطوانة وبلية جداد ماركة محترمة وركبتهم فى ريجاتا
اقل من 5000 كيلو الاسطوانة والدسك باظو
رحت جبت دسك واسطوانة استيراد راكبين لغاية النهردة
وخسرت المصنعية مرتين فك وتركيب الفتيس
الموضوع يا جماعة ان قطع غيار الفيات معظمها مضروب على عكس اليابانى او الالمانى
فا ملوش لزوم حد يقول حوارات ملهاش لزمة

[bassem.naguib]

يا اخى اقسملك بالله جبت دسك واسطوانة وبلية جداد ماركة محترمة وركبتهم فى ريجاتا
اقل من 5000 كيلو الاسطوانة والدسك باظو
رحت جبت دسك واسطوانة استيراد راكبين لغاية النهردة
وخسرت المصنعية مرتين فك وتركيب الفتيس
الموضوع يا جماعة ان قطع غيار الفيات معظمها مضروب على عكس اليابانى او الالمانى
فا ملوش لزوم حد يقول حوارات ملهاش لزمة

إذا كان حضرتك موجه الكلام ليا زي ما فهمت .. فأرجو تخفيف لهجة الحوار فنحن لسنا في ساحة للخلاف والحدة في الرد .. فكلنا هنا أخوة قبل أي شيء وبنفيد ونستفيد .. وأرجو أن تتفق معايا في النقطة دي .. ويكون الحوار هاديء وبدون أي انفعالات لمجرد الخلاف في الرأي .. وأعتبرني زي أخوك الكبير أو الصغير .... هههههههههه


متفق معاك تماماً أن 90% من قطع غيار الفيات بتكون مضروبة .. بتكون صيني فرز تالت كمان ومدموغة أنها مصنوعة في أيطاليا وتركيا .. علشان كدة لازم نشتري الحاجة من محل موثوق فيه أو على الأقل عارفين أن سمعته كويسة في عدم الغش .
وحديك مثال على ذلك كنت بشتري كبالن من حوالي سنة أو سنة ونص .. وكنت عاوز أجيب الأصلية .. ورحت للمحل وقلت ليه عاوز حاجة إيطالي أو تركي نضيفة .. قالي عندي وتمنهم كذا (مش فاكر) .. وتابع كلامه وقال بس منصحكش بيهم لأنهم مضروبين .. وخد الكبالن الصيني وعلى ضمانتي (أنا أثق فيه) وكان سعرهم أقل من نص التانيين اللي المفروض أنهم أصلي والحمد لله شغالين لغاية دلوقتي .. أنا بقول الكلام ده علشان اوضح أن الجديد دايماً بيكون أحسن بس بعد التأكد من أن نوعه كويس بغض النظر عن الماركة .

وفي النهاية تقبل تحياتي .

[elmkaneeki]

يا اخى اقسملك بالله جبت دسك واسطوانة وبلية جداد ماركة محترمة وركبتهم فى ريجاتا
اقل من 5000 كيلو الاسطوانة والدسك باظو
رحت جبت دسك واسطوانة استيراد راكبين لغاية النهردة
وخسرت المصنعية مرتين فك وتركيب الفتيس
الموضوع يا جماعة ان قطع غيار الفيات معظمها مضروب على عكس اليابانى او الالمانى
فا ملوش لزوم حد يقول حوارات ملهاش لزمة

انا بس بقول بلاش مستعمل
عشان قطع الغيار الخلع الى ممكن حد يدبسك فيها
وكمان انا فلا رأيى ان الديسك والاسطوانة من الحاجات الى لازم تيجى جديدة
دة اقتناع شخصى