128 وشكله في المطالع

[bassem.naguib]

انا بس بقول بلاش مستعمل
عشان قطع الغيار الخلع الى ممكن حد يدبسك فيها
وكمان انا فلا رأيى ان الديسك والاسطوانة من الحاجات الى لازم تيجى جديدة
دة اقتناع شخصى

+111111111

فيه حاجات ممكن تيجي استيراد .. زي المقص والدينامو على سبيل المثال وبيكونوا أحسن من الجديد لاختلاف الخامة .. وفيه حاجات يفضل أنها تيجي جديدة زي طقم الدبرياج وتيل الفرامل والمساعدين

[cyborg_ift]

والله ياجماعه انا جبتهم جداد بـ 240 وركبتهم امبارح والحمد لله

[mrastra]

اخى الكريم ziabassem
بعتزر لو ان الكلام طلع منى ذو حدة عالية او فى صوت عالى وارجوك تسامحنى

المشكلة ان الزبون فى مصر ما بين مقصلة الجديد المغشوش وسندان الاستيراد
لية تجارب كتير او ( سيئة طبعا ) فى قطع الغيار وفى اكثر من نوع عربية وبمختلف الفئات حتى النقل
قطع غيار الفيات دى بقى قصة ....... تقدر تقول ان 90% منها مضروب بغباء يعنى اما واحد يدينى قطعة بـ 30 جنية مثلا ويقولى انها المانى بزمتك تصدق الالمان دول بيعتزو بنفسهم اوى و30 جنية دى يعنى 25 عند تاجر الجملة يعنى 20 عند المستورد يعنى فى الاخر تطلع من بلدها مثلا بـ 10 جنية وبالعملة بتعتهم تبقى باتنين تلاتة جنية ينفع؟
بجد بجد بكون محتار جدا وانا بشترى قطع غيار وبمشى اكلم نفسي فى الشارع وبفضل اجتهد وربنا هو اللى بيهدى الواحد فى النهاية والقصة اللى التهالك والله العظيم حصلت كنت بعمر ماتور ريجاتا وجبت كل حاجة ومن ضمنها طقم دبرياج واخت العربية بلينها يعنى ماشي تاتة تاتة ما عملتش والله الـ 5000 كم لقيت الدسك باظ والاسطوانة خربت بس وحياة ربنا رجعتهم لبتاع قطع الغاير واخت فلوس مش بضاعة مكانهم تخيل انت بقى عملت معاة اية عشان يدينى فلوس ...... ورحت جبت دسك واسطوانة استيراد وطلعو زى الملبن وشغالين لغاية دلوقتى
مع انى كنت حاسس انى اتصرفت صح انى جبت الطقم جديد لكن للاسف
انا متفق معاكم ان فى حاجات ممكن تيجى استيراد انما كل الاجزاء الميكانيكية لازم جديد يعنى ممكن مثلا اشترى اكصدام استيراد اشترى فانوس الحاجات اللى تبان من النظر انها سليمة انما اجزاء ميكانيكية طبعا غلط وانا واق من كدة بس مصر بى كل حاجة فيها انت وحظك
انا بكرر اسفى مرة تانية ويا رب نبقى فى الاحسن وربنا يكتب للبلد دى النجاح

[bassem.naguib]

الأخ العزيز / mrastra

أولاً مفيش اعتذار ولا أسف .. وأنا اعتز بكلمة أخي اللي لقبتني بها .. بس أنا كنت خايف الحوار ياخد سكة تانية في خلافات وشد وجذب لأني في الأساس لا أقصد التقليل من رأيك اللي كان مبني على تجربة فاشلة في طقم دبرياج جديد .. ولكن أصلك وأخلاقك الكريمة بانت في رد حضرتك .

والرأي اللي أنت أبديته في مشاركتك الأخيرة هو عين الصواب ونعم الرأي .. ولكن أنت اللي حظك كان وحش في الطقم المضروب ده .. وعلى فكرة فيه حاجات صيني في السوق جودتها كويسة جداً جداً بس المشكلة مين التاجر اللي يدلك عليها .. والناس بصفة عامة بتكون قلقانة من كلمة صنع في الصين .

وربنا يسهل إن شاء الله وتتطبق مواصفات الجودة في استيراد وتصنيع قطع الغيار للسوق المصري .. علشان الواحد يبقى مشتري وهو مطمن بعد كدة .. وتحياتي وتقديري ليك يا باشا .

[bassem.naguib]

والله ياجماعه انا جبتهم جداد بـ 240 وركبتهم امبارح والحمد لله

ألف مبروك .. ويا رب يكونوا كويسين .. ويا ريت حضرتك تقول نوعهم أيه .. والمصنعية اتكلفت كام .

[cyborg_ift]

انا جبتهم ايطالي والصنايعي خد 110 علشان عمل شغل تاني

[saadelden]

انا حاليا جايب طقم استيراد مركبه يوم 25 يناير d:
هو لغايه دلوقتي كويس و مفيش منه مشاكل

و لو عمل مشكله هبقى اجيب جديد

[mrastra]

انا حاليا جايب طقم استيراد مركبه يوم 25 يناير d:
هو لغايه دلوقتي كويس و مفيش منه مشاكل

و لو عمل مشكله هبقى اجيب جديد

طالما جبتة يوم 25 يناير يبقى اكيد وشة حلو وهايعد لغاية يوم 25 يناير سنة 2050

اخى الكريم ziabassem