علاقة دورة التبريد ب ....

[smsm_nabawy]

السلام عليكم !!

هل يوجد علاقة بين دورة التبريد و نظافتها

و بين فوقان العربية ،، من حيث السحب و التسارع ؟؟

[Ashraf_Ibrahim]

اكيد فيه علاقة طبعا !

[smsm_nabawy]

طيب أيه ال سبب ؟؟بمعنى،، العلاقة علاقة أيه ؟؟

[modo88]

ياريت توضيح للعلاقه فعلا؟

[Elawany13]

أنا معرفش الصراحة
بس بستنتج بدماغى
البنى آدم لو درجة حرارته زادت عن معدلها الطبيعى 37 درجة مئوية
ايه اللى بيحصله ؟
بيعرف يجرى ويشوف شغله ؟

[ahmedtunning]

المتوتور لما بيسخن زياده عن اللزوم بيتكتم لان الحرق مابيبقاش مظبوط وكهربة العربيه بالتالي بتبقي فيها حاجة غلط

[Gelgel2004]

حراره العربيه

أنا معرفش الصراحة
بس بستنتج بدماغى
البنى آدم لو درجة حرارته زادت عن معدلها الطبيعى 37 درجة مئوية
ايه اللى بيحصله ؟
بيعرف يجرى ويشوف شغله ؟

السلام عليكم
عجبنى تشبيه حضرتك فهو ملائم تماما كرد منطقى و اليكم بعض المعلومات
1/ يتم تصميم بلوك الوتور من محموعه معادن متنوعه و هذه السبيكه المتجانسه تعتبر احدى الاسرار المهمه لكل شركه.
2/ و لهذه السبيكه المتناغمه شروط للتشغيل و من اهم شروط التشغيل درجه الحراره المناسبه و التى يتم ضبطها عن طريق دوره التبريد و تختلف هذه الدوره من مصنع لاخر - حسب التصميم - سواء دائره مغلقه او مفتوحه او جافه .........الخ
3 من اهم اجزاء حفظ درجه الحراره المناسبه فى كل سياره لاخراج الحد الاعلى من كفاءه التشغيل ثرموستات كوعه المياه التى وظيفتها حفظ درجه المياه داخل البلوك بين 90 الى 92 درجه مئويه و المفترض انها درجه التشغيل المثاليه.
4/ هناك خطا شائع فى مصر و هو حذف الثرموستات بدعوى زياده التبريد و من وجهه نظرى الشخصيه ان لعيوب الحذف اضرار اكثر من الفوائد تتمثل فى :-
- عندما تبرد درجه التشغيل يتم استهلاك وقود اكثر كالتالى - تحتاج السياره لفتره اطول صباحا لاحماء الموتور حتى تستطيع ان تمشى بدون تنتيش و تقطيع و بالتالى زياده استهلاك الوقود.


ومن هنا وجب الحفاظ على دوره التبريد من ثرموستات و سائل تبريد مناسب التركيز و رادياتير ........الخ بحاله ممتازه .

دمتم بود

[smsm_nabawy]

السلام عليكم
عجبنى تشبيه حضرتك فهو ملائم تماما كرد منطقى و اليكم بعض المعلومات
1/ يتم تصميم بلوك الوتور من محموعه معادن متنوعه و هذه السبيكه المتجانسه تعتبر احدى الاسرار المهمه لكل شركه.
2/ و لهذه السبيكه المتناغمه شروط للتشغيل و من اهم شروط التشغيل درجه الحراره المناسبه و التى يتم ضبطها عن طريق دوره التبريد و تختلف هذه الدوره من مصنع لاخر - حسب التصميم - سواء دائره مغلقه او مفتوحه او جافه .........الخ
3 من اهم اجزاء حفظ درجه الحراره المناسبه فى كل سياره لاخراج الحد الاعلى من كفاءه التشغيل ثرموستات كوعه المياه التى وظيفتها حفظ درجه المياه داخل البلوك بين 90 الى 92 درجه مئويه و المفترض انها درجه التشغيل المثاليه.
4/ هناك خطا شائع فى مصر و هو حذف الثرموستات بدعوى زياده التبريد و من وجهه نظرى الشخصيه ان لعيوب الحذف اضرار اكثر من الفوائد تتمثل فى :-
- عندما تبرد درجه التشغيل يتم استهلاك وقود اكثر كالتالى - تحتاج السياره لفتره اطول صباحا لاحماء الموتور حتى تستطيع ان تمشى بدون تنتيش و تقطيع و بالتالى زياده استهلاك الوقود.


ومن هنا وجب الحفاظ على دوره التبريد من ثرموستات و سائل تبريد مناسب التركيز و رادياتير ........الخ بحاله ممتازه .

دمتم بود

شكراً على المعلومة ،، جداً جداً :)
جزاك الله خير

[Elawany13]

بالنسبة ترموستات الكوعه انا اشتريت عربيتى الشاهين مستعملة بدونه
بس كنت بفكر اركبه
كل الناس نصحونى وقالولى اياك تحطه
الصح انه يتلغى
بالذات فى الشاهين

[elpasha1]

انا شلت الثيرموستات فى اللانوس لانها كانت بتسخن العربيةواول ما اتشال مبقتش تسخن

[smsm_nabawy]

يا جدعااان ،، الثرموستات مهم جداً علشان ده بيقيس درجة حرارة المياه الي مبتكون تقريباً متزنة مع درجة حرارة الموتور ،، بالتالي هو معمول بحيث أنه لما توصل درجة حرارة المياه دي لدرجة معينة ،، المفروض أن ساعتها درجة حرارة الموتور بتساوي درجة معينة تانية !! ساعتها لو سخن عنها بيدي أشارة بيشغل المروحة بسرعة اكبر !!

لأن كل موتور ليه operating temp بيكون فيها الحرق أحسن ما يمكن !! لو قلت عنها ،، كفائة الحرق مش بيكون كويسة !! من فضلكم ركبوها

عايزين تحسنو في دورة و طريقة تبريد الموتور ،، ركبو مروحة أكبر ،، أو أقوى ،، او ردياتير أوسع !!

لكن متشيلوش الثرموستات ،، أو تبدلوه بثرموستات درجنه أقل ،، ده نازي من التةكيل ،، بمواصفات السايرة ،، بحيث يحافظ على حرارة التشغيل المثالية للموتور !!

صدقوني ده بيفرق جامد أوي في المشي على البطيء المر الي بيخلي الموتور بيسخن بسرعة !! و بالتالي الثرموستات كل شوية يقفل و يفتح المروحة بسرعات عالية !!

[Gelgel2004]

ثرموستات الشاهين

بالنسبة ترموستات الكوعه انا اشتريت عربيتى الشاهين مستعملة بدونه
بس كنت بفكر اركبه
كل الناس نصحونى وقالولى اياك تحطه
الصح انه يتلغى
بالذات فى الشاهين

السلام عليكم

ركب الثرموستات
ركب مروحه تبريد من 8 الى 10 ريشه مبططه.
اغسل دوره التبريد كويس
استخدم سائل التبريد بنسبه التركيز الموصى بها ( بارافيللو 50 % ) جليكول الايثيلين.
و اتفرج على امبير الحراره و هو ثابت و الحراره فله و التكييف ثلاجه
دمت بود

[Gelgel2004]

ثرموستات اللانوس

انا شلت الثيرموستات فى اللانوس لانها كانت بتسخن العربيةواول ما اتشال مبقتش تسخن

السلام عليكم


ثرموستات الكوعه ليها دور كبير فى حفظ درجه حراره الموتور عند درجه التشغيل المفروضه من 89 الى 92 درجه مئويه.
اكشف عن اى عيوب اخرى
اغسل دوره التبريد
استخدم سائل التبريد الموصى به للدايو اللانوس 50 % تركيز
دمت بود
الزملاء الاعزاء فى المنتدى صباح الخير
ارجو ان افيدكم ببعض المعلومات عن موضوع المياه الخضراء
1 مافيش حاجة اسمها خضراء او حمراء دى بتبقى الوان حاطاها الشركات المصنعه للسيارات علشان تميزها عن الشركات الاخرى
2 - الصح نقول مياه او سائل تبريد المحرك ودى بعض المعلومات عنها و هأتكلم هنا عن العربيه اللى عاوزه تغير مياه التبريد بس المياه القديمه اصلا منزلش فيها مياه من الحنفية.
3 يتكون سائل التبريد الاساسى من كذا ماده مع بعض اهمهم ماده التبريد نفسها ايثيلين الجليكول و الماده دى ممتصه للحراره بنسبة كبيره يعنى لو حطيت الماده دى فى برطمام و رجتها جامد هتحس باديك بردت شويه لان من خواصها عند الحركه انها تبرد و الماده دى بيبقى ليها تركيز معين و كل كتالوج ذاكر فيه نسبة تركيز الماده دى ( عندى فى كتالوج السيينا 1400 50 % ) و الباقى مياه مقطره ( منزوعه الاملاح ) و سائل تزييت طلمبه المياه و مانع رغوه مياة و اخيرا مانع صدأ.
4 يعنى لو قلنا مثلا ان البيانات المكتوبه على جركن سائل التبريد ان تركيزه 33 % مثلا ده معناه ان 33 % من حجم الجركن ماده اللايثيلين جليكول و الباقى الاضافات المذكوره اعلاه.
5 - و علشان كفاءه التبريد متتغيرش بعد ما نغير او نغسل مياه التبريد نتاكم من النسبة المذكوره فى الكتالوج .
و ارجو ان افيدكم بالتالى :- يتم غسيل دوره التبريد كل 40000 كم او سنتان على الاكثر للمحافظه على كفاءه دوره التبريد .
عند غسيل الدوره فى التوكيل او محطه يجب مراعاة التالى
1 لف مفتاح ثرموستات درجه حراره كابينه السياره على اللون الاحمر علشان الميه تعدى جوه الكويل اللى داخل فو التابلوه و ده طبعا اذا ماكنتش عامل باى باص من المحرك .
يتم الغسيل بالدوره المغلقه و ليست المفتوحه على ضغط مناسب مرتين قبل اضافه المواد المنظفه افضلها الانواع الامريكيه ( سولدر سيل جنك ) و اوعى تحط المياه اللى عاملينها فى المحطة ( بتبقى خليط من الجاز و الرابسو و الخل ) بدون نسب ودى بتهلك الخراطيم .
بعد كده تغسل بالمنظف سولدر سيل جنك و اللى لحد دلوقتى بتعامل فيه من 15 سنه و مدينى ثقه و كفاءه فى كل منتجاتهم لمده 5 دقائق بعدين نشطف و ندى هواء علشان نفضى الدوره و الحقيقه لازم هيتبقى منها شوية فى البلوك صعب انهم يخرجوا .
نضيف سائل التبريد و ناخذ الهواء و نغسل القربه كويس و ان شاء الله صيف من غير مشاكل حراره
اما بالنسبه للانواع من سوائل التبريد الاخرى ارجو انكم تختاروا المضمون مثلا ايادا اسبانى 20 % موبيل بيرمازون 33 % و فى منه 50 % و شل و ابعد عند اللى تحس ان شكل الزجاجه او الجركن موش مضمون

[Gelgel2004]

السلام عليكم

ركب الثرموستات
ركب مروحه تبريد من 8 الى 10 ريشه مبططه.
اغسل دوره التبريد كويس
استخدم سائل التبريد بنسبه التركيز الموصى بها ( بارافيللو 50 % ) جليكول الايثيلين.
و اتفرج على امبير الحراره و هو ثابت و الحراره فله و التكييف ثلاجه
دمت بود

الزملاء الاعزاء فى المنتدى صباح الخير
ارجو ان افيدكم ببعض المعلومات عن موضوع المياه الخضراء
1 مافيش حاجة اسمها خضراء او حمراء دى بتبقى الوان حاطاها الشركات المصنعه للسيارات علشان تميزها عن الشركات الاخرى
2 - الصح نقول مياه او سائل تبريد المحرك ودى بعض المعلومات عنها و هأتكلم هنا عن العربيه اللى عاوزه تغير مياه التبريد بس المياه القديمه اصلا منزلش فيها مياه من الحنفية.
3 يتكون سائل التبريد الاساسى من كذا ماده مع بعض اهمهم ماده التبريد نفسها ايثيلين الجليكول و الماده دى ممتصه للحراره بنسبة كبيره يعنى لو حطيت الماده دى فى برطمام و رجتها جامد هتحس باديك بردت شويه لان من خواصها عند الحركه انها تبرد و الماده دى بيبقى ليها تركيز معين و كل كتالوج ذاكر فيه نسبة تركيز الماده دى ( عندى فى كتالوج السيينا 1400 50 % ) و الباقى مياه مقطره ( منزوعه الاملاح ) و سائل تزييت طلمبه المياه و مانع رغوه مياة و اخيرا مانع صدأ.
4 يعنى لو قلنا مثلا ان البيانات المكتوبه على جركن سائل التبريد ان تركيزه 33 % مثلا ده معناه ان 33 % من حجم الجركن ماده اللايثيلين جليكول و الباقى الاضافات المذكوره اعلاه.
5 - و علشان كفاءه التبريد متتغيرش بعد ما نغير او نغسل مياه التبريد نتاكم من النسبة المذكوره فى الكتالوج .
و ارجو ان افيدكم بالتالى :- يتم غسيل دوره التبريد كل 40000 كم او سنتان على الاكثر للمحافظه على كفاءه دوره التبريد .
عند غسيل الدوره فى التوكيل او محطه يجب مراعاة التالى
1 لف مفتاح ثرموستات درجه حراره كابينه السياره على اللون الاحمر علشان الميه تعدى جوه الكويل اللى داخل فو التابلوه و ده طبعا اذا ماكنتش عامل باى باص من المحرك .
يتم الغسيل بالدوره المغلقه و ليست المفتوحه على ضغط مناسب مرتين قبل اضافه المواد المنظفه افضلها الانواع الامريكيه ( سولدر سيل جنك ) و اوعى تحط المياه اللى عاملينها فى المحطة ( بتبقى خليط من الجاز و الرابسو و الخل ) بدون نسب ودى بتهلك الخراطيم .
بعد كده تغسل بالمنظف سولدر سيل جنك و اللى لحد دلوقتى بتعامل فيه من 15 سنه و مدينى ثقه و كفاءه فى كل منتجاتهم لمده 5 دقائق بعدين نشطف و ندى هواء علشان نفضى الدوره و الحقيقه لازم هيتبقى منها شوية فى البلوك صعب انهم يخرجوا .
نضيف سائل التبريد و ناخذ الهواء و نغسل القربه كويس و ان شاء الله صيف من غير مشاكل حراره
اما بالنسبه للانواع من سوائل التبريد الاخرى ارجو انكم تختاروا المضمون مثلا ايادا اسبانى 20 % موبيل بيرمازون 33 % و فى منه 50 % و شل و ابعد عند اللى تحس ان شكل الزجاجه او الجركن موش مضمون

[smsm_nabawy]

أفاااااااادكم الله !! :)