علاقة دورة التبريد ب ....

[Elawany13]

السلام عليكم

ركب الثرموستات
ركب مروحه تبريد من 8 الى 10 ريشه مبططه.
اغسل دوره التبريد كويس
استخدم سائل التبريد بنسبه التركيز الموصى بها ( بارافيللو 50 % ) جليكول الايثيلين.
و اتفرج على امبير الحراره و هو ثابت و الحراره فله و التكييف ثلاجه
دمت بود

وعليكم السلام ورحمة الله وبركاته
ياعنى رأى حضرتك أغير مروحة التبريد؟ وتكلفتها كام ؟
واركب تريموستات الكوعه ؟
طيب درجة تريموستات الكوعه كام زى بتاع المروحة بيشتغل عند 90 ولا درجة مختلفة ؟

[beshomilan]

ازيك ياسمسم واحشنى كتيييييييييييييير

صدقوني ده بيفرق جامد أوي في المشي على البطيء المر الي بيخلي الموتور بيسخن بسرعة !! و بالتالي الثرموستات كل شوية يقفل و يفتح المروحة بسرعات عالية !!

بس انا عندى المروحة بتشتغل عادى بسرعة عالية لما درجة الحرارة بتعلى..والترموستات متشالة

هو كان فيه حد من الاعضاء قال ان ميزة الترموستات انها بتحبس مية الريداتير بارده انما لو مش موجوده هتخلى المية الخضرا كلها سخنة لان مفيش عازل المتمثل فى الترموستات
ده حسب مافهمت مش عارف صح ولا غلط

سؤال ياسمسم..لزقت الرينجات اللى فى فانوس الشاهين دى بالشمع ولا بايه؟؟؟لحن بعد ماتعملت بالشمع واحده وقعت وبقى منظر الفانوس عار :(

[saadelden]

نفسي اعرف المصريين مش مقتنعين بترموستات الكوع ليه ؟؟

كل ما افكر اركبه و اظبط دوره الميه الميكانيكي يتخانق معايا و يقولي العربيه هتسخن و هتشيله بردو !!
الفكره هنا ايه الصح ؟

[Elawany13]

نفسي اعرف المصريين مش مقتنعين بترموستات الكوع ليه ؟؟

كل ما افكر اركبه و اظبط دوره الميه الميكانيكي يتخانق معايا و يقولي العربيه هتسخن و هتشيله بردو !!
الفكره هنا ايه الصح ؟

نفس الكلام بيحصل معايا

[smsm_nabawy]

ازيك ياسمسم واحشنى كتيييييييييييييير

بس انا عندى المروحة بتشتغل عادى بسرعة عالية لما درجة الحرارة بتعلى..والترموستات متشالة

هو كان فيه حد من الاعضاء قال ان ميزة الترموستات انها بتحبس مية الريداتير بارده انما لو مش موجوده هتخلى المية الخضرا كلها سخنة لان مفيش عازل المتمثل فى الترموستات
ده حسب مافهمت مش عارف صح ولا غلط

سؤال ياسمسم..لزقت الرينجات اللى فى فانوس الشاهين دى بالشمع ولا بايه؟؟؟لحن بعد ماتعملت بالشمع واحده وقعت وبقى منظر الفانوس عار :(

بييييششووو !! عامل أيه ؟؟ :)) يا أخي الواحد مش بيشوفك على المنتدى كتير ليه ؟؟

بص بقا حسب فهمي للموضوع ده !! كنت عند واحد بتاع ردياتير ،، و الصبي بتاعه كان بيتكلم عن الثرموستات ،، و قلتله لخصلي الموضوع !!

هو فهمني أن في اتنين ثرموستات !! و الاتنيين مفيش ولا واحد فيهم بيقيس درجة الموتور الاتنين بيقيسو درجة المياه ،، واحد بيقيس الي في الردياتير !! و التاني بيقيس الي طالعه من الموتور ،، او الي داخله ،، مش فاكر بظبط !!

المهم ثرموستات المروحة ،، بيكون مسؤل عن تشغيل و قفل المروحة نفسها !! على حسب درجة حرارة الردياتير ،، هوا ده الي أنت ممكن تغيره و تجيب واحد بيقيس درجة أقل أو لا !! بمعنى أنك ممكن الي عندك بيشغل المروحة على 90 درجة ،، انت ممكن تجيب واحد يشغل المروحة على اقل ،ن و ده مش حيضر الموتور !!

التاني بتاع الكوع ،، ده بيقيس درجة حرارة المياه الي في تلامس مع الموتور !! بالتالي هي أقرب قيمة لدرجة الموتور !! و هو ده الي درجة الحرارة الي بيقيسها بتبان عندك في التابلوه !!
هو ده الي لو أنت غيرته و جبت واحد غير مواصفات المصنع بيكون غلط !!
أما عن وظيفته ،، هوا قالي أن هوا ده ببساطة الي بيعمل على تاكيد ان درجة حرارة المياه الي في ردياتير و طالعه منه مناسبة لبلوك الماتور ولا ؟؟ و كمان بيتاكد من درجة حرارة المياه الي طالعه من الموتور عالية اوي ولا !!

قالي في بعض العربيات ممكن الثرموستات ده يتجاوز ثرموستات المروحة !! و يفتح المروحة بنفسه ،، بدون الرجوع لثرموستات المروحة !! علشان لاقدر الله كان بتاع المروحة بايظ ولا حاجة !! بمعنى الي فهمته منه

ان واحد خاص بالمروحة بس ،، و التاني "بتاع الكوع" ماستر عليه !!

و يا ريت الناس الي فاهمة أوي بقا تأكدلنا الموضوع ده و تقولنا رأيها فيه
================
اما لحكاية الرينجات ،، انا ملزقها بمادة كده ،، عشفافة ،، عبارة عن خليط بين ماديتن ،، التنين محطوطين في أنبوبتين منفصلين و ليهم نفس المكبس !! واحد أصفر و التاني شفاف ، و لما يتخلطو مع بعض يدو سائل لزج اوي أصفر فاتح شفاف ،، و لما بيلزق ،، بيبقى أعوزو بالله !! شبه الصخر !!
حتلاقيه عند الكهربائين الكبار

نفسي اعرف المصريين مش مقتنعين بترموستات الكوع ليه ؟؟

كل ما افكر اركبه و اظبط دوره الميه الميكانيكي يتخانق معايا و يقولي العربيه هتسخن و هتشيله بردو !!
الفكره هنا ايه الصح ؟

[color="rgb(65, 105, 225)"]
الصح اللي العربية نازلة بيه من مواصفات المصنع نفسه !! الي هيا ب 2 ثرموستات واحد قبل المروحة و التاني قبل الماتور [/color]

[beshomilan]

اما لحكاية الرينجات ،، انا ملزقها بمادة كده ،، عشفافة ،، عبارة عن خليط بين ماديتن ،، التنين محطوطين في أنبوبتين منفصلين و ليهم نفس المكبس !! واحد أصفر و التاني شفاف ، و لما يتخلطو مع بعض يدو سائل لزج اوي أصفر فاتح شفاف ،، و لما بيلزق ،، بيبقى أعوزو بالله !! شبه الصخر !!
حتلاقيه عند الكهربائين الكبار

مرسى سمسم للرد..بس اسمها ايه الماده دى وبكام

[smsm_nabawy]

مرسى سمسم للرد..بس اسمها ايه الماده دى وبكام

العفو ،، و بامانة مش فاكر أسمها بالظببط !! و لا سعرها ،، لكن سعرها لا يتعدى ال 15 جنيه