مشكلة كبيرة جدا وانا مش لاقى غيركم تساعدونى

[beshomilan]

انا عربيتى اكسيل 1500 حالة الماتور كويسة ودايما بحط شل الاصفر بس دايما كانت طبة الزيت بتنقط نقط صغيرة جدا وكل ما اركن العربية ارجع الاقى العربية تحتها زيت على حسب مده الركنة..والميكانيكى قفلهالى قبل كده كويس جدا وفضلت تنقط برضه بعدها بس اقل من الاول..لسة مغير زيت وفلتر من 2000 كيلو او شهر ونص كده

المهم..سافرت اسكندرية انبارح الصبح وقبل ماسافر بصيت على مؤشر الزيت كان على الماكسيمم عادى بس كان الزيت مسود شوية بس كان لسة بلزوجته..وبعد ماوصلت ركنتها وبعد يوم نزلت ابص على مؤشر الزيت لقيته على المينمم!!!

مش عارف الزيت راح فين؟؟مش معقول نقط كله وانا راكنها يوم؟؟

العربية مبتدخنش ومبتسخنش اطلاقا ومؤشر الحرارة اقل من النص دايما والشكمان العادم بتاعه شفاف وملوش لون..
ومكانتش المية بتقل ابدا لحد اسبوعين كده لما سلكت الريداتير بدات تقل بس بصورة بسيطة

ارجوكم انا دلوقتى فى اسكندرية بصيف مع اسرتى ومعرفش حد هنا اطلاقا والميكانيكى بتاعى فى القاهرة ومش عارف اتصرف ازاى وايه الحل المؤقت لكده والمشكلة دى من ايه؟؟؟؟
ارجوكم انا حزين اوى ومهموم ومستنى ردكم بسرعة

[windofchange]

اعتقد والله اعلم يا بيشو ان الطبة مش بتنقط بس وهي واقفة لأ وهي دايرة برده بتنشع زيت وطبعا مش هتاخد باللك منه وانت ماشي يعني بتنقط او بتنشع او مع سخونية الزيت بتبخر من تحت فتعمل اثر نشعة الحل دلوقت والله اعلم تغير الطبة بواحدة استيراد وتجيب جركن زيت جديد نفس النوع عشان مش هتغير الفلتر,وتركبها وتشوف نقطت وهي واقفة تاني يبقي تروح لخراط فاسكندرية محترم يعملك طبة اكبر تقريبا هو هيتصرف وياريت طبع حد من رجالة اسكندرية يقلنا علي مكان خراط كويس وترجع بالسلامة ان شاء الله

[mrastra]

اخى الكريم اذا كانت الطبة بتنقط زيت وهى واقفة ما بالك بقى وهى ماشية اكيد هاتنقط اكتر نتيجة للضغوط الموجودة داخل الكرتيرة
انت صيف واتبسط تمام التمام واما ترجع بالسلامة تفك الطبة وتحط تحتها وردة نحاس

[ahmedhawas]

طالما انك بتقول الموتور سليم ، والشك كله في الطبة.
فالحل المؤقت : هات كيلو زيت شل من أقرب بنزينة
وحافظ على مقياس الزيت دايما فوق ال min لحد ما ترجع بالسلامة من المصيف.

[beshomilan]

عتقد والله اعلم يا بيشو ان الطبة مش بتنقط بس وهي واقفة لأ وهي دايرة برده بتنشع زيت وطبعا مش هتاخد باللك منه وانت ماشي يعني بتنقط او بتنشع او مع سخونية الزيت بتبخر من تحت فتعمل اثر نشعة الحل دلوقت والله اعلم تغير الطبة بواحدة استيراد وتجيب جركن زيت جديد نفس النوع عشان مش هتغير الفلتر,وتركبها وتشوف نقطت وهي واقفة تاني يبقي تروح لخراط فاسكندرية محترم يعملك طبة اكبر تقريبا هو هيتصرف وياريت طبع حد من رجالة اسكندرية يقلنا علي مكان خراط كويس وترجع بالسلامة ان شاء الله

اشكرك استاذى اوى اوى للرد السريع ..بس انا عايز اعمل كل ده وانا فى القاهرة عشان اعرف كذا حد ممكن يساعدنى انما هنا انا يومين تلاته وماشى فمش عارف اعمل ايه؟؟
عايز حل سريع لحد ما ارجع القاهرة

اخى الكريم اذا كانت الطبة بتنقط زيت وهى واقفة ما بالك بقى وهى ماشية اكيد هاتنقط اكتر نتيجة للضغوط الموجودة داخل الكرتيرة
انت صيف واتبسط تمام التمام واما ترجع بالسلامة تفك الطبة وتحط تحتها وردة نحاس

اشكرك استاذى اووى ويارب بس المصيف يعدى على خير..بس انا عايز احط زيت شل 1000 كيلو مثلا او اى زيت 1000 كيلو اى نوع تانى زى التعاون او موبيل يرجعنى القاهرة واروح للميكانيكى بتاعى واتصرف بس ارجع بس

[beshomilan]

طالما انك بتقول الموتور سليم ، والشك كله في الطبة.
فالحل المؤقت : هات كيلو زيت شل من أقرب بنزينة
وحافظ على مقياس الزيت دايما فوق ال min لحد ما ترجع بالسلامة من المصيف.

اشكرك استاذى للمساعده
بس للاسف انا معرفش بنزينات شل هنا فين ولا اى بتاع زيوت هنا

هو لازم احط زيت شل ولا ممكن احط التعاون او موبيل او اى نوع اخر؟؟؟
واجيب بالكيلو ولا اجيب زيت 1000 كم واحطه؟؟

[A.Saad]

متخلطش زيت على زيت
متحطش التعاون على شل
ولا حتى شل 5000 على 10000
اسال على بنزينة شل كويسة وهات منها
ومتجبش من محلات زيوت لانها اكبر مصدر للزيوت المغشوشة

[beshomilan]

متخلطش زيت على زيت
متحطش التعاون على شل
ولا حتى شل 5000 على 10000
اسال على بنزينة شل كويسة وهات منها
ومتجبش من محلات زيوت لانها اكبر مصدر للزيوت المغشوشة

اشكرك استاذى العزيز للرد

ولكن هناك مشكلة وهى انى هشترى زيت شل الاصفر ب 115 وهحطه وعلى ما اوصل هيكون مش موجود زى اللى قبله يبقى انا كده خسرت 115 جنيه عشان مشوار 220 كيلو بس؟؟؟
ياترى ايه الحل الارخص؟

[romieh]

انت متأكد ان العربية كانت واقفة فى مستوى مظبوط وقت قياسك المرتين؟؟؟

لانى شاكك ان العربية كانت مايلة وقت القياس الاول

لانك قولت ان الطبة بتنقط

وبعدين قولت ان الزيت قعد 2000 كيلو ومع ذلك الزيت مانقصش

لازم لما تكشف على مستوى الزيت تكون العربية واقفة على سطح مستوى مش مائل

اما بخصوص موقفك دلوقتى فدور على بنزينة شل فى اسكندرية (وأظن ان اخواتنا فى اسكندرية ممكن يفيدوك بالموضوع ده)

واشتر منهم جركن واحد كيلو (مش عارف الاصفر فيه منه واحد كيلو ولا لا)

عموما لو مالقتش شل الاصفر واحد كيلو اشترى الاحمر

وزود الزيت وامشى بيه لحد القاهرة لحد لما تظبط العربية وبعدين غير الزيت كله

[essamenen]

هو فى اثار للزيت او تنشيع غير مكان الطبه وخرطوم الفايظ فيه نفخ هواء ولا لا

[mohamed_e36]

ممكن يكون الزيت بيمشي 2000 كيلو وبيفقد لزوجته بعد كده ومع سفرك والمشوار الطويل اللي انته مشيته الزيت بقا يتبخر لانه فقد لزوجته وغير كده بقا سهل انو يتسرب من الطبه برضو بسبب موضوع الزوجه ده
طبعا انا مش عارف ايه السبب بس بحاول افكر معاك

[mrghost]

طالما انك بتقول الموتور سليم ، والشك كله في الطبة.
فالحل المؤقت : هات كيلو زيت شل من أقرب بنزينة
وحافظ على مقياس الزيت دايما فوق ال min لحد ما ترجع بالسلامة من المصيف.

+11111111111111111

[beshomilan]

انت متأكد ان العربية كانت واقفة فى مستوى مظبوط وقت قياسك المرتين؟؟؟

لانى شاكك ان العربية كانت مايلة وقت القياس الاول

لانك قولت ان الطبة بتنقط

وبعدين قولت ان الزيت قعد 2000 كيلو ومع ذلك الزيت مانقصش

لازم لما تكشف على مستوى الزيت تكون العربية واقفة على سطح مستوى مش مائل

اما بخصوص موقفك دلوقتى فدور على بنزينة شل فى اسكندرية (وأظن ان اخواتنا فى اسكندرية ممكن يفيدوك بالموضوع ده)

واشتر منهم جركن واحد كيلو (مش عارف الاصفر فيه منه واحد كيلو ولا لا)

عموما لو مالقتش شل الاصفر واحد كيلو اشترى الاحمر

وزود الزيت وامشى بيه لحد القاهرة لحد لما تظبط العربية وبعدين غير الزيت كله

اشكرك استاذى للافاده وانا فعلا قيسته على سطح شبه مستوى بس نسبة ميله خفيفه جدا تكاد لا تذكر..مش معقول هيوصلهالى للمينمم..رغم كمان للتاكيد انا قيستها فى كذا مكان مختلف وطلعت نفس المقياس
المشكلة ان مفيش حد من اسكندرية قاللى اماكن بنزينات شل خالص

هو فى اثار للزيت او تنشيع غير مكان الطبه وخرطوم الفايظ فيه نفخ هواء ولا لا

اشكرك للرد استاذى بس على ما اعتقد ان دايما بحس ان حوالين الفتحة اللى بحط منها الزيت فى الماتور حواليها مزحلقة كده ومندية بزيت بس دى حاجة خفيفة جدا لاتذكر بس مبتزيدش رغم انى مغير الغطا بتاع الفتحة دى بواحد من قريب اصلى..
بس مش عارف ايه خرطوم الفايظ ده؟؟ومكانه فين؟؟

[beshomilan]

ممكن يكون الزيت بيمشي 2000 كيلو وبيفقد لزوجته بعد كده ومع سفرك والمشوار الطويل اللي انته مشيته الزيت بقا يتبخر لانه فقد لزوجته وغير كده بقا سهل انو يتسرب من الطبه برضو بسبب موضوع الزوجه ده
طبعا انا مش عارف ايه السبب بس بحاول افكر معاك

اشكرك استاذى العزيز لمساعدتك ليا
بس معقول زيت شل الاصفر 5000 يقعد 2000 كيلو بس؟؟؟
بس اتمنى تكون المشكلة الزيت او الطبة..ومتكونش حاجة تانى :(

اشكرك استاذى mrghost للرد

بس سؤال:
انا لما قيست الزيت وكان مينمم خرجت بالعربية مشوار 5 دقايق ورجعت..مش المفروض مع نقص الزيت ده او شبه عدم وجوده نهائيا لمبة ضغط الزيت اللى فى التابلوه تنور؟؟؟ولا عادى؟؟
هى منورتليش خالص وانا خدت بالى من كده اوى..ده معناه ايه؟؟

[essamenen]

خرطوم الفايظ ده خرطوم جاى من الماتور الى العمه الى فوق الكربراتير شيله من الناحيه الى راكبه فى العمه وشغل العربيه وشوف فيه هواء بيخرج ولا لا ولون الهواء ايه
لو فيه هواء فقط يبقى الماتور بدء يخف فى مرحلته الاولى ( انا اسف )( ده بيسموه الماتور بينفخ ) وحتى لو مافش دخانه شيله وسيبه مش راكب وشوف فى زيت ولا لا