مشكلة كبيرة جدا وانا مش لاقى غيركم تساعدونى

[beshomilan]

خرطوم الفايظ ده خرطوم جاى من الماتور الى العمه الى فوق الكربراتير شيله من الناحيه الى راكبه فى العمه وشغل العربيه وشوف فيه هواء بيخرج ولا لا ولون الهواء ايه
لو فيه هواء فقط يبقى الماتور بدء يخف فى مرحلته الاولى ( انا اسف )( ده بيسموه الماتور بينفخ ) وحتى لو مافش دخانه شيله وسيبه مش راكب وشوف فى زيت ولا لا

اشكرك استاذى للافاده..وانا هعمل كده واشوف الاخبار ايه وربنا يستر

بس محدش جاوبنى على سؤالى..
انا لما قيست الزيت وكان مينمم خرجت بالعربية مشوار 5 دقايق ورجعت..مش المفروض مع نقص الزيت ده او شبه عدم وجوده نهائيا لمبة ضغط الزيت اللى فى التابلوه تنور؟؟؟ولا عادى؟؟
هى منورتليش خالص وانا خدت بالى من كده اوى..ده معناه ايه؟؟

[essamenen]

علامه المينمم ديه مش معناها ان مفيش زيت خالص وده الحد الى مش لازم ينزل عنه المقياس, اللمبه بتنور لما الزيت يكون خفيف جدا او او طرمبه الزيت ضعيفه او مش شغاله او مفيش زيت خالص اوكميته صغير ( اقل من المينيمم) مكن العربيه تمشى بواحد ك بس العربيه هتسخن لان الزيت مبيلحقش يبرد

[ahmedhawas]

علامه المينمم ديه مش معناها ان مفيش زيت خالص وده الحد الى مش لازم ينزل عنه المقياس, اللمبه بتنور لما الزيت يكون خفيف جدا او او طرمبه الزيت ضعيفه او مش شغاله او مفيش زيت خالص اوكميته صغير ( اقل من المينيمم) مكن العربيه تمشى بواحد ك بس العربيه هتسخن لان الزيت مبيلحقش يبرد

111111111111+
الله ينور ... كلام مظبوط 100%
وفعلا ممكن العربية تكون ماشية بلتر واحد فقط زيت ولمبة الزيت منورتش (أو بتلمحها بتنور لحظيا في المطبات والفرملة والطرق المايلة) - وده معناه ان الموتور (يا بيسرب زيت ، يا بيحرق زيت).

[beshomilan]

اشكرك استاذى عصام واستاذ احمد للرد

بس من رايكوا احط زيت موبيل اللى ب 14 جنيه اللتر لحد موصل للقاهره؟؟ولا زيت التعاون 1000 كيلو مؤقتا لحد القاهرة لو ملقتش شل كحلول رخيصة ومؤقته ؟؟ينفع ولا ايه؟؟

[essamenen]

ممكن تزوت اى نوع نش هتفرق بعض الاعضاء قالو لازم يكون نفس النوع بس انا شايف انه مش هتفرق هات جركن 4 لتر او 5 وزوده وخليه معاك فى العربيه وكل شويه تتاكد من مستوى الزيت وتزوده وخد بالك علشان ما الموضوع مايكبرش لاقدر الله

[abo_kanze]

ممكن تزوت اى نوع نش هتفرق بعض الاعضاء قالو لازم يكون نفس النوع بس انا شايف انه مش هتفرق هات جركن 4 لتر او 5 وزوده وخليه معاك فى العربيه وكل شويه تتاكد من مستوى الزيت وتزوده وخد بالك علشان ما الموضوع مايكبرش لاقدر الله

+111111111

وان شاء الله ترجع بالسلامه

[fvks]

اسرع حل وهو حل مؤقت

حضرتك تفك الطبة ونتزل الزيت في اي حاجة
تمسك الطبة وتلف من نصها لغاية الاخر نحية راس الطبة فتلة بس بلاش يكون الف يكون سمكه كبير اوي حاجة في المعقول
اربط الطبة رجع الزيت وشوف .
وصيف ياريس منغير متقلق :b4_033:

[smsm_nabawy]

و العربية دايرة ،، ضغط الزيت على الطبة بيزيد ،، و لو الطبة بتنقط في العادي يبقى مع المشي حتسرب برده !!

عامةً يا بيشو زي مقلتلك كده !! صحابي أنا كتبتلهم على الفايس بتاعهم علشان كله موبايله مقفول و مستني اجابتهم :((

هو انا للأسف معرفش في الهانوفيل اوي ، "مرحتهاش غير مرتين" بس أنا فاكر أن في بنزينه كبيرة على أول شارع الهانوفيل ،، دي كان جنبها ميكانيكي كويس !!

عامةً أستنى لحد بكره الصبح أشوف أصحابي بس حد منهم يصحى :)

[smsm_nabawy]

حط التعاون ،، والله أحسن من شيل !!

و أرخص كمان

ملكش دعوة بلون الزيت !! ليك دعوة بالأداء !! و اللزوجة !!

[beshomilan]

اشكركم للردود الفعاله وانا هحاول احط التعاون لانه ارخص واحد
بس معرفش اسعاره الصراحة لانى عمرى ماحطيته
يعنى التعاون ال 1000 كيلو ينفع عندى لحد ما اوصل ولا لا وبكام ولون جركنه ايه؟؟
او لو فيه منه بالكيلو يبقى بكام؟؟

وشكرا جدا يا اخواتى ودعيتلكوا كلكوا ربنا يكرمكوا عشان وقفتوا جنبى بجد لما احتجتكوا

[smsm_nabawy]

أنت متصلتش لييييييه ! :)

[smsm_nabawy]

الموضوع ده فيه صورة ،، في تاني رد بظظبط ،، بتقول الأسعار

و أقراه كمان علشان مفيد

http://www.nilemotors.net/Nile/229297-a.html

[beshomilan]

اشكرك يا سمسم اوى على كل اللى قدمتهولى وساعدتنى بيه وبجد مش عارف اقولك ايه وكفاية انك عطلت نفسك واستحملتنى وربنا يباركلك ويبارك لحسام ويقدركوا على مساعده الغلابة اللى زيي وربنا معاك فى امتحانك بكرة

واشكر كل الاعضاء اللى وقفوا جنبى فى محنتى وده مش غريب على نايل موتورز ابدا

انا جبت زيت توتال 3000 كيلو 4 لتر ب 64 جنيه ولسة هحطه يوم السفر الصبح بس خدت بالى ان مكتوب عليه 20w-50 غير شل الاصفر 5000 اللى مكتوب عليه 15w-50 وانا عارف ان ده مستوى اللزوجة فهل ده يفرق فحاجة ولا لا؟؟
وكان مكتوب على زيت توتل API SF/CD فهل ده مناسب ل عندى ولا لا؟؟

معلش ملاحظة:
انا خدت بالى ان علبة زيت شل القديمة اللى كنت حاططها وراحت فى الموضوع ده كان ممسوح من عليها تاريخ الانتاج وده من اول ماجبتها وخدت بالى من كده وكبرت دماغى فهل ده عادى ولا ايه وكنت جايبها من بتاع زيوت فى شبرا
وكمان شلت خرطوم الفايظ اللى واصل من الماتور للعمه ولقيته بيطلع دخنه بيضا غير مرئية ولاتذكر اطلاقا فهل ده مؤشر لحاجة ولا ايه؟؟

[essamenen]

كل انواع الزيوت بدرجاتها تنفع لسيارتك من اقل درجه الى اعلى درجه (لم اقصد درجه الزوجه انما الحرف الى بعد s حظرتك حطيت pli sf ) مفيش منه مشكله
نيجى للمهم
انا اسف للكلام الى هقلهولك
انا سئلتك عن خرطوم الفايض بيجيب هواء ولا لا ليه
لما يكون فيه هواء طالع وحضرتك تكبسه وتسد الخرطوم بايدك بيزداد الضغط داخل كارتيره الزيت وممكن تلاقى مقياس الزيت طلع من مكانه لانه لايوجد مكن للتننفيس او الضغط الزائد وعلشان كده لما بتحط الخرطوم بيزداد الضغط داخل كارتيره الزيت وبيخرج من اضعف حته
ممكن من الطبه
جوان كارتيره الزيت
جران غطاء التاكيهات
غطاء زيت الماتور
ده بيسمونه الماتور بينفخ والنفخ ده ياتى من عدم احكام طقم الشنبر مع الشميز وده معناته ان الماتور بدا يخف والدليل على ذلك الدخنه البيضاء وتظهر بشكل واضح بعد مشوار سخن فتلاقى خرطوم الفايض بيطلع دخنه بيضاء بس مفيش مشكله حاليا ممكن تبشى بيها ممكن سنه كمان ولا داعى للقلق بس تشيل خرطوم الفايظ من مكانه فى العمه علشان ميسربشى زيت من الحرك متغيرشى لا طبه ولا خلافه جرب بس خرطوم الفايض ده وبعدين قلنا عملت ايه
الموضوع مافهوش اى مشكله او ضرر صيف برحتك وماتشغلشى بالك بالعربيه بس ماتسهاش على الزيت
( انا اسف مره اخرى )
وتيجى بالسلامه

[beshomilan]

اشكرك استاذ عصام للافاده
بس انا كده لو شلت خرطوم الفايظ من العمه وسبته كده الزيت هيتبخر اسرع منه ولا ايه؟؟