سخونه عند الجرى فوق 80 لمده طويله

[khaled_sabry]

اخر مره سافرت فيها الاسكندريه قبل رمضان لاحظت و انا راجع ان العربيه بتسخن لما بزود فوق 80 كم
طبعا حتقولو دى مشكلة تاكيهات - انا كنت مظبط التاكيهات قبلها ب 4 اشهر تقريبا و سافرت بيها بعدها و ماكنشى فيه مشاكل
بس حسيت و الميكانيكي بيظبطهالى المره دى انها كانت متظبطه بالفعل و تعمدت اسأله ان كان فيه صبابات مفتوحه او مقفوله قالى "يعنى هما مش مظبطين " رغم ان لما كنت بظبطها عنده قبل كده يقعد يقولى عندك كام صباب مفتوح و كام صباب مقفول و يطنط و يعمل حركات ماعملهاش المره دى

فانا عندى احساس شببه يقين ان التاكيهات كده كده مظبطه
فايه الاحتمالات الاخرى اللى ممكن تخلى العربيه تسخن فى السرعات العاليه - ياريت تساعدونى بسرعه علشان حسافر بيها اسيوط فى العيد
ملحوظه : عندى مروحة الريداتير بقى صوتها عالى لما بتشتغل - بس هل تفرق على السرعات العاليه ؟؟

[saadelden]

انت مركب ترموستات الكوع ؟

[khaled_sabry]

انت مركب ترموستات الكوع ؟

ايه هى ثرموثتات الكوع دى و الاقيها فين ؟؟؟
انا بسمع ان فيه عربيات بيبقى فيها ثرموثتات علشان تقفل على دورة التبريد و مع القدم ممكن الثرموثتات دى تعلق ... بس ماعتقدشى انها عندى اصلا
بس ياريت تقولى هى مكانها بيبقى فين تقريبا

[khaled_sabry]

حضرتك تقصد الثرموثتات دى
[aldl]http://arrc.epnet.com/autoapp/8966/chiltonimages/8966/89663g43.gif[/aldl]
لا ماعنديش

[mohamed_selim]

العربيه بتسخن و تبرد و لا بتسخن على طول؟
مره حصلتلى بس كانت بتسخن دقيقه و المؤشر يعلى و تبرد فى لحظه و شويه تسخن تانى و هكذا و كانت المشكله نقص فى الزيت

[aboomar22]

اكشف على الشكمان لانه لو مسدود بيخلى العربية تشخن وخصوصا على السرعات العالية

[l0new0lf]

اكشف على منسوب الزيت و على طلمبه الميه

[khaled_sabry]

العربيه بتسخن و تبرد و لا بتسخن على طول؟
مره حصلتلى بس كانت بتسخن دقيقه و المؤشر يعلى و تبرد فى لحظه و شويه تسخن تانى و هكذا و كانت المشكله نقص فى الزيت

لا العربيه بتسخن و بتفضل سخنه و كانت بتبرد لما اقف بالعربيه 10 دقايق

اكشف على الشكمان لانه لو مسدود بيخلى العربية تشخن وخصوصا على السرعات العالية

اكشف عليه ازاى؟؟؟؟ عاوز اكشف عليه بنفسى

اكشف على منسوب الزيت و على طلمبه الميه

اكشف على طلمبة الميه ازاى ؟؟؟ عاوز اكشف عليه بنفسى ؟؟

[saadelden]

ايه هى ثرموثتات الكوع دى و الاقيها فين ؟؟؟
انا بسمع ان فيه عربيات بيبقى فيها ثرموثتات علشان تقفل على دورة التبريد و مع القدم ممكن الثرموثتات دى تعلق ... بس ماعتقدشى انها عندى اصلا
بس ياريت تقولى هى مكانها بيبقى فين تقريبا

كوع الميه عامل زي المشترك بيدخل فيه الخراطيم الي جايه من الرادياتير
المفروض الكوع دا بيبقى فيه ترموستات بتفتح و تدخل الميه بنسبه معينه حسب حراره الماتور
عشان تخلي درجه حراره الماتور ثابته و ع الطريق السريع المروحه عمرها ماهاتشتغل و الرادياتير هتفضل الميه جواه بارده و درجه حراره العربيه هتفضل ثابته

عموما انت بتقول المشكله دي ماكانتش موجوده ف اكشف ع التاكيهات تاني
و لو صوتها مسموع يبقى اكيد منها
راجع علي تقسيمه سير الكاتينه
اكشف علي طقم الكهربا و الاسبراتير كويسين ولا فيهم مشاكل ؟

[khaled_sabry]

ياريت تساعدونى بسرعه
المشكله لسه موجوده رغم ظبط التاكيهات
و لاحظت فى الزحمه العربيه بتبرد و عادى
لكن لما بجرى بيها بتسخن
و ملاحظ برضه انها مخنوقه شويه و عزمها قل

[A.Saad]

http://www.nilemotors.net/Nile/172088-a.html

http://www.nilemotors.net/Nile/227045-a.html#post3873586431

[khaled_sabry]

http://www.nilemotors.net/nile/172088-a.html

http://www.nilemotors.net/nile/22704...post3873586431

اللى استنتجته من الموضوعين دول ان الحل كان فى تغيير علبة الشكمان - انا بالفعل روحت لواحد بتاع شكمانات و اكدلى ان الشكمان سليم و مش مسدود
فى الحاله الثانيه تغيير الريداتير : الريداتير مافيهوش صداء عندى بس ممكن بكره اروح اسلكه ... لكن تغييره صعبه اليومين دول

[saadelden]

سلكه و اكشف علي طرمبه الميه و الرادياتير مفكوك

و حاول تحط ميه خضرا لان من خواصها سرعه التبريد
يعني بتفقد حرارتها بسرعه عن الميه العاديه

بس الاول اكشف علي الدوره عندك فيها تسريب ولا لا و ظبطها تمام و بعدين حط ميه خضرا

[smsm_nabawy]

متابع

[Egyzizo]

على فكــرة المشكلة دى من أغلس المشاكل اللى بتقابل صاحب عربية ..
ومن متابعتى ليها فى مواضيع كتير لأصحاب نفس المشكلة (العربية تسخن لما تجرى وفى الزحمة كويسة) ، مالقيتش حد حلها (حوالى من خمس إلى سبع مواضيع هنا وفى منتديات أخرى).

والمشكلة دى عندى على فكرة بقى لها سنة (العربية 128) ويأست من حلها.