ابراهيم بتاع الكاربيراتير ( شبرا )

[tifalol]

يا جماعه هو مكانه فين بظبط انا من مدينة نصر ممكن اجي من كوبري اكتوبر و هل هو كويس فعلا ولا لا
اصل الناس كلها بتشكر فيه هنا
عشان عايز اظبط حاجات بشم ريحة بنزين ني من الشكمان و جوه الكابينه فالناس قالتلي كاربيراتير
مع العلم شيكت على كل الخراطيم و مافيش حاجه ؟

[Eng.Geo]

انا مجربه
ممتاااااااز
هتنزل نزلة شبرا من كوبري أكتوبر
تنزل وتلف تبقي في نفق أحمد بدوي
هتفضل ماشي لغاية ما يقابلك شارع الترعة بالعرض ... هو اتجاهه يمين بس
هتخش يمين وتمسك شمال
هتلاقي خير زمان علي شمالك
هو بقي في الحارة اللي لازقة فيه علي طول
هتخش الحارة تلاقي عربيات راكنة وفاتحة كبوتها
دور علي ركنة بسرعة :)
بس روح بدري عشان هو بالدور
لو رحت 10 هتاخد الكربراتير الساعة 5
حسب الزباين
بس تروح تسيب العربية تبرد شوية وتخلي ميكانيكي يحللك الكربراتير بسرعة
لازم طبعا تقوله في مشكلة عندك ايه بالظبط

[magid1010]

انا مجربه
ممتاااااااز
هتنزل نزلة شبرا من كوبري أكتوبر
تنزل وتلف تبقي في نفق أحمد بدوي
هتفضل ماشي لغاية ما يقابلك شارع الترعة بالعرض ... هو اتجاهه يمين بس
هتخش يمين وتمسك شمال
هتلاقي خير زمان علي شمالك
هو بقي في الحارة اللي لازقة فيه علي طول
هتخش الحارة تلاقي عربيات راكنة وفاتحة كبوتها
دور علي ركنة بسرعة :)
بس روح بدري عشان هو بالدور
لو رحت 10 هتاخد الكربراتير الساعة 5
حسب الزباين
بس تروح تسيب العربية تبرد شوية وتخلي ميكانيكي يحللك الكربراتير بسرعة
لازم طبعا تقوله في مشكلة عندك ايه بالظبط

ممكن تقولنا هوا فين
ط´ط§ط±ط¹ ط§ظ„طھط±ط¹ط© ط§ظ„ط¨ظˆظ„ط§ظ‚ظٹط©

[Eng.Geo]

هنا تقريبا
Wikimapia - Let's describe the whole world!

الخريطة مش موضحة قوي
بس هو في الشارع اللي جنب خير زمان

[sailoreng]

طيب انا كنت عايز اسئل هو بيظبط الكربراتير بعد مبيتفك وبيركبة وبيظبطة فى العربية ولا بيظبطة برا العربية وخلاص وكمان المكيناكى الى بفك الكربراتير جنبة ولا بعيد .

[tifalol]

هو بيتعامل مع ميكانيكي جنبه هيفكلك الكاربيراتير و يدهولك في ايدك
تروح مديه لابراهيم ابراهيم هيخده و يديك معاد 5 او 7 بليل فعمل حسابك هتسب العربيه
تحاسب ابراهيم تاخد الكاربيراتير ياخده منك الميكانيكي يركبه
و يظبط في و هو راكب و تحاسب الميكانيكي لوحده
بس و تروح بقى

[sailoreng]

شكرا ياباشا على الرد طيب الكربراتير اظبط بعد كدة ولا اية وهيا كانت العربية بتعمل معاك اية قبل ماتعمل الكربراتير وابراهيم خد منك كام والميكانيكى خد كام علشان اعمل حسابى وتسلم ياباشا معلش على الاسئلة الكتير اصلى انا زهئت من الكربراتير والصنايعية بتوعة ارفونى.

[tifalol]

هو هيقولك كام انا خد مني 130 و هتجيب الفلوس و انت بتستلم و الميكانيكي 15 جنيه برضه و هو بيركبهلك هتحاسبه
بس هو كويس و هيظبطلك الدنيا ان شاء الله

[aboomar22]

خد الكربراتيور مفكوك وريح دماغك وروح شغلك مثلا وانت راجع عدى عليه خدوا وروح للميكانيكى بتاع يركبه ويظبط الهواء وخلاص انا بعمل كده بس مش معى الحاج ابراهيم احنا فيه واحد عندنا فى فيصل مش وحش وباخد الكربراتير بعد ساعتين وهى مسالة حظوظ على فكرة يعنى ممكن ورشه يبقى فيها ثلاث صنايعية ولا اربعة 2 ممتازين وواحد كويس وواحد على قده انت وحظك مين هيشتغل فيه حتى الاكويس احيانا بيبقى برضه حظوظ انا مره روحت لواحد فى المريوطية وكان المشكله ان اول دوسه بنزين تقيله قالى دى بوابه عايزة تتنظف وهعملك اكس وباب بالمرة هتظبط معاك قوى قلتله ماهو كويس قالى لا دا انت هتشوف وهاخد علشان خاطرك 100 جنيه من بعدها الكاربراتير قرفنى واشتريت واحد بعدها استيراد

[estemalek]

انا لسه جاى من عنده غيرلى باب و فك الكربراتير مسمار مسمار و نضفه كويس بس لسا مجربتش
بس من الواضح ان هما عاملين نفسهم دكاترة و بيفتوا اكنهم هما اللى مخترعين اى كربراتير فى الدنيا
عموما هجرب و اقولكم ايه الاخبار

[sailoreng]

ياريت يا كبير تجرب وتقولى علشان انا زهئت من الكربراتير وعاميلة والف شكر.

[egyptiandiver]

بيت ناس قرايبنا جنب ابراهيم كربرتور د و هو مشهور أوي و ديماً عندو عربيات غالية و كبيرة ذي مرسيدس و كتير من العربيات بتبئة جية من الخليج

[estemalek]

بعد تجربه لمدة يومين مفيش اى فرق
استهلاك البنزين عالى و العربية مش مظبوطة شويه تعلى و شويه توطى
و كله كوم و الدكتور ابو بالطو اللى عنده مش مقطنع ان فى حاجة اسمها علايه للماتور بتاعة الاوتو زى بتاعه التكييف و بصلى و بكل ثقة بيقوللى مافيش حاجة اسمها علايه للاوتو انا طول عمرى بصلح كربيترات و عمرى ما شفت علايه للاوتو طبعا الكلام دا هبل و شغل صنايعية مصريين لان العلايه كانت شغاله لغاية قبل ما ارحلهم
و بالنسبة للاخ egyptiandiver متتخدعش بكميه العربيات اللى عندو ماهو ممكن تكون العربيات دى بقالها شهور كل شويه يرحولو علشان يظبط حاجة و هوا مش عارف.
هوا مشكلته انه مش بيظبط الكربراتير على العربيه هوا بينظفوا و يقولك ارجع للميكانيكى يركب و يظبطهولك ترجع للميكانيكى يقولك الكربيراتير دا مش مظبوط
عموما هعدى عليه تانى يمكن يعرف يظبطها و لو معرفش هستعوض ربنا فى الفلوس اللى اخدها و اشترى كربراتير جديد و امرى لله لاننى مش فاضى كل مرة اروحله و اضيع اليوم عنده

[egyptiandiver]

ربنا يعمللك الصالح

[Eng.Geo]

بعد تجربه لمدة يومين مفيش اى فرق
استهلاك البنزين عالى و العربية مش مظبوطة شويه تعلى و شويه توطى
و كله كوم و الدكتور ابو بالطو اللى عنده مش مقطنع ان فى حاجة اسمها علايه للماتور بتاعة الاوتو زى بتاعه التكييف و بصلى و بكل ثقة بيقوللى مافيش حاجة اسمها علايه للاوتو انا طول عمرى بصلح كربيترات و عمرى ما شفت علايه للاوتو طبعا الكلام دا هبل و شغل صنايعية مصريين لان العلايه كانت شغاله لغاية قبل ما ارحلهم
و بالنسبة للاخ egyptiandiver متتخدعش بكميه العربيات اللى عندو ماهو ممكن تكون العربيات دى بقالها شهور كل شويه يرحولو علشان يظبط حاجة و هوا مش عارف.
هوا مشكلته انه مش بيظبط الكربراتير على العربيه هوا بينظفوا و يقولك ارجع للميكانيكى يركب و يظبطهولك ترجع للميكانيكى يقولك الكربيراتير دا مش مظبوط
عموما هعدى عليه تانى يمكن يعرف يظبطها و لو معرفش هستعوض ربنا فى الفلوس اللى اخدها و اشترى كربراتير جديد و امرى لله لاننى مش فاضى كل مرة اروحله و اضيع اليوم عنده

روحله تاني
هو بنفسه اللي هيعملهالك