ابراهيم بتاع الكاربيراتير ( شبرا )

[aboomar22]

لو عربيتك كربراتيرها متوافر استيراد بسعر معقول هات واحد على طول اما لو غالى خلاص ما باليد حيله عموما مهما كانت الورشه كويسة احيانا بتبقى حظوظ ما هوانت مثلا بتتعامل مع ميكانيكى احيانا يظبط الموتور ويبقى 10/10 واحيانا يبقى مش مظبوط وترجع له يقولك لا دا مظبوط 100/100

[sailoreng]

انا كنت متوقع كدة يااخ estemalek لان كلهم حرامية مبيعرفوش يظبطو حاجة هو الحل زى ما الباشا قال لما الكربراتير يقرفك هات واحد استيراد وريح بالك وشكلى انا هعمل كدة وكلامك صح بالنسبة لل اوتو الى بيعلى العربية فى عربيات بيبقى فيها سخان فى الكربراتير وفية عربيات بيبقى فيها اوتو بيشتغل الصبح والعربية بردة او لما العربية تبرد اوى ويفصل لوحدة اما السخان لازم تدوس دوسة على دواسة البنزين علشان يشتغل وكمان علشان يفصل .

[zkralla]

الراجل ده كتور فعلا وحضرتك ارجعله تانى هيظبط المشكلة
لكن فعلا هو خراط صنايعى جدا وبيجلوا ناس من كل انحاء مصر ومسمعتش عن حد بيعرف يظبط الكربراتير زيه

[estemalek]

انا رحتلهم النهاردة على الساعة 2 و للاسف معامله زى الزفت و بيزحلقنى و يقوللى خللى الميكانيكى بتاعك يشوفهالك او الكهربائى اصل الحاج مش هنا و هيجى على الساعة 6 نظام كل الصنايعية المعفنين اخد الفلوس و مش مهم سمعته و طبعا مشيت

بالنسبة للاخ sailoreng انا اللى بتكلم عليه علايه فى الكربراتير للفتيس الاوتو علشان يعوض حمل الفتيس اللى اتزود على العربية زى علاية التكييف و النور و احيانا الباور لكن اللى انت قصدك عليه اسمه سخان علشان العربية تسخن بسرعة و دا بيخللى العربية تحرق بنزين اكتر من الهوا يعنى بيقفل بوابة الهوا شوية لما العربية تكون باردة

المشكلة اللى عندى ان الفتيس مش بينقل 1-2-3 غير لما علايه الاوتو تشتغل و دا بيحصل لما اخد مشوار حلو بالعربية غير كدا بنقل على ال D بتاخد 3 و تمشى فى الجزمة لحد ما السرعة توصل ل 60-70 تبتدى تشد

عموما هرحله يوم الاثنين لاخر مرة لو مظبطهاش هروح اشترى واحد استيراد و امرى لله و هستعوض ربنا فى اللى اخده بس اللى هيسألنى علي الورشة دى تانى هقوله بصراحة على اسلوبهم الزبالة

[elshweakh]

متابع معاك
لانى من سوهاج وناس بعتانى لابراهيم ده ومهم عندى اعرف هو كويس و لا لا
لان مش عندى استعداد اضرب مشوار ده كله وف الاخر يطلع مش كويس
وفى ناس قالتلى كمان على مركز الصفا الى ف جسر السويس كويس ارجوكم قولولى مين احسن

[mido51eg]

انا جربت تصليح الكربراتير في العربية الريتمو القديمة (كربراتيرها كان 2 باب والعربية 1500 سي سي). العربية كانت بتشرب البنزين شرب وبتهبب البوجيهات والميكانيكي غلب معايا بروحله تقريبا كل يوم وبغير بوجيهات مرة كل اسبوع. وصف لي ابراهيم ده وقالي هياخد منك حوالي 100 جنيه. الحقيقة مارضيتش اروحله علشان مكنش عندي ثقة انه هيعرف يصلحه رحت نازل على الوكالة وروحت اشتريت كربراتير واحد باب بالعمة والمنافولد بتوعه بـ 220 جنيه وروحت ركبتهم. العربية بقت بتعد زي الساعة ... اطلع اجرب الاقي سحب ونعومة مكنتش اتخيلها. العربية دي بعد الكربراتير الجديد كانت بتعمل 200 كيلو في الصفيحة جوه البلد برغم انها 1500. نصيحة لو الكربراتير استيراد سعره قريب هاته احسن وارحم نفسك من قصة التصليح دي.

[zastaffa]

يا جماعه والنبي لازم تعرفوا أن الراجل بتاع شبرا ده أخره يعمل أكس وباب مش أكتر
فلو أنت واثق أن الكاربيراتير بتاعك محتاج أكس وباب بس......يبقي تروحله يعملهم.....أنما لو الكاربيراتير فيه أي حاجه تانيه مش هيعرف يعمله لأنهم ببساطه شوية صنايعيه مش فاهمين حاجه في أي حاجه وعاملين نفسهم دكاتره وهما شويه ..........وتيجي تكلم الواحد منهم يعملك فيها مجدي يعقوب وكأن محدش بيفهم زييه مع أنه حافظ مش دارس علي أسس علميه...........
ولو أستلمت الكاربيراتير منه وجيت تركبه وأكتشفت ان العربيه أزفت من الأول وروحتله تاني يوم .....مش هيعرفك وهيتهرب منك بمنتهي الوقاحه اللي في الدنيا وهيقعد يمطوحك ويقولك دا أسبراتير أو كاتينه أو تاكيهات........أي حاجه بس يبعد الشبهه عن الكاربيراتير اللي بوظه
بصراحة أنا بقترح أن الناس دول يغيروا أسم محلهم ويسموه تصليح أكس وباب..........مش تصليح جميع أنواع الكاربيراتيرات

[estemalek]

بصراحه عجبنى ردك يا zastaffa واضح جدا انك اتقرصت منهم زى ما انا اتقرصت
هوا فعلا عاملين فيها دكاترة و كاتبين على المحل (اول ورشة فى مصر ) جتهم 60 نيله بصراحة شوية بصمجيه
فى واحد كان لابس بالطو فكرت دكتور بكلمه بقوله علايه الفتيس الاتوماتيك مش شغاله بدل ما يرد عليا يقوللى خلى بتاع الفتيسات ولا الكهربائى بيصلك عليها - زى عادتهم- يزحلقك على حد تانى لقيته بصلى و كلمنى على اننى متخلف او اول مرة اركب اتوماتيك و قاللى مفيش حاجة اسمها علايه اتوماتيك فى الكربراتير فقلتله ازاى و هيا كانت شغاله قبل ما افك الكربيراتير فرد عليا رد جابلى شلل دماغى معرفتش ارد اقوله ايه قام قالى دى كانت بايظة و احنا ظبطناها عرفت على طول انه كائن لابس يالطو علشان يخبى الديل

و لما رحتلهم بعدها ب3 ايام قابلونى مقابله كأنى بشحت منهم و قالولى استنى لما الحاج يجى على الساعه 6 فكبرت دماغى و مشيت و من ساعتها مرحتش تانى لانى مشغول بس لما افضى انشاء الله هروح اغلس عليم تانى اصل هما قبلى ب 3 شوارع و لو موصلتش لحاجة هروح اشترى واحد استيراد و امرى لله
هما كمان مشكلتهم ان مفيش عندهم حد يظبط الكربيراتير على العربية علشان يعرفوا يرموا فشلهم على حد تانى

[zastaffa]

بصراحه عجبنى ردك يا zastaffa واضح جدا انك اتقرصت منهم زى ما انا اتقرصت
هوا فعلا عاملين فيها دكاترة و كاتبين على المحل (اول ورشة فى مصر ) جتهم 60 نيله بصراحة شوية بصمجيه
فى واحد كان لابس بالطو فكرت دكتور بكلمه بقوله علايه الفتيس الاتوماتيك مش شغاله بدل ما يرد عليا يقوللى خلى بتاع الفتيسات ولا الكهربائى بيصلك عليها - زى عادتهم- يزحلقك على حد تانى لقيته بصلى و كلمنى على اننى متخلف او اول مرة اركب اتوماتيك و قاللى مفيش حاجة اسمها علايه اتوماتيك فى الكربراتير فقلتله ازاى و هيا كانت شغاله قبل ما افك الكربيراتير فرد عليا رد جابلى شلل دماغى معرفتش ارد اقوله ايه قام قالى دى كانت بايظة و احنا ظبطناها عرفت على طول انه كائن لابس يالطو علشان يخبى الديل

و لما رحتلهم بعدها ب3 ايام قابلونى مقابله كأنى بشحت منهم و قالولى استنى لما الحاج يجى على الساعه 6 فكبرت دماغى و مشيت و من ساعتها مرحتش تانى لانى مشغول بس لما افضى إن شاء الله هروح اغلس عليم تانى اصل هما قبلى ب 3 شوارع و لو موصلتش لحاجة هروح اشترى واحد استيراد و امرى لله
هما كمان مشكلتهم ان مفيش عندهم حد يظبط الكربيراتير على العربية علشان يعرفوا يرموا فشلهم على حد تانى

جوز اصحاب المحل دول كوم..........والراجل أبو بالطو ده كووووووووووووم تاني لوحده
تحس يا أخي أنه مريض نفسيا أو عنده جنون الأرتياب......ومابيقبلش أي كلمه من حد وبيفتكر أنك بتسخر منه أو بتقلل من شأنه!!!!!!!! وياويلك لو بينتله أنك فاهم.......كأنك طعنت في الذات الألهيه!!!!!
بس أنا كنت كل ماروح عندهم أحب أنكشه وأبينله أنه مش فاهم حاجه لدرجه أنه مره كان هيحدف الكاربيراتير في وشي وكانت هتقلب بخناقه لولا حبظلم الكبير أتدخل وهدي الجو شويه ......وكل ده عشان بقوله ماتجيبولكم ميكانيكي يبقي تبعكم يفك ويحل بدل بهدلة الزباين بالطريقة دي.....وبعدين أنتو كده كده بتدبحونا.....يبقي خراب بخراب وزودوا المصنعيه بتاعتكم شويه كمان وريحونا
ولا أنتو عشان لما ناخد الكاربيراتير ويطلع بايظ تلاقوا حد ترموا عليه شماعة أخطائكم؟؟!!!!!!