عندي مشكلة رهيبة في ال 128

[dr_abooody]

السلام عليكم

معايا 128 موديل 85 انا بهتم بيها على طول

بس جت فترة كدة سنتين ما كنتش فاضي ما بصتش على العفشة و قولت اعملها لانها بقت اي مطب يرزع فيها جامد اي حفرة صغيرة في الارض بتخليها تتلوح منها مع انها ممكن يكون مطب خفيف

روحت للعفشجي و كان الاتي

- مقص خلفي مكسور
- بطاحات مساعد
- علبة دريكسيون كانت مكسورة

المهم انا صلحت كل دةو غيرتة ما عدا علبة الدريكسيون قالي هصلحها لان الجديد كلة صيني و بيبوظ

المهم كل دة اتعمل و العفشة اتشحمت و اتربطت و ظبط زوايا امامي و خلفي

مش عايز انسي اقولكن اني مركب جنوط اسبور و بقالها 5 سنين و العربية تمام

المهم بعد حوالي 3 شهور من الاستعمال الخفيف للعربية ممكن 500 كيلو في الشهر بالكتير

العربية رجعت اسوأ من الاول و انا ماشي على الدائري بحس ان العربية هتتلوح منى
من الاخر بحسن ان الطارة خفيفة جداااا و لما بدوس بنزين العربية تمشي عدل اول ما اسيب البنزين العربية بتتلوح شمال دة معناة اية هل علبة الدريكسيون هي اللي عاملة كدة

[bassem.naguib]

علبة دركسيون .. كاوتش الميزان .. مراجعة ضبط الزوايا .

على فكرة الجنوط لو عريضة حتتعب العفشة وكل شوية حتحتاج تربيط وتغيير حاجات فيها أكتر من المعدل العادي .

[mrghost]

انا برضه لسه داخل فى الدوامه دى وجايب مقصاغت وعلبه وبارات ب 500 جنيه ولسه هركبهم والله الواحد زهق من العربيه وقرفها
بس فعلا ممكن يكون العيب اللى عندك ده من العلبه لو العلبه فيها بوش كبير يخليها تعوم منك على الطريق

[dr_abooody]

الجنوط للاسف مقاسها 14 185 60

بس كان بقالها 5 سنين مفيش مشاكل و بتحرك بيها كل يوم تمام

من ساعت العمرة و بعدها مبقتش تمام

انا غيرت كاوتش الميزان دة صح افتكرتة و ظبط زوايا و الكاوتشات منفوخة تمام

طيب لو العلبة خربانة اجيب علبة جديدة و لا اجيب استيراد ؟؟

[bassem.naguib]

معلش في ملحوظة عاوزة توضيح من حضرتك .. وهي علبة الدركسيون هل قالك أنه عمل ليها حشو؟! .. وبعد ما قالك أنه صلحها هل الدركسيون كان تقيل ولا عادي ؟!

لأنه لو صلحها وعمل حشو علبة دركسيون حتلاقي الدركسيون تقيل معاك لفترة وبعد كدة يبتدي يرجع لطبيعته تاني .. لو محصلش ده يبقى معملش حاجة في علبة الدركسيون .

[Dr_Mido]

الغالب علبه الدريكسيون اعرف منه هو عمل ايه وبعد كدة شوف الميزان واخر حاجه خالص الزوايا

[Khaled_Nowaihy]

علبة الدركسيون مكسورة .... يبقى أكيد لازم تتغير
الحشو ينفع بشرط انها تكون سليمة

لازم حضرتك برضه تبص على الشاسيه .. يمكن يكون فيه شرخ وللا حاجة

[bassem.naguib]

علبة الدركسيون مكسورة .... يبقى أكيد لازم تتغير
الحشو ينفع بشرط انها تكون سليمة

لازم حضرتك برضه تبص على الشاسيه .. يمكن يكون فيه شرخ وللا حاجة

مخدتش بالي من كلمة مكسورة دي .. وفعلاً ممكن يكون فيه شغل لحامات في الحوض سواء شاسيه مشروخ أو مفتوح أو ركب ..إلخ عاوزة لحام .

[dr_abooody]

مخدتش بالي من كلمة مكسورة دي .. وفعلاً ممكن يكون فيه شغل لحامات في الحوض سواء شاسيه مشروخ أو مفتوح أو ركب ..إلخ عاوزة لحام .

كان في شروخ و لحمتها من فترة بس لما عملت عمرة كانت كويسة و مفيش شروخ

هي كانت في المطبات بترزع جامد و هو الراجل وراني ان علبةالدريكسيون بتلق و انا شفتها مع التحويد

هي اعدت كويسة شهرين مشيت مثلا 1000 كيلو

كان الدريكسيون كويس بس رجع خفيف تاني و المشكلة الكبرى انها لما بفوت في مية او كدة بحس انها بتتزحلق و لما ادوس بنزين تمشي عدل اول ما اسيب بنزين تتلوح شمال

[dr_abooody]

مخدتش بالي من كلمة مكسورة دي .. وفعلاً ممكن يكون فيه شغل لحامات في الحوض سواء شاسيه مشروخ أو مفتوح أو ركب ..إلخ عاوزة لحام .

كان في شروخ و لحمتها من فترة بس لما عملت عمرة كانت كويسة و مفيش شروخ

هي كانت في المطبات بترزع جامد و هو الراجل وراني ان علبةالدريكسيون بتلق و انا شفتها مع التحويد

هي اعدت كويسة شهرين مشيت مثلا 1000 كيلو

كان الدريكسيون كويس بس رجع خفيف تاني و المشكلة الكبرى انها لما بفوت في مية او كدة بحس انها بتتزحلق و لما ادوس بنزين تمشي عدل اول ما اسيب بنزين تتلوح شمال

[mrastra]

اخى الكريم انت عندك مشكلتين
اول مشكلة اسمها اما بشيل رجلى من على البنزين بتحس انها بتلف شمال او يمين والعيب دة من المقصات اللى ادام سواء الشمال او اليمين على حسب اللوحة
المشكلة التانية ان الدركسيون خفيف ودة سببة حاجة من اتنين
اما ان الزوايا تكون مش مظبوطة والعجل لامم لجوة شوية
العيب التانى ان يكون الحشو اللى الصنيعى عملة باظ والدركسيون بقى خفيف زيادة عن اللزوم

[bassem.naguib]

كان في شروخ و لحمتها من فترة بس لما عملت عمرة كانت كويسة و مفيش شروخ

هي كانت في المطبات بترزع جامد و هو الراجل وراني ان علبةالدريكسيون بتلق و انا شفتها مع التحويد

هي اعدت كويسة شهرين مشيت مثلا 1000 كيلو

كان الدريكسيون كويس بس رجع خفيف تاني و المشكلة الكبرى انها لما بفوت في مية او كدة بحس انها بتتزحلق و لما ادوس بنزين تمشي عدل اول ما اسيب بنزين تتلوح شمال

كدة يبقى الحشو متعملش كويس في علبة الدركسيون .. ومشكلة الزحلقة في المية دي من فرد الكاوتش.

[mohamed9999]

أركنها و اركب الالنترا
دا عيب علية الدركسيون حاول تغيرها وتجيب وحدها جديده و اوعى تجيب الصينى لانها فعلا كبيرها 3 شهور و تبوووووووووووظ
او تجبها استيراد و روح لعفشجى نضيف او اكشف عن بتاع زوايا نضيف ع العفشه و هو يقولك ايه اللى فيها

[aYaBooY]

اخى الكريم انت عندك مشكلتين
اول مشكلة اسمها اما بشيل رجلى من على البنزين بتحس انها بتلف شمال او يمين والعيب دة من المقصات اللى ادام سواء الشمال او اليمين على حسب اللوحة
المشكلة التانية ان الدركسيون خفيف ودة سببة حاجة من اتنين
اما ان الزوايا تكون مش مظبوطة والعجل لامم لجوة شوية
العيب التانى ان يكون الحشو اللى الصنيعى عملة باظ والدركسيون بقى خفيف زيادة عن اللزوم

يا سلام على الكلام الكبير
انا كنت هاكتب الكلمتين دول بالظبط
بص يا ريس انت عندك كذا مشكلة ( و على فكرة مش مع لـ 128 لا بقت مع الكل ) كل اطقم التصليح الي في السوق ايدك منها و القبر سيبك منها انت كانت العلبة مكسورة يبقي كل سنة و انت طيب علبة صيني على طول
ثانيا موضوع العوم و ده من حاجتين العلبة و ده الغالب او ان المقصات خامة وحشة و محتاجة تتغير او العفشة فكت و محتاجة تربيط و على فكرة الـ 128 و 127 بتحتاج تربيط عفشة كل اسبوعين

[bassem.naguib]

كان في شروخ و لحمتها من فترة بس لما عملت عمرة كانت كويسة و مفيش شروخ

هي كانت في المطبات بترزع جامد و هو الراجل وراني ان علبةالدريكسيون بتلق و انا شفتها مع التحويد

هي اعدت كويسة شهرين مشيت مثلا 1000 كيلو

كان الدريكسيون كويس بس رجع خفيف تاني والمشكلة الكبرى انها لما بفوت في مية او كدة بحس انها بتتزحلقو لما ادوس بنزين تمشي عدل اول ما اسيب بنزين تتلوح شمال

اخى الكريم انت عندك مشكلتين
اول مشكلة اسمها اما بشيل رجلى من على البنزين بتحس انها بتلف شمال او يمين والعيب دة من المقصات اللى ادام سواء الشمال او اليمين على حسب اللوحة
المشكلة التانية ان الدركسيون خفيف ودة سببة حاجة من اتنين
اما ان الزوايا تكون مش مظبوطة والعجل لامم لجوة شوية
العيب التانى ان يكون الحشو اللى الصنيعى عملة باظ والدركسيون بقى خفيف زيادة عن اللزوم

يا سلام على الكلام الكبير
انا كنت هاكتب الكلمتين دول بالظبط
بص يا ريس انت عندك كذا مشكلة ( و على فكرة مش مع لـ 128 لا بقت مع الكل ) كل اطقم التصليح الي في السوق ايدك منها و القبر سيبك منها انت كانت العلبة مكسورة يبقي كل سنة و انت طيب علبة صيني على طول
ثانيا موضوع العوم و ده من حاجتين العلبة و ده الغالب او ان المقصات خامة وحشة و محتاجة تتغير او العفشة فكت و محتاجة تربيط و على فكرة الـ 128 و 127 بتحتاج تربيط عفشة كل اسبوعين

الراجل بيقول أن المشكلة بتاعة الزحلقة بتحصل لما بيمشي في مية (وعلى حسب ما فهمت أو توقعت أن الأرض بتكون فيها زي طينة نتيجة اختلاط مياه مع تراب الشارع أو مياه فقط) هل المقصات لو بايظة تعمل الزحلقة دي في المية بس وفي الطريق العادي (اللي مفيهوش مية) متعملش الزحلقة دي ؟!

أنا متوقع أن المشكلة دي ممكن تكون بسبب أن الكاوتش ابتدى يفقد قدرته على التماسك على الأسفلت اللي فيه مية أو رملة خفيفة .. ولو مقصات حيحس أن العفشة مفككة مهما ربط فيها وفيها خبط ورزع نسبياً مع المطبات .

يعني في النهاية تشخيصي للموضوع ده أن علبة الدركسيون عاوزة تتغير مش يتعملها حشو ويفضل نوع موثوق فيه بغض النظر إذا كان صيني ولا إيطالي ولا أسباني .. وبعد كدة يربط عفشة ويراجع على كاوتش العربية ويحدد كفائته من عدمها .. بالإضافة لمراجعة الزوايا .. والله وأعلم