عندي مشكلة رهيبة في ال 128

[bassem.naguib]

السلام عليكم

معايا 128 موديل 85 انا بهتم بيها على طول

بس جت فترة كدة سنتين ما كنتش فاضي ما بصتش على العفشة و قولت اعملها لانها بقت اي مطب يرزع فيها جامد اي حفرة صغيرة في الارض بتخليها تتلوح منها مع انها ممكن يكون مطب خفيف

روحت للعفشجي و كان الاتي

- مقص خلفي مكسور
معنى كدة أن العفشجي راجع على المقصات كلها وغير التالف منها .
- بطاحات مساعد
- علبة دريكسيون كانت مكسورة

المهم انا صلحت كل دةو غيرتة ما عدا علبة الدريكسيون قالي هصلحها لان الجديد كلة صيني و بيبوظ

[dr_abooody]

طيب لو المساعدين الامامي جايبين زيت ممكن يكونوا السبب ؟

بس لما اي حد بيرفع العربية بقولي ان الاساسيات بتاعتها كويسة هي كمان العربية مش بتمشي كتير ممكن علبة الدريكسيون هي السبب في كل دة

[aYaBooY]

المساعدين ممكن تحس بيهم بيعوموا لو دخلت في طريق معوج ( زي ما بيحصل نتيجة مشي النقل في نفس الحارة كتير )
بس انت بتقول ان العربية بتعوم لما بتشيل رجلك من على البنزين وده عيب من المقصات او الاسكاترا و بما ان المقصات انت بتقول جديدة يبقي فاضل الاسكاترا
انا مش عارف العفشجي لقي ايه في الاسكاترا مكسور بالظبط هل الكسر في المكبس او الترس ولا لقى الحشوة البلاستيك هيا الي مكسورة؟
موضوع ان الكاوتشات تكون اتمسحت ده سهل اي حد بتاع كاوتش يحددة بس يكون كويس مش على ما تفرج

[dr_abooody]

لا الكاوتش كويس و النقشة تمام

بس هي شكلها علبة الدريكسيون فعلا

لو كدة اروحلة يشوفها

هو كان صلحها و خد 30 ج بس ممكن كان فيها حاجة بسيطة بس العربية بقت خطر جدااا
هي اتدمرت من ساعت ما عملت عمرة و لا بقت بتعدي ال 100 و كمان بتحدف و تعوم

[mohkhattab]

بص يا باشا لو هتشترى علبة دريكسون جديدة اشترى من محل قطع غيار موثوق منه و ناس كتير اتعاملت معاه و خالى اللى هيركبها يبص عليها لان فعلا قطع الغيار اللى فالسوق و خاصة 128 بقيت مضروبة بشكل فظيع ، انا جبت علبة دريكسون ايطالى ب 225 ج من محل مشهور فى حدائق القبة و ركبتها، و بعدين ورحت للعفشجى اربط العفشة قالى ان العلبة مش حلوة و محتاجة تتغير و كان لسه مفتش على تركبيها سنة .

[samcar]

ال 128 مشكلتها ان بتحتاج صيانه وقطع غيار باستمرار العربيه مصممه لطرق ممتازه واستعمال مدينه- احنا فى مصر قلبناها وابور حرت عايزينه يمشى ويشيل ويعمل كل حاجه

اانا مستغرب انك صرفت كتير على اجزاء ممكن تصبر عليها شويه زى المقص او البطاحه وجيت على الاهم وبتعمل مناقصه - اقصد العلبه

ا ممكن تجيب علبه استيراد - على تجريبها- وامشى بالعربيه لو انضبطت خلاص- لو فى مشكله رجع العلبه وسيب حاجه من تمنها - كانك اجرتها - ونصيحه لما ال 128 بتفتح بقها حلها الوحيد البيع