نفسي حد يحللي مشكلة استهلاك البنزين

[eng.m7md.ali]

اعزائي
من ساعت ماجبت العربية وللاسف استهلاك البنزين فيها عالي
فات اول 5000 كيلو قولت اكيد هتظبط
فات كمان 5000 اشتكيت في التوكيل وقالولي هتظبط
فات 20000 كيلو والمشكلة زي ماهيا
لحد دلوقتي والعربية عاملة 41 الف كيلو والمشكلة لسة موجودة
ياما اشتكيت في التوكيل وفي حماية المستهلك ولا حياة لمن تنادي
غيرت المستحيل وكل حاجة ( بوجيهات + زيوت + فلاتر + رشاشات ) مفيش فايدة
مفاضلش غير تغير الضفيرة وده التوكيل رافضه تماماً وبيقولي الضفيرة ملهاش فيه
مع العلم والمصيبة الكبرى ان العربية في الضمان ... يعني توكيل زبالة + مهندس حمار = عميل مخروب بيته
قولولي ايه الحل يارجالة بجد مخنوق جدا من الموضوع ده
مع العلم ان العربية مبتعملش اكتر من 120 كيلو في الزحمة( ياريت محدش يقولي ده مش مقياس وعلى حسب الزحمة والكلام ده لاني معايا عربية جولف 2 موتور vr6 والاستهلاك اقل من البروتون ) و حوالي 180 -200 كيلو متر على متوسط سرعة 90-100 على طريق سريع وبدون تكييف
وشكرا ليكم

[HishamElgazzar]

ياريت تكشف على الكمبيوتر بتاع العربية
إحتمال يكون حساس العادم بايظ
فبيعطى لكمبيوتر العربية إشارة انه يزود كمية البنزين
ونظف حساس الـMas Air Flow اللى بيتحكم فى الهواء اللى داخل الموتور
وياريت تفاصيل أكتر عن حالة الموتور
وموتور الجولف الVR6 ميتقارنش مع موتور مليزى ولا حتى يابانى لأنه ألمانى
ربنا يبارك فيهم بإذن الله ويكفيك شرهم

[eng.m7md.ali]

ياريت تكشف على الكمبيوتر بتاع العربية
إحتمال يكون حساس العادم بايظ
فبيعطى لكمبيوتر العربية إشارة انه يزود كمية البنزين
ونظف حساس الـmas air flow اللى بيتحكم فى الهواء اللى داخل الموتور
وياريت تفاصيل أكتر عن حالة الموتور
وموتور الجولف الvr6 ميتقارنش مع موتور مليزى ولا حتى يابانى لأنه ألمانى
ربنا يبارك فيهم بإذن الله ويكفيك شرهم

كشفت على كل ده ياباشا بالكومبيوتر ومش مسجل اي مشكلة
ومنضف البوابات ومفيش اي مشاكل ... مش عارف ايه المشكلة

[eng.m7md.ali]

للدرجة دي الحالة ميؤس منها؟ :)

[mido51eg]

لو ماجربتش تروح مركز الصفا يبقى روح لهم مش هتخسر حاجة لكن اعتقد ان شاء الله هيحلوا لك المشكلة.

[Land_Cruiser]

ممكن تحاول تقارن استهلاك عربيتك مع واحده تانيه نفس الموديل و سنه الصنع علشان المقارنه تبقى دقيقه - لو ما كنتش لسه عملت ده- و لو حتى بالتقريب علشان تتاكد بس اذا كانت المشكله فى عربيتك بالذات و لا ده استهلاك البنزين العادى فى الموديل ده لأن احيانا الموضوع ده بيعمل لخبطه خاصه لو كانت عندك عربيه تانيه ماركه مختلفه بتقارن بيها و انا شخصيا وقعت فى الفخ ده و كل موتور و ليه نظامه فى العمل و استهلاك البنزين كمان ووارد جداً يطلع ده الاستهلاك العادى للموديل على فكره لو طلع الاستهلاك متقارب مع عربيه تانيه او اكتر نفس الماركه و الموديل و تطلع حضرتك شاغل دماغك على الفاضى :)

[eng.m7md.ali]

لو ماجربتش تروح مركز الصفا يبقى روح لهم مش هتخسر حاجة لكن اعتقد ان شاء الله هيحلوا لك المشكلة.

ده انا مقيم عندهم
محدش عارف الحل ايه في المشكلة دي

ممكن تحاول تقارن استهلاك عربيتك مع واحده تانيه نفس الموديل و سنه الصنع علشان المقارنه تبقى دقيقه - لو ما كنتش لسه عملت ده- و لو حتى بالتقريب علشان تتاكد بس اذا كانت المشكله فى عربيتك بالذات و لا ده استهلاك البنزين العادى فى الموديل ده لأن احيانا الموضوع ده بيعمل لخبطه خاصه لو كانت عندك عربيه تانيه ماركه مختلفه بتقارن بيها و انا شخصيا وقعت فى الفخ ده و كل موتور و ليه نظامه فى العمل و استهلاك البنزين كمان ووارد جداً يطلع ده الاستهلاك العادى للموديل على فكره لو طلع الاستهلاك متقارب مع عربيه تانيه او اكتر نفس الماركه و الموديل و تطلع حضرتك شاغل دماغك على الفاضى :)

انا قارنت الاستهلاك كتير بعربيات بروتون بردو
عربيتي بتعمل في الزحمة 120 كيلو بالعافية كل اللي اسأله على استهلاكه يقولي 190- 200 كيلو في البلد وعلى الطريق السريع ممكن 280- 300 كيلو
الفرق 100 كيلو بحالهم

[ahmed_h_g]

عندك تسقيفه أو ريحة بنزين ني في الشكمان ؟
عربيتك مانيوال ولا أوتو ؟

[eng.m7md.ali]

عندك تسقيفه أو ريحة بنزين ني في الشكمان ؟
عربيتك مانيوال ولا أوتو ؟

لا مفيش اي تسقيف او ريحة بنزين الا وانا بدور العربية في الجراج ( مكان مقفول )

العربية اوتو

[osamabahr]

أنا كان عندي العيب ده مع اختلاف نوع السيارة، لكن الأوتوماتيك تحديدًا بيكون مشاكله الأساسية مع إما حساس الشكمان أو الرشاشات، وكشفت كمبيوتر كذا مرة علشان نعرف المشكلة فين، لحد ما اكتشفنا إن حساس الشكمان ساعات بيلقط مظبوط وساعات بيفصل. وكانت دي مشكلة الاستيراد لحد ما جبت واحد جديد والحمد لله الدنيا ماشية كويس من الناحية دي. وربنا يهديهالك.

[ahmed_h_g]

ايه أخبار سحبها معاك ؟ متكتفه ولا سحبها معقول (بالنسبه لعربيه نفس مواصفات عربيتك )
الغيار بيتنقل على كام (rpm)

[ahmed_h_g]

أنا كان عندي العيب ده مع اختلاف نوع السيارة، لكن الأوتوماتيك تحديدًا بيكون مشاكله الأساسية مع إما حساس الشكمان أو الرشاشات، وكشفت كمبيوتر كذا مرة علشان نعرف المشكلة فين، لحد ما اكتشفنا إن حساس الشكمان ساعات بيلقط مظبوط وساعات بيفصل. وكانت دي مشكلة الاستيراد لحد ما جبت واحد جديد والحمد لله الدنيا ماشية كويس من الناحية دي. وربنا يهديهالك.

لما كانت المشكله عندك لمبة الأعطال كانت بتنور ؟

[osamabahr]

لأ مكانتش بتنور لمبة الأعطال

[eng.m7md.ali]

ايه أخبار سحبها معاك ؟ متكتفه ولا سحبها معقول (بالنسبه لعربيه نفس مواصفات عربيتك )
الغيار بيتنقل على كام (rpm)

السحب مش عاجبني ابدا
بس فلتر الهوا هو السبب وعايز يتغير
وبنقل على 2.5 - 4 rpm بس طبعا مش علطول

[ahmed_h_g]

السحب مش عاجبني ابدا
بس فلتر الهوا هو السبب وعايز يتغير
وبنقل على 2.5 - 4 rpm بس طبعا مش علطول

فولها للأخر لحد ما البنزين يكب لبره من بنزينه مضمونه
من الأخر بنزينة وطنيه
وصفر عداد الرحلات
وأمشي بيها 300 كيلو من غير حرق ولا جري
سايسها بحيث تغير على 3 rpm ومتعديش ال90
وبعد ال300 كيلو فولها للأخر وقولي هتعمل معاك كام لتر