سخونية السيارة فى السفر و الدائري

[hobaus3000]

السلام عليكم ورحمة الله وبركاته

عندى مشكلة بسيطة فى عربيتى 128 موديل 85 -1100 سي سي وهى سخونة العربية فى الطرق الطوالى سواء بالليل أو بالنهار وهى ان وانا ماشى على 90 أو 100 الاقى مؤشر الحرارة فوق 90 يعنى 100 والمروحة شغاله علطول ده بالليل فى جوه درجة حرارة معقولة فى طريق مصر – اسكندرية الصحراوى الساعة واحدة بالليل أما بالنهار المشكلة اكبر من كده لأن العربية السخونة بتزيد عن كده يمكن فى تلتين الحرارة يعنى قرب الاحمر ولكن فى وسط البلد الحرارة ممتازة فى عز الحر الساعة اتنين الظهر ودرجة حرارة الجو39.

هبدأ بالتغيير اللى حصل فى العربية بعد ما كانت شغاله كويس حصل ان العربية سخنت قبل حتى ما اعمل طقم الشمبر وكان الكلام ده فى شهر يناير اللى فات بسبب فقدان مياه الراداتير وبعدين غيرت جوانات وش السلندر وتم كشط الوش بنسبة 15من ميه وكانت العربية بتسخن جامد قوى فبعدها بمده ومع دخول الصيف ومع وجود فقعات مياه فى الراداتير مقتنعتش بكشط وش السلندر اللى حصل قبل كده وتم التربيط على الوش يمكن يكون مجرد تربيط ولكن لم يفيد فى شئ ومازالت الفقعات موجودة فاتفقت مع ميكانيكى اخر نفك الوش ونقيسه عند الخراط عشان نتأكد من اذا كان فى تقفيع فى الوش ولا لأ وبالفعل فكينا الوش وذهبت بالوش لخراط تانى وقولتله يقيسه ويشوف لو فى تقفيع وبالفعل لقى فى تقفيع وتم كشط الوش للمره التانيه وقال انه كشط 15 من ميه وبعدين احنا كنا مركبين جوانين عاده قبل كل الكشط فى المرتين وقبل كل المشاكل وكانت الحرارة طبيعية ولكن بعد الكشط الاخير الميكانيكى قاللى هنغيير جوان من الاتنين بواحد دوبل وكده يبقى اللى راكب واحد دوبل وواحد عاده وركبنا والحمد لله الفقعات فى الرداتير اختفت والحرارة قلت عن الاول ولكن مازالت كما شرحتها فى الأول.

وكمان انا لسه عامل طقم شمبر والحمد لله خلصت تليين بحوالى 1600 كيلو تقريبا وتغيير زيت فى مواعيد مناسبة للتلين.

طيب اهى اللى انا عاملته لعلاج السخونة:

1- شراء راداتير جديد نحاس 3 ماسورة من 4 شهور وكمان الكشف عليه عند بتاع الراداتير وعلى التقليب وقال ان الحمد لله مفيش فيهم مشكلة وقال اي مشكلة يبقى هما خارج الحسبه وتم غسيل دورة التبريد بالكامل والعربية دايرة وتم تغيير غطاء الراداتير.

2- تغيير ثرموستات الحرارة اكثر من مره ومنهم مره جبت الثرومستات الاصلى بتعها وكان ثمنة 40 جنية لكن لقيته جايب نفس النتيجة فرجعته وهى ان الحرارة فى وسط البلد طبيعية المروحة تشتغل قبل النص وتفصل على التلت ولكن فى الطوالى المروحة تشتغل بعد النص وتفضل شغالة علطول ومبفصلش الا لما انزل بالسرعة للوقوف فى اشارة او بالتهدئة بسبب الطريق.

3- شراء مروحة جديدة للراداتير فيبر.

4- ضبط الكهرباء و التكيهات على الشعرة.

5- تم تغيير طقم كهرباء.

6- ضبط تقسيم السيارة والكاتينة.

7- تغيير علبتين الشكمان والكشف على الشكمان بالكامل ولايوجد تنفيث.

8- تغيير الزيت والفلتر قبل السفر.

انا طبعا عندى دلوقتى بعد كل ده شوية خبرة بسيطة فعلى خبرتى البسيطة انا قدام حاجة من الاتنين ياريت تساعدونى فيها لأنكم أدرى منى فى المواضيع دى الاول ان يكون هناك تصغيير حجم غرفة الحريق بسبب كثرة الكشط وانا عايز اعرف هو كده الجوانات كفايه ولا بعد الكشط مرتين 15 من ميه و 15 من ميه لأنى مش عارف احسب يبقى كده النسبه اد ايه اللى اتكشطت من الوش يعنى نعوضهم بكام جوان وسمكهم اد ايه يعنى اتنين دوبل ولا واحد وواحد ولا ايه.

تانى حاجة ودى شاكك فيها شوية وهيفدنا فيها الخبراء هل لو فى مشكلة فى الصبابات والقواعد والدلايل هل ده بيسمح بهروب جزء من السخونة الى منطقة التكيهات ولكن الميكانيكى لما فك الوش عشان يغيير طقم الشمبر كان بيقول ان الوش مش محتاج شغل او بمعنى اصح انه شغال مع العلم ان كاوتش الصباب سليم الدليل عدم وجود دخنة من الشكمان اول الدوارة الصبح طيب وهل ممكن يكون هروب جزء من الكبس هو اللى يسخن العربية بالدرجة الكبيرة دى.

ملحوظة وانا ماشى فى الطريق السريع وفى بداية طلوعى بالعربية وهى لسه حرارتها على الربع مثلا ولسه مسخنتش الاقى مؤشر الحرارة بيزيد الى تقريبا فوق النص اللى هو 90 بسنه وبعدين الاقى المروحة اشتغلت على العكس فى وسط البلد او العربية واقفة الاقى مؤشر الحرارة على اقل من النص وبعدين المروحة تشتغل وبعدين الحرارة تنزل كتير والمروحة تفصل وبالنسبة لنقص المياة يعتبر معقول والمياه بتنقص فى القربة ولكن فى الراداتير المياه معقولة.

انا اسف على الاطالة ولكن المشكلة تعبت تفكيري

[mrghost]

طيب اخبار طلمبة المياة ايه?

[hobaus3000]

طرمبة المياة

شكراً على اهتتمام حضرتك
وبالنشبة لطرمبة المياة لسه مغيرها جديدة من حوالى 7 شهور او 8 شهور وجايبها جديدة ايطالى وبعدين العربية كانت شغاله بيها ومفيش مشكلة قبل الكشط وبعدين الراجل بتاع الراداتير لما كشف على الراداتير وتقليب الطرمبة قاللى شغالين كويس

[ahmedtunning]

انا حاسس ان العمره هي اللي مش مظبوطه لاني سمعت موضوع جوانين ده غلط و الله و اعلم هسئلك واحد ميكانيكي عندي و اقولك باذن الله

[hobaus3000]

كشفت على سحب المروحة ولقيتة بيجيب من بره لجوا يعنى الطبيعى لاى مروحة وتم الكشف على الراداتير مره اخرى عند بتاع الراداتير وقال انه سليم وقال الراداتير جديد وبيقول اللى يقولك من الميكانيكية ان الموضوع تبع الراداتير (حط صباعك فى عينيه زى ماقال) وعلى فكره ده الراجل بتاع الراداتير اللي بتعامل معاه ومش هو اللى مركبه انا ركبته عند واحد تانى جنب الميكانيكى اللى عمل طقم الشمبر يعنى من الاخر مش هنقول خايف يعيب فى شغله بالعكس كل ما اروحله يقولى الراداتير جديد ومش محتاج حاجة وبعدين فكينا كوعة المياة للتأكد من عدم وجود سيلكون سادد مجارى المياه ولم نجد شئ وفكينا الماسورة اللى خارجة من الطرمبة ورايحة على كوعة المياة برضه للكشف ايضاً عن اذا كان فى سيلكون مضيق فتحة خروج المياه من الطرمبه ولم نجد شئ كده فى دورة المياة مش فاضل غير طرمبة المياة وانا لسه مغيرها فى شهر 12 اللي فات يعنى بقالها 7 شهور هى تمنها مش غالى يعنى 100 جنية الايطالى الاصلى يعنى ممكن اغيرها لكن حرام اغيرها وفى حاجات تانية شاكك انها سبب المشكلة بعدين هل فى خلال 7 شهور تكون تقليبها قل؟
السؤال اللي لسه محدش جوابنى عليه انه هل كده الجوانات كفايه ولا لأ بعد الكشط مرتين 15 من ميه و 15 من ميه يعنى هل بكده تم تصغير الغرف فأدت الى سخونة العربية زيادة يعنى كده النسبه اد ايه اللى اتكشطت من الوش يعنى نعوضهم بكام جوان وسمكهم اد ايه يعنى اتنين دوبل ولا واحد دوبل وواحد عادة ولا اتنين دوبل ولا ايه

تاني سؤال هل لو فى مشكلة فى الصبابات والقواعد والدلايل هل ده بيسمح بهروب جزء من السخونة الى منطقة التكيهات مع العلم ان كاوتش الصباب سليم الدليل عدم وجود دخنة من الشكمان اول الدوارة الصبح طيب وهل ممكن يكون هروب جزء من الكبس هو اللى يسخن العربية بالدرجة الكبيرة دى

[amrelsaqqa]

مشكلتك كانت من الاول خالص ان وش السلندر مكنش محتاج كشط كان محتاج يتغير

لان موضوع ان العريبة تسخن بسبب نقص المية وتجيب جوان له 3 درجات ، يا تغيير جوان بس ، يا تغيير جوان و كشط الوش ، يا تغيير الوش كله

والخراط والميكانيكى ما قدروش كدة من الاول وكشطت مرة وماكنتش كافية واضطريت تانى تكشط بعدها

طالما الكشط مش كافى يبقى كان محتاج تغيير الوش ، ولو كنت غيرته من الاول كانت العريية اتظبطت ووفرت المصاريف دى كلها


حوار جوانين ده فاشل جدا و مش هيرجعوا العربية زي ما كانت ابدا وعمرها ما هتظبط معاك لا في سحب ولا في حرارة ولا في استهلاك بنزين والموضوع مش موضوع قياسات وخلاص

نصيحتى ليك يا اما تتأقلم على الوضع الحالى يا اما تغير الوش ، انما اي حل غير ده هيبقى صرف على الفاضى ...

بالنسبة للقصة بتاعت التاكيهات والصبابات انا بيتهيألى مالهاش اي علاقة بالموضوع

[Eng_Mostafa_89]

مشكلتك كانت من الاول خالص ان وش السلندر مكنش محتاج كشط كان محتاج يتغير

لان موضوع ان العريبة تسخن بسبب نقص المية وتجيب جوان له 3 درجات ، يا تغيير جوان بس ، يا تغيير جوان و كشط الوش ، يا تغيير الوش كله

والخراط والميكانيكى ما قدروش كدة من الاول وكشطت مرة وماكنتش كافية واضطريت تانى تكشط بعدها

طالما الكشط مش كافى يبقى كان محتاج تغيير الوش ، ولو كنت غيرته من الاول كانت العريية اتظبطت ووفرت المصاريف دى كلها


حوار جوانين ده فاشل جدا و مش هيرجعوا العربية زي ما كانت ابدا وعمرها ما هتظبط معاك لا في سحب ولا في حرارة ولا في استهلاك بنزين والموضوع مش موضوع قياسات وخلاص

نصيحتى ليك يا اما تتأقلم على الوضع الحالى يا اما تغير الوش ، انما اي حل غير ده هيبقى صرف على الفاضى ...

بالنسبة للقصة بتاعت التاكيهات والصبابات انا بيتهيألى مالهاش اي علاقة بالموضوع

الكلام دة منطقى جدا المشكلة هنا ان الوش كان محتاج يتغير

[hobaus3000]

مشكلتك كانت من الاول خالص ان وش السلندر مكنش محتاج كشط كان محتاج يتغير

لان موضوع ان العريبة تسخن بسبب نقص المية وتجيب جوان له 3 درجات ، يا تغيير جوان بس ، يا تغيير جوان و كشط الوش ، يا تغيير الوش كله

والخراط والميكانيكى ما قدروش كدة من الاول وكشطت مرة وماكنتش كافية واضطريت تانى تكشط بعدها

طالما الكشط مش كافى يبقى كان محتاج تغيير الوش ، ولو كنت غيرته من الاول كانت العريية اتظبطت ووفرت المصاريف دى كلها


حوار جوانين ده فاشل جدا و مش هيرجعوا العربية زي ما كانت ابدا وعمرها ما هتظبط معاك لا في سحب ولا في حرارة ولا في استهلاك بنزين والموضوع مش موضوع قياسات وخلاص

نصيحتى ليك يا اما تتأقلم على الوضع الحالى يا اما تغير الوش ، انما اي حل غير ده هيبقى صرف على الفاضى ...

بالنسبة للقصة بتاعت التاكيهات والصبابات انا بيتهيألى مالهاش اي علاقة بالموضوع

اولا بشكر حضرتك على الاهتمام بالموضوع
ثانياً انا احب اوضح لحضرتك ان العربية كانت شغاله كويس جداً لحد ما كانت سخنت فى شهر يناير اللي فات وتقريباً فى اوله وده بسبب ان المياه اللي كانت فى الراداتير اتسربت تقريبا 3/4 المياه تقريباً وكانت المروحة اللى راكبة بتعمل صوت والقميص بتعها حديد وكان فيها جلب مش بتبرد كويس المهم لما لقيت امبير الحرارة علي نزلت والعربية دايرة زودتها مياه ولما لقيتها كده مشيت وبعدين روحت لميكانيكى الله يسامحه وودانى لخراط برضة الله يسامحه لأنه لما كشط الوش مشلش التقفيع والدليل لما الوش ركب كان فى فقعات مياه فى الرداتير طبعاً العربية فى الفترة اللي فاتت فى الشتا وكده كانت شغاله طبيعية الى حداً ما ابتدت المشكلة تظهر فى الصيف المهم فضلت افكر فى الموضوع وليه السخوية الرهيبة وفى الاخر توصلت ان الوش كتجربة يتفك ويتقاس عند الخراط ويشوف لو محتج كشط يتكشط ورحت فعلا للخراط وقولتله اللى حصل فى الوش من كشط المره اللى فاتت فرد عليه العربية بتعمل معاك ايه فقلتله على موضوع السخونة قاللى سيب الوش ساعة وتعالى ورجعتله بعدها قاللى انت كنت كشط الوش ده فين قالتله عند واحد بره قاللى الوش ده كان فيه تقفيع وكشطه طيب كشط اد ايه قال 15 من ميه قولتله انا كده كشطه مرتين والميكانيكى عايز يحط جوانين دوبل بدل من اتنين عاده قالى خليه يحط اتنين عاده زى اللي كانوا راكبين قولتله ما انت عارف لو قلتله كده هيقول انى بعدل فى شغله قالي بقولك ايه هو مين اللي كشط انا ولا هو قولتله انت قاللى وانا عارف بقولك ايه المهم انا قولت خلينا فى خير الامور الوسط ونخليها واحد دوبل وواحد عادة بس ده اللى حصل وبعد الكشط المره التانية العربية السخونية اتظبطت عن الاول بكتير بس لسه فى سخونة زيادة عن الطبيعي سنه ومش زى محضرتك فاهم ان احنا كشط فى المرتين علشان السخونية لأ ده عيب بسبب ان الخراط الاولانى مكشطش كويس بس مع انى معاك فى ان الواحد كان وفر المصاريف دى وكان غيير الوش لكن انا اعرف ان فى نسبة بعدها مينفعش الوش يتكشط طيب ماهو اكيد الخراط شافها ولو كان كده كان قال وبرده الميكانيكى لو شافها كان قال يبقى الطبيعى انى انا لما اشيل نسبه من الوش اعوضها بنسبة فى الجوان ولا كان كل واحد كان هيحصل عنده تقفيع فى الوش كان يروح يغيره
وبرده ليا سؤال بالنسبة للوش الاستيراد هعرف منين انه standard مش مكشوط قبل كده ومحتاج اد ايه جوانات وكمان استحملنى شوية سؤال كمان هو الوش بيجي معاه الصبابات وحاجاتها راكبها ولا برضه محتاج نشتريله صبابات ويتعملوا قواعد ودلايل وروديه انا مش عارف لأن كده الموضوع هيدخل فى مبلغ كبير انا اعرف ان الوش بس بيعمل من 450 الى 600 جنيه واسف على الاطالة

[hobaus3000]

هو محدش بيرد علينا ليه

يا جماعة بعد اذنكم حد يتطوع ويرد ويحسسنا ان فى امل وان عارف انى مش ال واحد يحصل معاه كده والمنتدى ده مليان خبراء واساتذة فى الميكانيكة

[sprtacos2006]

السلام عليكم

انا عندى نفس المشكلة وعملت كل اللى انت عملتة بس وش السلندر عندى كويس وغيرت كل حاجة والمشكلة هيا هيا فلو غيرت وش السلندر والمشكلة راحت من عندك يا ريت تقولنا وشكرا

[aboomar22]

انا كنت داخل اعمل نفس الموضوغ لاقية تقريبا نفس اللى مكتوب تقريبا انا عربيتى بيجو 305 قديمة 79 وكان موضوع الحرارة عادى يعنى ممكن تسخن شوية فى الاشارات الطويلة انما على الطوالى مفيش سخونة نهائى المهم جابت جوان وش سلندر الميكانيكى حط جوانين فوق بعض قالى علشان متسخنش وغيرت اسطوانة دبرياج ودورنا العربية ومن سعتها العربية حصل حاجة غريبة لوماشى فطريق سريع والطريق فاضى العربية بتسخن جدا ولو قللت سرعتى على الطريق شوية بتنزل الحرارة شوية حاجة غريبة جدا ولو داخل البلد بتسخن العادى انا هتجنن ياترى دا من تغير وش السلندر ولا يكون من الاسطوانة اللى غيرتها ولا تكون التقسيمة مش مظبوطة

[sprtacos2006]

هو مفيش حد يرد علينا ولا اية المشكلة عويصة للدرجة دى

[Khaled_Nowaihy]

المشكلة دى موجودة عندى وماعرفتش لها حل
انما عندى فكرة يمكن تكون هى السبب والله أعلم
فيه حاجة اسمها الساعة راكبة على جسم الموتور (تقريباً مسئولة عن قراءة مؤشر الحرارة)
ممكن تكون عاوزة تتغير

[sprtacos2006]

[QUOTE=Khaled_Nowaihy;3874422858]المشكلة دى موجودة عندى وماعرفتش لها حل
انما عندى فكرة يمكن تكون هى السبب والله أعلم
فيه حاجة اسمها الساعة راكبة على جسم الموتور (تقريباً مسئولة عن قراءة مؤشر الحرارة)
ممكن تكون عاوزة تتغير [/QU

انت قصدك ساعة الزيت لا ملهاش دعوة

[Khaled_Nowaihy]

بالضبط هى فعلاً اسمها ساعة الزيت .... كان مؤشر الحرارة بيعلى أوى ... بس العربية ماكانتش بتبطل كعادة ال 128 مع السخونية ... والميكانيكى هو اللى أفتى الفتوى دى وغيره .... وفعلاً مؤشر الحرارة اتظبط بعدها

سؤال لصاحب الموضوع ... هى العربية بتبطل منك لما بتسخن ؟