سخونية السيارة فى السفر و الدائري

[aboomar22]

انا كنت داخل اعمل نفس الموضوغ لاقية تقريبا نفس اللى مكتوب تقريبا انا عربيتى بيجو 305 قديمة 79 وكان موضوع الحرارة عادى يعنى ممكن تسخن شوية فى الاشارات الطويلة انما على الطوالى مفيش سخونة نهائى المهم جابت جوان وش سلندر الميكانيكى حط جوانين فوق بعض قالى علشان متسخنش وغيرت اسطوانة دبرياج ودورنا العربية ومن سعتها العربية حصل حاجة غريبة لوماشى فطريق سريع والطريق فاضى العربية بتسخن جدا ولو قللت سرعتى على الطريق شوية بتنزل الحرارة شوية حاجة غريبة جدا ولو داخل البلد بتسخن العادى انا هتجنن ياترى دا من تغير وش السلندر ولا يكون من الاسطوانة اللى غيرتها ولا تكون التقسيمة مش مظبوطة

الحمد لله انا وصلت لسبب المشكلة عندى وهو ان مروحة الريداتير عندى مروحة ميكانيكية بتدور هى وطلمبة المية عن طريق سير واحد السير ده كان مرخى جدا الميكانيكى بعد ماركب الموتور نسى يشد السير وطبعا كانت المروحة والكلمبة مبتقلبش بكفاءة خصوصا فى السرعة العالية والطريق المفتوح وده كان السبب انها بتسخن فى الطريق المفتوح وبتكون عادية داخل البلد

[hobaus3000]

بفضل الله وجدت الحل

يا جماعة انا اسف انى برد دلوقتى بعد كل الوقت ده بس والله والله العربية طلعت عيني بجد و غرمتني كتير كتير جداً الله يعوض علينا بس اخيراً لقيت الحل وعرفت سبب المشكلة وطبعاً ردى دلوقت عشان ممكن يفيد حد فى يوم من الايام لما يقرا الموضوع يعني للأستفادة وهو:-
ان بعتذر للأستاذ mrghost و منتبهتش لكلام الاستاذ aboomar22 وتجربته مع السير والطلمبة و بعتذر لنفسي و لوقتى ومجهودى ومالى على اني مسمعتش كلام الاستاذ mrghost وموضوع الطلمبة طبعا بعد ده كله اقعد مع نفسي وبعد ما فكرت ابيع العربية 1000 مرة افتكرت ان المشاكل كلها بدأت من بعد تغيير الطلمبة تخيلوا وفعلا قمت بفك الطلمبة الحالية وتركيب الطلمبة القديمة (شوفتوا ان الواحد ميفرطش فى حاجته اللى بتتغير من العربية علشان بتنفع) المهم سبحان مغيير الاحوال طبعا الحمد لله هنا بقى بان الضمير فين.
وهى طبعاً بتنقط تنقيط بسيط خالص طبعاً بسبب انها كانت مركونة يعني اكيد الاولسية نشف والبلي اكيد جرالوه اللى جرالوه بعد سنة ركنة المهم طبعاً مكنتش ناوى اتلسع تانى واشترى واغيير ويطلع العيب مش منها فقررت تغيرها بالقديمة اولاًَ ثم رؤية النتائج.
الضمير فين بقى هقولكم انا روحت اسأل على الطلمبة دلوقتى بكام وفى نفس الوقت نوعيه احسن من اللى راكبه فقالت لى السيدة التى تبيع وهم فعلاً اهل ثقة بالنسبة لى بعد اكثر من معاملة ربنا يجعلوا فى ميزان حسناتهم قالت ان عندها نوع ايطالى اصلي مش مضروب قولتلها ماهى اللى كانت راكبة كانت ايطالى قالتلى فى نوع اسمه D.A.R قولتلها برضه اللى كانت راكبة نفس النوع ورتني العلبة والعجيب فى الموضوع لقيت مكتوب على العلبة Fiat 128 والعلبة اللى كانت عندي مكتوب عليها LADA قولتلها العلبة اللى كانت عندى مكتوب عليها LADA فقالتلى طلمبة اللادا غير طلمبة 128 وقالتلى هما بيحطوا الطلمبة المضروبة فى العلب دى ويبيعوها على انها الاصلي والله اعلم (ان بعض الظن اثم) قالتلى بص على الطلمبة واقرا اللى مكتوب على الجنب بصيت لقيت مكتوب D.A.R MADE IN ITALY قولت اتأكد من اللى كانت راكبه ملقتش عليها كلام فعلاً الله يسامحهم وطبعاً الاتنين نفس السعر.

[akmm]

لاحول ولا قوه إلا باله العلى العظيم .