كيفيه تنظيف الماتور من الداخل

[michohat]

السلام عليكم ورحمه الله وبركاته
كنت عامل عمره للموتور من حوالي سنه ولاحظت ان بعد كده اني لما بقيس الزيت بيكون لونه اسود مش زي الاول فاتح
انا بستخدم زيت ليكومولي فورميولا سوبر 20w50
فعاوز اعرف ازاي انظف جوه الموتور
كان فيه واحد صاحبي قال لي انك ممكن تنظف الكربون من فوق البستم بواسطه انك ترش او تبخ مياه مقطره جوه الكربراتير والعربية دائرة سلانسية
بيقول ان المياه بتنحل و بتدخل جوه غرف الاحتراق و بتكسر الكربون و بتنظف سطح البستم
هل الكلام ده صح؟

[mkmaly]

اذيك يا باشا ... بص يا جميللا لو عايز تنظف غرف الاحتراق يبقى بتجيب flush engin بتاع ليكومولي بس اهم حاجه يكون الماتور عندك بحالة الزيرو عشان لو الماتور عندك قديم ونظفت غرف الاحتراق الماتور هيفوت عشان طبقة الكربون دى بتكون سده حاجات كتير متأكله وبتكون الطبقه الكربونيه عاليه فلما بتتشال بتظهر مشاكل فى الماتور دى حاجه بس اهم حاجه لما تجيبه تقرا الارشادات الى عليه قبل الاستخدام
تانى حاجه ان زيوت ليكومولي خفيفه فى نسبة اللزوجه وتتبخر بسرعه فانت جرب تغير نوع الزيت لزيوت لشيل الاصفر وشوف ايه الاخبار او خليك على نفس الزيت بس زود نسبة اللزوجه من 50 الى 60 وجرب
وبالتوفيق

[michohat]

مش شفت زيت لزوجته اكتر من 50
و مش حابب استعمل الفلاش للموتور
وايه رايك فى الكلام بتاع رش المياه المقطره فى الكربراتير والعربية دائرة

[mkmaly]

والله يا باشا مجربتش الموضوع ده

[dr.hazem]

الميه في الكربيراتير علطول هتطفي العربية

انا سمعت عن ناس بتنظف ببنزين
بينزل الزيت كله
بيعبي مكان الزيت بنزين
بيفصل سلوك البجيهات
بتديها مارش كذا مره وتسيبها شويه نص ساعه كده
تنزل البنززين وتستنى اما يتصفى كويس
تغير فلتر الزيت
تعبي الزيت من تاني وانتهى
وسمعت انها ليها مفعول السحر....


مجربتهاش بنفسي...

تحياتي

[michohat]

كلام المياه فى الكربراتير دي علي كلام اللي قال لي انها هتكون رزار مياه زي بخاخه المكوه كده او بخاخه الجلانس بتاعه الزجاج
و فيه واحد تاني اكد لي المعلومه
بس الميكانيكي بيقول لي غلط لانك مش تعرف الكربون هيروح فين ع الصبابات ولا الشنابر

وكنت سمعت ان ممكن نحط زيت فى التنك مع البنزين

هل ف اضافه مثلا زي بتاعت تنظيف الرشاشات تبقي تنظف البساتم بدل الفلاش

[dr.hazem]

في حركة اتعلمتها من سبعاوي الله يذكره بالخير
تجيب منظف الكربيراتي السايل
وسرنجه 50 مل
تفك البوجيهات وتحط جوه كل سلندر 30مل بالسرنجه وتسيبهم نص ساعه
وبعدين تدي مارش مرتين تلاته وبعدها ركب بوجيهاتك ومبروك عليك

تحياتي

[m7mda7md]

انا جربت ال engine flush بتاع ليكوي مولي و معملش اي مشاكل الحمد لله و لو قلقان من ام المكنه تخف استخدم بعده سيراتك من ليكوي مولي...... بصراحه منتجاتهم محترمه

[michohat]

انا حاليا مستخدم السيراتيك فى الموتور
و الزيت لونه اسمر
فاكيد لو استخدمت حاجه دلوقت هتنزل السيراتيك من الموتور ولا ايه

[m7mda7md]

مش عارف الصراحه بس ممكن تسال في الموضوع بتاع الشركه.... في ناس بردو بتقول ان سواد الزيت ده معناه انه يعمل بكفاءه و بينضف الموتور و الله اعلم

[Dr.M_baz]

اذيك يا باشا ... بص يا جميللا لو عايز تنظف غرف الاحتراق يبقى بتجيب flush engin بتاع ليكومولي بس اهم حاجه يكون الماتور عندك بحالة الزيرو عشان لو الماتور عندك قديم ونظفت غرف الاحتراق الماتور هيفوت عشان طبقة الكربون دى بتكون سده حاجات كتير متأكله وبتكون الطبقه الكربونيه عاليه فلما بتتشال بتظهر مشاكل فى الماتور دى حاجه بس اهم حاجه لما تجيبه تقرا الارشادات الى عليه قبل الاستخدام
تانى حاجه ان زيوت ليكومولي خفيفه فى نسبة اللزوجه وتتبخر بسرعه فانت جرب تغير نوع الزيت لزيوت لشيل الاصفر وشوف ايه الاخبار او خليك على نفس الزيت بس زود نسبة اللزوجه من 50 الى 60 وجرب
وبالتوفيق

[Magoda]

هو ليه لما نبلاقى زيت الماتور اسود بنتخض
بالعكس
المفروض نفرح عشان كدته الزيت بيعمل شغله صح بينضف الماتور
المفروض نتخض لما نيجى نغير الزيت ونلاقيه زى ماهوه

[michohat]

سبب سؤالي اني لسه معمر الموتور من سنه والمفروض انه مغسول من جوه ومتظبط فعاوز اعرف فتره سنه تلحق تسود جوه الماتور

[فادى محمد]

-حضرتك هتشتري منظف كربراتير نوع نظيف ويففضل يكون امريكي
-هتدور العربيه وهي بارده هتفك العمه لو كانت كربراتير او خرطوم الهوا لو كانت رشاشات
-هتبدا ترش المنظف جوه الكربراتير او من فتحه البوابه بالراحه وواحده واحده
-هتلاحظ ان الموتور عاوز يطفي(نتيجه اختلال مكونات الحرق) عادي هتسند بايدك الشمال علي الاكسراتير وتزود للموتور علشان مايطفيش
-هتستخدم نص العبوه فقط
-الطريقه دي بتنظف رؤوس الصبابات والبساتم
-لاحظ ان حاجتين هيتوسخوا بالكربون اللي خرج من الموتور ..البوجيهات والزيت لذلك يفضل عمل الموضوع ده قبل ميعاد تغيير الزيت مباشره وبعدها نغير بوجيهات جديده
-النتيجه هتحس بيها من صوت الموتور اللي هيبقي انعم من الاول وتحس انه مرتاح ,جرب وادعي لاخوك
-الموضوع ده متجرب في اكتر من عربيه واولهم الفيكترا بتاعتي

[khaled sabry]

اولا حضرتك مقلق علشان الزيت لونه غامق
ده فى حد ذاته مايقلقشى لأن الزيت من احد وظايفه انه ينضف الموتور من نواتج الاحتراق المتسربه

هو ليه لما نبلاقى زيت الماتور اسود بنتخض
بالعكس
المفروض نفرح عشان كدته الزيت بيعمل شغله صح بينضف الماتور
المفروض نتخض لما نيجى نغير الزيت ونلاقيه زى ماهوه

بعد كده موضوع الميه اللى بتتبخ فى الكربراتير كنت قريت عنه قبل كده و قالك انه اكبر غلط
و كده كده الكربون على البساتم و على السلندرات من جوه بتبقى عامله طبقه حمايه و بيبقى معمول حسابها اصلا
لكن لو حضرتك كست الكربون ده باستخدام اى وسيله حتلاقى البساتم مابقيتشى محبوكه فى السلندرات زى الاول
لو مقلق فيه سائل تنظيف بيتحط مع البنزين بعد ماتفول لنص التانك كده ده بينظف دوره البنزين - انا جربته مره وماحستشى بفرق غير انه طول ماهو موجود حتلاقى العربيه مش مظبوطه اوى زى الاول

او ممك تستخدم منظف الكربراتير العادى و ده اللى انا بعمله و بحس بفرق ملحوظ بعدها
و طريقه استخدامه مشروحه بالتفصيل

-حضرتك هتشتري منظف كربراتير نوع نظيف ويففضل يكون امريكي
-هتدور العربيه وهي بارده هتفك العمه لو كانت كربراتير او خرطوم الهوا لو كانت رشاشات
-هتبدا ترش المنظف جوه الكربراتير او من فتحه البوابه بالراحه وواحده واحده
-هتلاحظ ان الموتور عاوز يطفي(نتيجه اختلال مكونات الحرق) عادي هتسند بايدك الشمال علي الاكسراتير وتزود للموتور علشان مايطفيش
-هتستخدم نص العبوه فقط
-الطريقه دي بتنظف رؤوس الصبابات والبساتم
-لاحظ ان حاجتين هيتوسخوا بالكربون اللي خرج من الموتور ..البوجيهات والزيت لذلك يفضل عمل الموضوع ده قبل ميعاد تغيير الزيت مباشره وبعدها نغير بوجيهات جديده
-النتيجه هتحس بيها من صوت الموتور اللي هيبقي انعم من الاول وتحس انه مرتاح ,جرب وادعي لاخوك
-الموضوع ده متجرب في اكتر من عربيه واولهم الفيكترا بتاعتي

طريقه منطقيه بس تخوف بصراحه -- جربها انتا الاول

الميه في الكربيراتير علطول هتطفي العربية

انا سمعت عن ناس بتنظف ببنزين
بينزل الزيت كله
بيعبي مكان الزيت بنزين
بيفصل سلوك البجيهات
بتديها مارش كذا مره وتسيبها شويه نص ساعه كده
تنزل البنززين وتستنى اما يتصفى كويس
تغير فلتر الزيت
تعبي الزيت من تاني وانتهى
وسمعت انها ليها مفعول السحر....


مجربتهاش بنفسي...

تحياتي