العربية بتبطل وانا ماشي على الرابع

[dr.hany]

السلام عليكم...انا العربيه عندى سكودا فيليشيا.ولمما بكون ماشي عادى بسرعه

هاديه مافيش مشكله.لكن لمما بفتح على الرابع او الخامس فبلقيها تروح مبطله وده

وانا بكون دايس بنزين.غيرت البوجيهات واسلاك البوجيهات وفلتر البنزين ونضفت

الكاربياتير بسبراي التنضيف وظبطت كهربة الاسبراتير.والمشكله لسسه

موجوده.فياريت

اعرف السبب..مشكورييييييييييييييين

[Akram]

انا كان عندي مشكلة تشبه بتاعتك في الـ 127 ,
و المشكلة كانت وانا ماشي على الرابع و اشيل رجلي من على إكسراتير البنزين الاقي العربية تبطل ,
و حل المشكلة كان في تنظيف خرطوم البنزين من التنك للكربراتير .

[mohamed ibiza]

انا كان عندي مشكلة تشبه بتاعتك في الـ 127 ,
و المشكلة كانت وانا ماشي على الرابع و اشيل رجلي من على إكسراتير البنزين الاقي العربية تبطل ,
و حل المشكلة كان في تنظيف خرطوم البنزين من التنك للكربراتير .

بظبط كده بس بلاش تنضيف بقي غيره و خلاص :D

[dr.hany]

اشكرك على الاهتماام..بس المشكله دى مابتحصلش وانا بشييل رجلى ولكنها بتحصل وانا دايس بنزييين عادى....فايه العمل

انا كان عندي مشكلة تشبه بتاعتك في الـ 127 ,
و المشكلة كانت وانا ماشي على الرابع و اشيل رجلي من على إكسراتير البنزين الاقي العربية تبطل ,
و حل المشكلة كان في تنظيف خرطوم البنزين من التنك للكربراتير .

[جمال]

شوف فلتر البنزين , ممكن يكون مسدود جزئيا و لايتجاوب مع السحب الكبير للبنزين فى النقلات العالية

معلهش مخدش بالى انك بتقول انك غيرت الفلتر , ومعرفتش الغى المشاركة

[hazem_khidr]

دي يا اما طلمبه البنزين
يا اما ابره الكاربيراتير

[Shiref_mohamed]

بص حضرتك الموضوع ولا بوجيهات ولا اسلاك خالص
اكشف على طلمبة البنزين هيه كهرباء وراكبة على فردة الشاسيه الشمال فوق الفتيس كده وكشف برضه على الكربراتير ولو انه احتمال كبير ميكنش السبب وتكون الطلمبة

[Ahmad]

واحد صاحبي حصلتله المشكلة دي في عربية فيات أونو.
العيب كان في جزء كهربي الصنايعية بيقولوا عليه " الالكتروني" . و فعلا صاحبي غيره و العربية رجعت زي الأول و العيب مظهرش تاني.
و للعلم هو مغيرش أي حاجة تانية و لا نظف أي حاجة.

بالنسبة للالكتروني في الفيليشيا , أعتقد أنك هتلاقي الجديد غالي , ممكن تشوف استيراد هيكون تمنه احسن شوية. بس اتاكد انه هو سبب المشكلة .

[dr.hany]

ياجماعه يعنى المشكله فيين؟انا احترت

[sab3aawy]

دي يا اما طلمبه البنزين
يا اما ابره الكاربيراتير

كنت داخل اكتب الكلمتين دول قيت حازم كتبهم

ممكن تكون ابرة العوامة بتاعة الكربراتير بتعلق وبالتالى الكاربراتير بيفضى، وممكن تكون طرمبة البنزين بتقطع

فك الكاربراتير واضبط الأبرة(عند بتاع كاربراتير) ، راحت المشكلة يبقى بها ونعمت، مراحتش يبقى غير طرمبة البنزين

[dr.hany]

طب معلش استحملونى.....الميكانيكى قالى ان العيب ممكن يكون فى الموبينه؟؟؟؟؟؟؟

[hazem_khidr]

طب معلش استحملونى.....الميكانيكى قالى ان العيب ممكن يكون فى الموبينه؟؟؟؟؟؟؟

لا موبينه يبقي العربيه حتقطع اول ما تسخن و علي اي نقله
انما حضرتك بتقول بتبطل علي الرابع فقط.
يا ريت حضرتك توضح بالضبط بيحصل ايه بتقطع و لا بتبطل؟؟؟؟؟؟؟
و علي اي سرعه ولا علي سرعه معينه؟؟؟؟؟؟؟؟
لانه واضح جدا من شرحك انه مش عيب كهرباء ابدا

[dr.hany]

اشكرك على الاهتمام...العربيه بتبطل خالص وليست بتقطع بس العربيه مابتعملش كده اللا وانا مسافر بيهاعلى الطريق يعنى المفروض بتكون بارده.والتبطيله دى مابتحصلش اللا على السرعات العاليه بس لكن غير كده مافيش مشكله.وعمرها ماعملتها فى عز الزحمة والحر او بمعنى تانى على الغيارات الاولى

لا موبينه يبقي العربيه حتقطع اول ما تسخن و علي اي نقله
انما حضرتك بتقول بتبطل علي الرابع فقط.
يا ريت حضرتك توضح بالضبط بيحصل ايه بتقطع و لا بتبطل؟؟؟؟؟؟؟
و علي اي سرعه ولا علي سرعه معينه؟؟؟؟؟؟؟؟
لانه واضح جدا من شرحك انه مش عيب كهرباء ابدا

[john_victor31081]

انا راى المشكلة دية لها صلة بالبنزين ولو كانت عندي في الورشة كنت هافكر بالترتيب دة (بس هية بعد ما بتبطل بتدور تانى بسرعة ولا لاة)
1- طلمبة بنزين
2-خرطوم نفس تنك البنزين الذى يعادل الضغط الجوي داخل التنك
3- ابرة عوامة الكربراتير
و لو كانت بتستهلك بنزين كنت هبص على الشفاط

واخيرا لو مفيش حاجة في دائرة البنزين كنت هبص على electronic module

[dr.hany]

لا بعد لمما بتبطل بتاخد وقت لحد لمما تدور.واسمحلى اى هو electronic module

انا راى المشكلة دية لها صلة بالبنزين ولو كانت عندي في الورشة كنت هافكر بالترتيب دة (بس هية بعد ما بتبطل بتدور تانى بسرعة ولا لاة)
1- طلمبة بنزين
2-خرطوم نفس تنك البنزين الذى يعادل الضغط الجوي داخل التنك
3- ابرة عوامة الكربراتير
و لو كانت بتستهلك بنزين كنت هبص على الشفاط

واخيرا لو مفيش حاجة في دائرة البنزين كنت هبص على electronic module