العربية بتبطل وانا ماشي على الرابع

[john_victor31081]

electronic module دة الجزء الخاص بتقطيع الارضى للموبينة والذى يجعل الموبينة تخرج high voltage يصل الى 40000 v

[john_victor31081]

ودة موجود فى الجنب الشمال (لو انت واقف امام السيارة)وفية اربع اسلاك 1
1 - أرضى.
2 & 3 distributor (الاسبراتير).
4 - عداد الRPM لو حضرتك عندك العداد دة.

[almanse27]

بسم الله الرحمن الرحيم

بسراحة انا حصل معاية حجات يامة واتبهدلت ياما كانت معاية عربية 127 فيات كانت مشكلة فى تدوير السيارة الصبح ممكن مترضاش تدور خالص الصبح معا العلم بان البطرية جديدة والدلمو كويس تدور مترضاش تدور والمهم بعتهة واشتريت عربية 127 فيات برضة مشيت بيها شوية لقيت صوت العربية عالى والعربية بتبطل لما تشيل رجلك من على الاكسلاتير فكيت الكربراتير نضفتة وركبتو اشتغلت كويس وصوتها هادى اروح بيها مشوار ترجع زى مكانت فكيتو تانى ونضفتو وركبتو اشتغلت بس صوتها عالى شوية وبعد كدة كنت فى مشوار بلعربية بطلت ومرضيتش تدور ولا مرش ولا زق رحت لميكانيكى قالى عوزة طقم شمبر رحت لواحد تانى غير بوجيهات ولعب فى تقسيمة الاسبلاتير وشغال العربية دارت كويس روحت بيها قعدت تبطل تانى رحت لاعب فى الاسبلاتير والكربراتير بقت كويسة رحت عملت عمرة كاملة للموتور عملت 1500 جنية وخت العربية ولسة فيها نفس الحكاية رجعت للميكانيكى تانى ظبطها واجى امشى من عندة تبقا كويسة امشى بيهة شوية ترجع تانى رجعتلو قلة الرداخ عاوز يتغير غيرتو برضو ركبت بتعها تانى ونضفت الكربراتير ولقيت فى مسمار بتاع الهوا الى فوق مسمار الى بتعلى بى العربية المهم لفيت على خيط وركبتو العربية اشتغلت كويس قعدت يومين وبعدين قعدت تخرف تانى بتقطع وتلاقيها تبطل لما تشيل رجلك من الاكسلاتير ولو شغلتها سرانسيى عادى بس بتقطع ومش عارف اعمل اية بس فة معلومة انى الدلمو عندى وحش شحنو ضعيف ممكن يكون العيب منو




وارجو الاهتمام (محمد السيد ) من الاسكندرية (0125236680)

[superior]

انا كان عندى مشكله زى ديه وكان العيب من البطاريه !! والدنامو وغيرت البطاريه وظبط الديناموا المشكله ديه راحت الحمدلله مش عارف بقى نفس اللى عندك ولا ايه

[alsad]

احتمال موبينة

[almanse27]

بسم الله الرحمن الرحيم بعد ازن الجميع تم بحمد الله اصلاح العيب ومعرفت سببة الاول بك السرنسية الى فى الكربراتير من فوق المسمار النحاس الطويل عرفينو وتانى حاجة فلتر البنزين الى قبل الكربراتير بيبقا علية سهم وهوا معكوس اقلبو وجرب وانشاء الله يكون خير لينا ولاي حد واللحمد لله ربنا قال وعلم الانسان ما لم يعلم سبحان الله والحمد للة وارجو من اى حد يكون استفاد من الاعطال دى يفيد بيها الاخرين والسلام عليكم ورحمت الله وبركاتة

[aboomar22]

الحمد لله انها اتحلت بس احب اضيف حاجة ليها علاقة بالموضوع لان نفس المشكلة حصلت مع واحد صاحبى وكانت مدوخاه ومش عارف الحل ايه اخيرا اكتشف ان تانك النزين فيه فلتر او مصفاه كانت هى اللى عايزة تتنظف يعنى بتطلع كمية بنزين قليلة فالعربية بتبطل على السرعات والعطل ده دوخ كام صنايعى لحد ماتم حله